爹仔串燒

营业中

休息中

見到開咗閰新嘅燒烤舖，夜晚收工諗住同朋友一齊過嚟試新嘢。一入嚟老闆就好Nice咁樣介紹舖頭嘅招牌，最後嗌咗蠔、大啡菇、撈麵同肉串。個人最推介係大啡菇同撈麵大啡菇搭配芝士同漢堡扒鮮嫩多汁超級好味!食得出食材全部都好新鮮。仲有撈麵老闆應該係加咗其他調味料好獨特喺屋企煮唔出嘅味道因因仲有個招牌沙嗲醬點燒烤串食，個沙嗲醬好香，好肚餓好快就有野食見到都流曬口水色香味俱全老闆好好人會想再返嚟幫襯!真心好好味🤤🤤

今晚舖頭裝修到差唔多11點，餓到個肚係咁叫。開咗Open rice嘅附近餐廳嚟搵食，估唔到畀我搵到間就响留下嘅串燒。因為太肚仔嘅關係，將成間舖嘅嘢差唔多嚟咗一個round。最意想不到嘅係d食物質素同味道竟然好掂，終於唔使走到去九龍城咁遠喇！第一碟上嘅係粉絲扇貝，扇貝咬落一d都唔”un “，正到連個殼嘅汁都飲埋。跟住嚟個金菇肥牛，撈埋沙嗲汁真係想扒一碗飯。串燒雞腎爽夾滑、豬頸肉夠嫩、燒脆皮大腸名副其實係咬落外脆內嫩，一d臭味都冇。仲有一口和牛燒到6成熟左右，真係做到原汁原味，火喉啱啱好，咬開仲有肉汁滲出嚟，有牛嘅香味，但係就冇”so”味。豬腩肉其實一串3個分就啱啱好，眼闊肚窄叫咗每人一串，食完驚d血管頂唔順。😅燒茄子如果多d蒜茸就正喇！仲有個撈麵，本身諗住係姐姐撈麵咁上下，一啖放入口喎下，咦！個秘製醬汁好野味！好香炸蔥油嘅味道，甜甜地，夠香又唔會太油。最勁嘅係平時食開吉野家，以為洋蔥肥牛應該都係咁上下、點知味道9成似，但係再濃味d，仲要唔似吉記牛肉簿到入口唔使點咬就溶咗，而係少厚切，冇筋有咬口但係又唔會”un “,仲有燒紅腸，竟然係玫瑰紅腸，有玫瑰露味，唔似出面食到成口粉粉咁樣樣。生蠔就

第一次去爹仔串燒，價錢唔貴，好抵食，又有驚喜。份量仲要比出面串燒舖多！佢哋自家製嘅沙嗲醬（仲有辣度分👍🏻好好），再配搭唔同種類嘅串燒都好好食👍🏻👍🏻食到超滿足😋😋今次飽得滯，好多野都未試，無試到撈麵、茄子⋯⋯下次一定要試下🙂另外真係冇諗過，呢度服務態度會咁好，好主動細心👍🏻👍🏻真心讚下次一定要再約朋友嚟食先得👍🏻👍🏻樣樣都好食😋沙嗲醬無得頂👍🏻👍🏻正!!!

上網見到有間新開既串燒鋪，就諗住叫下宵夜，問下元朗送唔送點知咁岩得，今次已經係第二次叫，第一次唔記得分享！我12點落單1點食，店主12點半話開始送緊黎，半個鐘岩岩好1點送到👍🏼👍🏼拎到過嚟啲野食仲暖，無完全凍曬，所以先覺得奇怪🤔️有人話15分鐘凍曬係點解？入到元朗都未凍，講反正題！今次點左條茄子🍆撈麵，生蠔🦪，同幾串燒，加埋都係200幾蚊送外賣黎咁遠都無加到我錢可能咁岩收工順便送埋，食到飽仲要好食🤤我個人好食得辣，店主落好多辣比我，個撈麵都可以大辣又真係估唔到👍🏼我要沙嗲醬之如仲另加左包辣粉，怕唔夠辣，店主都會比又唔洗加錢👍🏼整體來講，所有野食都好好食，送外賣又準時到不得了👍🏼會再食過，今次都第二次。

