影片
港铁朗屏站 E 出口, 步行约7分钟
继续阅读
电话号码
28106266
营业时间
今日营业
11:00 - 00:00
星期一至日
11:00 - 00:00
以上资料只供参考，请与餐厅确认详情
是晚夜左收工，同家人到左牛氣沖天食碗牛腩粉，一入店就通知新鮮牛腩賣晒，哎吔…咁唯有食住冰鮮先啦。一人點一樣主食，再加左個小食，全部飲品跟餐有半價，叫番杯特飲嘆下先。⭐清湯牛三寶米自己點左牛三寶，有牛腩、牛筋、金錢肚，滿滿一大碗全係肉🤤牛腩有肥有瘦仲有牛筋位，金錢肚有咬口，肉香嫩滑好食喎，蘿蔔鮮甜無渣，正。⭐清湯四寶河老媽子點了四寶河，有牛腩、牛丸、豬肉丸、豬粉腸，豬粉腸係新鮮貨，有咬口又夠粉，而牛丸同豬肉丸比起牛腩同粉腸就無乜驚喜了。⭐咖哩牛腩飯老頭子就點左哩腩飯，呢款係用新鮮牛腩的，牛腩偏瘦有咬口，肉味香甜，個咖哩汁都好香同幾辣下🤤下飯一流。問下伙計點解可以賣到咁平，佢話雖然係新鮮腩，但無做清湯腩啲牛腩位咁靚，所以用黎炆咖哩。⭐炸雲吞炸得香脆，蝦肉鮮味爽口，幾好食吖。⭐紅豆奶茶 & ⭐涼粉奶茶跟餐$12咁大杯好抵飲🤤奶茶又香又滑，涼粉滑溜溜，紅豆軟綿綿，而且微甜啱口味，兩杯都好飲呀。抵讚仲有枱上辣椒油好香，又有醋同魚露，仲有蔥、芹菜同冬菜，想落幾多都得😘
继续阅读
元朗嘅「牛氣沖天清湯腩專門店」，真係牛腩介的頂流😋## 至尊牛魔王麵 ($88)首先試咗佢哋嘅「至尊牛魔王麵」。呢碗麵真係料多到爆，內裡有手打大粒牛丸、牛腩、牛肚同埋炆得好入味嘅蘿蔔。牛丸用心手打，口感彈牙，咬落去仲可以感受到魚肉嘅鮮甜，真係一流！牛腩經過慢火炆煮，肉質軟腍，入口即化，味道濃郁，完全吸收咗湯底嘅精華。牛肚則係爽脆有嚼勁，搭配湯底嘅鮮味，令人一口接一口。至於蘿蔔，經過長時間炆煮，吸收咗湯頭嘅味道，甜中帶咸，真係好好味！整碗麵嘅湯底清澈見底，味道鮮甜，唔會太油膩，飲落去令人心情愉快。🍜## 正手打潮州魚蛋魚片頭 ($46)接住嚟就係「正手打潮州魚蛋魚片頭」。呢個菜式真係全人手製，魚蛋彈牙，咬落去有一種鮮嫩嘅口感，魚肉嘅鮮香味道一瞬間充滿口腔。魚片頭則係用新鮮魚肉製成，肉質滑嫩，帶有淡淡嘅海味，搭配上清湯，令人感受到海洋嘅氣息，真係好清新！每一口都好享受，真係唔同凡響！🐟## 上湯菜心 ($18)再嚟一碟「上湯菜心」。菜心夠嫩，色澤翠綠，鮮嫩嘅口感令人好開心。上湯清甜，味道輕盈，唔會搶走菜心本身嘅鮮味，反而襯托出菜心嘅自然甜味，食完都唔會覺得膩，真係一個好清新嘅選擇。🥬#魚皮最後仲叫了包魚皮，真係好脆口，完全冇腥味，脆卜卜好似食薯片咁，真係一流！🐟整體嚟講，呢間餐廳嘅食物真係高質，價錢合理，環境舒服，服務態度又好，真係值得一試再試！👍#元朗美食 #牛氣沖天清湯腩 #至尊牛魔王麵 #手打牛丸 #牛腩 #牛肚 #炆蘿蔔 #潮州魚蛋 #魚片頭 #上湯菜心 #魚皮 #港式美食 #香港美食 #食評 #美食分享 #美食推薦 #食在香港 #香港好去處 #香港餐廳 #香港美食地圖 #香港美食推介 #元朗餐廳 #元朗美食推介 #香港 #香港必食 #美食日記 #香港美食blogger #香港美食達人 餐廳名：牛氣沖天清湯腩專門店 地址：元朗泰豐街11號翠華樓地舖
继续阅读
