牛牛台式鴛鴦火鍋

营业中

休息中

有碗話碗介紹，星期四食7:00，walk in唔使等，但7:30過後就超多人等位🤢環境唔算乾淨🤢啲碟有少少污糟，要自己清潔。我哋兩位坐得唔迫但張枱好細😂根本就唔夠位放啲嘢😂你個碗差唔多掂住生嘅牛肉😟不過如果你食5:00應該會比張四人枱你，汽水果汁啤酒任飲🥰🥰有三個櫃俾你自己出去攞嘢食🥰🥰👍🏻👍🏻有好大張嘅調味料枱😍調味料齊全。大概10款甜品，甜品超難食，雪條有好多款👍🏻👍🏻有張紙俾你點湯底同埋追加牛肉豬肉羊肉。個人應為牛肉羊肉最好味😍追加左好多次😊😊豬肉就麻麻地啲肉太實，仲可以追加蝦同蜆，有幾粒勁腥😔整體來講$158其實算唔錯，食足兩個鐘👍🏻

第一次食呢間火鍋放題，覺得不錯，冇收加一服務費，抵食，牛小排正，海蝦新鮮，飲品多款式，雪糕甜點甜品有齊，豆腐花正，比我預期中好，抵食火鍋放題👍👍👍限時兩小時。

當日經open rice book左呢間台式打邊爐餐廳食公司飯聚，太開心反而唔記得左影相🤦🏿‍♀️💦第一次黎呢間火鍋台打邊爐，夜晚市段用餐算為抵食，揀左芫荽皮蛋、馬拉沙嗲、胡椒鹹菜豬肚、海底撈麻辣湯底，各有千秋，湯底唔太濃味，只要時間一長左職員加過湯後，湯底原味會被沖淡。至於食物上算多項選舉，素菜類同丸類為主，肉類較少，甜品方面雪糕同雪條口味或者凍食甜品口味比較多選擇，飲品更是多選擇，先有汽水、果汁、啤酒、沙冰、咖啡、朱古力等。味道上大多數不過不失，以價錢再睇番個水準系合理少平，牛豬既肉質方面唔重肉味，反而海鮮既蝦非常新鮮同肥美，當日最少翻點左三次，當日蝦鮮甜既味道到呢家仍然記憶猶新，推介大家去點蝦！整體評價中評

早一日巳打電話訂位，當晚去到門口服務員話冇紀錄，我話你地訂位又冇訂位編號，咁點呀？佢淨係識得講話冇紀錄，我比我手提電話紀錄佢睇，顯示我昨天真係有打過電話來，跟住佢話我有打電話來吾代表訂咗位，因為兩位通常不接授訂位。比人當正騙子，我都吾係第一次訂兩人位來食，明明係佢哋自己冇落簿，仲話吾接受兩人訂位，揾藉口推卸責任，咁都得？幾經理論，佢都企硬，後來比我睇佢本訂枱簿有兩人訂枱，咁先知大話被篤穿，死死地氣安排枱。

本人第一次同幾個朋友黎呢到打邊爐,限時兩個鐘,食物選擇少,質素不過不失,D食物大部份都要自己出去拎、出去夾,我同我個朋友兩個出去夾野時,有個紮馬尾的中年阿姐(全身穿著黑色制服)推著手推車,撞到我同我朋友,佢第一次撞到我隻腳,一句Sorry都冇,ok,我算,當佢唔小心或者唔知;但冇幾耐,佢架手推車又再撞埋黎,今次係撞到我個屁股! 又係一句sorry都冇我於是走去提佢,話佢撞到我,佢唔單止唔道歉,仲要理直氣壯咁同我講:"鬼叫你地係到傾計咩?! 夾野食就夾野啦,傾咩計呀?!"哇!  乜原來客人夾野食係唔傾得計架?!  之後我就同個樓面既職員講(佢應該係比較高級的),個職員好聲好氣地叫個手推車阿姐同我道歉,但佢竟然講大話話自己冇撞過我仲要話返我轉頭,而且係大大聲咁鬧我:「你自己企係果到夾野就夾野啦!唔好一邊夾一邊傾計! 你傾計既話咪撞到我架手推車囉!」然後佢繼續不停鬧我,哇! 佢講到好似係「我鞋面整污糟佢鞋底」咁!仲要惡死能登呀! 我俾佢架車撞咗兩次,我講野都冇佢咁大聲,我同佢講:「如果你撞到我受咗傷,咁你有冇諗過個後果?」佢竟然大聲咁反問我:「咁你宜家有冇受傷先?!!!!!」佢仲要係咁鬧我,

