影片
营业时间
今日营业
12:00 - 16:00
17:00 - 23:00
星期一至日
12:00 - 16:00
17:00 - 23:00
公众假期
12:00 - 16:00
17:00 - 23:00
以上资料只供参考，请与餐厅确认详情
相关文章
牛站火鍋最近幾出名，所以平日都好多人食。觀塘分店位於亞太中心6樓全層，面積很大。我地選擇2號餐：美國極黑和牛片晚市放題。火鍋湯底有很多種，我地選擇雙拼：椰子雞湯和胡椒豬肚湯。豬肚湯胡椒味好濃郁，椰子雞湯有香濃椰子味，真材實料好滋補。肉類方面，有美國極黑和牛SRF、美國安格斯牛板腱、美國肩胛肉，還有田雞、羊肉等等。牛肉薄切，色澤鮮紅，有牛味。羊都吾錯，田雞肉質好嫩滑。海鮮方面，有墨魚、海蝦、沙白、海參、花膠、魚片、帆立貝等等。海鮮質素都不錯，特別是海蝦，爽口彈牙。蔬菜類我最喜歡羽衣甘藍和荳苗。羽衣甘藍是很 漂亮的紫色，菜葉翠嫩；豆苗亦青嫩。丸類也有很多款，我選擇咗花之丸、牛筋丸、珍寶魚蛋和雲吞，我覺得雲吞比較好味。餐廳還有其他熟食小食，芝麻雞翼很香脆可口。雪糕有杯裝雪糕，還有軟雪糕機呢！飲品方面，除左有一般茶飲汽水，還有日本酒，而且有珍珠奶茶！還有當歸湯供客人飲用，味道濃郁，很滋補。
继续阅读
天氣涼涼地好啱約朋友食火鍋,去佐旺角一間120分鐘晚市火鍋放題任飲任食,環境夠大,簡潔坐得好舒適！🥢熟食推廣有乳鴿,皮薄肉嫩富油香,麻辣小龍蝦,品嚐麻香辣的味道好過癮！ 🫕揀佐椰子雞湯底 椰子雞湯底鮮甜,清清地不錯！ 🥢肉類,海鮮 叫佐美國黑和牛,油花均衡入口即化 ,美國牛肩胛肉同安格斯牛板腱,牛味濃肉質鮮嫩！ 牛舌有口感！黑毛豚肉片呈嫩粉紅色,最重要不肥,爽而不膩！ 🥢海鮮有爽彈海蝦,脆肉鱟,大大粒沙白,帶子夠鮮甜！🥢自助區熟食及火鍋料,自助區好大,種類繁多,有多款丸類,彈牙爆汁,雲吞,午餐肉,芝士腸...蔬菜都好多款,連少見冰菜都有,紫椰菜、羽甘藍、芥蘭苗、皇帝菜、蘿 白,萵筍,甜粟米、新鮮淮山等...🥤飲品甜點選擇都超多,有冷泡花茶仲有樽仔奶茶、Q彈珍珠台式波霸奶茶,仲有啤酒,連甜品雪糕雪條都超多選擇！ ✨店員上菜速度好快,收空碟都好快,爭取每分每秒食到不停口🤣
继续阅读
冬日來襲，當然要食火鍋！旺角牛站長期爆滿，今次去旺角買完衫，想食只能walk in，等足個半鐘，成8點幾先入座！食佢真係要訂位！訂位！訂位！自助區的食物種類和選擇都多，我地點完鍋底和第一輪野食，就去自助區博殺！轉頭鍋底同肉已經上枱，食指大動。龍蝦頭鍋真係大大隻龍蝦，另一邊配麻辣鍋，剛好！其實仲有冬日限定的枝竹羊腩鍋，但心大心細，都係選了龍蝦頭鍋。自助區拎左唔少丸類，米血糕、爆漿海苔丸、珍寶蟹棒、珍寶魚蛋、芋泥包心貢丸等，仲有可愛的福袋。當然唔少得我最愛的海苔響鈴和魚皮，呢兩樣真係牛站必食，好新鮮好香脆！我們揀了$298的SRF美國極黑牛套餐，任食SRF和牛、安格斯牛板腱、美國牛肩胛、巴西牛脷托等！每款肉都好有質素。色水好靚，食落肥美有肉味！SRF和牛板腱最肥美，脂肪紋好靚。牛脷托，爽口彈牙。海鮮則點了魷魚、帆立貝、海參、脆鯇片、墨魚、海蝦。今次的蝦超級大隻，每隻肥美厚肉，有啲仲帶蝦籽，食蝦食得好滿足。麻辣火鍋，當然要配一杯我最愛的珍珠奶茶解辣。雖然仲有好多其他飲品，例如罐裝的啤酒、茶飲、涼茶、自家茶和清酒等，但是珍奶解辣還是我的最愛！食左好多肉之後，最後當然食蔬菜。大大條芥蘭，食得好滿足！仲有金菇、冬菇、鮑魚菇、粟米、木耳等。因為食得太飽，所以甜品只係食左消滯嘅乳酪，Tiramisu、伯爵茶奶凍、焦糖奶凍、木糠布甸，想食再多，唯有等消化完下次再黎先食到了。
继续阅读
女店員態度惡劣，貼錢買難受☹️琴日5:15pm左右嚟到walk in,排咗一陣5:33pm嘅時候有禮貌地問一聲幾時會有得入walk in女店員起晒鋼咁鬧客，開頭都唔肯答我，話總之唔知會唔會入到你，照排啦！！？我都係想問聲點安排入walk in,都要被人鬧😓提大家無book位就唔好嚟，佢地唔歡迎walk in客的😓野食就食過好多次，一般放題質素囉自助區就勁遠，拎完野食次次都要經過個扶手電梯大堂行返去坐位區😅不過店員態度咁差真係以後唔會幫襯，邊爐呢個價錢大把其他選擇😤難怪啲人唔留港消費，7:30pm前離座$308加一，4個人食其實都千幾蚊，換嚟咁嘅對待。
继续阅读
明白初一好忙，有好多客人等緊枱。但係幾分鐘嘅走盞時間都唔俾客人，實在有啲不近人情。我哋7:00坐低，8:15已經叫埋單，其實都已經有啲急。因為唔係單單食嘢，大家仲會傾兩句，所以食嘅速度可能比較慢。8:45提醒就快要還枱，我哋已經咋咋臨快食。8:50又過嚟催要還枱，但係明明未夠九點，咁都算。8:58 ，就直接推住架車過嚟，企喺我哋張枱隔離望住我哋話得返2分鐘，叫我哋快啲執嘢走。但係嗰時我哋個嘴都仲咬緊嘢食，筷子仲夾住嚿肉。職員係咁望住我哋叫我哋走啦，快啲走啦，後面仲有好多客人等緊㗎。咁我哋都明嘅，但係係咪可以移開架執污糟嘢嘅車，比大約5分鐘我哋收拾好然後離開？係咪真係緊張到一定要放架車喺我哋張枱隔離，然之後企喺度望住我哋執嘢？同一枱兩個年紀大啲嘅長輩，見到佢咁嘅樣，嚇到即刻將口入邊嘅肉吐返出嚟然之後就執袋走，呢種感覺真係好差。其實個走廊唔係好闊，你放架污糟車喺我哋張枱隔離，我哋想出去又要叫你移開架車先我哋先出到去。來來回回浪費仲多時間。新年流流，之前黎食過飯，都係覺得呢間幾好食，所以先會選擇帶家中長輩再次光臨。結果體驗感咁差，真係好難叫人哋下次再嚟。
继续阅读