牛角日本燒肉專門店 (屯門市廣場1期)

营业中

休息中

今晚又係食放題既時間，今左幾個肥胖一齊去食牛角，對於大食既人呢講都係一件好事，但時間只得一個半鐘實在太少了，都未必燒得切。平時火鍋放題都最少有兩個鐘啦！瘋狂地叫牛食，以燒肉放題呢講都算唔錯。下次再試下其他燒肉放題就可以比較一下。

當牛角出左放題之後我一直都好想搵機會去食嫁啦但遲遲都未搵倒原因喔今日係妹妹生日，壽星女話想食牛角我好榮幸都可以一齊試試啦入面有唔同款既放題（唔同價錢既）根據款式的數量而價錢都會有唔同喔我們早一星期已經預訂了6位，晚上8點半當日我地更8點左右就已經去到見到門口勁多人walkin等位我地同職員姐姐講我地到左啦佢請我地等等，話有位就比我地入去lu一等就等到差不多9點呢個溫泉蛋飯勁勁勁好味推爆我個人都叫左兩碗（但建議大家叫左一碗share，唔係就好快飽晒嫁）沙律好開胃我都推介比大家魚勁滑每人仲有一杯雪糕做甜品

牛角平時都食吾少，牛角放題就真係冇食過。牛角呢期屯門分店做緊放題限定活動，全日供應，作為一個牛魔王，即刻過黎😎。牛角放題有5個等級可以揀，小編揀左等級B😁。等級B有足夠多既豬牛雞可供選擇，另外仲有魚柳金菇香腸。五花八門，已經好夠食😋。當然有興趣既朋友可以揀高級啲既，再上可以有多款海鮮，甚至和牛😃。小編同女朋友黎食等級，大約$308/位，有多達52款食品，可以食90分鐘。牛角不愧為牛角，牛肉肉質好出色。無論牛肋、牛舌、肩脊肉、一口牛，都好掂👍🏻。牛脂分怖均勻，食落好有油香好嫩滑，食極吾停🤤。豬雞魚都好出色，咬落好Juicy😆。除左肉之外，特別要推薦牛油金菇同牛油本菇😍。兩種菇都好新鮮，牛油一邊溶化一邊散發濃濃既香味🤤。起食左甘多肉之後再食菇，簡直係一個完美既句點😝。

牛角燒肉放題高質燒肉放題，平日278$一位，牛肉為主，雞肉、配菜為副。調味多數有原味、鹽醬、同燒汁。有一次試過鹽醬調味十分之鹹之後，就無再叫過呢個調味了。好在呢度嘅肉類質素都非常好，唔需要特別調味，其實原味醮少少燒肉汁都幾好食。係牛角呢到點可以唔食牛角飯。鋪滿紫菜仲有一隻半熟蛋，撈埋一齊口感豐富，當係中和一下濃濃嘅肉味好唔錯！今次仲叫咗牛肚，烤牛肚好少試，都幾特別。牛肚用烤嘅做法其實都幾香幾唔錯，但係要小心如果太猛火就好容易燶。

一大班人慶祝生日有咩好推介？朋友好鍾意食牛，為咗滿足佢牛魔王特性，我決定同佢地去食牛角燒肉，肉質相對高質又啱一班人傾計😍睇你想揀咩Set，印象中好似有a-d set，每款都有啲唔同😎 放題好處係食幾多同叫咩都係自己負責，食得落就可以無限叫😬 淨係睇相都見到啲牛肉油脂分佈好靚，燒到啱啱好熟就會入口嫩滑，又夠油香，牛舌都可以無限encore 呀💓😘如果想飲啤酒都可以加錢無限續杯，無酒桶朋友在場，我地飲果汁就夠🤣🤣

老公係燒肉迷，自從知道牛角出左放題之後一路都好想試一試，但每次經過都好多人。今次專登提早上網拎定飛仔。7點拎左飛，都要9點先有得入座。食1.5個鐘，星期六9點後豪華放題兩個人加一埋單$611。豪華放題有5十幾樣野選，野飲任飲。上食物的速度整快，一點就到咁。但野飲就要等好耐啦，建議就快飲曬就叫定先。老公最推薦鹽味牛舌，新鮮，冇蘇味。我就最鐘意食豬五花肉，平時係街食的多數都一陣豬蘇味，但佢一d都冇臭味。另外牛角飯都好正，自己一個都可以食曬成碗。野飲推薦白桃乳酸梳打，好味不解釋。

