牛気 (東薈城名店倉)

营业中

休息中

東涌 極上中午海鮮放題🇭🇰澳洲和牛+海鮮放題特別注意⚠️：因為揀咗最貴嘅自助放題，員工服務亦都比較好，會主動問吓需唔需要去加刺身🤏，同埋和牛😂。百年難得一見，招呼非常好👍🏻東涌A出口，步行約1分鐘1. 特色鴛鴦鍋- 今次揀咗黑蒜豬骨湯😀，同埋蕃茄濃湯🍲。一次滿足你兩個願望。可以自選兩個湯底，非常濃郁嘅蕃茄，回味無窮，亦都非常鮮甜🆓。黑蒜豬骨湯，亦都非常濃郁，淡淡的黑蒜，用心熬製嘅豬骨湯。✅2. 挪威三文魚刺身- 新鮮搭飛機由挪威送來嘅三文魚，師傅介花，刀工非常仔細。亦都比較鮮甜。值得一試😇，並無限制👍🏻不過食咗兩三舊已經飽。因為要試吓其他嘢食😊3. 精選雞腿肉- 今次嘅雞腿肉亦都比較肥美，雖然只係兩舊😆，但係肉質比較鮮甜。鍾意食雞嘅朋友必定一試。👀4. 特選豚肉- 分量十足，只要滾3至5分鐘，咁就已經食得🇭🇰肉質非常鮮甜，呢一款可以叫4-5碟。適合一家大細，鍾意食肉嘅朋友🙂5. 極上澳洲和牛- 1分價錢，1份質素。雪花滿佈喺牛肉上面，相當平均。係呢一次打邊爐嘅焦點。和牛每一片都非常平均🥰，食極都唔厭。非常嫩口，牛肉入口即溶🔥6. 特選海鮮- 今次會有大蝦🍤，青口，螺頭，長腳蟹，同埋鮮甜嘅

牛氣係我食打邊爐放題既首選 因為真係牛肉keep到質素 唔會話第一碟靚 第二三碟開始愈來愈差 呢一點已經抵讚 飲品選擇好多 有茶 汽水 果汁 睇得出有心機做好 員工好好服務態度 主動問你洗唔洗加單 好快幫客人清走吉碟 但唯獨某四眼穿恤衫員工 係出面無人排隊 入面有吉枱既情況下 一夠鐘就即刻叫客人走 其實last order完唔係隔好耐 來到已經剩下時間不多 但那位員工不但無提及有movenpick雪糕送 要客人主動開口叫員工比 （其他分店會主動問客人要唔要） 仲要直接熄客人既爐 果時last order既牛都未熟 唔想浪費食物 但果位員工直接就熄左我地個爐 連食最後既雪糕都要好似監視器咁望住 原本食得好開心 就係呢位同事令到最尾既體驗扣哂分 其他分店無客而入面客人仲食緊最尾既野 都唔會咁趕人走 呢位同事認真「趕客」希望呢位員工唔會影響到其他客人既體驗

用apps攞位，時間啱啱好六點多入去開始90分鐘放題我只係叫咗最普通果type配左個壽喜燒及韓式辛辣湯底壽喜燒湯配番個牛韓式辛辣湯配番啲蔬菜,其實唔辣啲牛真係唔差喎以咁嘅價錢,我覺得好唔錯我好欣賞啲蔬菜,菇類,多種類,都幾乾淨我覺得食放題有自己啲心水野食下都ok 啦

雖然係90 分鐘火鍋🍲。燈光都地方都感覺舒服同寬躺。整體服務同食物質素都不錯。除了食牛。飲品。同其他食物種類都算係多。最好就book定枱。假期比較多人。可以值得一試👍🏻

重點係佢追加牛肉上菜快最緊要快 最緊要快 最緊要快除咗一啲傳統大酒樓 我諗日式火鍋放題佢追加牛肉真係夠晒快食火鍋最唔高興就係係咁等 有時嗌左兩次都唔嚟嗰啲最火滾呢一間就真係有效率 追加8分鐘10分鐘左右就到位 嘢食其他就普通野啦 今次揀個最平嘅餐178一位未加一 出面都係一般蔬菜啊金菇炸魚皮唯一特別佢有棉花糖機 如帶小朋友都幾開心有咖啡機有個果汁機 飲品選擇多元化唔建議選擇豬骨湯 今日試咗好騷不過東涌如果食牛肉挑戰賽佢係幾好嘅選擇

一個人的澳洲和牛. $388 加一. Asahi $38任飲. 8:30pm才去避免人群.由於只是一個人食,所以只專注食牛. 澳洲和牛質素不錯.任食90分鐘,價錢算是抵. 還有鮑魚帶子海鮮選擇,但我沒有選擇其他海鮮.喜歡食牛及飲啤酒的,牛氣是一個好選擇.其他東西我沒有食,例如沙律，甜品雪糕,但眼見其他人的軟雪糕似乎不錯.如果一班朋友四個人去就最好,因為他們的枱通常是4人一枱.現在由於政府措施需要10:00pm離開,但90分鐘真係食得飽足.

