牛站(駅)麻辣火鍋放題

营业中

休息中

牛肉質素差，已經食最高lv餐，牛肉只有牛小排尚可，其他好鞋，小食選擇多，但打邊爐主角牛肉唔得，令人失望，唔會再有下次。另外，旺角店大部分都係講普通話的店員，期間又成日用手推車撞過嚟，員工訓練不合格。

朋友話想打邊爐，第一時間就唸起牛站，因為肉類品種夠多，而且質素高。旺角呢間仲要新裝修，地方光猛乾淨又闊落。湯底揀左牛駅秘製 麻辣鍋，bb辣越煮越入味，辣得好過癮，而且麻香味夠重。美國特級肩胛肉眼，安格斯牛板腱，極黑和牛片等，全部油花都好靚，食落牛肉味夠濃郁。而且連封門柳都有，呢個部位比較罕有，仲唔到放題都有得食到。出面仲有好多開胃前菜，魚皮好香花椒味，大推。丸類如貢丸，牛筋丸同大魚蛋都值得推介，彈牙得黎又食到食材本身的鮮味。另外仲有好多雪糕，雪條，甜品等選擇，連酒精飲品種類都好多，所以朋友同我都食得勁滿足。

我哋喺網上已經預約咗當日夜晚嘅放題，並要求安排BB坐嘅位置。去到後，門口職員安排咗一個位置，然後入座。入座後，發現根本放唔到BB凳。然後同個門口職員講返，佢話冇位調（但係現場睇有好多張空枱，佢根本就係唔想調嫌麻煩），叫我哋拎walk in 飛。再等吓一批已經訂咗嘅客人入晒座之後先再等叫飛。咁樣嘅話唔使book位啦，仲要好唔耐煩又黑晒面，係門口個counter 位發我哋脾氣。食過咁多次，今次真係接受唔到個staff自己做漏，仲要發個客脾氣。

牛站回頭率極高！見天氣涼涼地又係時候打邊爐！湯底好多款，今次揀咗沙嗲湯，花生咪濃，打邊爐之餘仲可以整沙嗲牛麵😂揀咗美國極黑和牛套餐，食美國安格斯牛板鍵、美國極黑和牛、羊肉等！黑和牛肉質柔嫩又juicy, 而油花分佈均勻，唔會過肥或瘦，口感極好！牛板鍵口感滑順帶嚼勁，而牛味香濃。海鮮有海蝦、蜆的，蜆大粒又飽滿！值得encore! 除咗肉外，講到必食係乳鴿，仲要係任食口感鮮嫩帶油香😂出面自助區有好多款丸、炸響玲的，另外仲有滷肉飯😂真係好豐富~飲品同雪櫃款式都超多 ,真係食足120 分鐘勁飽咁走！

❣︎牛站❣︎麻辣火鍋放題真係港人至愛😍今次來到旺角分店，呢到地方超大😲仲好貼心為人客安排左個等候區域仲有得座，設計得好靚🤗打卡一流👍🏻今日來食佢嘅SRF美國極黑和牛片餐$298一位咋😍真係超抵👍🏻食物種類超多，多到唔知由邊到開始食好😂自助區域有熱食，冷盤，雪糕，甜品，冷熱飲品等等⋯⋯應有盡有😋而肉類，海鮮，鍋底等等就係QR Code落單，今日平日都不停有人等位，成個場full晒😀🫶🏻超厲害👍🏻💁🏻‍♀️❣︎怡怡推介以下必食之選❣︎❣︎清甜椰子雞鍋❣︎湯底超清甜濃郁😋湯底配料十足👍🏻火鍋配料唔使沾醬汁都相當夠味。❣︎美國安格斯牛板腱❣︎濃郁帶有牛香😋👍🏻放題有呢種質素算相當好。❣︎海參❣︎海參唔係度度放題有架😀szie適中，爽口軟滑👍🏻❣︎田雞❣︎竟然有田雞😍入口超柔軟👍🏻❣︎醬爆糍粑❣︎口感酥脆軟糯，煙煙韌韌😋👍🏻❣︎Mega雪條❣︎🧏🏻‍♀️每次食放題，我都一定留返個肚來食一支雪條，因為呢個都係回本之選😛

