牛牛台式鴛鴦火鍋

营业中

休息中

✅牛牛台式鴛鴦火鍋係旺角既火鍋店有唔少淨係創興廣場都有好幾間呢間牛牛專食台式火鍋我都食左好幾年了🤣真係好抵🤣假日都係$158一個人 免收加一 食足兩小時！平平地又想打邊爐真係唔錯既選擇！🔆火鍋 $158呢到食鴛鴦鍋係唔使另外收費既本身已經包左鴛鴦鍋🤣話明食台式火鍋 又點可以唔叫麻辣湯呢我覺得佢呢到既麻辣湯係幾好食 好香但又唔會太辣唔太食辣既朋友都食到啊👍🏻呢到係放題形式 會有4個凍櫃可以出去自由夾配料呢到既配料都幾充足🙌🏻 仲有大家呢排鐘意既鴨血，鵝腸🤪基本丸類，雞，少量海鮮仲有多款菜配料黎講我覺得種類好唔錯👍🏻牛，豬同魚，蝦既海鮮就要自己係張紙到叫既飲品方面有茶，汽水仲有啤酒添最特別係有得飲支裝汽水🥤 而家唔係好多地方有得飲lu~仲有雪糕同甜品櫃 不過我就覺得佢既甜品就唔太好食🤣所以集中食火鍋啦！味道: 3.3/5賣相: 3/5地址: 旺角彌敦道593-601號創興廣場15樓

我十分喜歡的台式火鍋🥰每次想食平平地食個火鍋放題都會嚟呢度食。呢度嘅湯底有好多 通常我都會叫一個麻辣湯同埋一個蔬菜湯呢度晚餐任食好抵食 百幾蚊就可以食兩個鐘佢枱面上會有紙仔俾你叫肉類同海鮮 而丸，蔬菜，響鈴，麵，餃子，飲品等等就可以喺出邊自助處拎。佢哋啲肉都唔錯 有齊牛豬雞羊 海鮮有魚 蝦同蜆😍每一次點完之後都好會到齊 特別推介係佢地嘅薯粉 每次最後都一定會食一碗薯粉🤪吸晒啲汁 超正食飽之後仲有好多雪糕同甜品比你揀🤩

已經食左好多次，次次都好評牛有質素，一定要試黑安格斯肉澡飯值得食一碗飲品多到嚇親杏汁湯底有驚喜好喜歡餐廳的安排，每枱擺定湯底自己加。L職員定時行一轉收碟依個價錢，仲要在旺角區，真係超值

用餐時間：普通星期1 1900-2100呢度鴛鴦湯底唔洗加錢，所以就試下麻辣搭沙爹。湯底同其他平價火鍋一樣都係偏淡。餐廳空間比較逼，坐落唔係好舒服。除左海鮮同肉類之外，其他野都係係自助區攞。選擇係幾多既，個人比較鍾意既材料係鴨血同埋午餐肉。雪糕有dreyers 大桶裝，亦都有細細地既杯裝雪糕。飲品有自製既飲品，亦都有外購既飲品，整體都算齊。甜品就係小杯裝嗰啲，不過我覺得平價放題店既甜品質素多數都係麻麻地，所以我就無食到。牛肉有3種，分別係牛梅花，牛小排，安格斯牛。個人覺得牛小排最好，其他兩種都係麻麻地，所以都係主要食牛小排。海鮮試左蝦，八爪魚，脆肉鯇。蝦同八爪魚淥完縮水到超細隻，個人唔推介。而脆肉鯇比較多細骨，我呢啲唔鍾意吐骨既人就唔會鍾意。最後埋單免加一係$474，3個人平均每人$158。作為一間平價放題黎講，我覺得佢哋係合格既，尤其係牛肉水準確實唔錯。

而家冇得去旅行又好想食台灣野點算？ ？嗰日就去咗食牛牛台式鴛鴦火鍋，三個人任食都只係$158，我哋就試咗個蕃茄湯同埋麻辣湯底，生茄湯有啲淡，有啲似屋企煲嘅湯，唔係好夠味但係麻辣湯底就夠辣！但係啲牛嘅質素同普通一般任食打邊爐冇乜分別，而且出去夾嘅餸好似都差唔多。我自己就覺得勝在飲品夠多，呢個價位應該有更好嘅選擇，但如果諗唔到食乜嘢，又好想打邊爐呢間都幾好嘅

