牛角日本燒肉專門店 (奧海城2期) (已結業)

放假就同男朋友喺大概5:00嘅時間食一早有卡預約咗所以唔使等～但係呢就要出示證明自己身份嘅卡奧海城呢一間其實真係好少人食 繁忙時間都見到唔係滿座餐廳環境乾淨俐落 服務態度都OK冇乜特別座位都好闊落兩個人都可以坐四人枱唯一就係我覺得佢嘅餐牌寫得唔係好清楚我哋買咗嗰個set以為係有得任食雪糕點知最後係一杯雪糕都冇

琴日室友難得請我食牛角lv3🥹我哋5點去到食90分鐘一開始都係正正常常，自從17：26我落左兩轉嘢都無嘢上開始，就覺得唔妥。我哋空爐無嘢燒20分鐘，當中叫staff叫經理追單追左幾次都無嘢到，而你又見經理一直係度督佢部system（但全場得幾台客，有咁多人落單咩）後來嬲嬲地再追，佢哋先話“printer壞咗啊”（我心諗我得一個鐘頭落單時間宜家空坐20min又點先😑）後來經理print左我地既落單紀錄出來問邊d仲未來既我撕出來俾廚房，然後又print左張a4出來畀我哋鉛筆落單😑（我心諗你終於有緊急應對措施啦😑但你唔係printer壞咗咩又可以print嘢俾我😑）雖然好似好有應急措施，但後來上嘢速度依然係非常慢，我依然有兩段空爐期係無野燒…又唔知佢係甩單定係漏單所以唔敢加單浪費食物 and我隔左超過40min先有飲品送到來…😑雖然係咁，食到最後竟然又有duplicate item送上來（應該係佢手撕小票既果part🙄）不過好彩，我地表示我地空爐期時間太耐係咪都係得90min食飯時間，經理都有表示“時間果方面你地唔洗理啦🙄”嗯，果然好有佢地老闆風格 教導有方！（唯一滿意點）但我地都係7點前離

呢期牛角做緊優惠1月16號至1月31日期間(星期一至五)牛角所屬集團旗下品牌推出多個熱能互動情緒宣洩餐二人價只係需要$288！(詳情可到牛角社交平台了解~)今次我地就去左奧運既牛角食べ放題実施店二人價$288 可以食到90分鐘既SS1 34品燒肉放題野食種類唔算多 但係呢個價錢食到燒肉放題都唔錯!~上菜速度都算快 而且落單既份量大部份都泥足!可惜SS1呢個餐唔包甜品放題冇杯雪糕收尾係差咁D牛雞豬肉質都唔錯 係雞翼燒出泥冇咩味而且無論係燒汁/鹽味/辛味既肉燒完都係冇咩分別因為感覺上佢係每款原味肉面上淋唔名既汁就係唔同口味而唔係用唔同味既汁醃肉所以出泥各款味道唔算出  都係靠台面上附有既醬汁調味另外90分鐘都食得幾急 隻手冇停過係咁燒而且食左一個鍾就會Last OrderLast Order個轉野食都要等比較耐既時間先上到菜整體每款野食都唔錯我就特別鍾意食佢個紫菜凍豆腐同牛角飯! 忍唔住都Encore左!~ 

🍢🥗🔥 呢間燒肉店真係仲有得揼！餐單選擇多到爆炸，但特別引人注目嘅係嗰塊原切熊本腩肉，肥瘦得嚟勻稱，啖啖肉嘅口感係又嫩又帶啲微辣，咬落去真係令人心情好到不得了。而家講返啲其他嘢，海蜇柚子醋沙律平衡得宜，啱晒我呢啲中意清新爽口又要食肉嘅人；啲海蜇夠晒爽口，不過個醬汁嘅甜味就真係有啲膩口。即食既蕃茄又新鮮嘅，實在係提提神！BLT沙律解膩功效一流，食多咗肉肉都唔會覺得滯。提到飲品，個菠蘿mojito清新得滯，有啲酒精味但又唔會搶咗啲食物嘅風頭。真係喺呢度食飯飲酒，一流享受。不過唔好意思，必須得講，新豬肉青瓜就真係咸過頭，食完之後覺得我舌頭即刻要開工夜更咁。啲肉質量同口感總括嚟講係唔錯，不過熊本腩肉同廣島蠔係絕對嘅明星，其他嘅就要睇自己嘅口味喇。基本上，呢間燒肉屋提供嘅食物質素同味道都相當過得去，如果想要個稱心嘅燒肉体驗，嚟呢度應該唔會令你失望。

