牛知己 (已結業)

間中就要入下元朗避世遊玩下，點知臨時想食返個火鍋，見到朗屏站附近新開左間放題，就口痕要去試一試！同朋友👭🏻點左個人氣之選既澳洲精選牛板＋海鮮放題，任食90分鐘🤣呢個set都幾多款肉類揀，有牛板腱、牛肩肉、特產牛、黑豚肉、特選豚肉、豚五花、雞翼、雞腿肉，而海鮮就有原隻白魷魚、青口同埋虎蝦3款揀！無諗過咁樣呢個set竟然先＄268！而配菜可以出面自己揀，都有幾多款菜、肉丸揀，幾surprise既係有自家製拉麵！而飲品方面，都有幾款lotte果汁、茶類同埋汽水！出面仲有甜品同埋雪糕，真係好癲🤣🤣我哋點左雪濃湯同埋加咗$30要咗個麻辣湯底🤡雪濃湯嘅牛骨味幾香，好啱用嚟滾菜😍而麻辣湯底甜甜辣辣，落肉真係不得了，不過因為怕辣中段我哋不起左一啲辣椒🌶️一開始，職員仲好貼心咁上咗少量嘅三文魚同埋北寄貝刺身💓好味道😋豚五花啲花紋好靚，油脂比例好好，食落好爽好邪惡😈牛板腱同牛肩肉都好鍾意，牛板腱嘅油花分布好平均，食落去肉質軟亂但又有彈性💓已牛肩肉嘅脂肪量比較多，所以食落去油脂好豐富💓大愛🤗😆海鮮都幾大隻同新鮮，連埋海鮮，成件事好抵！！🌸個人好推介拎佢嘅自家製拉麵🍜放落麻辣湯底，好惹味彈牙😍

呢間餐廳已經留意咗好耐 一直都搵唔到機會去試吓 咁啱呢幾日嘅天氣好適合打邊爐🍲放題 咁就同左屋企人去試吓啦😂餐廳提供有幾款唔同款嘅90分鐘放題套餐 今次同屋企人揀左$268 澳洲精選牛板腱🐮加海鮮 海鮮有青口 墨魚仔 海蝦🦐 除左任食唔同嘅肉類 額外仲會有刺身(三文魚 北寄貝 八爪魚🐙）同埋其他唔同類型嘅小食 估唔到小食嘅款式都幾多 有炸物 韓式魚糕 蓮藕木耳 滷水雞翼 另外仲有大量唔同嘅飲品可以選擇 隔離仲設有一個甜品櫃 簡直係花多眼亂😍 值得一題係佢哋嘅肉類幾新鮮 特別牛肉好有牛味 而且一啲都唔肥👍🏻另外佢哋嘅服務非常周到 餐廳員工定期就會望下你枱面上面嘅嘢有冇需要清理 而且會推介吓有咩小食可以試吓

天氣凍真係會食多左野😌韓燒完又打邊爐啦我地。呢間「牛知己」係世宙商場地下，地方好闊落，又唔係旺區，係難得可以好好地放鬆食飯嘅地方。我地揀左$268一位嘅澳洲牛板腱+海鮮放題，貪佢有得任食大虎蝦🦐最貴果個餐$388有得任食韓牛，下次都想試吓。牛板腱質素好唔錯，我地食左好多碟，每碟都係咁上下，肥瘦適中，淥幾秒就食得，入口軟綿綿又有野咬下，有牛味😋淨係食呢樣都抵番晒。另外都試左美國極上牛肩肉，明顯冇牛板腱咁鬆軟，但牛味更重，亦唔會難咬。虎蝦唔使講又係瘋狂encore😍朋友剝殼我負責食，鮮甜又彈牙，爽YY。穀飼黑豚肉都好正，啲油花靚到不得了。其他食物仲有紅豆沙、粟米沙律🌽、甜品蛋糕、炸蝦、炸韓國餃子，仲有羽衣甘藍🥬長洲大魚蛋果啲，但我地食牛都食飽了🤣飲品有我中意嘅楊協成，仲有啤酒任飲添。我地都好滿意，仲約埋下次再黎😍

