牛舞日本燒肉‧涮涮鍋放題 (1亞太中心) (已結業)

今次去左觀塘的牛舞，成日聽人講牛舞質素好好，一直都想放假去試下，結果有D期望過高🥲今次叫左第2貴的餐「樂天澳洲和牛放題」，打算試下水先，2條友加一後食左800幾蚊，值唔值就見人見智🤔佢初初上果個拼盤係OK，有埋薩摩牛送，燒到生生地放入口，食到入口即溶，真係爽😚不過老實講好油，食多幾件就會好滯！除左碟拼盤，之後上菜啲牛就好垃圾，切到好厚，咬唔開，勁韌！！！仲要啲紋理切錯晒，叫人點食？我地仲要癲左咁叫，後尾就知到中晒伏，強行食落肚，咬唔開果啲就吐左佢🥲而我哋做左會員，第一次可免費打埋火鍋，啲火鍋都好垃圾，外面自助區冇咩款式的丸，而牛肉又勁厚，滾完後都唔知食緊啲咩....我哋嘗試將啲火鍋牛放落去燒，結果終於咬得開喇😆佢啲刺身都OK，算新鮮，呢樣就值得贊，其他的熟食都可以接受....甜品又係垃圾位，完全唔好食，唔知發生咩事，好彩有雪糕食，我哋就食埋雪糕閃人 ...真係好唔抵，唔值得再去，我估食薩摩牛餐會好味D，但千幾蚊2個人，而幾舊就會好滯，又值唔值得呢？自己慢慢思考喇🥲🥲🥲

— #cowcow觀塘前幾日去開觀塘決定係附近食埋晚餐好耐冇食過放題所以揀咗間有邊爐又有燒肉嘅放題食試下( ˶ˊᵕˋ)੭♡• ───── ✾ ───── •𝐎𝐫𝐝𝐞𝐫 :⧐日本薩摩和牛放題 | $598↬ 贈送牛舞拼盤↬ 包酒精類放題• ───── ✾ ───── •放題時長120分鐘有138種食物可以仼食食物種類都幾多有刺身、飯麵、炸物、前菜、卷物燒烤方面豬牛雞羊、內臟、海鮮都齊備而且甜品都有超多選擇酒精都有紅、白酒、清酒、Sapporo生啤可以滿足到我想食好多唔同種類食物嘅願望( ˶ˊᵕˋ)੭♡店員話依家做埋會員嘅話佢會再送薩摩月見燒呢個月見燒真係好好食厚薄切得啱啱好油脂分布均勻點埋蛋汁真係超讚(๑•̀ㅂ•́)و✧而揀選A-D放題套餐免費送嘅牛舞拼盤都有好幾種肉類好新鮮( ˶ˊᵕˋ)੭♡落單見到有甲羅燒即刻叫咗個嚟試蟹膏味好香好正(๑˃̶͈̀◡˂̶͈́๑)♥另外任食涮涮鍋底有四個湯底比你揀有牛骨湯、豆乳魚湯、冬蔭功、芫茜豚骨湯我哋揀咗牛骨湯味道都幾香好開心有酒精放題我可以任飲Sapporo生啤ദ്ദി˶ｰ̀֊ｰ́ )自助區有逾30款食材、飲品甜品選擇都好多個雪糕雪條櫃超多選擇仲有細細杯嘅慕絲同木糠布

觀塘出名多美食,特別喺亞太中心入面,無論係日式放題,韓式燒烤,中式點心,樣樣俱全,但如果想試多口味,一次過有差火鍋燒物嘅,就只有這間牛舞。這間餐廳位置相當闊落，就算兩個人都安排四人位置，感覺係非常尊重客戶，餐廳有帶多個套餐供應，由於今日係親戚生日，決定係安排咗食最貴嘅六百八套餐，但性格比非常好。套餐只需要加68蚊，就可以送埋火鍋套餐，這個火鍋有多款湯底選擇，最多人選就係這個豆乳湯底，豆乳味非常濃郁，入面亦都非常多蔬菜，感覺上可以中和燒肉嘅油膩感。肉類方面，這裏有多國家嘅牛肉可以選擇，日本和牛和澳洲a4和牛仼食，每次份量都非常足夠，師傅切得非常適中，方便燒烤，肉質香濃味，絕對比坊間自己揀埋非常抵，餐廳還有多樣優惠供客人選擇，例如參加memher完,之後就會送一嚇壽喜燒係高級日本和牛片，絕對係慶祝生日嘅好地方。

