牛奶冰室 (智選假日酒店)

营业中

休息中

麻婆豆腐食得多，但係喺一間冰室度食到一個超級冇水花嘅...又點可以唔分享一下... 麻同辣都恰到好處，豆腐滑到跣入喉嚨.. 好味達到秒殺level❣️🌟亮點仲有一塊超香脆🦐蝦片係近期不斷想返去食嘅頭號種子💭😋 💭😋另外人氣嘅有流心芝士菠蘿包，佢嘅菠蘿包外皮都幾鬆化不過略為甜咗少少，佢嘅流心芝士簡直係邪惡教主，芝士控同菠蘿包控真係要試吓差啲漏咗杯萃取🍋檸檬茶， 佢將鮮榨檸檬汁預先調教好份量加入紅茶入面，所以杯入邊係唔會見到有檸檬嘅， 味道較平時自己篤檸檬較酸，但係反而香味較濃，小甜味道剛好#檸檬茶#菠蘿包#流心芝士菠蘿包#麻婆豆腐#mapoatofu#tofu #豆腐#foodiehk #instafood #foodie#instaeat #eaternet #foodgasm #foodphotographer #instapic #為食滑嘟嘟 #腌尖的Van仔 #雲葉哈思#van_snoopy

呢排對於茶記早餐零抵抗力，路過見到呢間牛奶冰室d 單接極唔停，唔使諗，即刻試！香脆雞湯麵早餐早餐一碗麵同埋炒蛋多士連飲品。多士竟然係蒜蓉牛油多，好足蒜香，炒蛋滑得黎勁濃蛋味，早餐咁滿足得唔得架？最後香脆雞其實係煎雞扒切件上，係堅脆嘅皮。揀咗即食伊麵，其實都係公仔麵嘅朋友，湯底係胡椒湯底，有驚喜，不過椒到有d 太鹹同埋嗆口到辣辣地，美中不足。凍咖啡係大杯過出面d 餐廳，味道反而冇乜特別。Overall 係有驚喜嘅早餐，最啱早餐想食heavy d 嘅人順帶一提，落單係scan QR code, 都幾方便。

係公司附近同同事成日都嗌外賣同堂食，比錢果陣買包阿姐就好忙，我已經吾洗叮熱，但數量多就好麻煩，要夾隻包出碟再打開雪櫃塞片牛油再入個細袋（重覆），又快吾到然後就另轉身啤我，我就吾驚既，後面就排幾個收錢，門口又幾個外賣比錢。冇戴眼鏡馬尾果個阿姐情緒管理超差，order多左個餐，叫佢void單，佢話冇得，點會冇得，然後又同排隊既食客吵架，然後佢地就走左，譚仔姐姐都客客氣氣。高層應該正視下員工既培訓，如果吾係幾好食都吾想去。堂食先有咖哩吉列猪，好大塊，最中意常餐個生滾牛肉通粉，咖啡都大大杯，吾同既餐加吾同既錢。另外，佢地員工lunch好慘，坐係門口位，但後面就係姐姐同食客嗌交同等外賣。

由於因為喺附近返工，所以可以選擇嘅餐廳唔多，變相方便關係，會經常幫襯呢一間茶餐廳。但係由佢開業，打電話去查詢關於外賣或訂餐嘅問題，電話裏面嘅服務員態度係非常之惡劣同唔耐煩。相信都唔係得我一個客人有同感。早餐餐牌明明寫住去到11:30 ，但係原來11:25已經是lastorder。我認為如果11:25 last order嘅話，商家應該更改返餐牌，以免造成誤會😊🙏🏻另外除咗一直都覺得佢哋態度好差之餘，以下係我今聽日經OpenRice訂的早餐原本以為係鑊焦，放上紙巾吸乾發現是昆蟲！另外真係好討厭食通粉有條米線，根本就係上一手嘅面，可以清乾淨廚具先至再煮另一碗比第二位客人嗎？