上次黎去咗旁邊嗰間萬芳芳食炸比薯條，之前我見到呢間麵店都唔算好多人，於是內進一試。因為呢間牛氣沖天原來沒有米線，我都是入去先至知，諗住就個小蚊仔叫伊麵，豈料佢又唔係好有胃口，於是只吃了幾啖仔就冇食，於是我終於有得細意品嚐新鮮煮出嚟嘅湯伊麵，原來同酒樓一早煮定嘅嗰啲龍蝦伊麵好唔同，新鮮煮嘅湯伊麵，彈牙十足，但係有少許咬口，令我對伊麵改觀。因為食嗰啲龍蝦伊底，一向覺得質地又沒有彈性，而且碎濕濕，這次吃覺得又彈牙又一大箸咁樣，其實都挺為可口。自己本身都未必會叫鮮牛腩，不過佢冇問就 落咗單新鮮牛腩，但是這次試完就覺得非常 香濃，鮮牛腩嘅質地夠爽夠彈，除質地爽肉香濃，還帶一層脂肪在上面，而且還有蘿蔔，蘿蔔切得夠入，不會有筋有皮，因此小孩都吃得可口。佢呢種新鮮牛腩雖然都唔算係牛味非常濃郁，但總算是肉質夠鮮，味道夠香。肉筋相隔，質感相當好一週後，想不到妻子竟然也有興趣去試一試，於是我們便趁着空閒的時間來冰鮮牛腩原來仲靚過新鮮腩，多件，十件都有，咬落好似仲彈口，雖然可能味道而言係鮮腩多一層新鮮牛香。但冰鮮平$20，以五十元內一碗的質素實屬超班金錢肚大大碗，線軟而又帶嚼勁，味香濃又吸湯雖然牛氣沖天嘅名字比較特別，聽你上嚟好似係搞笑居多，但係佢嘅質素以及出品，絕對唔係搞笑，認真得來品質的確一流，而且不算特別昂貴高昂，因此建議區內人士都可以嚟試一試。甚至冇，我這個大埔居民，寫得幾次之後覺得其實佢可能比起大埔墟街市嘅鴻發更加出色。再黎多次又見真章，最怕嗰種，你入去唔話你知有咩賣曬，坐低點完餐，隔五分鐘先話冇冰鮮腩，但飲品已端來，迫你叫貴啲的新鮮腩。貴$20 唔係問題，問題係新鮮唔好食，仲要聽埋廚房嗰啲語氣，「唔得呀，做唔到多兩碗呀」。呢次嘅新鮮牛腩，不太林，明顯冇上次擺盤咁靚，其實食到啖啖都痴牙，可能因為呢一刻店內好多人，因此佢冇咁好閑情逸致去擺得靚靚囝囝。除咗所謂新鮮牛腩亂立立咁鋪喺面頭之外，幼麵都唔見得太過特別，幼身而不太彈牙爽身。所以你去餐廳真係試兩次都未必試得到佢嘅真章，同埋一次嘅唔好嘅體驗就已經足以推翻兩次好嘅體驗。咁你係香港或者你元朗區咁多餐廳，你一次唔好嘅體驗，即刻就已經唔會再返轉頭啦。
继续阅读
💖 牛氣沖天清湯腩專門店 (元朗)✨元朗泰豐街11號翠華樓地舖〰️〰️〰️〰️〰️〰️〰️〰️〰️〰️〰️〰️〰️〰️今晚同呢個準爸爸慶祝父親節，不過都係簡簡單單食餐飯🤣，因為佢返完通宵第二日通常都係會好攰😌所以今日我哋就唔去咁遠啦，留返係元朗🤩-清湯新鮮牛腩河粉🍜 $68唔講你唔知其實陀個倪丨丨最想食嘅就係河粉💁🏻♀️，但係好可惜好多大型食肆都係冇得賣😂所以成日喺屋企食嚟食去都係叫嗰幾間網上外賣平台，配菜都食到厭哂🥲。今日可以話係一解對河粉嘅相思之苦🤭。牛腩炆得好腍之餘仲好Juice💦-至尊牛魔王河粉🐮 $88入面有牛筋、牛腩、牛丸、牛肚等，好抵食😚勁大碗老公都爭啲食唔晒🤣。我老公就鍾意加呢度嘅辣油，佢話加咗落去就更加惹味😌-淨手打潮州牛筋丸🐃 $42食我嘅朋友仔都知道我好鍾意食牛丸🤭所以呢度有得淨牛丸實在太好😍，好彈牙，一咬落去仲要爆汁🤩-胡椒豬肚丸🐷 $46胡椒豬肚丸嘅胡椒味就爭少少，我覺得唔係好夠突出，可能因為豬肉味比較香濃🙈-清湯蘿蔔🥕 $12一兜蘿蔔做小食，只係$12都幾抵㗎😎，蘿蔔又唔會有苦味🥳-各式油菜 $12油菜又係$12 ，今次我就揀咗蠔油生菜🥬，啲生菜好甜👍🏻-凍檸菜蜜/檸可樂🍋 $12想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
继续阅读
據說是元朗數一數二的清湯牛腩，聞名不如見面。黃昏時份竟尚有坑腩，不太餓，也要吃，牛腩不韌，但坑腩獨有的羔香並不濃，肉味也不夠濃，湯頭夠熱，但也不夠甜鮮，是不是元朗最好我不肯定，但和我吃過最好的傳承和道生比，尚有距離。門鱔丸從未試過，看來頗美味，放在口中，卻怎樣也吃不出魚的鲜味，很韌，可以咀嚼很久。最初無以名狀，後來久久才想起，它像放在微波爐叮過久，令蛋白質結構改變了的東西。一試是可以的，肚子有限，再吃就不必。
继续阅读