牛極 (大河道) (已結業)

成日經過都想試下嘅牛極，今天終於可以一試。見到門口有個午市 menu ，有4樣可以選擇，價錢都只係$50 至$65，仲包湯、米食及前菜沙律放題，就入去試下。售票以現金自助形式，取票後交票予職員就可以埋位坐。店內坐位唔算多，4人枱約有5張，其餘都是面壁位。等緊嘢食之時，望下個天花，見到佈置了好多日本紙傘，加上店內同時播放日語歌曲，好有身處日本小店嘅感覺前菜沙律有兩款醬汁可自由選擇，而燒肉汁同樣有兩款，有辣有唔辣，仲有生蒜蓉可以自取。另一邊有白飯同湯可以無限添加。是日餐湯為麵豉湯。1. 日式燒雞扒($50)，上枱時十分熱，雞扒份量十分大，又厚身，外皮燒得香脆，雞扒本身已醃過，所以不用燒汁已夠味，而雞扒食到最後都係夠熱，唔似一般鐵板餐只有上枱個一刻先熱。在荃灣想以$50嘅價錢，食到飽之餘仲咁高質素嘅食店，我暫時只搵到牛極一家。美中不足之處，因全部食物都係石燒上，難免地上會沾上油，所以地下會有少少滑。

日本自助式售票機， 快捷方便令人回想起日本旅行感覺內面仲有自助式 藩茄湯，白飯，水，餐具， 同埋沙律，所用模式，都係跟足日本相似今次叫咗兩份牛一份係牛肩排 另一份係牛柳依家同之前舊式嘅鐵板燒真係好唔同以往舊式嘅鐵板燒 ， 食到一半塊牛排已經好快會凍， 反而石板燒嘅牛， 好處可以keep住個溫度好耐仲可以自己控制食幾多成熟如果唔夠飽自己可以潷飯食同沙律同湯再加埋牛肉上面炸蒜片真係好好味兩份嚟講我覺得，兩份牛都好高cp值

近排多咗好多石燒鋪啊，淨係荃灣都有四五間，今日嚟到呢一間價錢比較實惠啲，因為佢採用自助形式，好似日本啲小餐廳咁，自己買飛然後坐低，牛肉湯，白飯，沙律全部都係任食，勁抵👍🏻👍🏻而且一啲都唔馬虎，牛肉湯超足料，有啲似牛尾湯，真係有好多蔬菜同埋一嚿嚿嘅牛肉，白飯都特別好食，聽講係日本米😋😋用嚟點肉嘅醬汁都有好多款，我就最鍾意燒肉汁加蒜蓉😻.講吓啲牛肉先，我哋叫咗一個牛柳($110)同埋牛肩排($80)，餐廳會將牛肉燒到一成熟再放上石板送到你枱面，再因個人喜好燒到自己想要嘅口感😍 送上枱時聽到咋咋聲好興奮🤣每張枱面上面都有幾支調味粉俾你燒牛時加落去，好貼心啊🥓.牛肉嘅份量比想像中要大舊，牛柳肉質會比較林而且多肉汁，送飯一流，牛肩扒牛味濃d，肥瘦都適中，我最鍾意點埋佢嘅燒肉汁嚟送飯，超正呀！咁嘅價錢真係好抵食🥳🥳🥳

今日放假又黎到牛極，每次想食牛扒都一定會黎平靚正，100蚊左右一塊牛扒加任食飯，沙律同湯今次叫左牛肩扒同牛柳，質素以往一樣，牛肩扒帶有筋位比較有咬口，牛柳比較軟及濃味今次係羅宋湯，每次去既湯款都唔同，但本人心比較愛羅宋湯，比較濃味亦好足料沙律吧有幾種醬料選擇，可按個人口味，但每次都會選和風胡麻醬，比較開胃枱上有岩鹽及黑椒自行加到牛扒，醬料吧亦有燒汁和辣醬另外，亦設有圍裙俾客人，以防弄污衣服，石板不夠熱亦可讓人加熱

