愛家 (已搬遷) 新店位置

今天出灣仔處理一點事，由於現在茹素，所以到愛家食午餐。那裡有是日午餐($39有4款只配是日餐湯-金銀菜羅漢果湯)、而套飯餐、炒飯餐、湯麵餐、炒粉麵餐和冷麵餐，都可配湯或飲品，於是我就叫了一個套飯餐：愛家漫波排飯($49)，跟麥香紅茶，漫波排其實是素饅魚，每塊素饅魚都有一塊紫菜，質感都幾似，加配日式醬汁，味道就好好味！配紅米飯十分健康，又有大量伴菜，伴菜製作不馬虎，都是很好！而麥香紅茶沒有冰，只是雪凍，不會弄得淡而無味，不太甜，都幾消暑！店內環境不錯，但聽說將會搬遷，問過店員，她說要留意網址。他們標榜無奶無蛋，對於全素人士都十分適合。給我看到一張Poster，原來有素狗糧，應該對狗狗的身體健康呢！整體今天十分滿意，十分享受，所以買多個外賣回家晚點弄熱吃！^^

有時好奇怪，一些想去試的餐廳，往往因為各種原因而無緣品嚐；有些餐廳明明不太喜歡，卻又會去完又去，這或許就是食緣。正如無肉不歡的我，對素食毫不感興趣，卻是一而再，再而三的來到這家素食快餐店。食齋，我當然沒有什麼心水食物，所以也是求其的選了一款快餐，是回鍋素玉飯。用的是紅糙米，整碟飯的顏色配搭都算幾好。然而，回鍋肉的質感一點也不像，唯爽彈的口感，仍未嚐不可。少許的辣，正好抵消了我對紅米飯的不滿。在這地方真的不要叫凍檸茶，盞自已攞來衰。

本身自己喜歡吃素，所以工作上有時路經此地亦會吃下午茶。但今次做完運動一個人搵唔到地方食野，便來了食晚餐，是第一次。看見晚餐的價錢其實不算平宜，平均都要$40以上，而且本人對扮肉的素不太喜歡，所以想了很久才想到吃什麼。最後叫了台式飄香飯加例湯，是有驚喜的。紅色的飯煙煙軔軔，好似糯米的感覺，但又唔硬。而伴碟的汁有點辣的感覺，但又吸引，食唔停口。還有伴碟的菜，比出面的多，而且很入味又夠新鮮，如果再多些就更好~而例湯是西洋菜湯, 飲的時候看到幾粒肉碎，原來是豆製肉, 賣相和真的瘦肉真的沒有什麼大分別, 望到都嚇左一嚇, 但飲得出湯是無味精的，很清很舒服。雖然價錢貴了少少，但好喜歡這裡以快餐店的形式但又夠靜，冷靜一下心靈，食完又可以坐幾耐都得，一個人食飯都可以好有樂趣。

素菜泡泡，其實就即系素菜包。 內容一d都唔欺場，從頭食到尾都一直有菜同埋素肉伴住。加上不含蛋奶既沙律汁，味道非常好!麵包系烘熱的，鬆軟可口，同爽脆的蔬菜非常夾。不過依然系即叫即整既通病，等待時間比較長。所以來得依度食野，記住要靜下心來慢慢等待，慢慢欣賞。另外一提個6蚊既牛蒡沙拉，牛蒡切成絲狀，入口爽脆，一d都唔硬。唔知系用咩汁來撈的，帶少少酸辣，味道非常好，又開胃，值得一試

聖誕節過後，與友人見面，我建議素食清理腸胃，於是下午茶時間到來。友人點了紅麴米飯及菜湯，餸內的素肉碎及瓜菜，素肉碎有點辛辣，紅麴米飯質地不似其他糙米飯類較硬，也能接受。而我則點了雜菜沙律及素菜飽，還有無酒精的麥啤酒。雜菜沙律份量不少，可與友人分享，沙律也新鮮即制，沙律醬是低脂，也不怕肥，素菜飽內素肉的味道也可以，麫飽也微暖，再配麥啤酒，麥啤酒來自德國，味道似是可樂，其實是黑麥汁再加上其他配料製作，$20/罐也不便宜。餐廳是快餐自助模式，這裡簡潔衛生，見到也有些外籍人士光顧。另外在收銀處，有不少素食材料及飲品寄賣，可以買回去一試，還有一本免費贈閱的書『健康素時代』，內有介紹不少素食資料，例如素食菜單及全香港素食店資料，也值得一看!

