牛極 (大河道) (已結業)

今日去左牛極食好西,地點就喺荃新天地附近 下一條小巷通過去又或者係喺荃灣西行去荃灣站嗰條天橋中間有個電梯搭落去服務員態度都好好。 唯一要彈係地點, 網絡收得差又冇wifi飯菜湯疫情關係店員裝。 水同醬就自己裝咁講下裝修。 天花啲日本傘都幾靚。 熱石板唔夠熱可以換。 另外都有做外賣。牛柳 200g 110元。 牛: 可以自己煮到合適熟成度, 唔會靭。 切開粉紅色, 稔熟度剛好。 加左燒肉汁同蒜茸醬同蒜片好夾。 辛味燒汁我個人就一般。飯: 應該係珍珠米 菜: 沙律非常好食 菜絲切得夠幼 爽脆 湯: 麵豉湯我覺得咸左啲,不過都OKAY

今次去荃灣食燒牛排，兩個人選擇了牛肩排和牛柳。由於疫情關於系，本身出去自己任拎的湯和飯，會由侍應遞上，一樣任食。此店特色的地方是用熱石上，而肉只會預先燒一成熟。之後，就會呈上，而其後的客人切成小塊，再根據自己鐘意的熟度而去燒。牛肩排，180g，絕對夠食。因為餐有湯，沙律，飯。牛肩排的肉質重，肥美，而且會有少少筋。店內仲有提供調味料，可以根據個人口味，而去調味。牛柳，200g。肉質會較為瘦，但肉味重，而油脂不太重，唔會覺得好油膩，適合一些唔鐘意太肥的人士去食。如果食牛怕會膩，這裏供應的沙律，可以解膩，而且清新。個人就喜歡牛肩排多些，因為較為肥美，配埋白飯就最適宜。

疫情來襲，令到我呢個為食妹要日日留喺屋企靜心修養。上星期就去咗荃灣嘅牛極，一個人嘆靚牛扒 。今次我點咗一份$110 ,200g 嘅牛柳肉 ，牛柳嘅肉質相對軟滑一啲，牛肉質素很好，每一口都有濃郁可口的牛肉味。 食石板燒嘅好處就係生熟自己隨意配搭 ，想熟啲就擺落塊石頭度煎一煎， 自由度很高 。入口嘅牛肉味道十分充足 ， 加少少海鹽 原汁原味就very good啦 。性價比嚟講有九分，溫馨提示小心畀石板辣親同埋啲油彈親 。講真就算出去買塊扒都係咁上下價錢，但係仲包埋任食嘅沙律菜，白飯同羅宋湯，夫復何求呢 。鋪頭細細好有日本風味， 門口嘅販賣機令我置身日本嘅感覺 ，順帶一提鋪頭只收現金或者支付寶 ，嘢飲就要另外再買 。下次有機會就去試下牛極嘅午市套餐先。

連續幾個星期在家，真的有點悶，所以今日決定同女朋友去食牛扒。牛極，主打日式快餐牛扒，在香港已經有多間分店，我今次選擇的是，位於荃灣荃新天地附近的分店。入去，先在門口的點餐機選擇你想食的套餐，之後便可入內坐下，等候上餐。先打量店內環境，裝潢偏日本民居餐廳的風格，簡單。中間有一個位，擺了醬汁，白飯，湯及沙律，但因為疫症問題，除了醬汁，其他需要叫員工待勞。牛扒有六款，由美國牛，到澳洲牛，連日本和牛都有，以且有不同的重量，豐儉由人。我選擇了價值110元，的美國牛柳200g，女友則選擇了80元，180g的牛肩排，已包可無限添加的飯、湯及沙律。店主只會將牛排烤至一成熟，再放上熱石，由食客自行斟酌熟度。牛柳，比夠多根，牛味重，入口多汁，我女友很喜歡。牛肩排則較嫩，油脂味亦比牛柳明顯。在熱石上，邊燒邊食，牛排亦十分下飯。久違的外出食飯，但味道確實不錯，係時候要回家了。

