牛涮鍋 (已結業)

好耐冇去牛涮鍋啦今次又係用第二位半價優惠，不過今次選左一人一鍋，我地全部人都揀左豬骨豬底一人一鍋比較容易滾每次既菜類都相若，丸類就次次有d唔同最特別既係今日有墨丸

早上與朋友在東啓德體育館打羽毛後都習慣徒步到商場吃午餐。正當我們煩惱吃什麼，朋友突然提議吃火鍋放題...什麼？﹗吃火鍋放題不就把我剛剛辛苦燃燒的脂肪一次補回？﹗朋友卻說要帶我嘗一下吃不胖的火鍋放題。心想，真的有這樣好康的事？我們徒步15分鐘來到位於陶大商場的牛涮鍋。剛到餐廳門外，面帶笑容的女侍應已隨即把菜單給我們並介紹了多款可供選擇的套餐。她要求我們先在門外點餐，又細心解釋這樣安排是為了讓我們有足夠的時間用餐。的確很細心。最後，我們所選的套餐是「90分鐘﹔美國進口牛肉放題」。為了多嘗不同湯底，我們在6款湯底中選了骨膠原豬骨湯及辛辣泡菜湯。乳白色的豬骨湯散發淡淡的肉骨香味，搭配蔬菜菇菌類食材，清而不膩。緋紅色的辛辣泡菜湯內加少量芝麻和紅椒粒，微辣帶酸，最適合紅肉丸類食材。套餐內的主打為任點雞、牛和豬肉。薄切牛肉一片片整齊排列，呈鮮紅色，但肉少肥多，很膩口，不宜多吃。薄切豬肉呈淡紅色，肉中帶一點點肥，淋身。去骨厚切雞脾肉，有光澤，即使煮久了也非常嫩滑，有肉汁。為什麼說這一頓是吃不胖的火鍋放題呢？現在要開估了﹗餐廳提供了超過20款的蔬菜給我們選擇，全部非常新鮮爽脆。除了一般我們熟悉的蔬菜，還

邊爐湯底永遠都係邊爐精綷，今次Mou Mou Club 推出近期好受歡迎既〈冬陰功湯〉🍲同〈椰子雞湯〉🐔。晚市套餐由$158-$388不等，我就order左個「美國上級進口牛肉🐂90分鐘放題」，另加$59就有個海鮮盛合🦐🦀🦑，非常抵食👍🏻 👍🏻.味道方面，冬陰功湯非常酸辣醒胃😍，平時啲湯愈煲愈多油，依個反而無咩油，我好鐘意❤️另外，椰汁雞湯椰子味重，有好多椰子片係個鍋入面煲，用料十足。.另外，凡於堂食惠顧每滿$600💰 (會員$500)就有一個Mou Mou 收納籃俾你🎁 🎁

今日同媽媽兩個人食，諗唔到食乜，就近近地去淘大食牛涮鍋。去到冇乜人，可能打風過後卦，反而對面的KFC就可能因為近期做$50/6件🐔就真係爆多人，搵日要去試下，哈哈我地叫左$318的澳洲和牛🐂，雖然唔係好靚，但我就覺得比牛一同牛陣兩大牛字派的好，每片都大大片，肥瘦度適中，有d睇頭而反而d豬肉標榜自己話係什麼丹麥🐷，但係d肉就黑黑的，點食woo...d雪糕🍧有3款口味：牛奶，雲厘拿同櫻花乳洛雪糕，但奇怪在人唔多，d雪糕都可以咁溶，真係有d問題囉😣

今日難得放假，之前又有張第二位半價優惠券，今日就食個午市放題雖然今日係平日，但午市都已經咁多客人呢到設備都好方便，服務都ok我地叫左個骨膠原豬骨湯，仲有好多湯底可以揀，仲可以鴛鴦湯底我地揀左60分鐘放題，一個美國進口牛肉套餐一個丹麥豚肉套餐不過其實呢個最平既套餐只係包一碟牛肉豚肉，其餘既蔬菜、麵類、炒飯、飲品、甜品都任食調味料中有我最鍾意既胡麻醬最後仲有甜品，有cake有雪糕，仲有好多配料可惜冇提供oreo碎碎兩個套餐$68, 第二位半價埋單後又俾多張第二位半價優惠券俾我地