上星期話過想食，然後就有得食，牛知己由開張想食到而家終於有得試。佢門面真係幾有特色，店舖都幾大，自助野食野飲唔算少。而家係韓式主題，當然唔少得韓國泡菜，韓式炒飯，韓式年糕，魚糕同韓式飲品啦。佢有幾個set既肉可以比你簡，而我就簡左人氣之選澳洲精選牛板件+海鮮放題，足足有90分鐘，$268一位。湯底有兩款可以選擇，其他款式就要加錢，而我就揀咗雪濃湯。送左刺身比我地我今次都好乖，有食菜，佢有出面好少見到既羽衣甘藍，味道真係唔錯。記得最後要食佢甜品，選擇都幾多，要食乳酪雪糕呀！

入冬了當然要去火鍋，朋友由大馬路帶我到安寧路不用5分鐘，就到達餐廳了看到大部分是卡位，已經覺得非常好，因為還加了隔板，感覺安心很多午巿火鍋就有不同選擇，跟朋友商討後決定點了中等價錢的: 澳洲精選牛板健+海鮮放題 ($268@)店員再推介我們點沙嗲湯底(+20)，真的非常惹味的除了用 ipad 點用及海鮮外還可到自助吧取蔬菜及各款丸類，飲品，熟食及雪糕也是自取的呢，選擇不少啊，總有一款啱你👍👍跟朋友吃吃喝喝，點了很多亦取了很多，單是牛板健大約點了10盤，因為真的新鮮，而且肉質非常好，口感亦不錯，走的時侯捧著肚子，十分滿足呢

到了午飯時段，我經過「牛知己」餐廳，看到櫥窗貼滿菜單，有韓式邊爐、石頭鍋飯、雪濃湯、炸雞、石燒牛扒、石燒豬扒。大部份主菜都可以任飲任食免費包小食、甜品、飲品、雪糕。我選擇了石燒🐮美國牛肩扒 400g ($69/200g)，牛肩排口感軟腍，有濃郁牛味及無筋，灑少許海鹽及黑椒令牛肉增添鮮味。加$9可享用自助吧，有小食、甜品、飲品。當天小食: 粟米沙律、薯條、雞翼; 甜品: 乳酪雪糕、朱古力雪糕、豆腐花; 飲品: 罐裝汽水、芒果汁、巨峰提子汁等等。牛知己地址：元朗安寧路38號世宙商場地下26-27號舖

上網睇多好多食評都覺得呢間嘢唔算差, 所以我亦都係試下. 亦都有人話啲服務質素差但係我冇遇到, 反而上菜同埋服務都好同快. 同朋友嗌咗個中價位嘅澳洲牛板腱, 其實想食牛小排, 因為比較肥美, 但我朋友就唔想食. 咁嗌咗個鴛鴦湯底沙爹同埋蕃茄, 沙嗲正常, 番茄就好似屋企煲湯嗰啲feel. 其實澳洲牛板腱同埋佢美國牛肩肉都唔差, 分別在於牛板腱會比較爽口一啲, 兩隻肉味都足夠. 我先方便選擇就唔算多我哋個套餐淨係得魷魚, 青口同埋虎蝦, 三樣嘢都正常. 值得一讚呢度係有札幌生啤任飲, 不過要畀多38蚊. 同埋出面嘢refill速度都快. 呢度亦都有乳酪雪糕機, 甜品. 嘢飲意罐裝為主. 所有嘢都中規中矩. 我比較覺得呢度環境舒適, 樓底較高唔會太嘈. 不妨一試.