牛角平時晚市食都唔平，而且極有機會食完都覺得唔夠滿足😖知道佢有3間舖有燒肉放題，所以星期日同朋友黎左屯門店試一試因為係星期日既關係，都要等左大約1個鐘先可以入座，不過為左燒肉係值得既！我地簡左(B)豪華放題，價錢係$308/1位 一共有52款食物可以簡，亦比(A)特選放題多左牛既選擇，有板腱肉、牛肋肉、肩脊肉等。肉質都同唔係放題既牛角一樣咁新鮮，仲有我最愛既香蔥溫泉玉子飯😋食完真係大滿足！但如果時間可以加長到120分鐘可以慢慢享受就更好啦～

屯門市廣場牛角分店一向都有晚市放題不過近幾個星期新增到中午都有得食作為燒肉fans同食肉獸當然係立刻約埋三五知己去食啦由於一早訂左位所以去到完全唔洗等就可以入座不過午市客人唔算多Walk in 都有位置的我們一行四人 選了B 豪華放題$278 加10%總共有53款食物可以揀選擇都算多每位都會包一份豬牛雞肉拼盆一入座就立刻奉上 等大家響點緊野食果時都可以一路燒牛油金菇牛油本菇生菜王樣！蜜糖香腸雞腿肉 豬頸肉 牛舌雪糕肉類質素中等個人最喜歡塩醬豬頸肉而雪糕每人只有一份放題限時90分鐘 基本上要不斷燒不斷食埋單加埋一要$306有點貴

7月29日 聽講牛角最近係放題 於是和6個朋友一起食 總價HK1909 每人約HK273 同等價錢下可以還選擇尚八 這間牛角比起尚八好既地方係飯 飲料 不過海鮮方面的選擇比尚八差太多 肉質方面雙方沒有太大分別 我個人比較喜歡牛角對肉的調味以及其醬料 最後半個鐘就會有人來講最後一單 這一點大部分放題店都會有 唔出奇 總括而言這次和朋友消費還算滿意 尤其ipad菜單真係方便多多 希望以後6個人以上既檯可以俾兩部ipad我個人加分項係個牛舌真係很啱我心意 豬肉更出乎我意料 如果大家去可以嘗試下牛角的豬肉 真心唔錯 係我目前食過的放題最好一間 100分滿分我俾78分

在還有2至3⃣️分鐘到時在我們還在食用中叫我們走還有訂枱的客人到了，我們說正在食因有在燒的肉未燒熟，是否不用食要走，他說是於是我們便吃完碗裏的食物便離開，以後不會再來。😡😡

朋友是牛角的忠實粉絲，見親都說要食牛角，我們選平日的下午茶時間來，因為下午茶實在太抵食，午市的7折。選了肩脊肉和牛舌，各有4件，亦加配了牛角飯，牛角飯是可以無限任添，即使我女孩子都可以食兩碗，因為真是太好食，滿滿的紫菜配上牛角秘製汁，相信我一定要加配。

係屯門食野係一個大難題！除左選擇多，人都係極多，你簡岩左餐廳又未必有位😂😂😂最後去左市廣場既牛角🤣🤣🤣今次食左佢既set c！真係勁飽，對於牛角既質素，都唔需要懷疑😂唔會話去到日本果d入口即溶，但係至少口質都係好，牛味都夠，不過食牛角重點，都係食佢碗飯🤣🤣🤣

黎到牛角放題簡直就係分秒必爭，佢有限時間，都係用ipad落單，然後所有份量都會少過平時喺牛角餐廳食嘅，好似個紫菜玉子飯咁就細碗左，黑糖番薯就得返幾條，所以你要不停落單架～佢有唔同價錢嘅plan俾你揀，我哋就帶咗第二個plan啲肉都尚算新鮮

今日揀3一間位於V city 内的牛角為午餐之選,每次牛角排隊都要用30分鐘有位，這次也不例外，我們四人排隊大概用了40分鐘左右~可能地方不算太大所以等待入座時間比較長一些，四人枱以上,比較等得耐一些😅😅一邊燒時一邊發出陣陣嘅牛肉香味😊😊還有牛油烤菇類，那些香噴噴的菇類散發出陣陣香味，令人更加肚餓😋😋最後特別推介這是那碗鋪滿哂紫菜的紫菜飯，我家小朋友很喜歡一個人可以吃一碗多，連其他食物也不用!🥰🥰如果有小朋友的家庭我必定推介紫菜飯👍👍👍

小女子18對生日飯：我地食5:00-6:30pm早食C 極上食放題 $368。, 都幾扺食。和牛有幾種選擇，牛的油份很好，不太肥又有牛味，正。蝦：勁爽甜，記得放中心大火燒，唔係蝦會霉。燒完去頭燒燒頭部份，因此位比較難燒熟。黑糖牛油蕃薯極好味，要比d耐性燒混4邊，濃濃地先會外脆内淋，最正係佢！牛油帶子：麻麻冇咩味。牛舌： 薄切比較好食，厚架韌左d.和牛：長方型個隻最好食。飲品：薑味氣水 都ok, 柚子蜜太淡，可樂都淡。