本身唔系什麽素食主義者~~~~但系從來都系中意食菜多過食肉~~想試Loving Hut好耐噶啦~個日終於穩到機會去食個午飯~坐落見身邊都系上左年級既公公婆婆~~~~其實年輕人亦應該多d注意吸收纖維質噶~點左紅麴米炒飯~落單時見到個收銀姨姨都系食它~~餐湯系羅漢果西洋菜~仲有一碟仔青菜都等左幾耐下~~而且個陣時人亦唔算特別多~~如果平時lunch hour得個少少時間等得來就真系唔使食了其實湯同青菜系整好噶了~~~可以先上等人邊飲湯邊等嘛~~~一上來我不禁哇左一聲~~~~好大碟飯啊.......按我平時食量都可以食三餐了....湯非常之熱~~~我又習慣先飲湯再食飯喔~~~所以搞到好狼狽>o<青菜好似有陣麻油香~~清淡得來好好食~~紅麴米炒飯睇起身好似西炒飯~~~但系只米本身既顏色~~~因為走左蔥蒜~所以食落比較清淡~一d都唔會油膩~~飯身亦算比較軟~因為我好努力甘扒左好多后亦唔會覺得頂住頂住~~~相反d青豆粒就比較硬~~雪藏貨色~~48個飯喔~用雪藏豆好似欠左少少誠意咯最終都系食凈差不多一半~~~又趕住去其他地方無得打包~~好浪費啊同場的公公婆婆更系食唔到甘多噶~如果可以

4月24日,灣仔行街行到攰, 夜晚嚟咗呢間素食嘅快餐, 唔係好多人, 要自己買飛再去拎, 好自給自足feel~::: 七彩紅趜米炒飯 ::: $43一個飯配上例湯和油菜, 望落真係好健康~ 湯當然係以蔬菜為主, 有南瓜同粟米, 雖然好少飲素菜湯, 係少咗d肉味, 不過都好清甜, 絕對唔需要肉去吊起d甜味~ 油菜都只係洽過下嘅椰菜, 好爽好新鮮, 有清新感而冇油膩感, 幾好~ 再來個炒飯, 七彩當然係指雜豆, 仲加埋d提子乾, 酸酸地甜甜地真係十分開胃~ 而炒飯都好乾身, 要做到一粒粒飯分開其實要落好多油, 可能佢地用嘅係植物油啦, 應該都健康d嘅~::: 什菜沙律 ::: $22什菜沙律雖然材料都只係得菜, 但賣相都十分色彩繽紛! 除咗有常見嘅沙律菜之外, 仲有豆芽、青瓜、蘿蔔、番茄同埋提子乾! 全部材料都好新鮮~ 口感清新又爽脆! 加埋佢個沙律醬, 好似都係自製的, 味道似千島醬, 但食落就無一般沙律醬感覺咁肥膩, 反而有種豆香, 好似係落咗少少豆腐落去整架~ 好有趣! 成兜野都幾大兜~ 夠飽肚!本身我就比較少食素, 因為大多數齋店都係賣素雞素鵝素叉燒呢d扮肉嘅豆腐渣, 就唔係太鍾意

是時候素食，早前曾往旺角常悅兩次及尖咀的大自然一次，卻沒法令我滿意，因為為仿肉而仿肉，另外味道不討好:太鹹或味道與名稱失實，故是次特意為品嚐純素之味，親臨灣仔愛家，當天未算是午飯時間，很快便找到位置。當天還有許多和尚正在用膳中呢，實在不敢打擾人家，故沒有拍照。選擇了一個七彩紅麴米炒飯（套餐：選擇了餐湯－合掌瓜雪耳，加了一碗炒菜－內有甘荀絲、高麗菜和翠玉瓜），另外加了一提拉米蘇。炒飯可選擇走蔥蒜，下次會試試，或許走了蔥蒜會清一點。提拉米蘇製作過程沒有加奶和蛋，不是如蛋糕的實在感，卻味道不錯，下次有機會我亦會再試其他糕餅，是日的素食午餐，很滿足！！！