有驚喜的火煱放題餐廳分兩個坐位zone,座位寬敞舒適，私瘾度高，一邊光猛，另一邊燈光柔和，衛生乾淨，食得安心，侍應服務殷勤有禮。食物質素，味道和其他日式火煱放題餐廳比較，高一個level。最基本90分鐘放題價錢$178起再加一(巳包括牛肩肉,豚肉,雞腿肉)另再有多款配搭選擇(分牛級數和海鮮而定價錢)八款湯底選擇自助飲品櫃，選擇非常多多款丸類， 雞蛋 ，麵食蔬菜有粟米，蘿蔔，大蕃茄， 油麥菜， 生菜… 竟然有台灣蓮菜法式燉蛋， 葡撻，炸魚皮，葡撻細細件 ，蛋滑再配酥皮，估佢唔到又幾好味雪糕有兩款口味~乳酪雪糕/抹茶粟米粒 ，小番薯粒，菠蘿，蕃茄仔豬骨湯底賣相和味道都重質重量$178/90分鐘一客牛肩肉，一客豚肉，再加雞腿件，不用下單，侍應自動奉上，之後再按自己喜好口味再追加。牛肉上枱色澤鮮紅，豚肉味道也不错，雞肉也鮮嫩。*另外再有機製手動棉花糖， 鹵水蛋 ,壽司, 咖哩牛腩薯仔等…*食後感食物選擇非常多,而且美味 ,用心製作, 環境舒適, 感覺大滿足，但晚餐只得九十分鐘真的太短了, 若果按價錢調整可分90/120分鐘，比消費者多一個選擇就更好。

食物可以, 原本餐飯都食得算開心但到埋單就好受氣. 我哋8大1細, 拎張單過黎計我9個大人, 問咗個黑色頭髮講廣東話唔正既女職員, 答我小朋友高過90cm就計大人. 一開頭無為而就聽佢講仲叫阿仔去度高, 阿仔咁岩95cm就都諗住可能任食係咁計. 點知阿爸都係覺得奇怪我阿仔先得3歲計大人!? 阿爸行去門口問個男職員, 佢好快答90cm以下免費, 以上至140cm計小童. 阿爸即刻入黎話我知, 我就舉手叫返個個女職員, 點知佢都仲係同我講高過90cm計大人然後仲想同我坳. 係個男職員過黎先話同我改. 最受氣係個女職員唔覺得自己有錯仲要黑面口up up. 我終於明白點解咁多評語都話啲職員無禮貌, 真心體會到!

點咗牛小排餐，其他嘅可以接受，但係主力牛小排就好失望，第一碟出嚟約吸引，但叫第二碟就有啲面目全非，叫第三碟結果都係失望，留意到每枱第一碟都靚啲嘅，我明呢啲係生意手法，但留唔到客囉！

服務態度非常好！會好主動問你使唔使加牛肉，又幫你加湯！牛肉唔會話第三四碟之後俾啲差嘅你（通常任食都有咁嘅問題). 牛肉quality 好 consistent! 依樣係我最滿意嘅地方！坐得舒服冷氣又夠！重點推介四川麻辣湯底！我會再幫襯!

第一次試食牛氣 🤤因為日頭入迪士尼 所以晚餐就選擇係迪士尼附近既東涌食服務態度真係無得頂 定時問你需唔需要加單加湯 上菜會講多謝唔好意思 👍🏻👍🏻👍🏻叫左牛小排個set 有牛味好好味😋 除非客人指定要牛肩肉 否則一定比牛小排你 因為有人生日 免費送左份和牛「蛋糕」真係好飽😂自助bar枱係全市最大最多野食 自製棉花糖 雪糕 咖啡機一流 私人建議可以試下杯mocha🙊座位闊落舒服 整體無得頂 一定會再去 五星好評！

位於東薈城既呢間日式火鍋店記得係近呢幾年先至開既，以往東涌打邊爐既選擇比較少，都係近呢一兩年先開多左新既火鍋店，而呢間就係其中一間啦～當日大概7點去到，都要大約等到7點45分先有位，畢竟呢啲火鍋店係一轉轉時間既，都知道要等得比較耐，所以都唔係太大問題，而今次就揀左最平$188加一既套餐，包左牛肩肉，雞同豬既放題任叫，湯底就揀左地獄辛辣湯同蕃茄湯，呢度如果係要兩種湯底的話係要加$10的😂一入到去就梗係去自助區睇睇先啦，入面既食物品種都算齊全，基本既丸，菜，金菇等等都有，特別啲嘅係佢既烏冬係由日本直送過嚟，信唔信就見人見智啦，不過佢既烏冬都幾煙韌，唔錯幾好食👍🏻而佢熟食區既野食都算好多，當中比較特別既係有葡撻同雞串燒，賣相同味道都唔差，呢樣係值得一讚既，因為通常呢款火鍋店既熟食一定係麻麻地，呢間反而有驚喜👍🏻特別要一提既係佢係有得嗌壽司食既，款式唔多，初頭心諗打邊爐都有壽司食咁筍？即刻叫左幾件，講真佢一拎出嚟果時已經知中伏，件件壽司個樣又乾又柴，食落第一啖相當難食，舊飯係痴埋一舊又凍到痴線，簡單可以用難食形容，所以黎呢度食飯千祈唔好叫壽司食😵😵😵😵😵😵到主菜牛肩肉啦，一睇個賣相唔錯，牛肉解

门口的服务生态度好差，在门口就要点单，稍微考虑一下就一直催促，晚一秒就问要不要吃，不吃就走，气死了，再也不来了！人均278的服务就这样吗？是不是该考虑花点时间培训下员工

門口侍應態度好差 一定要人9秒9揀完嘢食先入 諗下都唔比 諗就比其他人入先 真係食咁多次涮涮鍋 第一次比人咁對待 服務態度 真係太垃圾 我寧願食貴價少少都唔會再黎哩間嘢！！！！

Went there with husband every Saturday and we are very happy with that. Food is good, staffs are very helpful. Sometimes the floor is not so clean otherwise is very good experience. Highly recommended for hot pot place and very great value 😃😃