爭鮮迴轉壽司 (大埔廣場)

营业中

休息中

今天是我老公40歲生日的大日子，他特別指明要到爭鮮吃迴轉壽司晚餐🤭星期五的晚上，也不是太多人，我們二人還可以有卡位坐，太幸福了，一定是生日之神幸運的眷顧🤩我們點了一共21碟壽司，有三文魚壽司、蟹肉蟹膏壽司、希靈魚壽司、赤貝壽司、吞拿魚腩壽司、蝦肉蟹膏壽司、赤蝦刺身、油甘魚壽司、芥辣八爪魚軍艦壽司，還有炸蝦天婦羅壽司。大部份壽司味道正常，沒有驚喜，也沒有驚嚇。壽星仔表示，食得好飽，開心地離去，滿足的一餐。

好耐冇食過爭鮮、所以就去咗食啦，而家壽司郎嗰啲周圍都係，但係都係好多人一等等幾個鐘。所以都會走去食爭鮮去人少同埋夠平，口味都係適合大眾多啲。由於我喺下午去啦，三四點嘅時候，人數冇咁多啦，但相對而言啊，食物嘅款式就冇咁多。但爭先有樣好嘅地方就係可以坐定定慢慢食雖然時間就話得40分鐘但係其實可以坐超過40分鐘咁又可以飲茶啦又可以食下薑咁.休閑可以坐定定休息之好地方👍👍👍👍👍整體食物 3/5環境 4/5

下午茶又唔想食太飽，迴轉壽司係一個唔錯選擇!而最緊要壽司種款多，不時轉款無來一排，轉了多款新食品好驚喜呀款款新鮮...點了十多碟！但有分三種色碟價錢$$$粉色碟$8、白紋碟$12、黑碟$161)小食鮑魚/1隻2)蒜片貝蝦壽司3) 醬燒八爪魚壽司4) 海膽蝦壽司5) 黃金魷魚6) 青口壽司7)吞拿魚蓉壽司8) 黑寄貝壽司9)赤貝壽司10)鰻魚蟹子壽司 11)章魚壽司12)小食鮑魚仔但"小食鮑仔"水準唔得13) 芒果布甸滿足曬!

其實本身都好少食呢種壽司但貪個方便同就腳就食左一次我個人覺得啦呢間鋪個衛生係好有問題D碟同枱都好dirty 又有飯粒員工做野是但求其真係搞唔掂wor……食物本身就冇野要但唔改善下真係唔得😓

基本上自青衣邨的爭鮮迴轉壽司倒閉了之後，都很久沒有再吃爭鮮迴轉，這天想起，在午飯的時候， 11時又突然多了些時間，就可以來再嚐一嚐。還以為大埔這間爭鮮好似沒有那麼多人，豈料原來遲一些，都有不少中老年人士魚貫入場。它的三文魚都沒有什麼特別，因為爭鮮本身的外賣飯盒，三文魚質素都差不多，不過迴轉的話，有些蝦好像比較划算。有隻是切開一半，然之後上邊有少許像海膽汁的，味道相當不錯。不過話說回來，現在的爭鮮迴轉壽司原來有些都加了價，例如一點只有一件，又或是當作兩碟計算的，不像以前一樣，竟然有一碟有兩件平價海膽，雖然味道當然與日式餐廳那種不同啦。就好似花之戀有兩大片三文魚，仲有蟹子，不過汁醬夠多，三文魚都夠肥香。另外的三文魚腩亦都是這樣，不過比起三文魚，魚腩的確較多脂肪，味道夠香。幾款蝦，可能因為夠大隻，起上來爽口，即使味道不算太濃，也不至於太差。有一款上邊有些海膽汁，定還是蝦膏，蝦夠大隻，上面的汁醬又夠鮮味。不介意吃兩件腐皮，腐皮本身有夠甜、配一些中華沙律，味道都不會太差。其他都不算特別，軍艦的帶子，小粒帶子，味道普通；吞拿魚腩單件的，肥香十足，比荵吞拿魚茸好吃得多芥辣八爪魚，亦都是細細一件，份量

