爹仔串燒

营业中

休息中

今日放假試下食新野，見到其他朋友都分享依間串燒鋪就試吓先，當晚餐咁食叫左好多，兩個人食到好飽，本身我叫唔辣，但係店員推薦小辣好好食，咁就試下小辣，佢哋幾好又可以分醬比一個唔辣，一個小辣，岩曬每個人唔同既口味，所以我個人極力推薦啲串燒🍡🍢因為加埋個沙嗲醬真係好好食😋另外茄子🍆燒到好淋一夾就夾到啲肉出嚟，啲汁入曬落條茄子入面，韭菜就落粉好開胃，燒菠蘿🍍都係落咗啲汁咁燒，好甜多汁，以上依幾樣都係我覺得好好食👍個人都推薦

三仔爺串溫馨小店。港式小店，爸爸老闆同阿哥細佬主持。老闆有心機燒、兄弟兩人都好熱情。四個人食霄夜、傾吓偈，最重氣氛好、食物質素好。有幾款值得嘗試-雞軟骨燒得好野味、石蠔（已經忘記影相）新鮮同有自家調製豉油、一口牛用沙爹汁燒、雞泡魚干唔乾、魷魚鬚好爽又彈牙、個沙嗲醬另上又野味、仲有炒印尼撈麵都值得－試、韭菜燒得剛好無渣。唔重好味，晚餐小敘都可以考慮😃環保用具👍🏻值得改善飲品可以再冰凍尤其啤酒，要提供紙巾都好重要🤣

啲嘢食真心好好食，老闆係有D料到，有夠細心，我唔食辣，佢幫我地分好晒，原條茄子都可以一半辣一半唔辣，串燒味道真係十分唔錯，老細又講得笑，環境真係有種戶外既風味，真係好正，不過比較靜，要多啲捧場！！！，佢啲海鮮嘅調味真係好好食，串燒又燒到啱啱好，又有少少窿邊，又脆皮，雖然款式唔係好多，但係有唔同嘅口味，啱晒一家大細去食，同朋友飲酒吹水又食得，佢個燒茄子同韭菜真係好惹味，連我呢啲平時唔食菜嘅人都會食菜，真係好好食

最近我有幸品嚐了一場令人垂涎欲滴的串燒美食之旅。這次的饗宴讓我對串燒的多樣風味有了更深刻的體驗，每一口都讓我回味無窮。首先，讓我來描述一下串燒的選擇。這家串燒店提供了各種各樣的肉類和蔬菜，從嫩滑的牛肉片到多汁的雞肉串，再到口感豐富的海鮮類，真是應有盡有。我特別喜歡他們的燒烤技巧，每一串都烤得剛剛好，外焦內嫩，保持了肉質的鮮美。店家的調味料也是一大亮點。他們用不同的醬汁和香料來提升串燒的風味。有辣味十足的辣椒醬，也有微甜微辣的蒜香醬，每一款都帶來獨特的口味享受。我特別推薦他們的秘製醬汁，它融合了多種香料和調味料，讓每一口都散發出濃郁的香氣。除了肉類，他們的蔬菜串燒也同樣出色。烤過的蔬菜保留了自然的甜味，口感鮮嫩多汁，給整個串燒體驗增添了層次感。除了美食本身，這家串燒店的服務也一流。

本身係附近做野 留意到爹仔 遠處到聞到佢地既串燒香 今日同朋友一試 畢身難忘！ 一定要試既就係佢地既燒生蠔 蒜香配上秘制醫汁 口感極上。如果你有叫佢既秘製炒撈麵 不妨留番啲蠔汁 用黎送撈麵 絕對係舉世無雙！另外不得不提既就係漢堡扒芝士大啡菇！ 有創意得黎，只感又非常之過癮😍😍。串燒選擇多之餘 ，亦有其他串燒套餐。老闆靚仔又好心地🥰 ！ 呢個地方最岩約埋三五知己聚一聚， 環境乾淨舒服。如果你係揸車黎既話，路邊亦有位置停車。下次都會再黎！

之前見朋友post過出嚟話依間串燒鋪好好食，今日10點幾放工就叫個外賣試試佢🤣WhatsApp落單叫左條茄子 菠蘿 芝士漢堡大啡菇 一隻扇貝 一個撈麵 雞肉 牛肉 豬頸肉 五花腩 ，中辣🤤🤤 放工反到去岩岩好拎得，反屋企發現好似叫得太多野，叫屋企人幫手分擔一下先🤦‍♀️好食真係❗️❗️撈麵世一🤣未食過咁好食既撈麵，之後仲有菠蘿好甜好正😊個沙嗲醬加落串燒到都好好食🤤茄子又夠多蒜夠熟🤤扇貝仲加埋芝士令到個味道升級左成件事🤤賣單百幾蚊又平有咁既質素真係真心推介要❗️重點係同出面啲串燒唔同

街邊小食風味串燒 即燒即食 老闆服務態度佳 秘製沙嗲醬更惹味 老闆大方 大大兜醬免費任你點 推介 燒韭菜 燒茄子 燒生蠔 燒一口牛 燒羊肉 燒菠蘿仲有套餐 大大份撈麵+汽水今次已經係第三次嚟幫襯 好味道要 encore 再 encore

