牛之館 (已結業)

呢日放工之後同朋友去旺角呢間火鍋店打邊爐。呢間係旺角嘅火鍋店有四款唔同價位嘅牛肉火鍋放題，限時120分鐘，絕對夠時間瘋狂食。今次揀咗最貴嘅極上火鍋放題，呢個餐提供日本A5和牛肩胛肉、SRF和牛肩胛肉同其他唔同部位嘅肉。湯底有八款口味，今次揀咗養生藥膳鍋，入面有雞肉同埋多款嘅藥材，啱晒入冬嘅季節進補一下。配菜可以去自助吧度拎，有好多選擇。最後，一人有一杯Häagen-Dazs或者Movenpick雪糕，好完美。

最近天氣涼左，第一時間就諗起打邊爐啦！今次去左位於旺角既牛之館，打邊爐，開大餐！我地揀左養生藥膳湯底，個湯底本身已經好足料，好多藥材係入面，試飲左幾啖仲好好味添！黎到主角方面我地主要揀左海鮮同肉，海鮮有蝦同埋蛤蜊。我想講d海鮮值得一讚，因為佢地處理得好好，出到黎仲保持到新鮮，尤其d蛤蜊冇沙泥👍肉方面我地就食左花雕醉雞，安格斯一口牛，安格斯牛板腱，安格斯牛小排，封門柳，西班牙白豚肉，美國豚花，全部都值得推介！同埋落單之後佢地都好快就送到👍最後值得一提個野飲：白桃烏龍茶👍👍唔甜岩晒我！

前日突然好想去打binglo😝心動就行動啦！😎😎呢間火鍋店好少女風架！以粉紅色為主 我最愛的顏色～今次第二次到訪了！好耐以前剛新開時食過一次🫣兩小時任食 $612 兩位 連埋加一 保證食到飽飽！整體性價比不錯👍👍今次我哋揀咗養生藥膳鍋 入面有紅棗杞子黨參等等 超級好飲又養顏☺️海鮮方面我地主要食海蝦同埋蛤蜊喔～另外我地有叫到花雕醉雞 幾滑滑的～牛選擇都算幾多！最喜歡安格斯牛小排😝叫了三輪喔🫣另外選擇有牛板腱 豚肉等等～重點我最鍾意呢間因為佢有炸芋頭！芋頭打邊爐真係我的最愛🫣🫣唔知有冇人認同！蔬菜方便我哋主要食娃娃菜油麥菜同埋生菜 吸收晒湯底嘅精華！另外有一個熟食區 有小丸子炸牛奶響鈴等等 重點係有哈密瓜超級甜 真的是我最愛！最後走嘅時候食一杯雪糕～溫馨提示第一杯雪糕是免費的之後就要加錢🤔牛之館 (旺角)旺角砵蘭街240-244號文華商場(MPM)1樓C1號舖

今日難得約左班朋友，咁耐無見，搵左間坐得耐既鋪頭有人推介呢間打邊爐鋪，係旺角地鐵站隔離，地理位置超方便湯底選擇好多，我地簡左感覺最健康既養生藥膳 幾足料，有紅棗、蘿蔔、雞件、杞子等材料😋😋飲落好清甜滋潤我地簡左極上既套餐，包好多款高級牛肉，有A5和牛肩胛肉、SRF 和牛肩胛肉、澳洲草飼牛頸脊、安格斯牛小排同安格斯牛板腱牛肉新鮮，同埋油脂比例好靚，食落牛味香濃，索埋養生藥膳湯底仲滋味🤤仲有好多其他野食，海鮮有花甲，鯇魚腩，脆魚鯇花雕醉雞飲品都好多，我鐘意呢款比較健康嘅選擇冷泡白桃烏龍茶甜品仲可以一人一杯雪糕

去開旺角都有不少火鍋，而想食和牛又抵食價錢一定好貴，今次比我哋遇到間叫牛之館火鍋，佢哋有個D餐日本A5和牛任食放題當然唔會放過啦，入都去因9點左右仲有不少人食緊，我哋叫湯底後就用電話下單。日本日A5和牛肩胛肉&SRF和牛肩胛肉見到好靚油脂，在滾湯十幾秒就可以食。安格斯牛小排，牛板腱，一口牛，感覺比和牛有口感，牛肉味感濃郁。湯底選擇不少，因想食到牛本身味道就叫了椰子雞湯底，都幾清甜。桌面仲有一大壺湯等客人方便自已倒都不錯。食了第一轉牛之後就出去拿菜和熟食，青瓜爽口帶點微辣幾開胃，之後就開始食豬肉薄薄豬味幾濃，雞肉不會好大舊都新鮮。海鮮選擇因比較夜沒有魚只有蝦同蜆，都幾大隻新鮮。飲品出面都有不少選擇仲有台式飲品可自制都不錯，最後再拿一個辛辣麵2人食已經十分飽肚，仲可以出去拿雪糕，每人一個haagendazs選擇不少。

