牛角日本燒肉專門店 (屯門市廣場1期)

营业中

休息中

聽咗牛角有燒肉放題咁耐，但由於唔係間間牛角都有得放題，一直都仲未試~今日終於可以食到喇！😆提早book咗位嘅關係，去到完全唔洗等就可以入座喇~😊但限時90分鐘，入座前最好揀定要邊個餐~Menu有5款放題選擇，最平嘅$200左右，最貴嘅就過$1000...🙈🙈今次同朋友就揀咗中間價錢嘅C餐，有80款食材選擇~😋比起B餐有多d選擇，例如多咗蠔、帶子等~今次係我第二次食放題用呢d平板點菜，其實都好好，平時食親放題都寫一大堆紙仔，見到都覺得浪費。而家用平板仲好！支持環保♻️一坐低未點菜，侍應就好快上咗每人一碟肉，有豬、牛、雞~D牛都幾靚，脂肪分佈都算平均，唔錯👍🏻不過個人覺得牛舌有d韌，建議剪開一粒粒嚟燒~除咗牛之外，廣島蠔、牛油帶子、黑糖牛油蕃薯🍠都好正！飲品都有好多選擇任點，我今次就試咗熱柚子蜜、白桃梳打&蘋果汁，全部都唔錯，正正常常啦~臨尾仲每人送咗一球阿華田味嘅雪糕~🍨.總括而言，$358加一都貴貴地~🙈不過勝在所有材料都新鮮&靚，而且食材選擇又夠多，都值得嘅！燒肉放題嚟講，都幾係幾高質😋，抵佢收呢個價錢！👍🏻👍🏻

到了週末放假的時間總會出街食餐好嘅！今日三人痕（係口痕）想食燒肉，於是就book左屯門嘅牛角放題。本人之前食過一次牛角，自覺得它的牛肉還不錯，就是貴了一點。但今次吃的是任食九十分鐘，就揀過中間價位的極上食べ放題啦！一開始未叫嘢食，waiter已每人俾一碟肉。看落去牛肉的紋好靚，肥瘦均勻，食落嫩口而不韌。雞肉也是很軟滑，好有雞味！好開心嘅係喺甘熱天氣竟然會食到肥美的生蠔！而且拿石紙盒裝住燒，燒到好好味，一人可以食左5隻。如果叫呢個套餐就一定要食牛舌，濃郁嘅牛肉味入口即溶，淋淋地 - 正！我覺得牛角啲肉係真係不錯的，海鮮例如虎蝦、生蠔都抵讚的！不過價錢也是貴了點，當waiter對我哋last order時，我愕然了一下，才剛燒了幾樣東西，未吃到一半就聽到這好像被催的感覺很不舒服，所以我最後對它的放題印象扣了分！

今日放假，睇完戲做食個牛角食餐飯叫左個c 餐$69，選左雞胸肉同雞腿肉。 而男朋友就叫左個貴d 既4款牛肉$148。雞肉嫩滑，牛肉厚切，真係不愧為係牛角呀👍🏻👍🏻溫馨提示：星期一至星期五，下午茶先好去食呀‼️因為係好抵好抵‼️因為所有套餐係⚠️7折⚠️(當然有加一）🙈🙈p.s. 牛角自家製抹茶雪糕👈🏻👈🏻太甜，太勁牛奶味，蓋過左抹茶味

昨天和同事去了屯門市中心，本來打算去牛一打邊爐，但我哋五個人等咗好耐都未有位。最後決定去新開嘅牛角。V city嗰間牛角好細好多人，依間可能新開，而且比較大所以唔使等位。我哋五個人點左四個最貴嘅lunch set，個lunch set 有一碗沙律🥗、一個牛角飯🙃🍚、一碗湯、一盤肉同埋一杯飲品🍹。燒肉質素不過不失冇乜特別驚喜，我反而比較鍾意食牛角飯。個飯有紫菜，撈埋燒肉🥓一齊食，都幾好味。最好嘅地方係雖然我哋點咗四個餐五個人share食，不過佢都俾我哋免費加飯，但佢就話要收咗一隻碗先可以加飯，以免浪費。其實道理上佢可以拒絕我哋，因為我地只點了四人餐，但佢又冇咁做，所以我覺得幾好。最後每人食咗$140，都OK啦算係一餐豐富嘅午餐。