之前見 社交平台網友，成日推介呢間串燒好食，話老細好好服務😊一直都好想試吓。因為見D相，舖頭唔大，唔敢叫咁多人去。今晚一行 2人總於去咗食。去到見間舖頭主要係廚房，入面企咗 3個人，一個主要做燒烤，旁邊放咗張摺枱，已有一對男女坐咗係到，另外有些人外賣中。當時唸，如果坐戶外，都想放棄。好彩睇到舖頭有張紙牌，寫堂食有室內冷氣。便詢問其中一位男店員，佢即刻帶咗我哋入商場，開枱比我哋坐。佢哋有套餐 $ 47 ：包一個大撈麵，二串 $ 15 串燒。撈麵味道都可以，又未致於網友講到好好食。$ 75 有 4隻蠔，如圖見一個體型較少，不過味道都唔錯。燒茄子，$ 37 ，牛肉，豬腩，豬頸肉，豬腸，雞翼串燒。 (老板仔好好，我哋想茄子一邊辣，一邊唔辣，佢都盡量滿足我哋嘅要求🤗)整體食物，燒烤時間掌握不錯，不會過火，令食物乾。沙爹醬可選擇不辣，小辣，大辣。味道調得好好，不過個人喜歡沙爹有些花生粒會好D，但這裡的沙爹沒有。

昨晚食飽飽之後，路過見到又有新店，和店員溝通下，翌日晚上收工即試⋯⋯店舖細細，主力作外賣，即叫即燒，家庭式作業⋯⋯餐牌簡簡單單，先來第一個會合⋯⋯門口更有新開特價餐韭菜$15~燒得有點過火。漢堡扒芝士啡菇$39.~在餐牌上照文字解說，到端上枱時，想像中比現實有差異，最初以為是碎芝士，拉芝士嗰隻，原來是原塊芝士。筆者反而覺得，未必需要有漢堡扒，可以有另一選擇，芝士碎大菇更見吸引。雞軟骨$15.~燒原條茄子$29~醬汁入味，茄子再燒耐一點更理想。在這裡的串燒是配以沙爹汁，食店的沙爹汁會以大中小辣，筆者選小辣，味道吸引。一口氣端上依5串串燒，由右至左:燒魷魚$20~魷魚鬚未算粗壯，但味道又幾討好。京葱牛柳$20~不過不失。豬頸肉$16~基本上豬頸肉和五花腩都很相像。五花腩$16~相信五花腩肥肉多一點點吧🤭雞腎$15~一試無妨。爆汁洋蔥肥牛$29~依個洋蔥肥牛，筆者覺得又幾配作下酒小食，如果加點點芝麻更好，愛人話，再加點白飯更正整體來說家庭式作業，吃出人情味，一向支持小小食店。

啱啱收工行過呢間舖頭，我難得好少喺荃灣見到串燒舖，就決定買幾串試吓啦由於我都食咗飯，咁就決定買三串試吓先路程由舖頭返到屋企，都大約只不過15分鐘左右，本身滿心期待打開嚟食吓啦，點知第一啖咬落去凍嘅我當場打咗個突，明明已經係咁熱嘅天氣下，15分鐘啲串燒已經變到凍晒，根本冇可能，原先見佢哋勁多好評，但係網上面話都可能係打手post大家可以睇吓我啲圖，我真係未試過串燒舖嘅串燒，燒完出嚟支竹籤仲係咁乾淨，即係完全冇燒過嗰種啊！老實講，我覺得佢個沙嗲醬係OK嘅，不過如果個主角咁難食，配角做得更好都冇用啦另外一提，其實個到唔算有堂食，外賣仲要加$1

朋友介紹嚟食👍🏻性價比超高，比出面串燒店都平，仲方便拍車，拍正門口都仲得。環境乾淨✅坐側邊可以望到入面燒，見到佢地好多單，但都好快手👍🏻👍🏻茄子扇貝超足料 好入味，串燒味道剛好，唔會好似出面個啲咁好鹹，不過中意濃味啲嘅朋友可以問老板拎沙爹醬😋雞泡魚干大大塊，好厚，另外超級推介撈麵同洋蔥牛肉😆😆撈面仲有分大細，食個大都完全冇問題😋🥰😋😋😋😋😋😋😋😋😋😋😋😋😋😋

行完麥經5-7之前小巴落到黎有朋友仔想食燒烤之後Open Rice見到呢間 黎到好Nice, 比左個靚位唔洗曬住燒烤最緊要就係靈魂醬汁沙嗲汁都有辣度選擇非常貼心撈麵亦都將佢升級係蔥香味加強，黏稠感加強更有口感，我自己係鍾意呢個口感燒烤黎講茄子都係好主菜，好多時出面都會燒到個皮黑哂，而呢度係會燒到岩岩好，我自己都好鍾意食野係食埋皮，所以呢度係可以食埋皮，好滿足特色既仲有燒雞泡魚，食落似魷魚絲，仲會配埋沙律汁，未食過都值得試，好食整體黎講 有心機 貼心有人情味 一定翻食