而家天氣涼左，我呢個邊爐怪真係可以日日火鍋都唔會厭😂同老公去咗呢間長期人氣高企的火鍋放題，平日午市都一樣好多人，環境好大，座位都坐得舒服。平日午市放題 $168起 至$308/ 位， 4 小時任飲任食，套餐價錢豐儉由人，我哋就揀咗$218/ 位「美國極黑和牛片餐」。自助區乾淨企理，可以自取：🔹多款醬料供應🔹小食前菜、水果🔹蔬菜、丸類、餃子、麵等火鍋配料🔹多款飲品、啤酒、淸酒梅酒🔹各式甜品🔹雪糕雪條而肉類/海鮮就用QR code落單 ， 落單後上菜好快亦冇漏單，食物種類選擇超多。湯底都有好多選擇，揀咗⭐️清甜椰子雞鍋⭐️，有好多鮮椰子肉、雞件、杞子等，飲落好清甜滋潤。牛肉、豬肉質素都好好，特別鍾意牛肩胛肉眼，灼幾秒就食得，肉質嫩滑牛味濃，前菜小食特別鍾意涼拌魚皮同麻辣雞軟骨，整體食物質素水準高，種類選擇亦好多。記得記得留肚食甜品、雪糕，Häagen-Dazs 雪糕都係任食，真係食到好飽好滿足！

💥最近天氣開始轉涼，最啱一大班人圍埋打邊爐🍲🥰🥰最近約埋朋友去咗旺角嘅牛站麻辣火鍋放題，環境簡潔坐得好舒適，服務員都好到位😄鍋底有辣有唔辣，今次揀左椰子雞湯，加入鮮椰肉、雞件、杞子、蜜棗等配料，清甜滋潤，仲可以食埋啲雞肉，清清地好香甜🥓肉類今次叫既呢個餐係食美國極黑和牛SRF，大大片肥瘦均勻，入口柔嫩肉味香濃另外仲有其他肉包括安格斯牛板腱、封門柳、肩胛肉、西班牙豬五花片、田雞腿等等，封門柳肉味濃郁，豬五花片半脂半肉好有口感，整體肉既質素都好高🥢自助配料區有多款丸、餃，亦有各款鮮甜蔬菜，餃類推介蛋餃、燕餃，鴨血滑溜溜，連台式豬血糕都有得食，蔬菜連羽衣甘藍、紫椰菜、蟲草花、冰菜呢啲平時好少見既菜款都有，鐘意食菜既朋友仔見到都心心眼特別推介入味小龍蝦同乳鴿，水準同出面單點有得比，皮薄肉嫩富油香🥬蔬菜類首選冰菜掛湯超甜，粗纖感紫椰菜、羽衣甘藍都有。皇帝菜、蘿白煮到透好yummi、甜粟米、蟲草花都係必食！🦐海鮮任食爽彈海蝦，大大粒鮮甜沙白，另外必點海參仔同花膠，索左湯汁更惹味，夠曬滋補🥤飲品選擇除左有冷泡花茶仲有樽仔奶茶、Q彈珍珠台式波霸奶茶，另外都有其他brand既飲品，鐘意飲酒既朋友呢度亦有

之前吃過牛站很回味，於是又帶朋友來吃，今晚仍然是人山人海，好受歡迎，不過自取區都不會太迫，有足夠空間放食物。這次我們選擇了胡椒豬肚湯底，湯頭濃郁，有不少酸菜及豬肚，先喝一碗湯再開始打邊爐，真是美味。SRF美國極黑和牛片 $298 晚市120分鐘放題SRF美國極黑和牛片：牛肉片大而均勻，香氣十足，肉質嫩紅。美國安格斯牛板腱：油脂稍多但不膩，薄片柔嫩滑順，這款更對我胃口。封門柳：薄薄的牛肉片，油脂最少但牛香味濃郁！乳鴿：鴿肉燒得香嫩入味。芝麻雞翼：外脆內多汁，香口惹味。台灣鴨血：滑溜細嫩，帶有濃濃台灣風味。沙白：有一定大小，灼到開口就吃，保持嫩度及鮮甜。在自取區，各式醬料及飲品選擇豐富，蔬菜前菜麵食等也有很多款式。飲品發現了他們有頭漿、椰青水和蔗汁等，都是我愛喝的。還有特色小吃如魯肉飯、小龍蝦、紅豆沙等，每一區都充滿心思，絕不是一般火鍋店可以比擬的。甜品重點是有兩款Haagen-Dazs雪糕，回本之選！