今日係荃灣附近接完job ，開openrice 睇下附近有乜野食，就睇到依間食評幾好，近近地就去試下，我平時食串燒必食既，茄子🍆菠蘿🍍韭菜，依一間全部都有我就點曬，茄子燒到好淋好正，菠蘿燒到好甜仲幫我剪埋好貼心🫶🏻韭菜酸酸哋，開頭我以為變埋咗問班先知原來係落咗青檸汁，好開胃🤤之後我仲叫咗一啲串燒，配埋沙嗲醬味道簡直一流，仲特登留返少少沙嗲醬點其他食物🤣仲有個沙嗲肥牛金菇都好好食，叫咗個細撈麵，本身以為係普通嘅印尼撈麵，開盒個時個樣都似，點知識落去原來唔係好好食喎🤤🤤下次經過一定會再食過👍

好食,燒到岩岩好,門口又可以擺到下車,十分方便,推介燒香蕉,非一般撈麵幾個伙記又nice,有講有笑,難得黎到荃灣,就諗起佢地串燒好食,要黎整返兩串,沙嗲汁分開上,鐘意食既可以點,另一半唔食可以唔點

今日既宵夜係串燒‼️‼️今晚3個人叫左好多野，有雞腎，雞翼，雞軟骨，和牛，豬頸肉，羊肉，大腸，雞泡魚干，茄子，生蠔，細撈麵，台黑腸，芝士腸，蒜蓉粉絲扇貝，魷魚鬚，漢堡扒芝士大啡菇，沙嗲肥牛蒜蓉金菇，燒香蕉朱古力加煉奶，仲有三支嘢飲，差唔多成張餐單叫一次咁滯🤣強烈推介‼️要嗌燒香蕉🍌煉奶同朱古力醬，同埋蒜蓉粉絲扇貝，勁重蒜🔥🔥台灣黑椒腸同羊肉正，點埋沙嗲醬更加正😍😍仲有一定要嗌雞泡魚乾💯燒得焦香 又甜又脆🤤價錢幾抵 重點係開到凌晨12點幾一點😆

今日朋友去我屋企，大家都肚餓就諗住食串燒，之後揾到依間新既串燒鋪就試下先，點知真係唔係伏堅係好食，我哋叫左3個人份量，落單無耐好快就收到左外賣，我哋就迫不及待開餐，因為真係當晚餐咁食，首先要大讚既係個沙嗲醬點啲串燒好好食，我哋叫左3份洋蔥肥牛，一條茄子，3份雞泡魚干🤣同好多5串雞肉，5串和牛，5串牛肉，仲有腸仔同丸既串燒，仲有2條燒香蕉🤣未試過就試下，我個人黎講好鐘意燒香蕉甜甜哋加埋朱古力醬簡直一流🤤

朋友介紹左依間串燒好耐，今晚終於有時間試啦，手機落單講左大約幾點拎，好準時通知我可以拎👍🏻拎到反屋企仲熱辣辣🤤個醬汁沙嗲醬好食配啲串燒，丸又外脆內軟，加埋d汁落燒物好惹味，茄子好新鮮，鎖得住啲汁好肥美，啲汁幾平均唔係得陣重蒜味，爆汁洋蔥肥牛勁想配個飯，芝士漢堡扒大啡菇少咸但係新鮮既，雞泡魚干個味係幾滋味，可能薄身d會增加個脆口感，整體上全部都野食都好好味😋可能路途有啲遠野飲拎到反去就無咁凍🤣下次可以再食過🤣

夜晚肚餓揾到依間串燒鋪諗住試下，就Whatapp去間鋪頭問佢收左未，好彩未姐唔係都唔知點算好，附近無乜嘢食，咁我就whatapp落單，點左一人份量嘅嘢食，見到餐單都比較多肉類，就問吓店主有冇菜佢就推薦金菇肥牛，咁都好又有菜又有肉，然後叫咗隻扇貝店主又推薦加芝士仲好味，咁又試吓先。我一個人叫左一串雞翼，一串和牛串，一串豬頸肉，一份扇貝，一份金菇肥牛，仲有細撈麵，小辣。好快就拎得，反到屋企即刻開餐，估唔到個麵同和牛串幾好食，沙醬另外比我用黎點串燒，份沙嗲醬金菇肥牛，估唔到都好好食用嚟撈飯就正🤤👍🏼可以下次再食！

今日同男朋友出去行街，行到咁上下想揾野食，就問男朋友荃灣邊到有好野食，本身男朋友好熟荃灣，有咩新開好食既佢就會知，佢就帶左我去依間串燒鋪到叫串燒反屋企食，我哋兩個人想食多啲因為成日無乜食嘢掛住行街，所以叫得比較多☺️叫得最多係豬頸肉叫左8串😌6串雞軟骨😌5串韭菜😌其他都2串2串咁同埋一份生蠔2個人分😝我哋2個人叫左六百幾蚊🤤唔知係咪太好生意有幾樣得反幾串店主幫我哋換左其他野，好在味道又幾好👍🏼唔差唔差，最特別係食到最後食個條燒香蕉，又唔會太飽肚，下次再去要就住黎叫，因為依到串燒既份量比較多👍🏻👍🏻

星期六夜晚冇嘢做，就梗係要食串燒啦，呢間串燒非常好食，沙嗲醬勁出色，係偏甜的口味，沙嗲味好濃有好香嘅花生醬香味，唔使等好耐就可以食。服務一流，速度快，生蠔好好食，外賣都唔會覺得腥，其他肉類串燒火候控制得好好，係我鍾意嘅串燒類型，下次再試吓其他面同埋扇貝，燒茄子啲蒜蓉好好食，豬頸肉，五花楠，牛肉串燒好食到飛起，豬頸肉燒到脆卜卜又有肉汁，五花楠肥瘦相間，牛肉都好有口感，哈哈。小辣唔係好辣如果食得辣嘅朋友可以試吓中辣/大辣！