牛之館 (已結業)

呢間野的牛絕對食得過，怕肥無食雪花牛，但其他都試過，堅好食有誠意有口感，唔係紙咁薄好過創興好多間，食過好多間都係紙片牛，落鍋會溶果隻，其他自助類食物選擇少一點還有點不新鮮，生果新鮮，茶飲好飲。我去時得二台人，由入座到開食服務都超好(唔知係咪因為少人），唯一缺點係要自己買啤酒，不過服務員主動幫我拿冰桶，每食完一碟就會有人過來收碟，唔知以為自己係VIP。哈總括嚟講我係個食牛怪下次必定會再嚟，食牛真係冇得輸呢間！唔識上傳相哈哈

本人4人用餐，每人選擇$350左右之牛放題，已不算選擇最平的價錢之放題，原本頭兩輪來牛非常之快及準確，但去到第3次點牛，竟然遲遲都未來，需要叫店員才來少少牛來，吾通我們來此店只吃丸類及一般熟食嗎？所以可以不用再光臨此店；希望此店需要檢討一下服務。

不一定要花大錢就可以享受到物超所值的頂級牛肉，最重要是不需要排長龍。針對我們個人的滿足延伸到朋友聚餐、家庭聚會… 雪糕有頂級的Movinpick. 還有自製奶蓋滿足珍珠奶茶的愛好者。裝修普普通通，但是重點是交通都很方便價格不貴。火鍋的湯底也是最近吃到只期間最好吃的，他的沙爹湯底濃郁可口。水餃新鮮，而且有不同的選擇。個人還是喜歡普通的韭菜口味，但是看得到他們的用心之處。魚皮也不像一般的魚皮，他會加熱過變得更脆。

食物不過不失，人均385少寫食評。主要想講服務奇差，應該話係無服務可言。當然四人都收左你百幾蚊加一。手機點食物、菜菇類同飲品已經係自助。但你係唔會見到有waiter waitress的。因為你叫佢哋佢地都唔會見到你、唔會理你。乜都自己拎都算。無哂湯想找人加湯、等極、舉極手都係無人嘅。最後惟有用手機加野食去「捉」住送食物個個waitress 加湯！限時但唔會有人理要唔要加湯。更遑論有人收盤。朋友係全部盤都只能疊起放係隔離櫃面。但係都係無人收的🤢🤢超奇差服務囉，食物算可以但以後唔會再去比佢好的打邊多的是早知去雅蘭嗰間打邊仲好

不嬲諗住去牛*人同*氣呢啲連鎖邊爐。但係咁啱見到有間咁近朗豪坊嘅邊爐，價錢又唔貴，就諗不如去試試。第一次入去，以為去咗coffee shop, 唔係佢裝修似，而係佢成間店無咩人, 唔似其他邊爐店一入到去就勁嘈，呢度嘅邊爐係相對上靜啲，入座都唔係好多人我地叫咗最平果個餐，豬牛雞都係正正常常，無話好肥同無味 (同樣價錢度度都差唔多), 喜出望外嘅係佢個海蝦幾新鮮，唔會霉霉爛爛。上菜速度幾快，我地叫幾多佢就黎幾多。最緊要係佢有好多選擇比你揀，除咗菜同丸之外，仲有好多熱食。而其中佢有個自助台式飲品吧，可以任加珍珠/奶蓋/鮮草etc.tldr:環境小有地靜嘅邊爐， 選擇算多，食物唔差。

劣食判詞：一間餐廳好難做到幾乎全部食物都難食，而佢做到了。1）$268級的牛切到鬼咁薄就算了，可以話係十分粗糙完全冇味。2）自家製食物更加係重災區：墨魚滑全部係粉造毫不彈牙、熟食鴨血同牛舌係極難食、自家飲品被稀釋到幾乎無味。3）蜜糖腸係臭的。食物品種已經少得可憐，質素可否提高少少？4）週末加$10係入座時先會同你講，連加一2個人食左$612。咁既價錢你睇下其他任食鍋食到乜，呢間野又食到乜？