每逢假期都會訓到自然醒，習慣放假就鍾意慢吞吞，起得身黎落得街食野都點幾兩點鐘，見今日有d餓，就決定整返個午市邊爐，最就腳就梗係牛涮鍋啦，今次揀左60分鐘放題，淨係食雞肉邊爐湯底就揀左泡菜湯，夠惹味打邊爐前都要要食返d沙律，自己配搭一碟雞肉，由於對牛肉唔算好有興趣，所以每次黎都會叫雞肉，雞肉都幾滑，不過份量就唔算好多每次黎到都會見到有d新品種試下，今次有香芋丸同南瓜年糕，一向都鍾意食甜野既我覺得香芋丸好啱我食，而南瓜年糕就有少少怪，可能係配泡菜湯既緣故啦每人$70幾蚊任食邊爐真係幾抵架

打邊爐但個個都想要唔同湯底？有時又想一人一鍋？呢間水準唔錯可以一試嫁🙂----------晚市分左6個價錢 分別有$158 $168 $188 $258 $318 $388 唔同價錢肉嘅品質都會唔同😂呢度用左半自助形式 除左肉係要order之外 其他都自己攞😬 選擇多 前菜嘅沙律 至菜類丸類 麵 醬汁都有好多選擇 啱哂心大心細嘅你😛-港🐷就揀左$188嘅美國上級進口牛肉放題 包埋豬肉同雞肉 不過就略嫌牛肉豬肉都切得薄左啲 好易就溶😂 但想食幾多都可以refill😋-湯底方面原本有6款揀 今次就試左期間限定嘅冬蔭功湯同椰子雞湯 冬蔭功冇想像中咁辣同鹹 好開胃😬另外椰子雞就冇咁重口味 聞落香食落就淡啲啲😂-另外呢度嘅甜品都唔錯嫁 有得自己唧雪糕 仲有乳酪😆飲品佢會教埋你點溝最好飲😂-宜家晚市堂食滿$300(會員$250)就可以得到絨毛袋 滿$600(會員$500)就可以得到多用途收納籃😁-另收加一服務費

成日見間野排哂隊，今日同男朋友仔黎試下～我們進餐廳裝修很不錯， 裝修不錯，位置也寬敞，可能時間還尚早，所以不用等位。 我地每人叫左個$248美國特上牛小排放題，甜醬油湯底，肥牛來到，薄如紙，又冇紋，心知不妙。果然很難食，牛肉又干又un好似食緊紙皮，連x野家既牛也不如，豬同雞肉都不值一提，豬係三者中還算好的。唔知點解間咁既野都有咁多人排隊…真係好難食，我寧願食X野家，牛涮鍋，可能係世界上最難食既火煱。

今日一早就同老婆同埋個女去睇電影西遊2之伏妖篇十點場，睇完之後就覺得好肚餓因為未食早餐，行行下路睇到呢一間餐廳有人喺度排緊隊，因為未食過呢間餐廳所以就同老婆講不如試下啦。一入到去，覺得個環境都唔錯，然之後我哋就點左一個人二百幾蚊有澳洲和牛嘅放題90分鐘任食，跟住點咗個鴛鴦煲，一邊係新出嘅湯底龍蝦清湯同埋麻辣湯底 ，兩種湯底嘅味道都算唔錯，材料都幾新鮮，澳洲和牛好新鮮好好味，仲有啲甜品都幾唔錯，呢一餐都食得幾開心幾開胃，下次有機會再來試過。