放工後去荃灣食lunch，友人話想試下這間餐廳，見到價錢又唔貴，而且沙津，湯，飯係任食，一於試下先🍴食物🍴牛肉已經預熱有2成熟，隨自己喜歡燒到岩自己既熟成程度，另外有喜馬拉雅鹽，黑胡椒，辣椒乾自己調味1️⃣牛柳（200g)$110: 牛柳切開後輕輕用鐵板燒一陣，大約都有6-7成熟，牛柳肉質很嫩，唔會乾對女生來說200g好足夠2️⃣牛肩排（180g)$80: 這款是帶有少少骨連肉，肉質都唔錯，但個人喜歡牛柳口感多一些🥗沙律🥗可選柚子或芝麻醬，蔬菜都好新鮮爽口，不錯👍🏻而湯是我最喜歡的麵豉湯😋💥環境💥店舖很光亮而且地方乾淨，有少少日式既裝飾。💥服務💥提供自助購買機自行揀心水食物，簡單快捷，餐廳會主動提供即棄圍裙，另外疫情期間湯，飯，沙律會由店員送上，店員都有禮貌有笑容⚠️總結⚠️如果唔食牛，另外亦有午餐提供$50-65（雞扒/鰻魚/黑豚肉），性價比高，是可以再值得黎既餐廳（5❤️為滿）食物：❤️❤️❤️❤️服務：❤️❤️❤️❤️環境：❤️❤️❤️

喜歡出街周圍食的我， 最近屈在家，因公司安排了我在家工作， 很久沒有外出吃飯了， 自己煮食煮到好悶了。今次有朋友向我推介牛極，佢話食過咁多間石燒牛， 牛極真係唔錯喎，佢講到咁我冇理由唔去食下嘅。來到荃灣分店牛極，我叫左個最平的牛肩排$80(180g)，試一試呢間的質數先。一件有份量的牛肩排送到上前， 我快速切件，因我好怕d牛煮得過熟， 我先咬一件， 唔錯喎，好有口感唔會得個腍字，有牛味濃，旁邊有蒜泥， 辣醬， 醬汁， 我將蒜泥放哂入醬汁到， 再用牛肩排點一點來送飯超好下飯呀！不過咁樣燒我都怕熱氣，好彩呢到仲有清爽的沙律中和下，整體感覺唔錯好抵食。

喜歡周圍尋找美食的我， 最近因為疫情關係減少了出門， 屈得在家太耐，煮左好多餐飯心情開始差，而且已經食哂屋企的糧食了， 假日出去超市入貨後，真係唔想煮飯，決定去食好多人推薦的牛極 ， 獨自享受牛扒。第一次來到牛極，由於疫情關係，座位都間開座， 我點選左牛柳 200g （$110），侍應生為我先送上沙律和湯，沙律我配左柚子汁，好清新爽甜。一大件牛柳 來了， 聽住sa sa 聲，成件牛柳，我切開一件件，每邊都燒一燒熟，再慢慢食，呢到的份量都幾大，好重手，但價錢一點都唔貴，好經濟呀！ 牛柳入口幾腍，我唔太喜歡見血太生，所以自己燒到7成熟剛剛好，一口一件再食一口飯正呀！