一直都喺荃灣搵緊一間好食嘅串燒，今日終於都遇到了。好食、抵食👍1.靈魂沙嗲汁真係無得輸，試左小，中辣 個汁真係不得了。2.撈麵唔係想像中嘅印尼撈麵。3.京蔥牛柳，燒完嘅京蔥仲保持住甜味。牛柳燒完仲好淋，唔會好乾。4.老闆推介嘅燒菠蘿無得頂，咬落去勁甜勁多汁。5.燒生蠔表面嘅蒜蓉唔會太多而搶左個蠔味。6.茄子燒完唔會變左好乾身，調味恰到好處。7.燒魷魚鬚，咬落唔會變香口膠，仲係有彈牙感。 差唔多嗌咗成張餐單嘅串燒嚟試，每一款都有讚無彈。老闆好Nice好好傾，極力推介荃灣人嚟試。食完係會有掛住嘅味道～

好似係新開！有次經過見到，價錢好似又唔差，就試左😝我諗應該係店名咁講一家人開🤔一坐低就主動搬晒風扇，野食到晒影相仲問我地洗唔洗幫手打燈🤣🤣服務贏晒印象最深刻係原條茄子🍆雞翼🐔大啡菇🥯同埋爆汁肥牛🐂極極極力推薦真係🤤加埋佢啲沙嗲醬真係冇得輸，另外佢個撈麵可以話食過最好食既😂😂唔誇張，最後老細s仲送左份燒香蕉，話係試驗緊，但都已經唔錯幾好食🍌飽到嘔埋單都唔算貴，兩個人食都唔洗300。仲要幾近荃灣地鐵站，行5分鐘到👍🏻👍🏻

行完商場落地下，就見到呢間串燒舖，比起一般串燒舖，佢乾淨企理，食得放心。🥢 蒜蓉粉絲扇貝 🔥平時好鍾意食扇貝，冇諗過响串燒舖都有得食，水準拍得住海鮮酒家。點左兩份 🍽 原味 ➕加芝士🧀 新鮮！爽甜！再加上秘製汁撈粉絲，🥢 原條茄子 🍆好想同屋企人分享美食，本來想外賣扇貝返去，但店主話外賣返到去無咁好食，就推介呢個原條茄子。嘩！！！冇諗過真係一條完整至少八吋長嘅茄子 🍆 份量十足 👍🏻👍🏻👍🏻 平平無奇嘅茄子，可以化腐朽為神奇，勁好食 😋😋😋🥢 撈麵🍜覺得店主好細心 💕 食物多元化🌈 萬一食完幾轉串燒都唔夠飽，整返碗撈麵就啱啱好。仲有兩款size俾你揀，好貼心 👍🏻👍🏻👍🏻 撈麵好香，感覺係正宗嘅印尼撈麵，好似以前印傭姐姐煮俾我食嘅味道，好好味😋大熱天時食串燒，配返一樽冰凍嘅菊花茶，大滿足 🤩🤩🤩

係附近游完水，跟朋友沿路行落黎，坐低食。第一轉已經叫左好多，串燒同啲醬汁配搭好正我地竟然食晒，要嗌第二轉，老細仔介紹我哋要食撈麵，所以我哋就嗌咗個撈麵，之後再嗌咗個招牌菜大啡菇，又食晒。我地又再叫第三轉，我諗老闆都懷疑人生，點解我哋幾個女仔可以食咁多。😂🤣🤣最終仲要買單，每人都係$100左右，係唔係傻咗啊？老闆仔後尾見到舖頭有一條蕉，就燒咗條蕉俾我哋食，呢個仲黐線。。。。係好食到黐線，我哋極力要求佢唱依個加入去餐單我唔記得影相，下次補返

經過依間串燒舖佢地裝修個幾月， 終於見到佢地開張，膽粗粗去試下新野，點知令到我大開眼界，第一次叫左好多野食，牛柳粒出奇地好味好好咬口，茄子肉質夠冧入哂味同出面其他既唔同，所有肉類加埋個秘製沙爹醬令到成件事情都唔同哂，最後仲點左個菠蘿，燒到外脆好似有焦糖係上面咁，菠蘿啲肉都好甜，當飯後甜品一流，升級左啲野食，真係要再去過，我叫外賣反屋企比啲仔女食佢地都話好味，下次再幫襯過！.....................

原來荃灣最近開了間串燒，抵食夾好味，約了成班朋友，食到飽曬1.菠蘿好甜又多汁茄子更加好味2.韭菜原先諗住會好干好硬，原來都唔會，一樣咁好味3.直得一試的撈麵更加好食到停唔到口4.其他串燒如京蔥牛柳、雞翼、雞軟骨再加埋的沙爹醬，別有一番風味5.墨汁台灣腸食完一條再叫多兩條6.其他海鮮類唔駛講，又新鮮，又多汁大家不妨試試，真係好似老闆咁講，食過返尋味，食過舐舐脷。