天氣開始涼涼地，同朋友去牛牛食打邊，3個人任食每人都係158, 不過湯底好稀無咩味點肉同海鮮需要用紙落單，牛肉真心唔錯，D肉質係屬好既級別，特別係牛小排，呢個點左好多轉牛梅花即係多脂肪既牛肉，個人唔太好安格斯牛肉賣相好靚，脂肪分佈都好均勻，但食落口比較鞋三款之中，牛小排最正海鮮款唔算多，都係集中點蝦，新鮮唔算得上，但無雪味豬肉就好肥，唔推薦其他食物就係自己出去拎飲品款式好多，任飲的雪糕、都多款選擇，環境就比較一般般，三個人坐四人枱其實都有少少迫店員態度絕需要改善， 禮貌當然唔會有，服務態度絕對算得上唔友善，另外成日眼超超，唔係要你笑口常開，但都唔好黑口黑面(前提無得罪過你，都係客客氣氣交紙點野食而已)，咁既服務態度好趕客， 幫老細倒米。總的來說就只係牛小排最值，同埋任食無加一收費呢兩點要讚但要抵消呢兩個讚既原因係: 食物仲只係一般般，湯底亦好淡，滾咩落去都唔使旨意入味，要靠豉油調味，店員態度真係要改善啦, 同埋地下好油好"扇"腳，好易會仆親，呢樣店方都需要注意

I just wanna do bin lo~~同朋友都餓到爆唔想煩各人口味食咩好 就嚟食任食火鍋放題最明智就係經Openrice book定位牛牛最好就係夠平不需加一服務費 夠哂抵!!!食物質素仲一d都唔hea你例必點麻辣 拼 莞茜皮蛋湯底肥牛係我地每次起碼食10碟既item今次蜆肉仲好有肉鮮甜店內雪櫃好多食物同飲品可以自取員工都Refill得夠快鍾意食韮菜, 豬紅, 滷水豬大腸, 鵝腸放落麻辣湯底都係非常推薦👍🏻行開行埋記得戴好口罩呀!

此店既服務員禮貌絕對需要改善， 俾2個位你好似施捨咁，完全當自己係名店， d 人爭住去咁呢個疫情環境下都仲係咁既服務態度， 想倒米多過想做生意.咁既服務態度， 就算食物有幾好食都唔會想再踏入。何況食物仲只係一般般.絕對唔會再去

有多款湯底可以選擇 個人覺得沙嗲湯底幾好食 煮肉同蔬菜類都唔錯如果比較鍾意食蔬菜嘅人 可以嗌蕃茄湯底 除咗肉類 全部都可以喺自助區度拎 好方便自助區有齊最基本嘅 肉丸 腸仔 蔬菜 面等甜品就有唔同嘅杯裝雪糕 雪條 同埋家庭裝雪糕肉類質素一般 整體食物都唔錯

聚所周知 創興上面有各式各類的仼食今次到咗牛牛台式鴛鴦火鍋真係驚喜地吾錯難怪咁多人得位好在自己喺Openrice 訂咗位先唔係應該等到2046😂首先要預時間等𨋢因為長期多人等上去講明鴛鴦火鍋梗係可以揀兩個湯底海底撈麻辣湯底係必試推介 所以揀咗佢湯底味道好惹味唔會太辣 用黎食肥牛啱唒另外揀咗芫茜皮蛋鍋呢個則比較清 似清湯芫茜味唔算重另外佢仲有素食鴛鴦鍋而牛肉有三種豬肉有兩種仲有一款羊肉雖然價錢好抵 但啲牛肉都豬都吾係hea塊塊切得靚靚平時仼食成日寫完都會漏單但牛牛上得好快 仲上齊佢仲有少少海鮮可以落單order另外自助嘅餸都有好多款 只係成日都會好多人要耐心等待夾餸飲品種類都多 有凍有熱 有啤酒汽水同果汁真係可以飲飽食醉

今日同朋友去牛牛慶祝生日，三個人食到超飽，食物選擇都好多，優質牛同豬就需要用紙落單，其他食物就係自己出去拎，也有雪糕、甜品，正，鍋底也有幾款選擇，環境就比較一般，三個人坐有啲逼

