爽爽麵店 (已搬遷) 新店位置

醉雞, 米粉, 菊花茶, 幾乎成為席上食客的公例。醉雞有分以冰鮮雞或是新鮮雞, 一般只要鮮雞有貨的話, 嘴饞的我都會選擇新鮮的。浸酒雞件嫩滑, 濃郁入味, 酒味調較得宜不過份, 不會蓋過應有的鮮雞味。還附上幾片雞腎, 同樣浸得好吃。醉雞汁單吃味道可能稍為略鹹, 但把雞汁混進米粉的雞湯底, 味道便剛好, 加乘了整碗米粉的風味。除了醉雞, 這裡的豬扒也頗為出名, 我最常點半肥瘦的。豬扒以家庭式方法煎香, 沒有多餘的花巧。厚身豬扒肥瘦相間, 沒有鬆肉粉亦相當鬆軟, 簡單美味。

想起我中學時代，每個月總有幾天會來爽爽吃醉雞米，同行幾位飯腳，有的和我喜好一致，有的偏愛爽爽馳名豬扒，雞豬各有人撐。後來畢業了，也甚少再經過雞地，吃爽爽的次數也更少了。再後來爽爽向裏面搬了一個舖位，一開始只能外賣，後來不知怎麼又可以堂食了。還是這個醒目的紅色招牌，星期天，已有不少人拿著號排堂食，這個天氣我實在沒耐心和其他慕名而來的他區遊客爭位，便外賣了中學時期我的爽爽Set lunch，醉雞米加大枝菊花茶，離中學畢業也五年時間，這個餐現在承惠$49，果真歲月不饒人，當年也只是30頭的價錢。等了15分鐘，拿到外賣我即衝回家，搭了一個站車，米粉還是熱的，菊花茶倒沒有這麼冰。店家送的辣椒油份量較少，我建議大家拿外跟店家拿多點，因這個特製辣椒油不得了，加了粉麵的味道會昇華。打開醉雞，聞聞有些微酒香，不濃。我點了冰鮮雞，加少少錢有新鮮雞，但我一個人也不必如此講究。我最欣賞爽爽的醉雞會給一兩塊雞腎，非常爽口，入口有股酒甘香。而雞肉嫩滑可口，骨頭處還有少少紅色，代表熟的剛好。肉質不用說，雞皮也好吃，如啫喱般彈牙，完全不油膩。但可惜有一缺點，正如上面所說酒味不太濃，其次是浸雞的汁過鹹，有時雞肉沾上了也

本人對醉雞麻麻地，因為係香港唔同地方食過好多次都覺得唔好食，但同事堅持話呢度醉雞同豬扒好好食要黎試，甘就睇下係味真係甘好食。醉雞+肥豬扒米粉要左冰鮮醉雞，雞皮好肥，但係的確係我食過暫時最好味既醉雞😂😂，同埋醉雞黎講算抵食，豬扒太肥，好漏唔岩我口味，值得一讚係支自制菊花茶，好好飲，不過如果有熱就更好了。

久聞爽爽的大名, 這次其實亦專誠來吃. 只是本來想吃的日本拉麵拖延了半小時而遲遲不開門只好轉移目標. 走至門外, 猶豫了一會, 因看到店子好像並沒有坐的位子, 但奇怪地周邊又有人下單, 難道主力是外賣?再看一會, 原來對面有一無招牌的店子內有座位. 餐牌上主要以新鮮/冰鮮醉雞及豬扒為主, 價格不貴. 來的時候拍個相片給朋友看, 朋友便指點說醉雞胸及肥豬扒好吃. 但這次的主要目的是醉雞, 便只嚐醉雞便算. 菊花茶$7杯, 味道雖普通但價格可以接受. 店內的所有食物均用外賣碗來裝, 一看到上桌的這"碗"撈麵便知中伏... 麵糾纏著一大堆, 然後加上可鹹死人的蠔油. 難吃的程度是我在香港的所有粉麵舖都比不上的.... 味道: 1星新鮮及冰鮮醉雞只相差$15, 相差不大選新鮮亦無妨. 醉雞的份量比想像中大, 若是放在小菜碟上, 應該跟不少酒樓的例牌差不多. 拿起一件雞肉, 裡頭是帶微紅色, 即雞是灼至剛剛熟的程度, 是我最愛的生熟程度. 醉雞的酒味如我想像中不算太濃, 但味道足夠. 新鮮雞肉的肉質結實有咬口. 味道: 3星半翻食指數: 70分.  價格不貴, 醉雞的質素不錯, 但粉麵差勁, 日

每次有新朋友仔入黎元朗，我都必會帶佢地黎食爽爽！醉雞豬扒米 ($46) + 菊花茶($15)我例牌落單既就係❤️冰鮮雞上脾半肥瘦豬扒多蔥米❤️🐥 滑滑+濃濃酒味既雞🐷 香口既豬扒🌶 加埋佢地既香口辣椒油😝 一邊食再一邊加醉雞汁落個米粉到！令我每個星期黎食都願意！

周末期間四出探索買到所需的東西，又到了醫肚的時候，但在下雨天的日子不想坐進舖裡，故此買了外賣。買的時候小人並不知道醉雞及豬扒都是這裡的馳名食品，只是隋便點選而已。因為肚餓，甫入屋即急不及待先吃件雞，當醉雞的盒蓋一開，酒香一湧而上，芳香馥郁，吃下酒味卻又不會太濃烈，溫甜適中；雞件頗肥，幸肉還是滑溜。豬扒夠厚夠多，外層煎的很是酥脆，豬扒肉又香又腍。湯底不怎麼樣，米粉倒是淥得恰到好處，經過長程拿到回家，仍然甚為爽口，揍著豬扒吃極之滿足。有機會的話一定再買這對組合。

