牛極 (樂聲大廈)

营业中

休息中

一舊水唔駛就鋸到塊新鮮靚扒（起碼唔係用蘇打粉哪到霉曬果d「鐵板牛」）！幾成熟自己話曬事！最正係有任食新鮮沙律、牛肉湯同埋日本米白飯任裝！正所謂係上、中、下三路都毫無破綻🤣！正值發育年齡嘅學生同體力勞動人士大食死仔嘅首選！💪🏻💪🏻💪🏻牛肩扒肉味好夠，但係有小許筋。 亂切牛就好嫰又冇筋。之前都有紙圍裙提供，不過可能因為環保同成本考慮，宜家只係用喺塊石加紙「圍板」。另外牛極塊石係用有天然窿窿嘅火山岩，外觀差咗小小！呢方面我鍾意中環滿滿食堂果塊雲石款嘅靚d！（不果呢間午餐冇湯冇沙律，仲要收加一服務費（堅有服務嘅😁））。

自己一個唔知食咩好。又想食肉又有菜食balance下。全自助式的牛極係市區嘅一個好選擇！😋😋😋😋價錢唔貴，最平$85有交易，一份150g的牛肩排🥩同任食沙律🥗，飯🍚，同牛肉湯，絕對食得飽。食物質素唔錯，沙律新鮮，牛肉湯足料。唯一不足係今次塊扒比較多筋。除左牛之外，還有豬同雞可供選擇。員工服務態度良好有禮，食物refill 速度合理。餐廳雖然比較細但環境尚算舒適，不會太狹窄，而且不會有太大的油煙味。下次可以再戰！😋

之前自己一個黎次次都食牛，覺得都幾抵食，同埋如果鍾意食飯嘅朋友一定好開心，因為白飯同埋沙律同湯都係任食，當然沙律都係最廉價嘅西生菜仲有零星嘅車厘茄，而湯都唔建議飲太多，因為感覺有點兒鹹。任食來講，都算性價比高。今次同男朋友黎，試吓鰻魚併雞扒。個餐一嚟到見到，超級失望。淨係見到有一大pat醬汁，好似浸住咗條鰻魚同埋雞扒。整開啲汁，見到條纖瘦嘅鰻魚尾、同埋好似俾人碎屍完嘅雞扒，塊雞扒下面仲要墊咗椰菜，超級薄、超級細塊。下次真係唔好手痕亂叫

同朗朗去完皇室堡，去左怡和街既牛極食lunch呢度 牛肉湯🥣沙律🥗同珍珠米都係自助同任添既飯可以加紫菜粉牛肉沙有d肉，洋蔥，蘿蔔 好好味沙津可以自己加胡麻醬，仲有粟米第一次挑戰帶朗朗去我叫左180g牛肩肉$85 唔洗加一上枱渣渣聲 好吸引啊仲好細心用紙巾遮一遮 唔會彈到周圍都係廚師會整一成熟再自己慢慢係石上燒到想要既熟度牛肉入口又淋又香😋好好味啊估唔到d肉咁高質仲有朗朗都肯食佢d飯同肉終於可以唔洗下下去食薯條🍟牛極 (怡和街) (銅鑼灣)銅鑼灣怡和街19-31號樂聲大廈地下1C-1D號

一直猶豫要不要推薦這間，因為CP值太高了。如果太多人知道，我就要排隊了😭這間隱藏在維多利亞公園跟香港富豪酒店之間的小小日式鐵板燒「牛極」，聽名字以為是火鍋或是BBQ，走進餐廳才知道這個世外桃源不只是好吃，可以有絕佳觀景點「叮叮車的交會處」。對觀光客來說，來香港一定要體驗得叮叮車，你可以默默坐在門口旁的單人座位，靜靜看著窗外叮叮車交替駛過，真的很有出國的感覺❤️美景我留大家自己去拍吧真的很怕太多人知道這裡🤣這裡當網美打卡的靜謐時光都沒問題。言歸正傳，趕快來分享一下美食這次我終於記得拍菜單了🫡點餐都是用販賣機，不過機器很認鈔票，會有另一位店員在旁邊幫忙，有次吐回鈔票吐到店員掏自己錢包換一張還是在吐….真心建議乾脆改成櫃檯付款比較快🥹最關鍵的牛肉，還有大推特推的「日式鰻魚燒」。在香港不可能找到兩大片鯛魚燒，花不到70元！「日式雞扒燒」推薦給牙齒不太好的朋友😭不需要咬，肉質鮮美多汁好吃到多吃幾碗飯，沒錯！飯吃多少碗都沒關係！因為可以無限免費添！開心轉圈圈～不只是白飯還能加海苔粉、番茄牛肉湯裡有大塊的牛肉，連玉米沙拉都有日式麻醬，水都有檸檬片！如果你是大食怪的人類，瘋狂推薦，因為這裡不限時段，你想