牛牛台式鴛鴦火鍋📍牛牛台式鴛鴦火鍋旺角彌敦道593-601號創興廣場15樓星期五HAPPY FRIDAY ，當然又係暴食時間啦，好彩早前訂左位如果唔係平平地打個邊爐都冇位，等左10分鐘就有位啦     免加一 168咋!! 甘平仲係邊度搵阿當然要豪食一餐啦食肉獸既我地全部都點左，其實唔係太分到係牛定羊不過勝在簿簿地唔會老海鮮就還可以啦，唔好太高要求啦乳酪百香果冰沙 !  呢個真係超好飲飲士多啤梨雪球都好好食阿，好軟滑阿肚餓又唔太介意食物品質既其實都係個唔錯既好選擇來的！推薦👍🏻👍🏻👍🏻👍🏻#kayGorfoodie #foodie #hkblogger#food #foodporn #yum #instafood #yummy #amazing #instagood #photooftheday #sweet #dinner #lunch #breakfast #fresh #tasty #foodie #delish #delicious #eating #foodpic #foodpics #eat #hungry #foodgasm #hot #foods #MakeYouSmi

首先，我只有兩個人去，但OpenRice 的訂位服務沒有兩位的選项，我只能選擇三位，但我已經在備注中寫明，其實我只有兩位！我準時到達，向服務員出示openrice的訂位畫面及補充其實只有兩位，服務員就態度不好地說，現時未爆場就俾你喇，下次要攞飛等位，當walkin架！我地就係專登唔俾兩位都訂枱！好，最後其實都要搭枱，即是四人枱𠝹開兩個兩個，同隔離不認識的人會撞手的，而且張枱是搖搖擺擺，好恐怖的，枱號是131！食物方面，選擇是我記憶中最少的一間火鍋店，我不用多講了，第一輪點菜，很快就到，但第二輪等了半小時也未到，向店員查詢，她就建議我們不如再點過，我們只好點第三輪，問題來了，隔了十分鐘左右，第二同第三輪的食物同時到，枱又不夠空間，最後要求店員收回第二輪的食物！整體來說，這間食店我不會再光顧，店員態度差，九成以上店員都黑口黑面，像父仇未報一樣，另外如果不接受兩位訂座，可以一早致電給我，無需在我朋友面前當面告訴我，使我十分尷尬出醜！食物質素又麻麻！

好彩早一日訂左位~  如果唔係想同男友平平地打個邊爐都冇位~~~ 黎到得10分鐘就有位啦     因為見到佢話免加一 158咋!! 所以就想黎試下 o.o好多野食慢慢拎!!  食肉獸唔可以唔揀 ~!  仲揀左牛小排   安格斯黑牛~  好多好多肉 XD 好鐘意佢地d牛肉夠味~  而且簿簿地唔會un  食左好多野都係覺得牛最好食    海鮮都可以的~  但我唔太好~ 所以都係喪食牛牛雖然甜品雪糕 硬晒, 食唔到 有小小失望 不過 最最最最最大驚喜係!! 乳酪百香果冰沙 !  呢個真係超好食  (唔記得影相><)成個味道超級match!  口感好豐富 甜 正~!!@,@  我相信應該好少地方有呢個吧~  呢個價錢 算係抵到爛吧!!! 附近邊到有 再話我知 XDD   一定會再黎食呀~

創輿廣場一向都好多選擇，不過呢間台式火鍋價錢平而且食物多選擇👍🏻甜品，飲品都有好多款！最值得推介係炸魚皮和自家製韮菜餃! 咁抵既價錢一定回頭再幫襯👍🏻我已經同一大班朋友去左三次

今天一家人去食晚餐，肉款不多，牛小排及安格斯牛比較好食（個人比較喜歡瘦的肉），蜆蝦都好新鮮，由於有訂位，今天位也比較寬闊，個人也比較喜歡早一點吃，不會太人山人海！另外，收盤出菜時間都好快！總結：呢個價錢，值得食

23/4'book 左18O 兩位！可以17:5O到左、位置非常寬敞。 完全有足夠空間放食物！先叫特別推薦鴛鴦煱底: 麻辣+芫茜皮蛋……最正叫法: ) 三樣牛只點牛小排及安格斯……一客有兩-三塊;全晚叫了7碟……好似好大食！D牛真係有牛味……直得推介; 丸丸也真材實料、只是蛤每次只供應兩隻……我地叫了好多次……實在好味！值得再去