旺角創興店 黑衫肥肥矮矮嘅女職員態度極差，食餐飯受佢氣咁，件事係咁嘅，叫左個番茄湯底，見湯底未黎就出去攞野食先返到位突然話個湯底燶咗，話幫我哋換，其實我望呢就無燶到咁唔緊要啦覺得佢出於好心，就照返個番茄湯底，佢話：你換第二個啦我就覺得奇怪…..點解唔比點返番茄湯底？佢就話好易燶嫁呢個湯底，你未食就燶左，又唔睇住個湯。個湯未黎出去攞野食 好正常啦下話？好啦 咁我話換個沙嗲湯底啦，佢又話唔得….我一頭霧水問 點解呢？佢又話個湯好易燶 叫我要第二個😂咩料呢？打個邊爐姐 我第一次聽個湯底易燶唔比要，但我叫佢照落啦 我會睇火嫁啦（真係第一次咁樣食野）佢唔出聲走左去🫠湯又無攞走，等左一陣我再問 咁一陣係咪收湯？佢好唔耐煩咁話 個湯出緊啦！仲要怒啤👍🏻呢啲咁嘅員工都請得落手 你呢間舖真係都幾要人手下😊仲有前台男職員 我哋係黎食晚市，佢就比張午市QR 單我哋，我哋係食5:00pm個陣無咩客 好多吉枱唔明點解錯 態度差到咁喂～一係唔好出咁易燶嘅湯底啦 你哋個員工燥底呢間野無下次，祝你哋早日結業🎊

今次嚟到位於旺角嘅牛站(駅)麻辣火鍋放題餐廳主打台式火鍋🍲.用QR Code落單好方便😎另外出面仲有好大個自助餐區最正係飲品櫃成排俾你揀仲有樽仔奶茶 同埋 珍珠奶茶🧋😍連梅酒 清酒都有🤗仲有自助熟食區 自助蔬菜區 同其他前菜水果🥭另外 有雪糕甜品 仲有自助雪糕機😍自助熟食區 有麻辣小龍蝦🦞龍蝦肉好惹味 夠哂香食落又麻又辣 好爽.今次揀左Level 2嘅餐 係120分鐘放題呢個餐除左包埋Level 1之外牛肉方面仲有😎SRF美國極黑和牛片美國安格斯牛板腱封門柳三隻牛嘅油脂分布都唔錯食落香滑爽口牛味夠香 再加埋湯底又香😎👍🏻.有好多海鮮可以選擇 食材新鮮🫶🏻例如有蝦 帆立貝 脆鯇魚片 海參 爽脆墨魚等等口感唔錯👍🏻 食落都幾新鮮嫁🫶🏻仲有好多唔同嘅食材架☺️西班牙豬五花片豬花食落豬味夠香而且食落咬口夠香爽都唔錯嫁.田雞腳好耐冇食田雞腳😍 食落都幾香嫁咬落香滑 肉質唔錯.美顏花膠有埋花膠可以叫黎食😎啱哂我呢啲貪靚人士🫶🏻.燒乳鴿皇燒得夠香又多汁✨ 肉質唔乾又易咬外皮仲帶香脆感 都幾好食嫁❤️

趁天氣一開始涼，鍾意打邊爐嘅我們要出動了😂呢度星期一至五都一樣價錢👍，人均$258左右就可以食到120分鐘嘅高質牛肉放題，真心crazy！呢個價位已經可以食到美國SRF級別的極黑和牛、美國特級肩胛肉眼、牛肩胛片、封門柳、乳鴿等等，選擇之多令人覺得超興奮！牛肩胛片就係我哋最鍾意食嘅項目，肉味香濃之餘，肉質亦都keep到非常嫩滑，呢度仲有雞蛋提供，用嚟點牛肉真係一流，直頭好似去咗食日式貴價shabu shabu咁😆勁正！鍾意食海鮮又有得食海蝦、沙白、花膠、田雞、脆鯇魚片等等。咁鬼抵食，唔怪得知依度夜晚一定有條大長龍啦！好在呢度夠晒大，足足係一層咁大，所以座位非常闊落，連個煲都大過人😆自助區亦都有好多選擇，有我鍾意食嘅午餐肉同埋炸魚皮😍各款前菜包括醉雞翼尖、螺肉、中華沙律、雲耳、仲有麻辣小龍蝦，真係勁多款式！丸類例如牛丸、貢丸、花枝丸、墨魚丸、芝心丸、海膽丸等等應有盡有。另外，眼見有起碼50款飲料任飲，甜品同雪糕方面都非常之多選擇，例如有我最愛嘅Häagen-Dazs，

