牛極 (大河道) (已結業)

男朋友係食肉獸 無肉不歡嘅佢最中意啖啖肉 去開荃灣 唔想成日食荃新天地/如太廣場嘅舖行去大河道見到呢間叫牛極嘅鐵板牛半自助形式嘅鐵板牛 白飯、日式牛肉湯、沙律菜任食任飲 燒肉醬汁都係自己拎食法亦好特別 唔似平時嘅餐廳你order定幾成熟 店舖會供應一成熟嘅肉喺鐵板上 然後俾你自己’辣’熟佢 咁就可以試到同一塊扒嘅九成熟同埋五成熟有咩分別😬叫左牛柳同牛肩排，好林，完全冇渣，有牛味👍🏻最欣賞佢嘅地方係有圍裙，咁就唔怕油彈到啲衫，食得滋味又放心原來都有好幾間分店，推介！

每星期都會去荃灣睇中醫 睇完例牌食埋野先返屋企 難得去一個唔係住開嘅地區 緊係食多幾間餐廳🤩睇完中醫行經大河道 見到呢間叫牛極嘅鐵板牛 食法幾特別 唔係平時侍應問定你幾成熟然後煮好哂丄檯 呢間牛幾多成熟完全由自己決定 上檯嘅牛係一成熟 你可以自由發揮 中意食一片一成熟 鍾意食下一片十成熟又得😂😂😂牛柳200g牛肩排100g一成熟上檯日式牛肉湯，有洋蔥番茄配料，任飲飲到飽白飯任裝，牛肉配白飯真係一流沙律菜食完咁大塊肉食啲沙律菜配秘製麻醬加醋中和返，冇咁肥膩

對上一次食已經覺得唔錯，今次介紹埋朋友仔一齊放工食🍴食物🍴用自助購買機點了牛柳200g $110，這個價錢已經包了沙律，湯，飯任食添👍🏻牛柳已預先整到一至兩成熟，牛柳肉質很嫩而且牛味濃❗️湯是牛肉湯，湯料足而且味道都唔錯，沙律和蔬菜都幾新鮮醬料都好多選擇，最喜歡自家製燒肉汁💥環境💥乾淨燈光好光猛，天花板有日本遮做做裝飾💥服務💥上餐都好快，服務不過不失。⚠️總結⚠️除了荃灣之外其他區域都有分店好方便，總括來說會再來

晚飯時間想食牛，打開OpenRice見到這間有好多好評。而且一直未試過食石燒牛。抱着嘗試的決心過來。呢度都唔算多人不用排隊但就要喺大門前一步自助購買機度點餐付款。然後店員點會為你安排座位。我哋點左一份最平$80有180g的牛肩排。加一份網上熱推嘅$110有200g的牛柳。場內嘅自助區有白飯沙律麵豉湯可以任食。我好鍾意佢嘅沙律菜可以加醋同麻醬，食落好開胃。再食一碗白飯加兩碗麵豉湯，就已經飽到不得了。喺肉質方面唔好以為叫最平嘅肉質素就會唔好，我甚至覺得牛肩扒比牛柳好吃。切好肉粒後把牛肉放上石上，看着肉汁慢慢流出來發出吱吱聲真的很治愈！不得不讚的是石的溫度很夠熱。完全足夠我們把整塊肉燒熟。十分滿足的晚餐會再來

是日屋企又冇飯局，都係趁早少少收工，係附近食番一餐美食先至回家，今次就行去大河道一帶開餐，見到呢間專食牛嘅專門店餐牌提供六款不同種類嘅牛肉部位，係自助售票機點選心水美食菜單，再交俾店員預備一陣就食得，可以先係自助區內攞定醬汁等陣備用仲有沙律、湯同米飯任食提供，餐前先食碗開胃前菜日式沙律，記得落埋柚子汁同胡麻沙拉汁食再來就係我今晚點嘅主菜牛柳餐，而重量有200G，店員放上枱上熱石發出咋渣聲，豐厚嘅牛柳係熱石煎煮香味俱全再切開一件件牛柳逐一品嚐，入口肉質香嫩飽滿味濃厚沾上各款醬汁配上米飯🍚一邊食特別滋味，飲啖味增湯再一邊煎繼續享用餘下美味超值牛柳餐。