好耐冇去旅行啦好有衝動即刻去🔪扒於是就撩老公去食牛啦呢期興食石燒牛扒而牛極就係當中既表表姐當然要去朝聖一下門面好整齊 一入到去姐姐就比張紙我地落單我點左個180牛肩排而老公就點左200g牛柳等緊上餐既時候唔使齋等可以出去白飯沙律任裝同埋畢海帶湯個湯好香海帶味攪到我足足飲左三碗呀而白飯就好軟糯 等左一陣就上牛扒了 牛排上黎係一成熟的有得自己係熱石上邊慢慢煎幾過癮舊石燒得好熱 煎到沙沙聲姐姐提我地切好曬先慢慢煎慢慢食舊石食到最後都仲係好辣手愈食愈香 枱上邊黑椒岩鹽，黑椒bbq調味粉鐘意食咩味都有幾成熟幾濃味都由你話事 食得好過癮呀兩件牛味好重我諗我手勢唔錯煎到裡面嫩滑外邊香酥又好juicy咁食完真係捧著個肚走呀

現在疫情既關係都少左出街食飯～但係好耐無去牛極飲湯同食牛😋當日要買野就同友人黎食～上次獨食完同友人講有幾好食😜今次佢話要黎試🤣我地點了兩個排🥩牛排黎到個時會有紙蓋住～唔怕油濺到出黎～加上疫情既關係食得更放心～主菜未黎當然要飲湯先～因為有一半我為個湯黎～有蕃茄既少少酸加埋啲牛肉煲～真係好好飲～我好少會鐘意飲紅湯～但呢個真係好值得我再黎～沙拉菜都好新鮮～連埋麻醬食最夾～食飯一定要加埋啲紫菜芝麻碎食～啲飯口感會更好～熱石牛柳 200g主角黎啦～厚身既肉睇見都流口水🤤煎左一陣就將佢地切細舊～慢慢再煎到我要既熟到食～加埋玫瑰鹽同bbq碎粉食～更加突顯到牛味❣️肉汁豐富好厚實👍🏻👍🏻👍🏻熱石牛肩 180g雖然無牛柳咁厚身～但材料都好新鮮～牛味都好出～同埋有湯，飯同沙拉食～真心抵食～P.S.友人食完講真係好值得再黎食～湯，飯，沙拉唔係主角都做得足～唔會交行貨～重要牛肉好新鮮又厚實～醬料都比好多選擇客人點～疫情既關係都會用膠板隔住～大家食得更放心❤️

今日同朋友行過牛極跟住肚餓所以入咗去食入邊裝修都幾乾淨同埋而家疫情下面因為有啲位係對主場所以都食得比較安心，跟住我哋一人叫咗一個火山石嘅燒牛扒，我哋一個人戒左牛柳另一個人帶咗肉眼，跟住送上嚟嗰陣，啲煙好勁，睇得出快火山石版係非常之熱，跟住我將佢切到一細細塊，令到佢入邊容易啲熟，因為入邊一開始係一成熟，跟住我哋就可以根據自己喜好，將佢轉成唔同嘅速度，跟住食落去我同朋友嗰塊都非常之好食，跟住再加左啲玫瑰鹽同埋黑椒就更加野味，因為佢係自助式，白飯同埋湯同埋沙律都係自助任拎，佢啲白飯係用珍珠米，所以都幾啱食，啲湯就係麵豉湯，但係比一般快餐嘅麵豉湯好飲好多，跟住個沙律就係啲山菜同埋一啲沙律菜同埋一啲番茄仔，仲有唔同嘅沙律汁俾我揀有胡麻張，仲有啲沙律酸汁，成餐食埋平均每人都唔使一舊水

這家店在我家附近開了一段日子都未幫襯，只因為要多菜少肉。但不知為什麼，今天突然想吃肉肉，還要是很多很多肉肉的那種，於是便捉了丈夫一同前往試試。一進門，店員姐姐立即指示我們先用自助售票機買餐。哇！成件事立即日本晒！很想去日本旅行啊！結果可以用日式點餐機買餐，超級開心！點完餐後，在指示的位子坐下後，便去自助餐區盛湯、沙拉、飯和清水（檸檬水）。多少隨意。本著不要浪費的精神，我們只盛了細半碗飯便算。丈夫點的是午餐鰻魚石燒，我點的是180g牛肩，只需80元，很抵食！跟據店內指示，我把牛切成一小口，在石板上慢慢燒，再沾上他們自調的烤肉汁，很美味。有時不沾汁也不錯，只用小小鹽調味，牛味立即大增。最後我們都覺得這家可以再Encore！