今日返工lunch去食牛極，不愧為係我指定嘅飯堂。半自助餐嘅食物最為吸引🤗，前菜整碗牛肉湯飲先啦佢啲牛肉湯一樣係咁有水準，而且牛肉分量好多。叫咗個🐂牛肩套餐嚟食，分量十足，嗰種係熱石板上燒出嚟嘅聲音，沙沙聲真係令人回味。一到刀切落去，切成一粒粒嘅感覺，再喺上面親自整到8成熟，自己控制個熟成度個感覺真係唔錯。再配埋個🍚白飯上面沈啲紫菜碎，配埋佢個特製燒汁。一個好滿足嘅lunch，食牛極都可以食個快餐咁，價錢又ok，不錯不錯。環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️💗

同朋友行過銅鑼灣怡和街，見到呢間食石板燒的牛極，lunch set價錢超級抵食，仲包沙律，湯，白飯，一個價錢仲要無加一好抵呀！除左石板燒外，佢地其實仲有set lunch，而呢間餐廳係半自助形式既，門口放咗一部售票機，要自行落單先，店員都好有耐性先講解我知。食steak menu係可以自己揀gram數，男士們可以選擇大塊D，咁就唔驚唔夠飽啦！只半自助嘅意思係可以自己任食沙律，牛肉湯同白飯，而白飯仲可以選擇放紫菜粉！🥗沙律食任何野都要配有蔬菜才比較健康，落埋芝麻醬可增加味覺，唔會覺得好似食緊生菜咁🙈🍲牛肉湯用左有牛肉、紅蘿蔔及蕃茄煮的，湯味很重牛肉味😎🥩牛柳 180g一上台店員係用廚巾cover住牛的，因為是只有1成熟，但用石板燒慢慢燒成你想要的成度。我等到差唔多5成就拎走廚紙了，然後慢慢切開佢，再慢慢燒多一陣。石板燒高溫可以鎖住肉汁，牛柳味很濃，外脆內軟。配上蒜蓉辣汁，令牛柳味度更好☺️🥩澳洲牛仔肉眼 180g一上台店員一樣係用廚巾cover住牛的，以免彈到油，肉眼份量好足料及好厚。牛肉味好濃，而且同牛柳一樣肉質嫩，比牛柳的肉汁較多，朋友話配埋白飯簡直絕配😌

🥩石燒牛柳 $115/180g🔸石燒牛扒都算係一個人唔知食咩嘅時候一個好選擇😁而今次試咗香港石燒牛扒界一間好多分店嘅龍頭之選！師傅先燒咗塊一成熟嘅牛柳比我，然後就係自己發揮嘅時間😎我建議一路食一路切會好啲，容易啲去控制熟度。今次食嘅牛柳肉質細嫩而軟腍，肉汁亦夠豐富，值回票價👍🏻🔸之後就係有個自助區可以任食飯／沙律／日式牛肉湯。我好鍾意用佢個日式牛肉湯撈飯食，個湯水準唔錯，撈埋之後好正😍🔸佢地嘅石燒牛肉款式已經有好多唔同選擇，適合有唔同筆直嘅你😙午市仲要羊／豬／雞／魚都有，就算唔食牛肉嘅你都一樣可以去體驗石燒樂趣！

🍽🍴🍽🍴🍽🥩🥩🥩🥩🥩🍴🍽🍴🍽🍴🍽-一入到去買飛落單，牛肉會喺廚房即切放上石燒，擺到上枱肉嘅外層已經微微煎熟，所以唔洗擔心要等好耐先煮好，快靚正又唔會太頹🤣。呢度有任食沙律、白飯同埋有湯任飲，湯係日式牛肉湯，有少少似羅宋湯咁偏酸幾開胃，白蘿蔔同洋蔥都煲到淋幾入味。🥢牛肩扒180g $85 🆗牛肩食落牛味相對比較重較有口感，同埋脂肪比例較低，唔會好重油味食完都冇咁重負擔😆。塊牛都算係厚切，所以生熟程度都比較容易控制，建議切開塊扒再根據自己中意嘅熟度煎埋入面，高溫石燒嘅好處就係可以好快令牛扒煎熟而入面都keep 住juicy 唔會收乾哂✨。如果煮好就要快啲拎離塊熱石，如果唔係就會overcooked 喇。牛肉係冇預先醃製或者調味，座位上面有黑椒、海鹽同埋BBQ spice供應，自助區都有蒜蓉可以拎，可以因應自己口味加返。個人覺得落完海鹽先真係吊到啲味出嚟🤣。呢度嘅白飯係珍珠米，煎完d牛再舖上去自製蓋飯，d飯索咗肉汁同牛脂，好香好滿足🤓。🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 6/10服務 𝗦𝗲𝗿𝘃𝗶𝗰𝗲 6/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7

去中完央圖書館，想靜靜地一個人吃午餐。途經怡和街有間牛極，記得朋友之前推介過，今日又想食牛排，便入去試下，食完覺得好正，值得encore。此店的石燒牛價錢合理又吸引，選擇又多，有日本和牛，澳洲牛仔肉眼，西冷，牛肩扒，牛柳等，還有亂切牛排(混合不同部份的牛排)，最後揀了牛柳。店供應一成熟的牛排，由客人自行在熱石上烹調。牛柳拿到來在熱石上發出滋滋聲，新鮮熱辣，令人垂涏欲滴。牛柳大大塊比我想像中大，我將牛柳切成小塊在熱石上烤，烹調到自己喜歡的熟成度。牛柳肉嫩無雪味，又鮮甜無筋，只要洒少少鹽和黑胡椒已好好味， 好食抵食，滿足!除了牛排，湯，日式沙律和珍珠米飯任食。日式牛肉湯絕不欺場，內有牛肉和雜菜，好飲。沙律菜新鮮，加日式芝麻醬美味，珍珠米飯有飯味。不想吃牛排，可以選豬，羊架，雞扒，鳗魚，牛舌等。店座位舒適整潔，背境日本音樂悦耳，員工友善有效率。推介你來!