牛扒永遠是本人最喜愛食物的前三位! 孝順的囡囡表示早前經過荃灣見一石燒牛扒店滿滿的人龍排隊, 決定帶我一試! 進餐廳前先購票選定牛扒及份量! 坐下後店員會送上牛扒! 餐廳採取半自助形式, 白飯, 湯, 沙律, 醬汁, 餐具等均自取任食!美國牛肩180g/$80 ~ 牛扒相比想像中要厚出很多, 肉味濃郁, 牛肩相對油脂比較少, 肉質雖結實有咬口但不會靭至咬不動! 美國牛柳200g/$110 ~ 亦是很厚的一件牛柳! 牛柳肉質軟嫩腍滑，肉汁豐厚! 濃濃的油脂滲入白飯中, 口感十分滿足!註: 石板用至後期不夠熱可要求更換

有日路經荃灣買雲吞🥟後再四圍搵食，行去附近聞到好香燒烤味🤤🤤，發現有間半自助形式石燒牛扒店…身邊人好喜愛食「🥩牛扒」，但竟然未試過石燒，一齊試試吧！　💁‍♀️門口有部點餐機，有美國、日本牛🐄選擇! 點餐後坐低等🥩牛扒送到！之前自行取🍴餐具、🥗沙律、🥣湯、🍚飯、🧂醬汁…等等! 🥗沙律菜非常新鮮爽脆鮮甜，沙律醬有2款選擇, 個人比較喜愛胡麻汁，好香又唔太杰！而柚子汁就比較解膩！　🤔枱面有3樽牛扒調味料, 自助區亦有2款牛扒醬汁及生蒜蓉供自取! 我個人比較喜愛將生蒜蓉放上石板燒到微焦再加鹽或燒肉汁，絶配！😎😎　😌雖然餐廳有圍裙供應，但牛扒上枱時會以吸油紙巾蓋著，為免油及肉汁彈到衣服及面🤪🤪…🥩原塊牛扒上枱時只有一成熟, 食客切小件再自行按個人喜好於石板上燒熟！🥩美國牛柳200g $110 ~ 肉質非常軟嫩腍滑，肉汁濃厚，薄切燒至約６成熟再包裹白飯…滿滿肉汁滲入飯中…大滿足! 🥩美國牛肩180g $80 ~　肉質相對比較結實，油脂較少，食落有嚼勁但唔會靭，肉味濃郁，我個人比較喜歡呢款！🧐總結: 性價比高，是夜食得好滿足！　

晚餐外賣叫foodpanda 牛極平時排長龍 鋪頭都只係食過一次見Foopanda 可以order 於是叫左牛肩 同牛舌送黎既時間唔算耐25分鐘送到 仲可以到付 nice好開餐牛肩我叫左最細g 數 都勁厚 勁大塊 我揀左5成熟 黎到都唔會因為焗住而有太大改變💯好香蒜味牛舌好霖 定食有沙律 同湯 湯係蘿宋湯但係我覺得略淡整體真係好食 會再order

荃灣出名多好東西食，經過呢間石燒牛，於是就入去試下。門口有部自動販賣機，揀好自己想要嘅牛再比錢就得。牛肉來自唔同產地，包括美國、日本同紐西蘭；仲有不同部位嘅牛可以揀！-餐廳係自助形式，沙律、珍珠米白飯、湯同水都係自助任fill的！麵豉湯夠濃味，鹹度適中；沙律菜切得幼細，可以揀柚子沙拉汁同胡麻沙拉汁，食落好開胃呢！而且一路食牛一路食沙律感覺更解膩。-我揀咗牛柳200g，呢個份量啱啱好，夠哂我一個人食。餐廳會預先將牛排擺係熱石上烹調至一成熟，再由客人因應個人喜愛熟度再將牛排自行烹調。牛柳肉質較瘦同少d油脂，但入口軟嫩，有嚼勁，牛味非常香濃，而且都有點鎖汁juicy呢！仲有唔同嘅調味料同鹽揀，我加咗燒肉汁同蒜蓉，非常惹味！-呢度嘅和風設計，環境都唔錯，中意食牛嘅朋友可以去試下！