首先去到有自動售賣機，揀選你想食嘅牛扒。自動售賣機日場俾錢，然後就可以等送餐。有多款牛扒選擇我哋揀咗牛柳200g 及牛肩扒 180g 。出面嘅自助區，有飯、蕃茄牛肉湯、沙律及不同醬汁。可以自由添加，一定夠食！全部熱辣辣。落完單之後店員就會將個牛扒奉上，個鐵板一早燒熱，牛扒係一成熟，可以按自己鍾意嘅牛扒熟度，慢慢燒熟牛扒。我鍾意牛肩扒肉質夠林，好香。牛柳亦都唔錯，夠口肉厚肉。牛扒質素唔錯，價錢唔貴，抵食！

最近都幾興起食鐵板牛 加上而家疫情嚴重有時落去食飯人少少又唔想食到咁頹都會選擇呢間鋪頭最緊要嘅係鋪頭嘅價錢一啲都唔貴大概$80最平嘅價格可以食到牛扒 加上呢度嘅白飯沙律同埋餐湯都係咁食嘅所以最平八十幾$90嘅價錢就可以任食食到飽 所以其實都幾抵食加上呢度牛肉嘅份量係可以自己揀跟重量收費嘅同埋生熟程度亦都係自己決定 牛肉係全生嘅質地上我哋自己煎 所以無論係牛嘅份量同埋熟嘅程度都可以自己決定牛柳180g $80肉質幾juicy 加埋鋪頭既調味 抵食又飽肚飯同沙律又任加 估唔到呢個價錢可以咁飽咁滿足！

很耐冇出街堂食 但突然之間好想食石燒牛自問自己都食過好幾間 牛極嘅衛生情況最令人放心首先空間夠大又光猛 唔會驚好迫/油淰淰店員會提供圍裙 熱心介紹食物同食具的擺放位置自助吧的沙律 湯 飯質素都比坊間的要高重點是牛肉好正又不貴(見到有個旗仔寫神戶肉！).牛肩排180g🥩$80睇返網上食評應該係人氣NO.1 好多人都有嗌食完又真係覺得CP值幾高 全店最便宜的選擇上菜時只有一成熟 按個人喜好自己煎/調味圖為五成熟 肉味夠重又嫩滑 完全冇筋加少少黑椒 再沾自家製燒肉汁 好吃.牛柳200g🐄$110不得了 超級厚切的牛柳 加少少玫瑰鹽就夠味重口味嘅話仲有蒜蓉/辛辣燒汁可選擇同牛肩排比起來肉味冇咁濃 但肉質再淋啲👉🏻另外要特別介紹的是日式牛肉湯！我飲左兩碗第一次去石燒店的湯會有牛肉 而且夠味又足料味道偏向似羅宋湯(因為一般都只提供味噌湯)p.s. 沙律賣相好吸引🥗店內裝潢也不錯 用心之作

今日我食肉獸有癮起 去咗試試牛極一嚟到要先去自助點餐機度買想食既肉同飲品而家新開張 有個$80食180g 牛肩肉眼既promotion 睇落都唔錯🥳🥳🥳所有牛既價錢已包括湯、飯、沙律任食 自取餐具、醬料同圍裙我最鐘意同最緊要既係可以有好多牛既部位選擇 仲有可以自己組合唔同既部分食 同埋上枱之後決定食幾成熟既牛肉有澳洲牛、安格斯牛、日本牛（有熊本縣既認證架）今次試咗牛肩排同牛柳切開仲見到好粉紅 牛既肉質係屬於硬身嘅扒 所以切開直接食就啱啱好 好juicy 好有 texture 而啲肉都好彈牙最簡單既蒜蓉加鹽已經好好食 可以撈到兩碗隻 佢哋既自家製燒肉汁都唔錯舊熱石可以keep住塊肉全程都熱 好味道就算係麵豉湯都無馬虎 有落冬菇、豆腐、海帶