牛舞係觀塘有咩好食，真係好食而又想食燒肉同涮涮鍋嘅係亞太中心就有牛舞可以選擇。而且店員亦會好好咁話比我知其他食物好似月見和牛、甲羅燒點樣整先好味，另外，仲有自助bar，可以拎雪糕同甜品。————————————————————————𝐎𝐫𝐝𝐞𝐫:⧐日本薩摩和牛放題☻120分鐘，有138種食物可以仼食嘅放題，無限任點日本薩摩和牛，和牛雪降出嚟好新鮮鮮，而且依家做埋會員嘅話佢會再送多個薩摩月見燒俾你，非常抵食。我就好鍾意食甲羅燒，所以都叫咗唔小，當然仼食和牛，和牛就梗係叫多啲，燒和牛，質地好嫩滑，油花好夠！而且涮涮鍋都有薩摩和牛可以叫，而且薄身，淥完一樣咁嫩滑，始終牛嘅質素高，實有一樣啱你食。另外仲可以簡刺身同壽司，花款好多又可以有燒海鮮，仲有鮑魚、牛油帶子、蠔可以選擇。同埋可以有酒任飲，依個價錢咁多野簡，好抵食。最後食到都好滿足，濟到好飽。————————————————————————📝評分味道 ⁵/ ⁶環境 ⁴/ ⁶服務 ⁴/ ⁶衛生 ⁴/ ⁶抵食 ⁴/ ⁶————————————————————————📍牛舞日本燒肉‧涮涮鍋放題 (1亞太中心)觀塘觀塘道414號1亞太中心10樓

今晚是同老婆拍拖17年紀念日，所以就豪少少，去了牛舞食薩摩牛肉放題，平日晚市下單都上得很快，而且食物都齊全，沒有漏單情形，叫幾多上幾多。可以加錢任飲清酒、紅白酒及生啤。牛肉拼盤就有幾款不同的牛肉，包括薩摩牛、澳洲和牛及安格欺斯等，另外還有豬腩肉及雞肉，牛肉全部都高質，其中薩摩牛入口溶化，油脂豐富且帶甘香；澳洲和牛則不及薩摩牛肥美，但亦不錯，prime則最有肉味。扇貝、海蝦及清酒煮蜆都很新鮮，蝦肉爽彈、扇貝處理乾淨，蜆肉完全無沙。甲羅燒蟹膏鮮甜且入口幼滑。軟殼蟹外脆裏面creamy，不過略為有點油膩，反而炸蝦乾爽，炸得香脆。磯燒鮑魚叫了兩轉，煮得夠腍又鮮甜彈牙。另外還要了個牛乳魚湯底打邊爐，食下菜平衡一下油膩感，外面還有很多火鍋配料。最後連甜都食唔落，食了兩件生果消滯。

這間位於觀塘的牛舞，晚市主打日式燒肉及火鍋放題，套餐有幾款，我們今次就揀了最貴的薩摩牛放題。店員會送上一盤牛、豬、雞拼盤，薩摩牛油脂紋理清晰，入口溶化，充滿牛油脂甘香。安格斯牛雖不及薩摩牛，但都有豐富牛油脂。羊架完全唔騷，肉質嫩腍。甲羅燒十分鮮味，蟹膏蟹甜；磯燒鮑魚新鮮彈牙。軟殼蟹及炸蝦天婦羅買炸至金黃香脆，粉漿很薄。豆乳魚湯味道清新，不會太咸。薩摩牛肉片則比較多油脂。加$48可升級任飲生啤、清酒及紅白酒。最後還有多款明治雪條及生果等。

今日1點幾去到。第一次食環境好吾多人坐得都舒服。主食上餐快,幾十蚊半自助以食物同環境來講可以有下一次。食到最後既20分鐘,個女經理定吾知係侍應見我地拎雪糕食就順便叫我地埋單,都正常我理解。埋完單仲有起碼15分鐘就兩個人過來撿晒我地既餐具,清空晒所有野..問都冇問過自把自為,即係催我地好快d走人?咩吾係限時1個鐘咩??全場都入座一半都冇都撿晒我地既野,不如下次同人講限時食45分鐘算啦。你話多人等位我都理解。全場半數人都冇...。黎尾想飲個湯,碗同筷子都冇....咁既服務吾會再食第二次。