朋友帶領之下到灣仔愛家晚餐。清雅而整潔的地方，非常熱成的收款員，另你有舒服的感覺。照燒吉丁 $26，買回家蒸熱，味道也非常濃，吉丁質感可接受，但都不推薦。味道超濃，買回家煎，漫波排好易碎開，不推薦。我們一行四人，坐下堂食。三絲炒拉麵 $43牙菜，雲耳，棷菜，很香口，不太肥膩，味道好好。七彩紅麴米炒飯套餐 $43飯炒得非常可口，飯適中軟度，菜是棷菜，味道也非常好，不是應酬式而無味的配菜。菠蘿咕嚕玉套餐 $49咕嚕汁適中，但玉質太實，食了一兩件就不想再食，紅麴米飯普通。咖哩粉皮 (忘記正確名稱)咖哩味不太濃，粉皮和雲耳滑口，清淡得來好好食。堂食的食物是非常清淡，比起大自然素食和金膳健康素食還要清淡，不習慣的人可以能接受不到，但食物的樣貌非常美觀，可見得是有心去做的。

灣仔都有好多齋舖, 但係大型快餐就暫時係呢間 (好似灣仔街市都有一間, 不過好少選擇)食過好多次, 最鍾意食佢個咖哩炒飯同三絲炒麵, 2 個都好好食 (炒麵好好食, d 假肉就無食過)!有一次貪過引叫左齋啤酒飲, 我就唔鍾意啦....味道有 d 古怪!佢另外有個紅菊飯, 好健康, 都唔係度度有, 注重健康既人可以試吓! 以前係美國同台灣都食過愛家, 不過口味都會略為調整迎合當地口味, 個人就比較喜歡香港呢間....不過唔係樣樣野都好食, 個 d 扮肉既齋, 我就覺得好核突!!! 雖然我唔信教, 但係由細開始食齋, 係唔會食扮齋既肉多數都係 set, 亦有散叫既. 佢 d 蛋糕係不含蛋, 食過一次, 幾好食, 鍾意食蛋糕既人可以試吓, 健康嘛!噢, 佢個跟 set 既例湯通常都好好飲, 不過唔知有無味精啦

一向唔抗拒食齋，始終要食得健康才能長食長有。但有時中式齋反而很油，真不知是健康定唔健康。今日同事提議到Loving Hut，原來，用中西合壁煮法，少油得黎感覺健康得多。午餐一個$34，灣仔黎講唔算貴，而且全用紅麴米（或稱紅米），紅麴米營養價值唔駛多講，自己上網search都一大堆，所以其實幾抵食，唔怪得中午經常人頭湧湧。紅麴米其實幾惡煮，如果你屋企有煮過就知，好多時都煮到過硬，呢度既就無呢個問題了。我地三個人食叫左三個餐，每個餐跟例湯，而且每個飯都有大量蔬菜伴碟。是日例湯為西洋菜羅漢果湯，一看已知無油，一喝之下好香羅漢果味，再加上西洋菜和紅蘿蔔，只齋也能煮出甜湯。麻婆豆腐雖標明是辣，但其實一點都不辣，始終以齋為主，味道是偏向淡的。豆腐是大件偏實類，並不是平時食到的豆腐肉碎麻婆豆腐。粟米吉列扒是三樣中最好味的，吉列扒做得很似肉，當然厚厚的炸粉應記一功。葡汁芋頭素玉名字和某政客很似，以汁計，這個葡汁是最好味的，但只限味道，因為用芋頭煮，質感過杰，完全是一pat pat；脆玉瓜不錯，芋頭有點硬，感覺只是一般。雖是吃齋，但不會覺得不夠飽。偶一為之，絕對不錯。

很久以前來吃過飯，覺得水準不太好，幸好今回再來，食物好吃得多了。朋友們願意長途跋涉陪我到灣仔一試這家Loving Hut，因為那兒有無蛋無奶素糕可以慶祝我生日 我們吃了－－糖醋素魚飯：強烈推介！吃得大家欲罷不能。朋友們也喜歡配飯的紅麴米。七彩炒飯：也是用紅麴米炒的，味道不錯，但顏色可能被紅麴米搶了鏡，感覺不夠七彩。愛家炸醬麵：很久以前吃過是辣的，現在不辣了！醬汁既多又好味，這是大家吃得最快的一碟。小點有蒸餃子和壽司，不消一會便吃光了。甜食有香蕉素糕（超香的香蕉味）、綠茶棋子餅（味道像冰皮月餅）、純素蛋撻（朋友們說酷似真蛋撻，我隨後買外賣回家再吃）飲品有紅粉佳人、黃金海岸、枸子茶。我喝的是紅粉佳人，是冷飲，味道很特別，很好喝。這店有多種類型的純素食品，又坐得舒適，價錢又相宜，最重要是食物味道變好了，希望下次有機會再去。