朋友話呢度午市火鍋唔錯 主打韓式套餐同埋火鍋丫 啱啱開門我哋就入去laaa ~~卡位闊落坐得都幾舒服😌（好得意佢個火鍋湯底有得揀雪濃湯，或者海帶湯底-鍾意睇韓劇嘅人就應該唔會陌生😂）不過香港人嘅我係揀沙嗲湯底嘅：p佢都有分唔同嘅套餐我哋揀咗呢一個@ 澳洲精選牛板腱+海鮮放題坦白講 本身對任食火鍋嘅牛肉同海鮮嘅質素都唔會抱太大期望但係一送上枱見到三盤肉嘅質素 我哋係驚喜嘅😮Order 咗牛板腱、牛肩肉同埋黑豚肉望落去雪花同油脂分佈都平均wo 又唔會太多肥膏（因為我唔鍾意太油：p) 而且都幾大片😂唔係因為任食而俾d勁細塊嘅肉😜虎蝦同青口係爽口丫 食得出新鮮😌牛肉同海鮮可以追加～～ 鍾意食牛嘅您呢到係一個好選擇出面仲有其他自助火鍋配料自行選擇😊（韓式餐廳點少得韓國麵🍜，同埋有我最鍾意食嘅大粒魚蛋，同埋魚糕片😋）自助任飲櫃仲有豆腐花同啤酒🍻 乳酪雪糕🍦大胃表示勁飽😂好滿足的午餐🤟🏻

呢排天氣開始轉涼，又係食火鍋嘅季節，上網搵到喺元朗呢間牛知己，主打火鍋放題，見環境都價錢都唔錯，就決定去食下。佢同一般市場嘅放題火鍋一樣都分左唔同價錢有唔同級數嘅肉同食材，咁我就揀左中價位嘅澳洲精選牛板健，同配埋有幾款海鮮。店內環境都算唔錯，平日夜晚嚟到，入到店舖內唔會一片煙霧，地面都唔會一地油淰淰，只有依稀嘅火鍋味。點好湯底，揀左雪濃湯配古早沙嗲湯，開始時店員都好快咁上左跟餐嘅一客刺身同埋幾碟牛，牛嘅質素都算唔錯。呢度嘅熟食盤都幾有驚喜，雖然款式唔算多，但係食嘅途中炸物都有keep住refill，保持到新鮮同熱。而丸類同其他火鍋配菜都可以喺出面嘅自助吧到攞到，種類都幾多，整齊咁放喺冷櫃。最後甜品有個人幾鍾唔嘅乳酪雪糕，值得一讚係乳酪機都保持到夠冰凍，唔會未食已經溶哂。

呢排涼咗咁多，最啱打邊爐烚下烚下～即刻趁放工同埋朋友仔去試下牛知己😆Menu有好多set火煱放題可以揀，今次揀咗澳洲精選牛板腱加海鮮放題個set。雖然只係$268，但肉類同海鮮質素都唔差～湯底推介雪濃湯，用牛骨熬到雪白，味道濃醇！🤤飲品、蔬菜、面類、丸類同其他熟食食物選擇都多，放滿咗幾個雪櫃。甜品方面有豆腐花同雪糕，雪糕係自己起雪糕機到吱出嚟😆乳酪味幾唔錯，好玩又好食😚💗店員服務態度幾好～〰️〰️📍 牛知己 (元朗)元朗安寧路38號世宙商場地下26-27號舖

冬天又是時間吃打邊爐！今日去元朗探朋友，方便到朋友家下面的牛知己食澳洲精選牛板健海鮮放題！.想不到在元朗也有這麼高質的韓式火鍋放題店，門面很有活力，而且入面裝修也很高雅簡單舒服。.我們這個套餐可以任叫靚牛肉、豚肉、海鮮，出面也有很多配料任君選擇，也有不少小食熟食及飲品呢！$200幾元一位，好易回本。.靚靚牛肉有很多選題，包括澳洲精選牛板健Australia Selected Beef Blade Steak、美國極上牛肩肉US Supreme Imported Chuck Beef、美國特產牛肉0.S. Specialty Beef。所有牛肉也十分新鮮，鮮紅色的，牛肉味香濃。特別是牛板腱，瘦肉多更有回質，牛肉味更足，上肩肉肉質比較滑腍。特產牛肉肥瘦比較一半，適合喜歡脂感的人。.也可以任食牛肉及豬肉，自己在平板電腦下單即可：美國穀飼Iberico 100％、黑豚肉US Tberico Pork（Duroc 100％）、特選豚肉Selected Pork、嚴選豚五花Strictly Selected Pork Belly、無激素雞翼Natural＆Hormone Free Chicken