想食日本A5和牛，朋友就介紹咗間喺旺角牛之館，人均全包不用$500位就可以任食和牛，岩晒我朋友係牛肉控又對質素有要求湯底要了椰子雞清淡點配和牛最好，用QR Code落牛肉都方便，好快嘢食來到驚訝牛肉質素真心唔錯日本日A5和牛肩胛肉油脂分佈好靚薄身，食到少少入口即溶感。這餐除了可以任食和牛仲有安格斯牛小排和牛板腱味道濃郁有口感，我就比較喜歡牛小排海鮮就叫了海蝦和蜆，其他肉類豬肉和雞肉各自叫了一碟，質素都不錯菜，麵和丸都可以在出面拿到，款式不少仲有熱食，有炸鮮奶幾好食又熱同脆有驚喜。飲品汽水可在出面拿到，仲有芝士奶蓋烏龍或其他可自由倒都幾特別整體肉類質素比心目中好，其他款式都少，坐梳化位都舒服唔會覺好焗的感覺

今日同朋友黎到旺角大家都想打邊爐經過見到呢間有得任食高質牛既店就決定試下有多款套餐，每升一級肉類既質素都會愈高可以因口味選擇亦有好多湯底，有濃郁既有清淡店内有多個自助區域，包括丸類，菜類熟食，甜品等放得好整齊，值得一讚椰子泉水雞，麻辣鍋我同朋友口味不同，我養生而佢無辣不歡我地就揀左雙拼椰子雞好清甜，充滿椰香味麻辣鍋辣得過癮，嘴唇麻麻的白豚肉，豚五花，牛五花肉既品質好好，油花平均食落軟淋有肉味食唔停！配料有多款丸類，餃子提供好新鮮，皮薄餡靚

打邊爐真係好適合而家涼兩地嘅天氣，咁就上網搵到呢一間牛之館，就講係由專業Omakase（廚師發辦）職人主理，用心挑選各地優質食材入饌。獨家美食菜單雲集來自日、台等世界各地的刁鑽美食，秉承着「以大眾化價錢提供高質素美食」的本念，連同廚師匠心製作的功夫一併送到客人的餐桌上，務求感動每個味蕾。聽到好似好吸引咁所以就今日去食，睇過Menu個價錢都唔貴！👀入到去環境好大，仲好似有唔同嘅裝修風格，佢帶咗我哋去一個就係好多粉紅色嘅地方，睇落去真係幾有feel👅嘢食方面有不同嘅牛，啲牛都好新鮮，同埋好多個部位可以揀，同埋仲有好多丸，蔬菜類，仲有最特別嘅就係嗰啲自製嘅奶蓋飲品（仲芋圓，涼粉同埋芝士奶蓋）仲有啲熟食同埋炸物😆真係好適合啲心大心細嘅人同有咩都想試吓嘅人😆

今日經過見到呢間打邊爐，好似好正咁，咩都有仲要都平所以就入去食😆呢度真係好寬敞，好大，我見到仲有d包間，不過我地兩條友就唔洗啦🤣雖然我地係得兩條友，但個座位都好大，仲要周圍都pink pink咁，好有少女feel😆👀野食種類繁多，令人目不暇給，有多款嘅牛肉，距仲係個website到order，入面有澳洲草飼牛頸脊，安格斯牛板腱，安格斯一口牛，封門柳，美國牛五花，咁多種嘅牛，真係鍾意食牛嘅要黎試下🐮🐮🐮‼️除此之外，佢仲有好多唔同嘅嘢食柔軟啦蔬菜有啲甜品同埋炸物，d質素都幾好🌟推薦指數：🌟🌟🌟🌟🌟