呢間素食"飯堂" 已經成為我1, 2week必到之處. 因吾想食太多肉. 而且, 佢d 炒野真係好夠wok 氣及好好味....九龍灣店就做吾到呢個效果la是日, 我和同事叫左以下set: -干炒河: 好香, 炒得好均勻, 而且無咩油, 仲要超好味 推介推介烚菜: 無咩特別, 有少少咸味, 只為食多d veggie7彩炒飯: 用吾同既菜粒 / 豆粒黎炒, 一樣敢有wok 氣...不過味道比炒河失色. 我都係鍾意炒河多d 是日例水係: 羅漢果煲西洋菜, 清熱, 不過味道有d怪 吾arm我口味service, 呢度係self serve 的(似大家X / 大快X), 想有人serve就吾好黎la

人生可有知己!!???有的,但真係唔會多.尋日有幸和我呢位大忙人美女翠絲相約在愛家.friend到食素都肯陪我,呢d真係知心好友,始終大魚大肉大家先會覺得係美食.其實愛家的食物真係清新健康有益,希望陪我來食的人.第時會變為主動來食.因好的嘢(愛家)想同好友分享嘛美女係一位大忙人.我食飽左個勝瓜紅米飯餐.跟住美女來到時叫左個菠蘿咕嚕飯,呢個比較啱d少食素的食客,因味道惹味,充滿菠蘿和青紅椒,主菜咕嚕球有少少脆口,又不會太熱氣,大家都話好味.我地又叫左杯黑麥滋兩份飲,是素啤酒.一直想試,但大大杯,今次兩個人share實在太正喇.大家都感覺味道好似飲緊羅漢果茶咁.不過變左有氣版咁囉.上網search黑麥的資料如下:黑麥汁: 100%純天然全穀黑麥芽釀造而成,絕無化學添加物及防腐劑，含多種天然營養素﹕豐富蛋白質、天然鈣質、維生素Ｂ群、Ａ、Ｄ、Ｅ、硒、鐵、鋅、纖維質----營養素均衡。 黑麥汁是機能性飲品，可提供懷孕婦女所需養分，亦是產後坐月子的調養品，更能補充素食者較缺乏的維生素B群，及老年人逐漸流失的鈣質原來是有益飲品.大家下次去到愛家,不妨一試

事緣和大頭諗住落天后轉巴士去山頂,點之巴士要12noon先開,我地早左,於是又要搭番叮叮去灣仔轉車,於是順便帶大頭去loving hut食番餐素清腸胃11am多d去到,都有人食緊嘢囉.紅米飯食過一次好好味,今次試吓佢地的炒紅米飯.都一樣咁得,呢個叫休菜虎苔炒飯,虎苔係d海藻類的嘢,食落有點紫菜feel.所以好開胃.不過炒飯和普通紅米飯的話,我覺得無炒的更香(個人觀感)食完呢個炒飯和大頭所叫的咖喱炒飯,到晚上喉嚨有少少痛,可能係熱氣吧.但飲完自家制的羅漢果茶又無事星期日的餐單,無左平日lunch的紅米+餸餐,同埋好似再貴d.loving hut的素食好清新.d菜本身價錢都好貴,所以佢地經營都唔係咁易架,絶對值得支持重想試埋佢地的牛蒡沙律,壽司,原個南瓜甜品等等順帶一提.呢度環璄坐得好舒服.可能星期日早上,無咁多人.望到條街又好relax.收錢個姐姐又靚女又好笑容大埔和將軍澳,九龍灣都有分店,如果區區都有就好,一定會成為我的飯堂.其實大魚大肉係好味,但過度吸收蛋白質並不是好事.要適量!食素食得均衡的話係對身體好,大家多多支持喇.當素食更普及時,價錢便可調低d囉.