每次行完銅鑼灣IKEA之後我都會慣例去食南記，但今日突然好想試新嘢，經過附近見到有間～牛極自助石燒牛肉店，就膽粗粗入去試下喇😁牛極係自助型式嘅餐廳，有自助售票機，落完單服務員接左order就可以搵位坐架啦，餐廳中間係自助區，有飯/湯/沙律/醬料/水同餐具比大家用。食物方面除左牛肩排/牛仔肉眼/西冷/牛柳/日本和牛之外，仲有雞扒燒/鰻魚燒/牛舌燒等等，亦都可以選擇重量180g/270g/360g，視乎各人喜好所需啦。今日我點左180g牛柳，上枱嘅時候全件牛柳係放係熱石上加熱，再用廚房紙遮住，以免d油彈到，都好細心喎🥰而自己可以控制生熟度同埋厚薄，牛柳啖啖肉得黎又幾嫩滑，點d醬燒汁再落d黑椒，送飯一流👍🏼仲有呀..白飯，沙律，湯任食唔嬲😉。總結：整體上都算唔錯，地方夠大又坐得舒服😌今日食嘅牛柳比想像之中高質🤩我已經target好下次黎食一定要食日本和牛😝。

近呢幾年，Stone Grill 石燒受香港人歡迎👏🏻👏🏻👏🏻，價錢都變得更普及化。 呢間石燒連鎖店，分店多又就腳，選擇多價錢親民，我中午去到，除咗返工一族幫襯，連學生都有🥰石燒牛柳180g， 熱辣辣，出哂煙咁上🔥🔥，外層已經微微烤過，帶啲焦，賣相吸引🤤，切開半生熟，肉色粉嫩，可以任由自己愛好烤熟，牛柳入口軟嫩香滑，肉汁豐富。每款石燒都跟沙律🥗、湯及飯，以自助型式好方便另外厚切牛舌燒午市套餐，同樣熱石上，牛舌味道香濃，軟腍爽口，醬汁調味剛好，絕對值得一試

⁕✦★。牛極。★✦⁕怡和街分店半自助形式，最緊要係有自助售賣機～非常方便！環境夠大寬躺✴️午餐時段：有午市套餐，價錢真係非常抵食，仲有半自助餐嘅感覺！有沙律菜，湯，白飯任添🐮牛柳 180g熱石板上面自己加熱～本身廚師只會整一成熟，自己鍾意食幾成熟都得，啲牛切幾厚幾簿都係自己話事‼️可以自己控制生、熟、厚、薄同埋調味😻最緊要快捷石板真係好夠熱!我食到差唔多食晒都仲係好熱🤣自己烹調～自己控制✌🏻肉質好鮮嫩，而且好滑口！

一直都好中意自助既石燒牛扒餐廳，因為可以自己控制熟度🤣 琴日去咗港島做啲野，再搭電車去到怡和街呢邊，電車站附近就有間牛極！佢係自助售票形式，我揀咗牛柳🐮 餐廳中間就係自助區，可以任食沙律🥗、飯🍚、湯🥣🔸🐮牛柳(180g) $115一上菜佢會用廚房紙cum住，避免彈到油，我覺得好貼心🥰 牛柳好厚身，外面熟咗，但裏面依然好粉嫩，口感好豐富，而且好多肉汁，好juicy😋！可以自行加黑椒、pink salt或者BBQ steak seasoning，加左啲調味料之後更加好食🤤 自助區仲有自家製燒肉汁、辛味芥末燒汁！不過我冇加到，想原汁原味咁品嘗吓個牛柳xd 飯配埋紫菜粉超好食👍🏻！而且仲有日式牛肉湯，食到好飽～見佢午市lunch都幾抵食，遲啲應該會再嚟食lunch😚

早放工睇有時間就順便行下街，而且都想搵下好野慰勞下自己，行過睇到呢間餐廳，成舊牛肉好大塊，價錢又唔係好貴，就諗住試下。揀左180g牛柳肉，係半自助式，設有自助區，包飯、前菜沙律仲有牛肉湯；牛肉可以自己燒，所以要幾成熟可以自己選擇，味道OK一般般，上面有少少碎蛋算係錦上添花但塊肉真係好大好厚，如果係鍾意食肉既人見到都流曬口水。牛肉肉質都算OK，有時會好多筋好難咬，但基本上都容易入口既。個人覺得值得試下，肉真係大塊，飯、調味料仲可以任添，但就只有牛肉比較單調。