在疫情和限聚令，火锅放题是一个不错的选择。为免食柠檬，一定要提前订位。六点钟到达里面已经坐了一半以上的座位，最后被编配了一个二人座，人坐下后再放背囊，已经没有多少空位。桌面也不大，放了锅后就僅余很少空位放火锅材料，点多了也没地方放。座位旁边是一条刚好过推车的走廊，即是有人上菜就堵住走道，变成每次出去拿东西就很不方便。评价是环境不大舒适。除了常规的丸子和蔬菜，肉类都是在纸张上划好后交服务员主要是牛、猪、羊三种，个人较喜欢是牛梅花，脂肪分佈平均，不会太韌。另外，海虾也不错，上桌时虾脚还在动，非常新鲜。埋单是每位158，不收加下，以晚饭而言，确是不贵。

網上見到都幾多人講哩間鋪頭，話哩間鋪頭性價比高，任食嚟講價錢唔貴質素幾好，今日嚟一試真偽嗌咗個鴛鴦鍋，芫茜皮蛋+臭臭鍋牛肉嘅質素唔算太差，任食嚟講算係咁蝦有扣單嘅情況，我嗌6隻，嚟得🦐🦐其餘丸類及大部分食物都係出去自己夾嘅本人例下少少我個人覺得好食嘅嘢牛肉豬肉春卷豬紅炸芋頭玉子豆腐菜（算新鮮）其餘丸類都唔差特別一提係牛丸（好重牛味，不過哩個價錢嚟講無可能比新鮮手打牛丸比你，所以應該係加咗牛膏落去一齊打）以下食物個人口味覺得麻麻餃子（皮太厚）響玲（好韌）魔芋絲（好硬）🦐其實當日我食算新鮮，但因為佢無竹簽串住食嗰陣有啲麻煩甜品有山水豆腐花及Dreyer’s雪糕哩個價錢嘅任食火鍋嚟講有哩啲算係好好當日埋單$158/成人無加一，性價比確係唔錯，值得一試

呢個疫症時候，出街食野真係要小心搵，又怕佢唔夠乾淨，又怕佢太多人聚集。 呢間之前食過， 食物質素雖然唔係頂級，但款式味道都足夠。疫情下，餐廳都依足要求加晒板，中間一排唔坐， 咁樣大家仲坐得舒服。今次叫咗杏汁湯同台式臭豆腐湯底， 杏汁就唔太推薦。甜品櫃轉咗個雪櫃， 大家唔駛超大力先拎到， 同埋夠晒凍。 大家記得食豆腐花涼返個喉嚨。今次有失望既地方，冇咗鴨血，得豬紅，韮菜餃佢然用緊厚皮冇味， 之前好好味架。 我地最慘前面個枱兩位中年亞叔， 一路食， 一路用手機賽馬直播，另一邊又有兩位亞叔開party， 不停講，係有埋高過人頭既板隔住都聽晒，可知道佢地有幾大噪音。 真希望大家都留意一下， 附近有人食煙會好辛苦，附近既人食飯好嘈，都一樣咁辛苦。

算係最經常去嘅一間任食火鍋，因為佢免+1收費，地方大，等枱快，牛，羊，豬，海鮮，就寫紙落單，其他餃、火鍋配料、汁醬，就出去攞，汁醬區，大概十幾款左右，豬皮、炸魚皮、鵝腸、花膠、生根，雞蛋、豬紅內臟、有幾十款，都算多選擇，綠色蔬菜，只有四五款，唔算多，但係其他配料，就好齊，而且補得好快，甜品區，有蛋糕，雪條，雪糕，加埋都有20款種類左右，算係多選擇，但唔係名牌雪糕類，不過味道經常會轉，都算有新鮮感，蛋糕類嘅甜品，都係一啖過，味道普普通通。飲品類，除咗罐裝，支裝飲品，酒，豆漿都有，咖啡機，奶茶機，果汁機兩款，花茶類兩款，凍熱飲都算係多選擇。無論揀邊一款湯底，其實味道都係偏淡，會建議你出去攞啲汁醬番嚟家落湯。如果純粹想搵個地方吹吓水，同朋友聚會，對食物冇乜要求，其實價錢真係好合理。而且，唔難食，就係普普通通嘅任食火鍋。講真，淨係飲酒吹水，都回本。