今日中午行過OPC又諗起上次食過返尋味嘅牛舞，於是想去試吓佢個午餐得唔得，點知非常失望。剛剛12點已見到樓下有條人龍，呢座大廈啲食肆越來越多人幫襯，我試過1:00過嚟要排差不多10分鐘才可以入到電梯。言歸正傳，我哋一行二人叫了兩個午餐，包括和風牛肉飯 & 照燒雞扒飯，前者賣相一般，食落牛肉非常乾身而且冇咩牛味應該唔係好新鮮，後者反而燒得幾乾身而且雞扒都好入味，但係雞扒份量非常少。之後再食出邊啲沙律同埋飲咗個蕃茄薯仔湯都係正常，但係啲炸嘢做得好差，可能擺得耐一啲都唔脆而且有啲實，個炆冬菇超級辣，我老婆食辣都算厲害佢都頂唔住，太辣啦！之後唯有食返幾條日本雪條同埋生果補返數😂

食360set.送個個骨湯，味道同一般例湯差不多。試了刺身類，爭鮮質素。蠔，扇貝一般正常主菜prime 牛，10塊有9塊靭，就算每邊7-8秒都靭。 燒完先發制人用緊1點火即係最細火度去燒，唔知有冇關係反而牛仔骨仲好食個 prime, 有油香，有肉汁。其他肉都好肉燒瘦肉咁。飲品一般正常唔多選擇明治雪條個人麻麻，因為偏甜Serving都有禮貌，但人手極少，都要等一陣先見到你。同埋要小心計錯數，今次就3人變左4人，好彩有睇清楚。環境座位都舒服闊躺平試一次唔會想再試

今日約朋友去觀塘食飯，但係大家都未諗到食乜嘢，朋友忽然想起一間燒肉店，於是決定上去試吓。一出電梯就見到牛舞個counter，店員細心介紹不同嘅套餐👍最後決定揀選C餐美國PRIME牛肉放題$328,店員安排四人卡位坐得非常舒服。坐低冇耐就送上牛舞拼盤包括：牛肋肉，澳洲和牛腹肉，牛肩小排，安格斯一口牛，牛舌薄切，雞腿肉同厚切豚腩肉😍之後都係主打牛，什麼安格斯肩小排，PRIME.肩小排肩胛肉眼扒都唔知叫了幾多轉，牛味濃郁，燒完都勁多肉汁👍👍👍越食越想食，出邊啲食物幾乎冇掂過，最後留返少少空間食甜品同埋好多日本雪條，今次真係大滿足😊

今日和朋友去咗官塘1亞太中心10樓牛舞涮涮鍋，食午市定食 價錢由68蚊起至108蚊再加一。 佢11:30開門，係入去前先點餐，我哋點咗日式咖哩豬扒飯，日式鰻魚飯。入去後安排咗窗邊卡位，望去影好靚。 跟住同啲朋友出去自助吧區攞嘢食， 我哋攞咗日式咖哩牛腩 中華沙律 帶子裙邊 韓式泡菜 仲有啲炸物，炸物有薯條，洋蔥圈，日式餃子，不過炸物可能放得太耐淋曬唔好食。生果右 菠蘿、蜜瓜、西瓜等等…… …… 回到座位點餐已送到， 日式豬扒飯，豬扒好大塊少量嘅飯，方便大家出去攞嘢食唔使食咁飽 另外鰻魚飯鰻魚好大塊飯量日唔多，食完個餐還有足夠位置畀你出去攞更多嘅嘢食。 飲品 日本綠茶煎茶 有汽水機㩒汽水 亦都有雪櫃雪罐裝埋支裝飲品 有部咖啡機奶茶機亦有湯和糖水，甜品有六、七款，雪條都六、七款有 全部都係日本雪條 我哋大約食咗一個鐘頭後就離開