Weekend 去左銅鑼灣假日酒店樓下嘅牛奶冰室食早餐，早餐時段都要排隊，同好多人買外賣，算係好受歡迎嘅早餐舖頭！今次試左兩個餐，沙嗲牛肉配即食伊麵配牛乳炒滑蛋、蒜香多士（$39）同香脆雞扒即食伊麵配牛乳炒滑蛋、蒜香多士（$40）。蒜香多士烘到好熱好香口，上枱好快可以食曬成塊，牛乳炒蛋炒到半熟夠滑，上面仲有少少香草，令到佢賣相同味道都有加分！麵食方面可以揀通粉、米粉、米線、即食伊麵，會配上即食伊麵湯底，入口嘅時候少少香辣，幾惹味！沙嗲牛肉嘅肉片比較薄唔會好韌，配埋有花生香既沙嗲汁，香脆雞扒就比較失望，皮唔算太脆，好在雞肉唔柴，最有驚喜嘅係竟然會有啲菜心做配菜！飲品方面都唔差，凍飲用高身杯上，奶茶茶底幾濃。下次嚟再試佢嘅爆漿拉絲菠蘿包（$20）！

12點15點了外賣，12點45才來，真的不懂為什麼需要這麼長時間才能做出兩份，裡面有一盒奶茶也是有漏出來。告知我15分鐘可以來取，結果等了半個鐘。酸辣粉絲聞起來味道很重，但是吃下去又沒有味道。

新鮮出爐爆醬拉絲菠蘿包！中意食芝士嘅朋友唔好錯過啦⋯⋯$20 大個你塊面，同同事share都超飽，芝士用咗兩種唔同嘅芝士，咸香夠熱，但菠蘿脆面可以再脆啲！包夠鬆軟！另外常餐試咗鮮牛通粉，鮮牛係靚鮮牛，湯係營養牛奶湯，但鮮牛味更突出，唔落胡椒粉都好夠味！有埋菜粒，抵讚👍🏻炒蛋食得出係普通蛋，唔夠蛋香但算滑，多士係garlic toast, 不過唔係好厚toast, 叫左菠蘿包就好似double左！凍檸茶都有驚喜！檸檬係一早blend左，唔洗自己篤檸檬🍋仲好fresh!$54+$3常餐另外都仲有其他飯類粉麵餐，下次再試！

呢間好似係新開嘅冰室，之前經過開冇留意到有，鍾意試新野嘅我決定入去試一試。見到佢哋食物種類都幾多，除咗有一般茶餐廳有嘅粉面飯之外，佢哋有一啲類似中國特色嘅酸辣湯底面，所以今次除咗電阻個茶餐廳必食嘅乾炒牛河之外，我另外點左一本豬扒酸辣湯麵試一試。整體湯底都幾濃郁，有救辣同夠酸，如果豬扒更容易咬開會更加好，而另外嘅乾炒牛河上碟嘅時候都幾熱辣辣，見到佢哋都係即叫即整幾新鮮，呢款整體味道可以，就係覺得油膩咗少少，不過一餐半餐都唔緊要啦！

呢間冰室價錢好抵，$96兩個人，食完菠蘿芝士拉絲包、飲埋阿華田，我已經食唔落份三文治，可見佢大份兼抵食，$18大洋菠蘿拉絲包。雖然佢送左份牛肉碎三文治黎，但好快又拎走，換返黑松露滑蛋多士俾我，感動😹仲有沙嗲牛公仔麵既麵係福麵。牛奶冰室比紅豆、紅茶、金記冰室更出色！只有嘉樂冰廳可以一較高下！

Not a lot to expect, an ordinary cha chan tang meal. no surprises. Be cautioned though about the real self of the cheese pineapple bun. It is miles away from how it is being advertised in its promotional photo, instead of using the real stuff, cheddar sauce is used instead - absolutely no stringiness, just a mass of runny tasteless stuff.