牛涮鍋我由5-6年前開始食，一直都係同類日式邊爐嘅至愛印象中以前一百鬆啲，宜家價錢高左，其實食物質素都有高到。晚市放題有唔同價錢，當然牛肉級數亦有分別，溫馨提示係一定要俾多廿蚊揀$178嗰隻！！食$158不如去吉野家算... 今日揀左豬骨湯同蕃茄湯，兩個都唔係平時嗌開。豬骨湯好快冇左個麻油味，寧願下次嗌返sukiyaki算數...蕃茄湯有個問題就係淥完啲肉全部變哂紅色，令人好疑惑熟未... 蕃茄湯可以揀辣，個辣醬可以話係靈魂，因為齋蕃茄湯個味完全唔出眾。另外最吸引我一次又一次嚟嘅可以話係佢個唐辛子醬油！其他野都冇咩意見好俾，因為每次都好目標為本嚟做食肉獸總括嚟講性價比係ok，必定會繼續做忠心顧客

小妹第一次幫襯，覺得超驚喜之前食開 牛陣，差不多價錢但d牛肉冇牛味配菜選擇小，甜點飲品選擇都了小但牛涮鍋完全係牛陣嘅相反！d牛好鮮甜。。其他配菜選擇都好多最鐘意食佢個個咖哩包芯丸。。好濃厚個味總之就正啦。。太enjoy冇點影相喇！

位於淘大商場既牛涮鍋平時夜晚都好多人排隊，今日中午唔知食咩，咁啱經過呢間，見到終於唔使排隊就試下啦，揀左$68 一個鐘放題，有兩碟肉，由於我同朋友都唔係太好牛肉，我地揀左兩碟雞肉可以揀一人一鍋或者一個大鍋，我地揀左大鍋既鴛鴦鍋，一邊係泡菜湯，一邊係豬骨湯，兩碟雞肉都幾滑丸既種類都係個人比較喜愛既，尤其係紫色既年糕，入面既餡係甜甜既香芋，好好味午餐黎講真係幾抵，有咁多野食，不過得一個鐘邊爐就好似唔係幾夠

午市來光顧，客人未算太多，我們點了午市60分鐘放題套餐，選了和牛配蕃茄湯底。除了份牛肉值得一讚，好新鮮，保持水準之外，其他都差差差。丸類的選擇非常少，無左芝士魚丸同年糕，最好食果兩樣居然無左，完全接受唔到。其他丸類好像好唔新鮮咁，顏色暗淡又起晒皺紋，睇到都唔開胃，唔好玩啦。菇類有金茹、海鮮茹、鮮冬菇、雞脾茹… 選擇多，但都係唔多新鮮，乾乾地，完全唔鮮甜，味道似隔夜。 菜類味道最正常，新鮮的。蕃茄湯，本身以為係清湯配鮮茄，原來係杰杰的茄膏湯，搞到啲食物好酸，中晒伏。要留意由你入座未落單已開始計時，剩返15分鐘既時候，職員會再三催你離場及埋單，爭分奪秒。當時個場仲有位，駛唔駛咁呢？平時舉手搵人又無人幫手！食品選擇稀少，無日本特色食材，座位又逼，成日比隔離枱人客撞倒。每位72蚊，仲未計加一。以前食品款式較多，兩位都仲有折扣，依家咁覺得好唔值。去返旺角隨便一間都好過呢度。

今日經服務員介紹有個新口味火鍋，叫龍蝦海鮮湯，講真我揀咗個158個餐，我都唔會期望太高，但係試完個湯底後發現都好濃郁，服務員上菜速度超快，個湯未到啲肉就到咗啦，態度殷勤，值得一提嘅係一位超高嘅服務員，關心客人達到滿分，係一個開心愉快嘅晚餐吖

作為咪嘥嘢食肆，做法就反而鼓勵浪費，肉拖到遲遲先上，夠鐘即要人走，根本冇人等位，浪費食物更離譜係侍應私自用paywave 結帳，金額過千用唔到就話張卡唔得，做法非常離譜。