突然間就想去元朗搵食。其實諗住去試好包 。但星期一原來放假。元朗西鐵站落車行一陣就到。就見到爽爽 。勁多人排隊 唔理啦，拎左飛仔先。都排左半個中左右。環境就普通麵店咁囉 迫迫地，不過速食係ok的。叫左個鮮醉雞，一個冰鮮雞。差十幾蚊。冰鮮d肉係真係小梅既，同埋可能咁岩俾左雞胸，d肉好明顯唔係一絲絲。鮮雞就俾左雞脾，d肉係真係實d。個醉雞汁真係真係好好食好入味。我拎黎送麵食😆環保就真係唔係咁環保架啦，個個都用呢d兜兜。 但筷子反而又用再用既🙊佢係仲可以叫一份雞食的 好似係百三蚊🤔下次叫先。Ps 佢菊花茶自家煲 ok的。有媽媽味 可以飲飲佢👍🏿👍🏿👍🏿👍🏿

11/10/2016 去試咗個冰鮮醉雞麵$37, 新鮮醉雞麵$47 , 雞嘅味道都好普通，最慘係得幾件仔 😣 d麵係普通嘅梘水幼麵，全店用晒即棄膠碗，木筷，好唔環保！我都唔會幫襯

知道元朗美食多，所以襯有空便與友人一同前往元朗”掃街”。經過我們一輪的資料搜集，發現爽爽麵店蠻多好評。中午時段去的時候需要等了一段時間才有位子。進入店鋪二話不說點了這裏有名的醉雞米新鮮醉雞跟冰鮮醉雞是不同的價錢，但由於我們今次budget有限，所以便選擇了冰鮮醉雞。另外我們還點了豬扒米一同分享。醉雞與米粉是分開上的，醉雞那碗底部還附上雞腎，另外還會有一碗雞汁。醉雞十分入味，酒味香濃，而且就算是冰鮮雞也十分爽滑！如果是新鮮雞肯定會更不得了。豬扒米相比下則較遜色，味道一般但肉質鬆軟。最後我還點了一枝凍菊花茶解渴，可惜帶有苦澀味，個人則不太喜歡。

究竟仲有幾多由細食到大嘅餐廳會捱唔住😢 今次爽爽就搬咗鋪 轉做外賣生意😢-我諗爽爽都無咩人唔識 最出名嘅醉雞同豬扒真喺由細食到大 而家無得堂食 唯有外賣歸家食啦😂 識食一定喺食醉雞米 多雞汁 要脾位 ($33/冰鮮雞) 配菊花茶 點解🤔首先佢啲河粉其實做得好好 比起街嗰啲喺較幼細 同埋食落好滑 不過個人覺得比較啱堂食 因為即食先食到佢以上優點 一浸得耐咗好易變咗一夾就碎哂 所以嗌米粉就唔會啦 醉雞肉質嫩滑入味 每啖都散發住陣陣酒香 而且冰鮮雞都做得咁好 其實都好難得👍🏼重點嚟啦 點解要叫多雞汁 因為要夾哂啲雞出嚟 將醉雞汁當沾麵汁咁食 令到每啖米粉都嗦哂醉雞汁 再一啖吞哂落口 個種酒香不停喺個口到徘徊 真喺諗下都流哂口水😭 識食一定喺好似我咁食❤配埋菊花茶 每啖飲落都令到個口同喉好清涼 食完醉雞米再飲菊花茶真喺絕配👅

🐔🐤話說盛夏既裡面，經過左元朗一間醉雞店，即刻二話不說，即刻買左盒外賣醉雞 ，今次揀左例牌冰鮮雞（$60/份）佢地既醉雞好正，雞肉嫩滑，而且雞皮咬落爽口多汁，加上清而香醇既酒香味唔會過份濃烈，最後仲發現有 d雞腎放喺醉雞底添⋯👍🏻

呢間嘢喺元朗西鐵站出口附近，好快行到!今次第二次終於試咗佢嘅半肥瘦豬扒!喺度住嘅朋友話叫豬扒一定要叫半肥瘦！ 雖然唔係滾熱辣但係個豬扒好香脆!醉雞同以往一樣都係咁滑， 雞汁非常之香濃！ 夠曬酒味之餘又非常清新!另外叫一碗米粉溝埋啲雞汁就 完美嘞😍😍😍👍👍👍 Rating: 8/10

兩個人唻食食咩好？既然叫得醉雞豬扒店就梗係要每樣唻一碗。而店內又有新鮮同冰鮮兩款雞，所以就要咗新鮮醉雞米同豬扒米再跟杯菊花茶。醉雞米（$47），坊間一份醉雞都要五六十蚊米，呢度呢個價錢仲要包米粉算係好底。而味道方面亦唔差，酒味幾香唔會苦，汁底蓋過雞唔小家，雞肉夠滑又入味。豬扒米（$34），列入店名又比冰鮮雞貴兩蚊所以對佢有一定期望，點知有啲失望。只係一般煎豬扒，味道又無乜特別，唔覺得有驚喜醃法。菊花茶（$8），冰涼唔太甜。