最近都鍾意喺度外賣早餐因為份量十足，而且外賣嚟講，味道已經好好！多士係蒜蓉牛油多士，炒蛋份量好多，而且唔乾身！ 其實淨係完成咗佢嘅炒蛋多士已經飽咗一半🤣再講嘅就係佢嘅火腿通粉，分湯上其實巳經加晒分，因為唔使急住食同埋浸到發晒！ 我喺通粉裏面仲有大量嘅蔬菜🥬。感覺上健康好多❤️再用app買完自取，個餐只係$30左右，你話咁抵點可以唔變食堂呢❤️👍🏻

老友話好好食OK啦行到過去12:50大概有10個人排隊見午餐時間仲有咁就即管排隊啦一路排隊一路留意吓個餐牌真係好多嘢食恍似百分百嗰種真係話咁快都唔使15分鐘已經有位光猛乾淨外面睇以為好世間原來都OK喎可以坐到好多人唔怪得知咁快有位見到好多人食咖喱吉列豬扒飯點知想叫嘅時候已經冇晒唯有叫瑞士汁雞翼炒麵仲有多士炒蛋凍飲/熱飲我哋兩個都係嗌同一個餐好味喎雞翼大大隻啲面都好爽口仲有蔥油喺上邊炒蛋好味濕潤多士熱辣辣我飲熱奶茶OK嘅值得推薦喎下次再去食其他嘢先

希望餐廳注意客人特別要求，因天氣漸涼，免得食物熱度不夠。今日要求9:45到取，早在9:27到達餐廳（知道自己早到了，亦不介意等十五分鐘），但見外賣已做好放在收銀處待取。手探外賣碗溫度時已感覺到不是熱的，似做好很耐。十分鐘後回到公司進食時，果然沙嗲牛肉米粉及咖啡已沒有熱度，公司亦沒有微波爐不能翻熱。衷心希望餐廳注意客人特別要求。謝謝！

冰室受本地歡迎，係銅鑼灣開到成行成市，呢間算是比較新的新潮冰室，一試之下就中伏，鋪面地點位置係好，可惜上至食物質素下至樓面工作態度都差得離譜。👎🏻餐牌種類很少只得幾款組合，叫咗一個蒜香蜜汁叉燒蛋飯，叉燒一般用半肥瘦比較香口，呢碗叉燒「柴」到離晒譜，肉質乾爭爭，直頭用嚟轉木取火都仲得，味道又過鹹，$56完全不值。差！跟住跟餐杯檸檬茶仲驚！！就咁睇已經知道味道好酸，即係上枱已經唔使篤檸檬個款，飲落之下，嗰種酸味直頭衝擊味蕾，完全冇茶味。用檸檬沖劑已經冇誠意。仲叫咗碟咕嚕肉飯，咕嚕肉同樣乾到實一實，菠蘿用罐頭既，喺面頭灑少少芝麻就算，不值一提。除咗食物質素，樓面阿姐啲態度都很差劣，嗰種差係連眼神都望得出，幾大獲。啲客人稍為問一句連回答都費事，十問九吾應果隻，只係用手指一指便走開，見到都覺得過分。價錢唔算平又唔好食。

見呢間冰室成日好多人排隊，今日得閒就試試。13:30入到去lunch set售罄大半，叫咗個常餐同全日餐，雞翼撈公仔麵偏鹹，炒蛋唔差，多士唔脆又薄，麻辣雞扒米線得個辣唔香。無論食物質素、份量、價錢都同一般冰室差唔多，諗唔明點解咁多人排。重點黎喇，手機落單畫面寫全日餐加配可樂$6，點知賣單時變$9，同職員講show埋手機落單畫面，佢哋都死話全日餐配嘢飲要正價，正價無問題，咁你又寫$6!? 咁樣營商俾人感覺好差👎🏻