好耐冇食燒肉放題啦，今日大解放，食盡佢！揀咗個超吸引嘅薩摩和牛set，除咗多款肉之外仲有好多海鮮、刺身、小食揀先來過牛舞拼盤，俾你試下唔同嘅肉，不過我都唔使諗，直接點左一堆薩摩和牛黎試！望落脂肪分布幾平均，唔會話超多肥膏成口油，燒起勁香，食落好重牛味，果然好正！枱面有支柚子醋，用嚟點牛食出奇地夾海鮮類黎講鰻魚同甲羅燒最正，加少少蛋漿落甲羅燒原來會香滑啲，完全唔腥/苦，我食完再encore一個自己食晒刺身試咗帶子、甜蝦、油甘魚，黑松露帶子壽司都唔錯，好重黑松露味燒菠蘿解膩，正！食燒肉梗係要啤啤佢！酒精類放題飲得特別爽！另外仲加咗幾十蚊要買個邊爐，要個牛骨湯清清地，不過太落力燒肉，個火鍋主要攞嚟食啲蔬菜中和下食咁多肉既罪惡感甜品嘅種類都幾多，雪條細細支可以食多幾條放題來講呢間餐廳上菜速度都幾快，嗌咁多round都冇漏單，店員上菜嗰陣都會介紹吓啲肉邊款打邊款，而且環境都好新淨，坐得舒服，食得好盡興！

午餐時間來到牛舞這餐廳因時間比較趕所以選擇了六十分鐘的午市定食加自助區任飲任食可能來到的時間比較早所以避開了午市高峰時間點了角切魚生丼等候期間拿了幾款小食來吃比較特別的是漢堡扒入口充滿肉汁外表有少少焦香一口半件配白飯不錯至於魚生丼亦相當足料鋪滿了角切魚生自己加入適量的芥末豉油吃起上來滿口充滿鮮味刺身飯也處理得不錯每粒都被醋包裹好入口粒粒分明一般吃完整個魚生丼都已經相當飽肚如果不夠的話亦可以在自助區添飯食完主菜當然要試試甜品有多款精美甜品選擇雪條也有多款而當中最吸引的我覺得是抹茶紅豆煉乳雪條十分出色抹茶平衡了甜度吃起上來格外清新下次時間許可的話一定會試試餐廳主打的燒肉及涮涮鍋

聽朋友講觀塘有間放題店好高質就入黎試下，地點好方便就係正地鐵出口，上到去地方好闊落，仲有得坐窗口位，採光好之餘可以睇到區景，個view都幾好入番正題先，呢度既放一邊燒一邊打邊爐，一次滿足你兩個願望燒肉方面，先上左一拼盤，份量適中，可以先試下自己鐘意食咩部位再落order,一黎已經覺得樣樣都好食好快就清曬，搞到都唔記得左睇D牌，最後就全部可叫一次啦邊爐可以簡一款湯底，我就簡左壽喜燒，味道適中唔算太咸，出去拎埋日本生雞蛋就完美配搭除左呢兩種主打食物 仲有生律吧可以自製生律同埋唔少熟食，例如炸雞，等客人可以先試下味都幾貼心

本身去亞太中心食其他野 係樓下派傳單俾身肉獸朋友見到依間雙眼發光 上到去見環境好乾淨 完全無油煙味！👍🏻👍🏻👍🏻我唔係好鍾意食好肥既牛 所以平時食肉既放題都唔會揀最貴既牛 不過見佢最貴個set海鮮種類勁豐富 就試下佢～～好快就上左個拼盤 有唔同產地既牛😋自己scan QR code落單幾方便 有圖睇下係點既😆 第一round主要試薩摩和牛同美國prime 前者油脂明顯豐富好多 好淋好香濃既牛味! 不過我鐘意後者多d 無咁肥又可以食多d🤪點左好多海鮮 果然無令我失望!! 最驚喜係爽口既鮑魚同 好濃好滑既甲羅燒 (之後encore左甲羅燒 再點左雞泡魚干 自製送酒小食🍻) 加幾十蚊就有埋邊爐 要左豬骨湯清清地 主力烚菜呀🤣🤣 想讚佢既菜係細細棵好新鮮好乾淨 我食左幾round!! 行過見到人地燒菠蘿🍍 解膩岩晒 跟隊！試左自助區嘅麻辣雞煲 好入味加$48既酒精放題😱😱😱甜品區有幾款日式菓子/泡芙/生果 最吸引嘅就係唔同款嘅雪條 細細條 唔使特別留肚都可以試到幾款🤪 揀左白桃烏龍茶雪條😋Overall d野食好高質!! 鐘意食A4/5牛同飲酒既話應該會好抵食🤪🤪🤪