石燒牛🥩熱真係一觸即發⚡️ 繼深水埗既三拍子牛後, 今次就黎試下越開越多分店既<牛極🥩>🤩 同日本🇯🇵一樣, 先喺門口自動售賣機點餐💸 再一邊自助形式處理🥗🥣🍚🍴同醬汁, 一邊期待住塊牛扒🤤1️⃣ 牛肩扒(180g)💰$80黎喇黎喇🤤 牛肩扒夠曬「熱氣💨」🙈 炸炸聲不斷之餘, 稍稍切開肉汁仲彈到四圍都係😵 (真係好熱好痛😢) 熱石好快將肉汁鎖住⛓ 仲可以因應個人喜好燒至喜歡既熟度😉 👦🏻🧒🏻鍾意食medium-rare🥩😍牛肩扒(180g)雖然係最平既但都聞到有牛味架👍🏻 肉質算唔錯, 咬落仲好多肉汁🤤 當然唔可以同高級牛扒比較啦😉 燒汁同塊牛扒幾夾😳 推介試下🤤 仲可以落海鹽同黑椒添🙂 呢個價錢性價比算幾唔錯😃留意地板唔知點解好跣😱 小心小心⚠️ 荃灣店仲有點點迫😣 想多點點私人空間可能就建議坐入少少🤏🏻同「面壁」位喇😉 另外, 因為售賣機得1部而且喺正門口, 撞正多人就要點點時間排一排了😵

由聽日開始，晚上六點後，餐廳就唔可以再有堂食。所以今日把握最後機會，外出搵食。今日就揀咗位於荃灣嘅“牛極“食日式石板燒 。其實早已聽聞過呢間餐廳，一早想試 ，而家喺荃灣有分店，十分近我，所以今日一支公都要去拜訪一下。我就點咗一份三$120,有300克嘅牛肩肉 （不用收加一） 。未講 肉之前，先講一講餐廳嘅其他嘢 。門鋪細細，門口就有部售賣機，自己撳飛 ，注意只收現金或者支付寶 。另外白飯同羅宋湯同沙律菜都係任食 。個人推介柚子醋配沙律， 酸酸的很是開胃。輪到主打牛肩肉， 塊石真係好熱，小心辣到 自己。店員上碟時已經說明牛扒只有兩成熟 ，塊扒又大又厚，最啱我呢個食肉獸。我個人嘅食法就係一小塊一小塊咁樣切， 然後隨心水 ，有啲就比較熟，有啲就可能半熟， 配搭唔同醬汁 ，隨自己心意。肉質都算很不錯， 性價比十分之高。 入口有好香嘅牛肉味 ，而且唔會同嚼而無味， 下次有機會再試下其他人肉先。

今日咁岩係荃灣做完野，見到朋友推介既牛極，就入去試下。價錢好實惠，最平$80起。首先在門口的自助下單機點餐，然後選好座位，店員就會為你送上熱辣辣既牛排。湯、米飯、前菜沙律、醬汁和水都是任食的，而且是自助的。餐廳亦非常貼心地有即棄圍裙供應，食既時候就唔怕弾到全身都係。我就揀左200G既牛柳，都只需$110，所有牛排上桌時均為一成熟，客人可自行於200度熱石上烹調自己喜愛既熟成度，熱石熱力不足亦可通知店員更換，牛柳好厚身，好大舊，切開裡面係粉嫩的顏色，肉質嫩滑軟熟，肉汁被鎖住，牛味香濃，份量亦唔細，可沾醬汁一起吃。

今日同朋友出荃灣行街, 間間食店都要排隊, 見呢間有位, 即刻入去, 好彩啱啱好有位, 下一位已經要排隊. 裝修好簡潔, 有日本餐廳感覺, 入到去首先要噤機揀牛, 之後店員就會安排座位. 食物選擇方面, 就有牛肩, 牛仔肉, 西冷, 牛柳, 日本和牛, 今次叫左最平既牛肩排. $80有180g, 絕對抵食.牛肩排塊石板超熱, 好在有圍裙提供, 油唔會彈落件衫度. 塊牛係廚房會預先煎到2成熟, 之後就由客人按自己喜好去控制生熟程度. 我鍾意5成熟, 所以唔會煎太耐. 見仲有血紅就食得. 牛肩排肉質好好, 又嫩滑又有牛味, 一切就切得開. 除左主菜之外, 仲會無限量提供沙律, 白飯, 日式牛肉湯, 醬汁, 每樣都好味, 唔馬虎, 下次可以再黎食下和牛!