同事都知我是牛魔王，故有正野都會介紹下我，今次就推介左#牛之館，位於旺角十分便利，一於約定老友假日食餐勁先得。至於主打嘅牛方面，基本上試晒咁多款味道都大同小異，選擇多而每款都好有牛香，但脂肪比例之類就真係dependson 款式，個人最愛係封門柳同埋牛板腱，牛味最濃而且牛肉色澤均勻。小食同熟食就唔多吸引到我。作為牛魔王，SRF和牛肩胛肉眼芯任食真係好唔錯仲有澳洲草飼牛頸脊、安格斯一口牛，手切封門柳，花膠，海蝦、墨魚滑、鯇魚片，牛肉滑等

家陣食個沙嗲牛肉麵都真係高級，多一個砂煲上收費 $62，包一支台式飲品，好唔好食呢家嘢見仁見智喇！🥢問我味道都唔錯嘅，因為用砂煲盛載保持熱力，個麵要盡快如果唔係無哂湯汁，個麵又淋哂就會變得糊口。🥢反而個藥膳醉雞湯米線$58比較出色，米線都約爽滑，湯底都有好大陣藥材味，雞件滑溜喎⋯⋯這裡地方闊落座位幾舒服。

經過見到呢間牛之館有大胃王活動，我好中意大胃王挑戰好有成功感，去旅行一定都會玩，因為香港冇乜大胃王挑戰，今次見到就梗係要玩返鋪，打電話去了解完之後其實有D驚，1KG肉加其他食物又丸又麵咁，仲有個終極版本DOUBLE UP，不過心諗都係$268姐，輸左都仲有$50蚊現金劵拎返，當係食個放題都好。就專登簡閒日去食，唔想咁多人睇住我狼吞虎嚥。不過可惜都係要等成10-15分鐘先食到，可能要擺碟擺得靚掛。不過都無傷大雅，反正放假。照舊頭10分鐘爆速狂隊，隊到後面開始慢落黎，好彩有45分鐘時間，慢慢磨晒，不過值得一提，佢有幾塊SRF和牛，食完真係下次會過黎食佢個SRF和牛放題，好鬼正，岩晒 而家贏左有$300現金劵，慢慢用 爽。

古人誠不欺我，女兒口大食窮郎，貧道快要被道侶吃得褲底朝天了，還好這天下有一門招法叫作【放題】。貧道的道侶是一個挺挑剔的人，基本上每次光顧放題也會說沒有下次，唯獨是這一間牛之館，令她眼前一亮，吃過說要再回頭。圖片貧道不太懂上傳，找來找去找不到指攝按鈕。 就簡單講解一下吧。當日到步看餐牌時本來想選最貴的A5和牛餐，但經店員很專業的講解後，決定選什麼SRF和牛因性價比最高。這個決定非常正確，吃完有2張$50優惠劵送，肉質一流不會像平時吃A5和牛一樣很油膩。環境一般 個人不太喜歡 因粉紅為主。但貧道畢竟是大隱隱於市的人，完全沒有所謂。服務感覺非常好源於餐牌的介紹，但其實實際交流機會不多，因為很多東西都自助。道可道非常道。

平時都懶寫食評，今次真係專登寫一寫。星期日約埋班朋友一齊食飯，諗唔到食咩就是但搵左間放題食，都冇咩大期望話要點好食，諗住都係食飽肚又可以圍埋吹下水。點知有驚喜，去到簡左個和牛餐，係幾貴好似42X，但而家做緊個咩消費劵優惠，送返$50現金劵。都叫正常價，去出面食A5和牛都唔止呢個價，講緊唔係果D咩M7果D 係真正日本A5和牛，但食完後就真係覺得抵，性價比一流，品質好高。仲要幫我地5個升級埋日式私人包廂，成程食得好爽，冇人打擾，一邊飲啤酒一邊隊牛，爽。

farewell 同事緊係要搵間裝修好，坐得舒服嘅餐廳。「牛之鍋」嘅餐廳位置方便，環境又寬敞，仲有梳化位添，簡直係坐得舒服，傾得開心。😊有4個不同價錢火鍋任你揀，又有辣有唔辣嘅湯底，最重要係有養生湯底，感覺對女仔黎講就更吸引！❤️食物有熟食，生食，款式都唔少，有牛，豬，餃子，蝦，丸，菜同不同嘅菇，最喜歡係有得自製台式飲品，可自家製作不同甜度及材料啲飲品，另外有罐裝飲品，真係食到好滿足。😆由於太多嘢食，食得太開心，所以只係影左開始時嘅火鍋