😨下晝5:15去等晚市嘅壽司郎已經「暫停walk in」，所以去左食爭鮮。雖然魚生質素無前者咁高，但只要用心等待，都會有d幾新鮮嘅三文魚壽司，如果想食再好少少的，可以考慮黑碟（單件壽司）的三文魚腩！🍣都幾肥美的！😍另外再私心推薦兩款👍🏻👍🏻，第一款係孖碟（即係$8x2=$16）的甜蝦刺身，一共有差唔多15隻甜蝦，色澤粉嫰，食落都好鮮甜，係食爭鮮不錯嘅選擇！第二款係黑碟的芝士鰻魚壽司，呢款係新款，之前從來未見過，因為爭鮮款式比較少所以膽粗粗試下。結果比想像中好😳，芝士味鹹鹹地同鰻魚出乎意料地夾！芝士都好大舊，足料，芝士控可以試試！🧀🧀

爭鮮進駐香港多年，自己食開都係食外賣自選，真係又快又平。竟然未試過堂食，今次行經大埔，終於有時間坐下堂食，不過食黃昏時間都可要等20分鐘先入座。坐位相對係舒服，夠位擺壽司碟，基本上唔同種類的碟都試過下，覺得大部分雙碟都有質素，例如帶子壽司、甜蝦刺身、新口味的壽司等，另外有兩款壽估唔到都頗有驚喜，就係厚切鰻魚壽司和左口魚壽司。厚切鰻魚口感好豐富，加上都幾大件，有D難一啖過食哂；之於左口魚就好香多魚油味，口感都食到少少彈牙。以第一次食堂食而言，都唔算失望，仲有少少驚喜。

想食迴轉壽司🍣但又等唔到壽司郎，又黎左好多年冇幫襯過既爭鮮食，估唔到都幾好食喎，總共食左20碟，埋單$176，性價比超高。​​粉紅色碟（$8一碟）​蟹柳青瓜沙律：如果預先撈均左應該會好食d，佢冇撈埋兩樣野，變左分開食緊，冇左沙律🥗既口感。​三文魚刺身：一碟有3片，比較細片，價錢同質素成正比，因為都幾抵食，所以食左三四碟。​三文魚壽司：正常發揮，食左兩碟。​蟹子軍艦壽司：紫菜唔脆，普普通通。​忌廉泡芙：第一碟應該係迴轉帶轉左一段時間，忌廉入口即融，非常好食。但再攞第二碟既時候，雪得比較硬，要攤一陣先再食。​​藍白色碟（$8一碟一件）​油廿魚壽司（好似係）：好食，encore左多一碟。​油廿魚腩壽司：厚身既油廿魚，同黑碟刺身一樣好食，好食到掛住食冇影到呢一碟。😂​吞拿魚壽司：果然同其他壽司店一樣都係好腥，係咁多碟之中最唔好食。​火炙三文魚壽司：完全食唔到🔥火炙味，有點失望。​花之戀壽司：佢既沙律醬味🧂好怪，唔太好食。​黑色雙碟（$16）​甜蝦刺身：有成11條🦐甜蝦，都算鮮甜。​油廿魚刺身：一碟3片，油脂味道豐富，忍唔住會想食多碟。​

大埔有間爭鮮門口經常有人大排長龍，不如就今餐搵出咩原因啦，首先當然系要體會下排一陣隊既樂趣先，餐廳內部環境光猛感覺舒適衛生，迴旋壽司不停移動輸送已經帶起我強烈既食欲，坐低即刻駛出無影手取下三文魚壽司，成塊魚蓋住曬團飯令人十分滿足，入口即化的新鮮感良好，細細一件魷魚壽司都好精彩唔單調好食也，揀左份煮熟過既青口上面有特製配料醬汁一齊入口實在好味，跟住又試下一份勝載成碟既蝦刺身擺放姿態美觀食落好新鮮，再來一份帶子裙邊味道獨特，可以完美體會到咩叫做享受精品美食!