眾所周知，旺角嘅創興廣場一直都有好多食肆。地下條龍晚晚都排到出街邊。創興廣場除咗放題，火鍋店都不少。今次係第一次幫襯牛牛台式鴛鴦火鍋，去之前都略略睇過openrice啲食評同有咩食。見到自助區嘅火鍋料同雪糕好似都唔少，加上價錢唔係好貴，200有找，就算我唔係火鍋迷都想去試。湯底方面，印象中有揀到馬拉沙嗲鍋，另一個應該係臭臭鍋湯底。不過其實食落口都無咩分別，味道唔太濃。至於火鍋配料方面，雖然都係大路款式，但丸類都有唔少選擇，亦有鮮雞件選擇。另外有韓式年糕，不過煮一陣好快就會爛哂。落單點火鍋配料方面，我地除咗叫牛小排、安格斯黑牛個類，仲叫咗啲海鮮，例如蜆。牛肉就無咩特別，都係唔太厚身，唔太大塊。蜆算正常，唔會點食到沙，但蜆肉有啲細。令我最驚喜嘅係飲品有乳酪百香果冰沙，呢個真係第一次試嘅飲品。本身自己對百香果無咩興趣，但混合百香果，味道又出奇地夾。入口清涼，酸甜度適中，搞到我忍唔住飲完又飲。反而dryer's啲雪糕就無咩特別，普通味道，同埋有點硬，好難整。

一行九個大人，加一個不足一歲BB，Book6:30，我地6:34人坐，係食到一小時三個字，叫買單，晤緊要，但要收十人錢，講咗之後話我冇通知有個BB，不過買單九人。溫馨提示8:30準時交枱，OK，冇問題。服務勁⋯⋯⋯⋯之後每幾分鐘就溫馨提示一次8:30交枱，🔥都來正一垃圾，打邊爐叫我地怏D食，你來食啦！本人第一沒係Open Rice寫評論，旺角大大小小的歺廳都可以講冇食過90%都有75%，從未試過如此情況，最垃圾既一間⋯⋯

本來想去佐敦食銅蒸涮涮音樂火鍋餐廳可惜已經結業同男朋友都想食啲平值任食火鍋參考過openrice食評就揀咗旺角嘅牛牛台式鴛鴦火鍋本來睇食評以為真係有限度任食結果真係剔幾碟嚟幾碟牛肉多到差啲食唔晒但就好似其他人所講三種牛肉都冇label到款式食到一種好食都唔知點叫返羊肉 海鮮都不過不失外面任夾嘅食品款式幾多有牛肚 鵝腸 豬紅等等冷門火鍋料當晚有青口食食落都幾鮮甜喺任食火鍋算係有驚喜不過出完一次就冇試完好食就要即刻夾多啲火鍋料 飲品 甜品種類都幾多絕對對得住個價錢

創興不嬲都多人，呢個Friday night真係多得過份。等𨋢條隊排到包住左成間小米。終於入到𨋢本身想去14樓馬辣，但唔知點解禁左𨋢都冇停，最後我地15樓出左，咁就不如試下牛牛啦。一開始緊係揀返個湯底先啦。有鍋同素鍋，岩晒素食者（雖然今晚我冇食素🤣）點左胡椒豬肚 同 酸菜白肉。胡椒果個有少少辣，同埋啲胡椒有時會確喉，但基本上都唔錯，好夠味，我幾乎唔使點豉油。酸菜白肉比較清，但因為白肉係超肥肉黎，所以個湯好油，仲搞到佢成晚都滾唔起🙈佢張點餐紙好簡單，有牛豬羊海鮮，亦唔多選擇，正因為咁就可以每樣試真的。啲肉每份份量唔多，但真係唔錯，有肉味！尤其個羊好正出去拎既野唔算好多，但唔緊要啦黎到都唔係主要食配菜🤣我自己都一定偏好食多啲肉好過 🤣甜品！少少失望，個Dreyers雪糕我一見點解啲人淨係排一邊隊呢？原來因為另一邊啲雪糕硬化晒，完全不唔到。。。。曲奇我勉勉強強不到半球仔，但雪得太勁所以曲奇都冰晒。而另一邊都淨係得一兩格係不到一球完整既雪糕而cake果邊就都麻麻，最吸引係個黑芝麻慕絲，其實都勉勉強強，尤其奶凍好唔新鮮，仲唔多夠凍，唔知會唔會一陣肚痛 雪條就唔錯！食左個紫糯米雪條，好食！不過唔記