牛勁分店多，今日就去咗試下荃灣分店。平日大概7pm都唔係好多人。牛肩肉 $80 180g肉質一般，勝在肉味濃郁同調味粉搭救。任食前菜，餐湯和飯肉眼扒 $180, 300g 牛味比較濃郁，需要小心烹調，一個人真係未必食得晒，建議大家都係share 食會比較開心。

星期日中午去荃灣試牛極$80 180克牛肩排（包湯,米飯,前菜沙律任食）180克牛肩排份量足夠一個人食先門口自動售賣機揀選所選嘅牛扒種類,牛肩扒,付錢後食物單服務員,坐低5分鐘熱石上放上牛肩排送上,牛肩排份量一人足夠牛肉味濃肉質淋性價比高,自己可按喜歡,放下不同的調味鹽,胡椒及生熟程度在力石上烹調,我今次的5成熟左右麵豉湯好味,根據服務員講每星期轉換一次,明天星期一下星期就會係牛肉湯,已只$80蚊的價錢吃到一件份量足的牛肩扒實在是抵食夾大件,值得推介.下次再去試西冷扒

放工後，大概是晚上7 時多，與男友在荃灣附近找吃晚餐的地方。最終，便找到一間專門吃石燒牛的餐廳 <牛極>。由於疫情關係，在餐廳進餐的客人並不多。一入門內，店員便會告知你在自動點餐機點好餐後，給他一張收據，坐下等他送餐便可。我和男友是次分別點了牛肩與牛柳。等待送餐的時間，可以自己去取圍裙，戴上圍裙便可避免稍後有飛濺油花於衣服上的情況發生。另外，餐廳有提供一個自助區，可讓客人去取得沙律、醬料、米飯、湯和水。自取並沒有限制客人所取的份量，所以，可以根據個人食量再多次自取食物。牛肩與牛柳皆是被預先燒熟表面，並附上炸蒜，再放上石板上。由於，第一次吃自助形式的石板牛，不太知道牛肉的熟成度和石板受熱程度，所以，沒有切件放置在石板上比較久，最後，牛肉都過熟了。因此，會建議石板牛送到時，便可切件再放置在石板上，更易控制熟成度。本人比較喜愛牛柳肉質，因肉質軟嫰。而牛肩相對是結實，沒有牛柳嫰滑。

呢間人氣牛扒專門店，主打美國🇺🇸、紐西蘭🇳🇿同日本🇯🇵來貨，經過至少三日自然熟成，而且有5款唔同部位，和牛最抵更係$180就試到。以自助服務形式，自己DIY 係300度高溫石板上親自煎牛扒，至心水生熟度🥩💗重點係任食沙律、珍珠米白飯🍚同餐湯。麵豉湯用海帶、豆腐粒同味噌煮成，飲落偏鹹🍲；椰菜絲切得幼細，配埋車厘茄新鮮爽脆，可以配胡麻沙律醬或柚子沙拉汁，食落甜甜酸酸，開胃之餘可以解膩🥗💗牛肩排($80/180g)牛肩係隻牛經常運動嘅部位🐃所以肉質冇牛柳咁軟嫩，相對較結實，而且附有筋位，食落爽彈有嚼勁。牛味非常濃郁，油脂比較少。配埋炸蒜片一流🧄悲傷小姐個人口味比較鐘意呢款。💗牛柳($110/200g)牛柳屬於健康之選🐮因為脂肪含量少冇咁肥膩，但同時肉質軟腍度最高，証明呢個部位嘅質素好高，唔洗靠油脂分佈軟化。但牛味相對冇牛肩咁特出，但依然好有肉汁👍🏼💗 調味料方面，突出牛嘅鮮味當然淨係落黑胡椒同玫瑰鹽🧂；重口味之選可以落適量嘅蒜蓉或自家製燒肉汁；嗜辣之人可以放乾辣椒或辛辣燒汁🌶