自從有次爭鮮堂食後，發現啲壽司唔新鮮之剩衞生情況又麻麻，有啲壽司連蓋都無，而且裝壽司既碟又有漬，所以之後食爭鮮都係買外賣算了，事隔多年今日就再試下堂食既質素，不過今次就係第二間分店堂食，依家做梗碟碟八蚊優惠。😍三文魚都算肥美。呢款係堂食產品，芝士蟹肉玉子燒，味道唔錯，不過口感就硬咗啲。呢款壽司個樣幾得意，重以為係咩魚咁特別，原來係燒粟米壽司嚟，估唔到連明將既款式都會係度出現。不過當我坐耐咗問題就出現喇，我發現迴轉帶啲壽司係完全無出過新既。。。。同一碟既海膽軍艦係我面前不停出現，果碟海膽軍艦本身都幾靚仔吓，但經過一個半小時後，我見證住佢啲海膽開始溶化，我真係唔知佢究竟係度放咗幾多個鐘 🥶 壽司款式真係無嘜，只覺得前菜就最多，因為無人食所以都應該放咗重耐，當你每食一碟壽司，廚房又唔出啲新，變相只得啲無人食既壽司同前菜係迴轉帶上，到唔知邊枱新客入嚟食咗佢，加上又好似無得order，感覺啲新客人入嚟係食啲唔太新鮮同無得揀既壽司同前菜。

前日突然好想食爭鮮，於是一行3人就去左排隊，估唔到8點幾都噤多人！見到佢地出左個迷你飯，好想試啊！個飯的確幾迷你，但味道唔錯啊！可以一試，十月會有鰻魚迷你飯，到時再試😂

抵食，好多選擇，多左熟青口，大大隻仲加左沙律醬再經過炙燒更加香囗好味。仲有花之卷壽司好抵食，元Ｘ壽司賣緊二十幾元碟，爭鮮都系八元碟。厚切鰻魚壽司，大大件鰻魚好有囗感又鮮甜，必食之選。

早排見佢有優惠，$6一碟，同屋企人食左一餐。 本身爭鮮就係比較平價既壽司店，有時都好多人排隊，質素上。大家就唔好抱太大期望啦😃 味道正正常常啦，平時都多食三文魚，熟蝦，玉子壽司👏🏻

爭鮮一向都走低價路線, 唔貴, 但都唔好expect d food quality會好好味/新鮮 而且要限一時間交檯 真係只為填飽個肚.款式唔多, 亦好多時條壽司bar都係得D大路野, 三文魚同D熟食壽司就見得最多. 最中意食火灸三文魚壽司, 夠肥美夠滑, 配埋夠有醋味既壽司飯好開胃! 三文魚魚生就好多時都好瘦, 紋路唔令唔夠肥, 建議都係食三文魚腩會好味D!

我在2月10日星期六下午，與家人一起到大埔廣場這間爭鮮排隊午飯， 因家姐在附近工作中， 我帶同家姐的兒子想約她高興地一起吃壽司， 亦約了妹妹， 她帶我們姪女一起正在前來， 我和家姐， 她兒子先排隊， 門口一位四眼男侍應問我幾位， 我說5位，之後他不斷給後面3位，2位，我們當時排最前跟著便輪到我們， 我過去問他：你係咁比後面其他人數入， 咁我地要等到幾時？咪唔洗入？ 我仲有兩個嚟緊， 已就到。 他態度是無乜禮貌，大聲地只懂說：公司規定，你未齊人唔入得。我忍他， 走回繼續排隊。 之後他繼續入其他人數， 3人， 2人....我明白未齊人唯有等， 再隔了約15分鐘， 見到終於有5人埋單走，心想咁入得喇掛！我家姐趕時間食完要返公司。 這位四眼的男侍應問我齊人未， 我話就到， 因為妹已打給我就到， 佢即刻話： 未齊人唔入得。 我當時就忍不到了！ 我心想， 你地咁固執只懂走幾位入幾位， 不懂看情況執生， 我同佢講： 都話就到， 我家姐趕時間。佢繼續保持固執：公司規定。 我問佢：咁我地等到幾時先有得入去？ 唔洗入去啦， 都話趕時間。 佢一句唔好意思都無！而且很無禮貌！ 我就走了， 浪費了我地半小時！我