BeautySearch 最愛到日本旅行，雖然，至今還有言語不通的問題，不過，無論 Shoping 定 Dining，都完全沒有難度喔！尤其在日本食嘢，除了有精美相片外，不少店子都設有自助售賣機，非常方便！ 原來，荃灣也設有自助售賣機的小店，《牛極》是一家日式自助食店，以火山石烤牛為主打，在香港真的非常少見！ 這裡有不同種類的牛肉選擇，好像牛肩排、牛柳、澳洲牛仔肉眼、日本和牛等多款，食客亦可按個人食量點選所需份量，「牛魔皇」又怎能錯過!? 揀選完喜愛的牛肉，便可待店員把食物揣過來，此時，可在自助區取自己所需的沙律、白飯，還有日式牛肉湯。 日式牛肉湯非常足料，BeautySearch 同蝦子餅都忍唔住喝了兩碗呢！自助任飲任食，實在太捧。 主菜上桌，是否很神秘呢!?  師傅會先將肉排燒至一成熟，放在熱烘烘的火山石上，食客進食時可慢慢調節自己喜歡的熟成度。 牛肩肉排是最抵食的，HK$80/ 180G，不過肉味香，完全沒筋，帶嚼勁很好吃，性價比超高。 厚切牛肉眼肉，味道濃厚，帶點油花，豐腴軟稔，口感豐富，師傅只加入牛油、海鹽和蒜片等簡單調味，帶出

平時會選擇去 扒房 食牛扒， 今日路過荃灣呢個位置原來有一間係用石板燒嘅日式牛柳， 見好耐都冇鋸扒啦， 於是同朋友入去試下食， 特別係呢個80蚊嘅 套餐， 優惠勁抵一入到去舖頭先要喺點餐機嗰度揀牛搵位坐低之後就可以去自助吧嗰度揀沙律同埋醬料， 沙律都幾新鮮 除咗沙律之外仲有白飯任裝， 同埋好多好足料嘅麵豉湯我朋友都揀咗牛肩扒， 我就是石板牛柳， 牛肩扒非常之琳， 一路喺石板上面煎熟嘅時候都有又出嚟， 香味十足， 牛柳就更加唔講得笑， 百幾蚊貨仔 但係拳頭咁大， 非常之厚， 啲肉又夠人 韌性， 未煎熟嘅時候切落去仲有血水流出嚟， 非常新鮮特別係石板嘅熱力非常之足夠， 啱啱上海嘅時候 需要用 廚房紙蓋住， 著白色衫嘅朋友都可以問店家攞圍裙特別嘅係所有牛都只有一成熟， 即刻可以自己慢慢決定要幾熟， 按喜好決定口感醬料方面都非常之豐富， 喜歡重口味嘅話可以加甜辣醬加啲蒜蓉， 鍾意興口味嘅都可以用枱上面嘅岩鹽調味食餐飯就好專注咁欣賞自己嘅牛扒， 感覺好滿足，順帶一提天花板嘅油紙扇裝飾 好別緻

禁聚令實施以來，已經沒有出外搵食。今天心血來潮，在家工作，很想外出逛一逛，放鬆一下，找了在家附近，比較安全的一間餐廳，為什麼這樣說呢，因為這間餐廳的座位有部份是面向牆壁的，就算獨自一人去食，感染的風險亦大大降低。食物方面一如以往,任飲牛肉湯，沙律菜和白飯。牛柳上餐的時候大約是兩成熟，食客可根據自己的喜好在熱石烹調一下，非常可口。配上白飯和牛肉湯，在這個疫情環境下大大滿足了心靈上的一點苦惱。餐廳鄰近大商場，位置上非常方便，無論是自己泊車還是公共交通工具亦無任歡迎。加上餐廳是使用無人系統點餐，亦可以將店員和食客的對話交流盡量減到最低，疫情下值得一試的餐廳。