平時好鍾意去牛陣啦牛一嗰啲未試過台式牛火鍋會是怎樣，第一次來下午三點幾叫咗$198任食安格斯牛健，佢有兩款牛可以選擇，還有牛五花，如果牛腱來講，一碟只有四片，對於我同老公來講，要叫非常多碟😆食咗幾碟牛腱，諗住試吓牛五花，落咗四碟牛腱一碟牛五花，得我哋一台客都可以嚟錯，各自嚟咗四件，配菜選擇有好多，竟然有魚皮，不過太令人失望，咬都咬唔斷😂丸更加差，好似放咗好耐咁，咬落去勁硬，芝心丸重好似酸左咁⋯oh no🥲牛就好一般，同樣嘅價錢可以有更加好嘅選擇，同埋加上疫情關係，我食足全程連埋我地都係得兩台台客🙃你問我食咗啲咩覺得幾好味真係諗起所謂嗰啲特色嘢，嗰啲自家出嘅茶，真係好普通，非常淡

 【🐄牛之館🐄】知道旺角最近開左間火鍋放題質素都幾好，今晚約埋朋友一齊去試下。餐廳以粉紅色為主調🎊任飲任食日台火鍋放題120分鐘🎊多款自助火鍋配料及飲品無限量供應🎉🎈小童及長者任何時間$198七點前結賬及離座$28818:00-00:00 $328🍲專尚𝟚𝟜品（$𝟛𝟞𝟠）送刺身一客🐟多款自助火鍋配料可以隨個人喜好挑選• 專尚𝟚𝟜品 •🐄SRF和牛肩胛肉眼芯🐂澳洲草飼牛頸脊🐮特選安格斯牛板腱🐄手切封門柳🐂安格斯牛小排🐮安格斯一口牛🥩牛五花🐖西班牙白豚肉🐷美國豚花🐥花雕酒雞件🐄秘製鹵牛舌🦐日本櫻葉蝦滑🦆鴨血🐙八爪魚墨魚滑🐟牛蒡鮮魚滑🐣日式雞軟骨滑🐠脆肉鯇魚腩🐟脆肉鯇魚片🍄海綉茸🦐海蝦🐚蛤蜊🐟連占魚柳🌸美人花膠• 湯底 •八款火鍋湯底 （+$50可雙拼湯底）🐟柚子鹽鰹魚湯💛沙嗲王🧡月見壽喜燒喎🍅百里香完熟茄湯🍄舞茸菇昆布湯💃🏻養生藥膳美人鍋🐥金銀蒜蛤蜊雞鍋🐣辣子爆雞雙響鍋辣子爆雞雙響鍋超級惹味，雞件嫩滑又好味。• 日台小食 •🐥雞唐揚❤️關東煮🌭和牛腸🐟多春魚南蠻漬🦆藥膳鴨血💛炸榴蓮🍄酥炸芫荽🐷蒜泥白肉• 台式飲品 •🍁黑莓蘋果果茶🍃白土烏龍🍂茉莉白毫自家製的茶類非常特別，清香又解膩！🍦惠顧放

早前經過朗豪坊做嘢，諗唔到食乜，喺條街周圍望嘅時候見到呢間舖頭，想去睇吓價錢，覺得都OK，再上嚟睇埋其他食評，見到都好多正評，就決定入去試吓。我當日揀嘅係90分鐘午市火鍋放題， B餐，叫咗美人鍋喎。通常食呢啲，第一次我都唔會揀最平，啲肉嘅質素應該會好一般，亦都唔會揀最貴，因為唔知佢質素如何。但係留意番，星期六日要加$10 ，職員帶緊我入座嘅時候先至講，本身係門口唔多覺。我當時係三點幾去，所以唔使等位就可以直接入座，加埋我諗都冇20個人。店員喺我坐低之後就簡單同我講解喺邊度拎食物嘢飲。呢度有蔬菜、各種嘅丸。都算多選擇。熟食區，有三樣炸嘢，我記得有查牛奶同查番薯之類嘅嘢，另外仲有格仔餅。呢度去台灣熟食區，賣相一般所以無試到。另外仲有飲品，想睇一點就係佢有自製台式飲品，我試咗一杯白桃茶，係冇乜味嘅，但係唔想音兩罐可樂所以都冇計。唔好太大期望。仲有雪糕，有Häagen-Dazs同movenpick。食物方面，正常發揮。啲牛肉未知於好高級但係入口可以，不過呢啲放題總係有一個通病：永遠第一兩碟都係最好，之後一碟比一碟薄切牛肉。但係我想講嘅係個西班牙豬肉有驚喜。我覺得好味嗰啲牛肉。但係我唔記得影啲牛

