爹仔串燒

营业中

休息中

一班人今日放假出去玩完，想搵地方醫肚，上網見到荃灣開了一間串燒，就去試下。荃灣站經商場行過去好近，好方便。去到見到廚師喺度燒梗的食物好吸引，所以就即點了，豬肉串，雞肉串，雞軟骨串，牛肉串，雞翼，菠蘿，茄子，墨汁台灣腸，撈麵.........嗰啲豬肉同雞肉食起嚟外脆內軟，味道啱啱好，嗰啲茄子原條上，好大條，放埋蒜蓉喺面，勁好味。菠蘿唔怕有酸味，燒完仲好Juicy 。雞翼好滑。墨汁台灣腸脆脆地，好正好味。食完一round, 大家再叫另一round, 今次就叫魷魚鬚，魷魚鬚好爽口，正 。另外叫埋芝士腸，再返call 菠蘿，雞軟骨同豬肉雞肉串。食串燒嗰時，加埋爹仔佢地自家製的沙爹醬真喺唔同食法。叫吓叫吓，總共叫了3個round ，8個人食到個肚好滿足地走，埋單都唔洗$1000。其實我地坐低本應一次過想叫好多好多嘢食因為大家超肚餓，老闆就同我地講食完再叫，因為串燒熱熱地先好食，老闆超細心，對客人有禮貌下次一定會再嚟

打完波路過快食，點知好有驚喜😍食材新鮮，蔬菜類一啲都唔乾，好juicy生蠔肥美，秘製醬汁極好味！！唔係出面普通加粉嗰啲，係好食到想買走嗰隻😹2位老闆好好人下次嚟荃灣再幫襯😎

有日附近行街..覺得肚餓再搵吓附近有啲乜嘢嘢食..上黎見到新開張無耐嘅爹仔串燒 地點方便又近地鐵站 一於就去試吓！當日同朋友叫咗唔少嘢食 秘製醬汁好正 雞肉豬肉串嫩口 茄子蒜蓉味香 另外仲有撈面 …………老闆好nice 睇得出佢好用心燒..價錢夠哂貼地 份量滿滿會再黎幫襯 啱晒想同朋友搵地方Hea下食吓嘢嘅好地方……..………………………………

新店開張無幾耐😋已經食咗兩次🤭首先啲肉醃得唔錯👍🏻燒起好香唔會乾，啲沙嗲汁超正😋最好係可以WhatsApp落單，整好店員會通知可取👏🏻唔使企響街又熱又焗等串燒🤩我估覆WhatsApp嗰個可能係老闆🤔佢知道我食第二次，好主動咁問我食後感，態度積極有禮💪🏻🦾希望佢地一家人繼續努力🫶🏻必食推介：牛肉，京蔥牛柳，豬肉，雞腎，菠蘿，原條茄子，韭菜下次想宵夜唔使專登行去路德圍😜，都可以食到港式沙嗲串燒🤩

食物質數好好，雞串，雞軟骨，茄子，雞翼，撈面，豬肉，蔥爆牛肉等等😍😍味道都好有驚喜！期待下次可以試曬餐單上的所有物品。味道出眾，亦是同朋友吹去的好去處，等侯食物時間剛好，一邊聊天一邊食串燒！很感受到老闆對串燒的熱誠，老闆亦會留意顧客的意見，很值得再去，可一可再，下次期待嘗試更多餐單的食物！..............................

經過見到新開嘅串燒舖，叫咗幾串雞肉，點知非常有驚喜，啲肉好嫩滑，估唔到荃灣都有咁高質嘅串燒舖啲沙嗲醬係好唔錯，出邊寫住沙嗲醬專門店，都真係幾好食，小辣又唔會太辣。💯之前一路以為要去到深水埗嗰邊，先有得食外面仲有得泊車，之後都會再食呢間。哥哥仔都好有禮貌，絕對可以一試👅👅食咗大啡菇，有芝士喺上面都幾驚喜。試咗豬頸肉、豬肉等等嘅串燒，食落肉質都唔錯條茄子都非常好味。飲品就正常價錢，都係支裝飲品，烏龍茶嗰啲。

經過同朋友試下 原來沙嗲醬配串燒係咁好食 肉類叫左豬頸肉豬大腸雞肉牛肉配埋沙爹醬好好味 豬頸肉又香食落爽爽地食完一串我再叫多串一定要試 雞肉肉質好嫩又大串 豬大腸燒到皮脆肉香 牛肉又有口感 最怕人哋燒到啲肉乾曬柴曬但係佢哋又唔會 全部都有肉汁正 平時喺出面食串燒多數人地都係調味粉冇咩特別今日試一試沙爹醬估唔到一樣咁惹味 我已為菠蘿係細細條個隻點知吾係係大大條又甜又多汁正 仲有個芝士漢堡扒大啡菇又係出面好少有 係有汁水流出黎堪稱一絕 大家如果經過附近可以去試下 絕不中伏

平時收工都會同同事落荃昌搵野食 今日落到地下見到有間串燒鋪新開就諗住試下 店主肥哥哥見我係到睇餐牌之後好有禮貌又親切咁推介佢地嘅招牌菜😆我地最後就落左幾款串燒 當中覺得嘅出色有雞腎 雞軟骨 羊肉 仲有京蔥牛柳 配埋秘製沙爹汁真係不得了👏當然重有必食既燒茄子同韭菜🤤🤤最後我覺得今晚vip係芝士漢堡扒大啡菇🥰大啡菇燒到唔會干身之餘重會好多汁😆配上芝士漢堡扒別有一番風味🤩

行完商場有d肚餓，見呢間野幾地道甘 就盲中中入來試下😂 叫左幾個串燒，-葱爆牛肉幾好味🤓牛肉好食吾靭又keep到汁 好juicy! -燒波蘿好驚喜！食得出唔係死甜係天然甜 同埋應該吾係罐頭。-茄子連皮食吾錯 不過咸左少少同埋無葱有點失望(本人係葱控😂）-全晚大愛係豬頸肉！一定會番頭食 肥得來唔漏有咬口🤫-未試過串燒有響鈴，都幾特別😂脆脆地又甜甜地 不過食完有d空虛 想叫多轉🤤-叫左魷魚鬚 食幾唔錯 不過可能叫辣d會好d,因為唔辣有d爭減d味🤨

香港少有嘅沙嗲醬串燒沙嗲醬濃厚香甜 唔鹹味道一流 仲有獨特嘅香味亦非常掛汁有辣有唔辣 啱晒鍾意食沙嗲嘅我😋特別私心推介 1. 漢堡扒芝士大啡菇 啖啖肉 大量芝士😍火喉都啱啱好2. 京蔥牛柳 牛柳軟稔多汁 京蔥同秘製沙嗲醬味道好夾3. 蒜蓉粉絲扇貝 扇貝大大隻又夠新鮮 兩三隻都好滿足食物份量足夠 茄子好大條扇貝同生蠔都好大隻好有肉有枱坐 有大風扇 仲坐得舒服出餐時間夠快一共點咗15樣食物 竟然10分鐘可以出齊👏🏻👏🏻下次會為咗個秘制沙嗲汁再幫襯