牛扒先生 (東港城) (已結業)

是日生日妹妹請食飯，提議去新開的Mr.Steak, 入座前爸爸先攞位，佢問左門口有無限時，帶位的短髮女子只說用餐時間大約1.5小時，無提過1.5小時就要離開，因為等妹妹放工，所以遲叫野，但期間一直無人提我地早點點菜及再提只有1.5小時時間，結果到我地剛食完主菜門口個姐姐就要我地埋單走。果刻仲未食甜品既我地好不爽，後來先有位正常的女侍應溫和地同我地講佢地因爲要交枸枱俾下一位，所以請我地先埋單，我地先叫順返條氣。第一次食Mr.Steak, 滿心期待，一直聽朋友講好食，但侍應答非所問，勢估唔到服務差成咁好失望

唸住工作告一段落食餐好嘅lunch 啦～覺得呢度係唔錯嘅選擇，因為食過太古、銅鑼灣嘅分店食物質素的確幾好~怎知……叫咗一份半自助扒餐$158，有牛扒、豬扒、腸仔~牛扒要七成熟。怎知……上到來係“乾爭爭”，仲要少部分係燒焦咗……嗯……大家樂嘅牛扒好似好啲啲而塊豬扒都幾乾身……美心嘅焗豬會好食啲最好食得條腸仔……好啦～嚟到半自助餐部分~個秦式木瓜唔錯，木瓜唔會太生，甜度剛好~呢度嘅泡芙都Ok，西式甜品都ok喎嚟到碗豆腐花……嗱……碗豆腐花呢……老過我啊婆……我啊婆今年104歲㗎啦…百福豆腐花好食啲跟著同隔離張枱嘅食客傾開計……個靚女話……我叫咗碟燒春雞套餐……隻雞似係用滾水烚出嚟……啲皮……唔脆……成碟雞無味……太興質素好過佢喎老實講……嚟得食咁嘅價錢午餐……食客緊入係有啲期望啦…所以我哋全枱反映俾經理聽食物質素……經理回應話……唔好意思，太忙太多人客了……嗯…我哋明白的……見咁多人仲係門口排隊……態度……我明白……太忙，所以人手應付不了，飲品及食品要等嘅時間堅係長嘅。衛生……啲待應打完乞嗤無時間洗手……繼續工作，因為實在太多客人了，自然應付不了。咁…………下次唯有去其他分店算啦…原來新開

下午三點幾未食lunch，一個人去試試新開張的Mr. Steak. 見佢有下午茶，$5x 起，於是我點了$65 的紅酒燴黑豚肉長通粉，配咖啡。份量比我預期中小，鋪在上面的“黑豚肉” 的賣相其實有點似茶記的五香肉丁，不過味道當然是很有紅酒香味的豬肉啦！意粉很彈牙，是 al dente 那種質素。咖啡呢，共加了1.5份奶和1.5包糖就帶出咖啡的香味了。環境好好，座位之間的距離好舒服，裝修亦好classy, 平日下午茶不收加一（其實其他日子都最好唔收 extra 10% 啦！）只是考慮到份量實在太小，如果下次好肚餓就未必再來了。