已經多次光顧牛極，食過幾間唔同餐廳嘅石版燒牛扒，質素參差，有啲直情係一啲好差嘅牛，始終都係牛極嘅質素最高，牛最靚，so far無一次係唔好食，配套比較好又有任食菜、飯、水，服務周到。厚切牛舌午餐 $65最物超所值嘅套餐，價錢非常平，牛舌份量多，超過1cm咁厚，不是彈牙果隻牛脷，但是味道好好，係好食嘅牛脷。亂切牛 $90 佢比較細粒，但非常有牛味，估計係靚小小嘅牛亂切出來，物超所值，性價比高。牛柳$110塊牛柳非常厚身，賣相非常驚人，由於佢厚身嘅關係燒極都仲好生，啱晒鍾意食生嘅人，牛柳最高質啊。整體來講三款都好好食，特別推介亂切牛。

荃灣真係有好多好嘢食，呢間朋友食過話好食叫我試吓。一入門口有部自助購買機。牛嘅部份有牛肩牌排，西冷，牛柳，和牛多款選擇。 點號餐店員就帶我哋坐低。坐底就拎咗條圍裙同去自助區拎沙侓沙律主要都係菜，另外配有幾款醬汁牛柳200g ，牛柳上枱時候嘅模樣。200g份量絕對足夠我食 牛柳肉味濃郁，入口算是香軟而且鐵板夠熱，食到最後都是暖暖的。 佢哋另外有提供蒜蓉和燒汁俾你，配埋牛肉就更惹味，我都加多1次白飯白飯都好軟熟！整睇嚟講俾我預期中好，牛柳真係幾淋唔會太”un”

今晚食飯，被阿姐用手“哼”我張枱問：食完未？進場時間：大約19：45離場時間：我估大約20：50（可能晏多dd)店外情況：冇人排隊，不過隔離間鋪多人啲。其實可能真係坐得耐咗，不過可唔可以唔好“咁直接”，嚇親我身邊人… … （我仲專登慳住d沙律同飯唔食咁多）

呢一間牛極，都開咗半年一年啦。疫情原因，都未入去食，見近來確診數字下降，終於可以再食石燒牛。牛肩扒彈牙唔韌又唔老，又有牛肉特有嘅牛味，比起外面同等價錢嘅牛扒超出唔知幾多。性價比超高，反而牛柳比較貴，需然都有水準，但相比下性價比冇咁高。佢啲醬料真係好齊全啲湯同埋啲飯全部都任拿。加上蒜蓉，燒肉汁一流。啲飯真係好靚佢係日本珍珠米加上佢住得好好笠笠喺散，有飯香同飯嘅口感，彈牙。鍾意食肉嘅我，最鍾意佢周圍都有分店，唔使特登搵都可以食到。

其實呢我經常經過呢一間牛極，都開咗半年一年啦。但係呢一路呢都未入去試過。因為身為一個食肉獸，經常性去西餐廳食嗰陣會嗌下排，但係通常唔係過老呢，咁就完全冇曬肉味。真係大大出乎意料。佢啲肉超級靚。我叫咗一個牛肩扒同一個牛柳。個牛肩扒上嚟嗰陣仲咋咋聲係完美嘅一成熟。就咁一成熟咁去食已經係超級好味，係唔會有血水出嚟架。封一封邊等到三四成就更加一流。彈牙唔韌又唔老，又有牛肉特有嘅香味，比起外面同等價錢嘅牛扒超出唔知幾多。鍾意食肉嘅人，咁高嘅成價比，你都應該係一試。呢個質素係二百蚊左右先食到。

今次試咗荃灣分店嘅牛極！有驚喜～店內環境疫情關係出去拎嘢食嘅時候都係要戴口罩，自助吧有醬料、沙律、白飯和湯任添。沙律菜睇落都靚幾fresh今次我都係點左牛肩排180g 石燒牛肉緊係要自己切開燒，而牛肉仲配有幾塊蒜頭片我就鍾意比較成熟少少，今次嘅牛肉相對嫩口，肉汁多，肉味都重。以性價比來講真係算幾好！另外每個枱頭都備有調味粉，我就試少少用粉紅鹽配牛肉最後想講個湯都好飲，夠味，添咗2碗入面有白蘿蔔同紅蘿蔔🥕