世宙樓下開左唔少餐廳，特登過黎搵食依排天氣終於凍番d, 梗係要打邊爐！牛知己仲有得揀韓式湯底，滿足一下旅行既心癮我地揀左個中間價位，$268@湯底我地揀左雪濃湯同麻辣湯麻辣湯都唔係好辣，湯底係無料，所以要自己拎個大不鏽鋼兜出去裝肉類同海鮮可以用pad 點，好快送到刺身會送一份～岩哂填下肚先味道口感都唔錯出去睇下有咩食～依度有豉油區都有d 薯條即刻食，不過我無試到左面就拎d 面呀，響鈴再行過d 就有菜丸腸金菇，連韓國魚糕都有襯番係韓式主題d 菜都幾新鮮，丸類係正常水準海鮮包括有墨魚虎蝦青口同蟹滑海鮮好快熟，唔駛淥甘耐墨魚都爽口，蝦夠大隻，仲有蝦膏添蟹滑口感都幾彈牙，唔錯我地以食牛板鍵同牛肩肉為主兩款牛味都唔錯，切得比較薄，所以淥兩淥就食得，唔會太韌黑豚肉多d 脂肪位，豬味比較濃依度上菜同收野都夠快，order 完勁快已經上又唔會漏單整體感覺都唔錯

今天晚上收工後到元朗安寧路揾食，經過世宙商場有一間叫「牛知己」的韓式火鍋放題，便決定前往一試。這店全部是半自助放題形式，肉類及海鮮等是落單去點，至於其它包括一些丸類、蔬菜、熟食、雪糕及飲品等可自由取用，飲品的種類很多，放滿了三個雪柜。放題套餐有幾種選擇，最平由188元一位起，我們選了每位268元的澳洲精選牛板健餐，店員會首先提供一份基本套餐包含各種肉類及海鮮，另外亦包含一份刺身，食完唔夠可以再任點各款肉類，各款肉類擺盆精美，而且都十分新鮮美味。總體來説，在百物騰貴的今天,最平百多元便可以在一個舒適的環境下吃一餐任飲任食的韓式火鍋，絕對得一試。

之前係IG見到有人介紹好近我屋企既呢間韓式抵食半自助午餐，今日放假就同男友過黎試下😁佢嘅午餐可以自由組合肉類同主食，有豬/牛/雞又有冷麵/飯/烏冬任君選擇👏仲要五十零蚊已經包埋無限嘅前菜，甜品同飲品，真係抵到爛！😱😱我叫咗辣味炸雞配韓式拌飯，男友叫咗韓式烤牛肉配紫菜飯～今日嘅前菜有麻辣雲耳蓮藕片，韓式泡菜同薯條👏雲耳蓮藕片嘅味道同雲南米線店果款小食都幾似，幾好食😋飲品好多選擇👍 除咗普通汽水之外，仲有唔少韓國進口嘅飲品，果汁同茶類～韓式烤牛肉好入味，紅蘿蔔絲同洋蔥煮得夠淋， 配埋白芝麻同埋麻油味嘅紫菜飯一齊食好香好夾🤤我嘅炸雞係我至愛既甜辣味😍 皮脆肉嫰，有四大舊，又要再一次強調真係好鬼抵食！😂拌飯有半隻雞蛋同多款切絲嘅配料，雞蛋下面隱藏左啲韓式辣醬，撈勻一齊食好惹味而且好有口感😋可能因為主打火鍋既關係，呢度座位好闊落，眼見全部都係軟墊卡位👍好難相信點解五十零蚊就咁多嘢食兼坐得舒服，後生女經理同員工服務又好🤗下次可以同家姐姐夫接完姨甥女放學之後過黎一齊食個晏❤️

兩個人食放題， $300一位食韓燒，D食物真係垃圾到一個點。質素差到冇嘢好講，叫咗個美人湯，個樣好似坑渠水咁，D牛肉一睇就冇曬胃口，個樣仲衰過大排檔，一碟肉燒成15分鐘先叫做熟，仲要係燒完出嚟好似柴皮咁，我座位下便全部都係電線同埋電掣，其實係想趕客定係點，做到咁不如唔好做🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬😶‍🌫️🤬🤬雪櫃啲嘢飲完全唔夠凍