打邊爐圍埋一齊烚下烚下就最開心唔想攪咁多，出去烚就岩哂啦!遇着天氣温度驟降，打邊爐真係岩哂，食完就暖笠笠!我同朋友仔去左 ✨牛站麻辣火鍋放題✨ 撐枱腳，快閃食個午餐▶️午巿火鍋放題 - 2.美國特別肩胛肉4小時任食，兩個唔駛 $400 ，坐足4個鐘，真係勁抵如果想食得好少少，可以揀3同4。✅QR code 自選湯底，湯底有辣有唔辣，我就揀左滋補豬筒骨，❤️美國特級肩胛肉眼肉質比較實，有咬口，牛肉味香。❤️美國特級肩胛肉有嚼勁，牛味香濃。▶️自助區有前菜，小食，火鍋配料，飲品，甜品同雪糕。火鍋配料好多款選擇，有嚮鈴，炸魚皮，台北鴨血，醉雞翼，蛋餃，燕餃，油炸鬼，年糕等等❤️個人推介長蟹棒，蟲草花，淮山，牛栢葉，蟲草花，羽衣甘藍，金菇✅雪糕雪條都有好多款選擇，當中仲有Häagen-Dazs 雪糕任食是日有紅豆沙，起哂沙，又唔會太甜膩，好好味😋兩個人食到好飽飽。

今日去食火鍋放題，四個鐘任食，真係食到扶牆而出！牛肉方面，選擇非常豐富，由常見的美國肥牛、安格斯牛片，到較少見的牛舌、牛小排都有，滿足不同喜好。我試咗美國肥牛同埋牛小排。美國肥牛油花分佈均勻，入口即溶，油脂香氣豐富，帶有微微的甜味，涮個幾秒鐘就熟，口感嫩滑。牛小排嘅肉質則比較結實，但絕不韌口，嚼勁十足，肉味濃郁，帶有少許嚼勁，口感層次更豐富。 值得一提的是，即使是較薄的牛片，也沒有出現任何雪味或腥味，可見新鮮度相當不錯。其他部位的牛肉，例如牛舌，口感爽脆，帶有獨特的鮮味。湯底揀咗個麻辣同埋椰奶湯底，麻辣夠晒香，椰奶湯底就比較清甜，啱晒中和辣味。除咗牛肉，其他配料都好多，蔬菜、丸類、粉麵等等，應有盡有。最驚喜係甜品區，竟然有Häagen-Dazs任食！唯一嘅缺點係人比較多，要排吓隊。總括嚟講，性價比超高。

任飲任食火鍋一向多選擇依間系正大路旁邊位置十分之便利重要長期都咁多人平日都要排長龍最好就訂定位先，唔係就有排等環境光猛舒適，座位都舒服出去自助區既地方都好大好闊落唔會人迫人今次揀左2號餐-美國極黑和牛片湯底就要左鴛鴦鍋一邊系主打既-牛站秘制麻辣鍋另一邊系-清甜椰子雞鍋個麻辣鍋真系好出色麻而不太辣，好岩香港人而個椰子雞鍋更加驚喜行入黎個時以經覺得好香點知煮完出嚟既食物都吸到椰子湯味另外啲配料，飲品，涼拌，小食，雪糕一應俱全，諗到都差不多有睇到眼都花而另一驚喜就連小龍蝦同乳鴿都有

午市放題任飲任食四個鐘，最啱同朋友仔嚟吹水打邊爐！肉類、海鮮、蔬菜、丸類、前菜小食、炸物、甜點、飲品樣樣有齊，實有一款啱你口味。建議提前預約，否則未必有位😵養生之選有藥膳牛骨鍋，淡淡香氣，越煮越濃。肉類有豬牛雞羊，和牛來自美國，厚切啖啖肉，沾埋蛋漿更滋味。大部份配料放咗喺自助區，有凍櫃雪住唔怕變壞。記得要留肚食前菜同小食，紅豆湯微甜多料，暖粒粒好好味、鹽酥雞細細粒，炸至外脆內嫩且唔油、紅糖糍粑煙韌軟糯，咬開爆漿有驚喜。唔夠飽嘅仲有王子麵，韓國麵等特色主食！食到一半就可以轉移到甜品櫃，甜品控表示大滿足！木糠布甸、杏仁脆條、榴槤糯米糍、巴斯克蛋糕、芝士蛋糕脆脆、楊枝甘露、多款甜筒同自家製雪糕，唔覺唔覺都食咗好多😆 飲品都有唔少特色款，啤酒、清酒、梅酒、燒酒、果汁、豆漿、汽水、乳酸、茶類，相比起其他火鍋店真係多到誇張，仲要唔使加錢就可以無限暢飲，淨係入去啤返兩杯已經抵晒🤣