自從牛角轉左menu就冇再食過今日去食發現貴左，而且排隊既人數都少左好多之前冇返1-2個鐘都唔洗旨意有得食今次諗住拎定飛先，點知基本上一拎完飛，下一張枱就到，嚇親入到去，見到都有好多吉枱，難怪可以即入食左buffet set B $348 +1 66品坐底都係每人一份welcome set 牛+雞+豬其他野飲，肉，前菜都可以自己用QR CODE落單之前都食過旺角同觀塘個間 BUFFET 但個人覺得奧海城呢間係最好食🫶🏻以任食同牛角既質素黎講348性價比已經算好高因為冇名牌，店員都係就咁放低就走左所以其實都唔係好知咩肉打咩肉但想講，圖中新出既美國牛頸脊+薄燒美國和牛赤身好好食比之前一直都有既牛肋肉更加有牛味同霖身好多仲有肉汁，加上任食既牛角飯+日本生蛋，不得了最後仲會每人一杯雪糕係貴左少少，但我覺得都仲係抵食岩曬食肉獸同大胃王可惜場內衛生有待改善，有蚊滋飛黎飛去

烤肉還是喜歡牛角，每次來吃放題，都覺得這裡的牛肉數量相對其他店來講算是上乘。唯獨烤爐的火力不夠猛，又有時間限制，不能滿足我們一家四口的需求，當然我們也算是吃肉大戶，如果烤爐再大些火再猛些就完美啦！

趁週末去食牛角，佢有假日午市menu都好抵食🙈我同朋友都叫咗和牛二品&四品燒肉盛合，啲牛肉種類好多，包括有美國上級牛頸脊、日本九州極上黑毛和牛牛肋肉、肩脊肉、厚切牛舌、牛肋肉、壺漬日本九州極上黑毛和牛一口牛！和牛二品果兩款果然係特別好味，油脂分布非常均勻，入口即溶～飯升級左香蔥溫泉玉子飯！小菜簡咗牛油金菇、牛油帆立貝！另外再追加咗豬頸肉、牛角上級牛肋肉嚟食下～最鍾意就係佢個招牌香蔥溫泉玉子飯，將啲燒肉撈埋一齊食勁夾勁好味😋即使唔係食放題，但係呢個份量都已經好足夠！👍🏻

早兩個月食都還好，今日食真係好差。爐頭火力好明顯較慢咗，係慢到用最大火用5分鐘都燒唔燶塊牛，好似白烚咁。叫侍應幫手較大啲個火，佢試完自己都面有難色，明顯係自己都睇得出個火冇大到⋯⋯後來聽到附近幾枱都一樣有同樣嘅反應。其實如果價錢太平做唔住，不如加價啦，你借啲二熄細個爐想我食慢啲，唔單止令人感覺唔良好（好似俾人呃咁），仲降低埋食物嘅質素⋯⋯另外，啲飲品對比起今時今日其他餐廳嘅選擇同質素都差好遠。款式少唔緊要，但你起碼都真材實料呀⋯⋯啲可樂入面嘅汽仲少過7-11自由斟，蘋果汁就啲冰多到好似溝水咁（冇得走）⋯⋯以前都幾鍾意去，貪佢地點方便，味道不錯，但應該冇下次啦

牛角老闆公佈咗會行平民路線之後的確好快就已經行緊平民路線了不過我講嘅係肉類質素下降價錢不變。近來喺呢間牛角食咗兩次，一次係buffet一次係單點。 餐廳環境係standard嘅牛角buffet setting。 先講單點。以前喺牛角食單點肉類質素還ok， 日本和牛都有應有嘅質素。 話曬價錢都唔算低。而家畀緊嘅係一樣嘅價錢食緊街市特價所謂嘅和牛嘅質素。其中我哋嗌咗一個和牛十勝拼盤。應該最靚嘅雪花牛個樣請見照片。我哋立刻同送嘢食嘅職員反映佢答都冇答一句令轉頭就走咗。 當然唔會覺得有咩服務質素，但係都唔使咁呀嘛。我再嘗試同其他職員溝通，經理好快都過咗嚟去講解。 經理態度可以還會認真講解，我要求佢換過兩塊唔好咁核突嘅畀我，不過傾咗幾句我意識到再要求都唔會有結果， 所以就放棄。只能說牛角呢間嘢不會有下次。 再講下任食其實燒肉任食而家有好多選擇。 性價比高嘅一定唔係牛角。 今次去幫襯純粹因為就腳， 再一次買個教訓，行多兩步去旺角食。我哋嗌咗一個安格斯牛任食餐。呢度上菜算快， 但係啲肉真係好難食。 牛冇牛肉味，豬冇豬肉味 。 自助區選擇好少。 同同集團的牛涮鍋一樣 ， 好寒酸嘅感覺。 總括嚟講呢個集