冬天打邊爐明明好舒服係入面食野成個焗爐咁全身濕曬興恰恰好心整好啲通風系統先開業啦😅啲職員上菜仲要一野拍落張枱度有心臟病真係比佢嚇死一出餐廳 簡直兩個世界出面凍到震-已列入黑名單

同班同事諗住去附近新開呢一間餐廳試吓見佢有午市套餐 我哋9個人為咗快我哋一已經提早打落去叫定上到去真係呆咗除咗我哋得另外一台一個人心諗應該冇事嘅我哋9個人 有8個人食壽喜燒鍋我就係中伏嗰個 我叫咗牛舌 + 魚湯烏冬 + 麻辣鴨舌我哋1:00前落單坐到1:30先開始上菜我嗰個烏冬 1:45分先上菜重點係我見到個下真係呆咗心諗我自己喺屋企煮都好過佢烏冬係平時唔使放雪櫃嗰隻然後啲丸中間仲要係凍㗎呢3片牛舌係凍嘅呢2片鴨血仲搞笑麻辣鴨血變咗清水煮鴨血時間關係我都費事投訴連埋加一咁樣要$75同事話聽到收銀嗰個姐姐話廚房得兩個爐頭其實佢個場真係好大咁樣有咩可能食得落啲客如果真係做唔到午餐其實不如就唔好做午餐淨係做邊爐咪好地地仲要啲staff 一個餐 要兩個人送一個負責捧 另一個負責護送成件事比我感覺間野好流如果真係想試呢間建議大家都係自己打邊爐算午餐真係不了

天氣開始凍，唔使諗一定係邊一邊爐佢先架喇。對於食肉獸黎講，掙扎於食牛一，牛陣嗰啲，定近年新興既日/台式火鍋。見呢間叫牛之館既日/台式火鍋，又牛又日/台式，係你喇。我地揀左最貴個餐，牛肉頭幾轉都好靚，之後俾左幾轉同grade但係肥瘦唔係好平均嘅牛，有啲失望。老實講，比起其他日/台式火鍋，呢間餐廳提供嘅食物種類唔算多，有好有唔好啦，起碼佢提供嘅食材都比一般日/台式火鍋高少少質。而熟食方便都比較搞笑，有燒賣，雞腳，章魚小丸子，好多地道熟食都有。雪糕剩係每人可以攞一杯。服務方面，有幾個侍應比較新手，攞住十幾個吉盤係我哋張枱度慢慢執，唔係好理想。我覺得呢間餐廳，又日式，又台式，又有提供香港地道熟食，其實可以考慮吓做得專門一啲。****************評分 : 5.5/10簡評 : 牛時好時壞，其他食物可以

揀左個250幾蚊嘅豪華plan2個人食 加埋要536蚊諗住主攻牛肉點知。。。。封門柳有陣唔多新鮮嘅味道顏色亦呈現黑色一口牛同牛小排好些小但都冇乜牛味然後我令悟到呢度係需要有熟食因為可以食嘅選擇真係不多佢啲滑類嘅產品 全部都較鬆散 最正路就係蔬菜+沙爹金菇牛肉餃+野飲+熟食+甜品未有勇氣試佢個熟食區玩自己果個嘅格仔機 想支持 自己比錢試下By the way唔飽唔洗怕 有拉面區又有好多丸ps. 仲有辛辣面添!你估下我會唔會幫襯多次~~~嘻嘻

好好既一次打邊爐體驗。食物質素完全對得住價錢，最深刻係新鮮既牛、醉雞、鴨血、藥膳鴨血、海鮮、花膠同榴槤波波，完全好啱我地嘅口味同喜好。值得一讚嘅係佢啲蜆完全冇沙，仲要好鮮甜，唔細隻。自助區有小食，雞蛋仔或者窩夫可以自己整。唯一可以改善嘅係嘢飲款式比較少，得幾款自家製茶，同埋啲罐裝飲品，啲自家製嘅茶冇乜茶味。但整體無論係食物環境定係員工都好，員工服務有禮貌，主動講解優惠同推廣，收野好快手。絕對會有下一次👍🏼

老闆如果你真係有睇食評，唔該管理好你啲員工，連個經理都可以鬧返啲客轉頭，態度又咁差，自問唔該前唔該後，都唔知邊個係客。唔想冇得做唔該請過佢，唔理你啲嘢食好唔好先，已經冇下次。一定唔會再食