食Level 3,$408一位。同樣都係食任食，同牛角buffet嘅分別有乜唔同呢？牛角buffet任食有100分鐘；而牛角只有90分鐘。牛角buffet的甜品、飲品同雪糕都係行出去自己拎；牛角的飲品就係要自己點，而雪糕同甜品不是任叫，只有一杯雪糕。同樣係Level 3，價錢一樣 ，但食物嘅款式亦有所不同呀！牛角buffet的牛比較多；而牛角海鮮種類比較多，肉類反而少了幾款，例如多了車海老，廣島蠔，牛油番薯，味醂魚乾等等，呢啲款式如果喺牛角buffet是Level 4食物以上先有。牛係高質素。海鮮好新鮮，有海鮮正好多燒白菇，好juicy 。而且做緊優惠，Level3以上任食熟成牛，都想試一試， 牛味果然重，好嚼口。一試無妨。但本人都係比較喜歡食和牛多啲。只有90分鐘，係有啲趕。

今日黎同朋友黎食飯, 已經用APP㩒定飛, 5點幾拎飛,去到接近9點先入到去. 之前食開都係牛角BUFFET店, 見呢間都有BUFFET就試下, 但去到發覺菜單係有少少唔同, 小食種類多d, 但有d肉類又會少左.我地叫左啤酒任飲, 飲完一杯想refill, 前後搵叫左3個職員都無fill比我地(其中一個係經理), 最後成半個鐘先有人上第2杯比我地食到一半都未夠鐘, 經理就走黎催我地食快d, 未食完餐飯已經成肚氣, 等位已經耐, 坐低食仲要比人催最後因為臨埋單先上第2杯酒比我地, 根本飲唔切,  去到埋完單個男經理就比說話我地聽,叫我地快d走, 本身有食開其他分店,一個月都食兩三次,因為服務太差, 而家應該減少我再食牛角既意欲

一直都係牛角嘅fans 因為除左自己係會員之外 佢嘅性價比真係比其他燒肉舖頭高🫶🏻之前食過其他真係麻麻哋又貴每一次都會叫牛舌牛肩脊同腸仔再加埋個牛角飯真係好正今次星期日夜晚8點幾去到已經唔使排隊又肚餓所以費事散叫兩個人叫咗一set 燒肉六品盛盒再加兩個牛角飯 已經夠喇😆牛舌同牛角飯係必喊 真係好好食食極都唔厭 食食吓就食咗好多飯😂坐得舒服服務又好價錢又唔貴 兩個人$300幾蚊🥰同埋逢星期一仲有八五折㗎！

The beef portion was very little yet pricy. The beef quality is no match for the price. The pan is not hot enough. Can tell from the color of the grilled meat. But would go there sometimes because the seating is very comfortable and the set is quite light if you are on diet.

沉晚係我生日，我家姐早兩個星期book定7:30pm晚餐時段我地7:34pm到，門口帶位話因為我地遲到所以張檯已經俾咗人跟住我問企係佢身旁位經理，佢回覆話「係呀，我地唔留檯架，遲1分鐘都唔得，你地等多3-4個字啦 (15-20分鐘)」態度囂張，感覺唔休做，等候期間亦聽到其他客人投訴入座後，一坐低未落單就立即上咗幾盤肉比我地，話係前菜。整體餐廳內既員工十分勤快，上菜同收碟速度良好。其中一位職員見我地個牛油菇咁耐都唔熟，仲俾多一個錫紙兜我地蓋住，話可以快熟d，值得一讚至於食物水準尚可，除雞肉比較細件，燒完變咗肉碎外，其他都算正常。不過本人覺得都係牛肉最好味

🕖時段-星期六中午早一日book打電話去幾間得奧海城未full booking 其實入到去有一半枱無人坐... 相信1點左右walk in都得 不過兩點幾走個時就好多人等了 (香港人假日都係訓晏啲😂)_本身想食buffet 但見假日限定lunch menu既圖都幾豐富 某啲肉又好似高級啲 所以最後嗌左燒肉盛合set各一 (整體平過buffet🤪)_(肉品種詳情參考圖x) ▫️A 牛角豚•雞六品 $149▫️B 牛角極上四品 $219▫️C 牛角六品 $169▫️D 和牛二品&三品 $269_我地嘗試由平到貴既set咁順序燒 不過燒燒下其實都唔認得exactly邊塊打邊塊😂整體來講貴d既set啲肉味肉質的確係高質啲😌個人意見💁🏻‍♀️A雖然最平但完全無牛 同埋覺得雞翼唔match燒肉😂 除非你係唔食牛 如果唔係建議點C(貴A $20) 肉種類平均d, 啲牛無比較之下係好食😂 而如果你係牛魔王就應該只揀得落B同D(全牛) 我自己對和牛無好大追求 覺得B $216抵食啲(平D $50 可以追加下其他野食都得) _🍽環境卡位幾舒服 前菜湯小食個啲食完好快幫手收碟 又唔會一食完就趕你走👍🏻