屯門有兩間牛角，一間係vCity，另一間係屯門市廣場，而只有屯市嘅牛角先有燒肉放題，今日就等我為食總師令黎試試抵唔抵食啦！唔想walk in 拎飛嘅朋友可以選擇download 佢地嘅apps (kabu apps) 就可以拎定飛先😊所以我地兩位去到牛角都係等左大約15分鐘就有位了！牛角放題有唔同價錢選擇，最平嘅餐(~$200)只有雞同豬放題，再貴一級(~$300)就會有牛選擇，合共51款食物，我地簡左再貴一級 (~$400) 就會有81 種食物選擇，當然仲會有靚啲嘅牛食啦！仲會每人送一客有西冷牛嘅拼盤，西冷牛要食最貴嘅餐先會有得任食，所以係非常珍貴，入口即溶真係好好食！90分鐘放題期間可以任飲飲品，而最後亦會有一客雪糕甜品贈送，為呢餐豐富嘅放題劃上完美句號。

想當年(都真係好多年前)牛角係vcity開既時候，已經好多人排隊，嗰陣又未有得用app攞位，所以次次見到條龍都會卻步之前係旺角香港仔等等既地方都一早有放題，今次終於都等到屯門啦😭早左一星期打去book枱，原本打左去vcity嗰間，好彩個店員提我放題既話要去屯市依間差啲就book錯左，睇嚟應該有唔少人都錯過，個店員好醒目再打去屯市嗰間啦，一星期前book都已經full左真係不禁覺得屯門真係好多人因為要等朋友收工，所以要等9點嗰輪，打去問大概要幾點拎飛啦，個店員話大概8點半拎，不過最好都係用app7點半就用左個app拎飛，9點去到，都要企到9點20分先有得食由㩒飛嗰下到入去食，足足過左100分鐘如果聽個店員講8點半先拎飛既話，都唔知有冇得食🤖幾經辛苦終於都有得入去食入到去個環境都幾大，坐得好舒服同其他牛角其實大同小異，啲醬啊，擺設啊都係一樣，亦都係用電子落單之前食嗰幾次都唔會漏單，今次都唔例外一路燒都一路覺得燒生肉個夾好實，次次夾完都好攰一坐低，每人都會有一碟仔肉燒住先，等我地可以再慢慢落單好快手，朋友已經鋪滿左成個爐牛舌同蕃薯真係無得輸嗌左好多次豬大腸都好味雖然食飯好飽肚，但玉子牛角飯真

今日星期六午市無套餐，唔係會員，所有order都係主餐牌單點，明明網上見到有午市定食套餐，去到坐低後發覺賴野，只可單點，問番原來呢間屯門市廣場分店，星期六及假日係無定食，大家一定要留意！

已唔記得上一次係幾時喺Vcity 食過牛角，今日去開屯門市中心，就決定食多次啦😜見到有匯豐卡優惠，所以就叫咗一個二人餐，盛為$443溫泉玉子沙律，菜係新鮮，可惜加咗芝士，令到個沙律有點漏廣島蠔，都算大隻野菌盛，菇類新鮮肉類燒物有豬扒、雞肉、牛舌、牛肩肉同牛鍵肉兩款牛肉比較好食，新鮮豬扒較鞋辛味青瓜👍🏻夠辣又爽脆，好香口二人餐但包4杯飲品架，可能驚一人一杯唔夠飲掛，酒類都可以叫，只要是$45以下就得巨蜂燒酌，酒味好濃生啤整體二人餐其實唔太夠飽，只因我係細食，正常人應該要加個飯😂

牛角這間連鎖日式燒肉店，相信無人不知~卡卡得知屯門市中心開了間分店，便來踩一踩場吧～剛好碰正HSBC信用卡最紅優惠的7折的優惠套餐~卡卡想都沒有想便叫這個牛角海鮮燒肉盛合~雖然是4人餐，其實都未能滿足我這個燒肉怪~原來看真一點，當中的份量都未算多!至少一碗牛角飯或麵跟這個套餐~【大皿燒肉】各款牛肉連雞胸肉16塊再加上2塊豬扒~當晚卡卡是點了''燒肉汁''，但送來的是''原味''....不過送上來的肉肉是新鮮的，所以我們沒有退回~至於【海鮮盛合】有蝦、蠔、魚、帶子及青口各2件。。。海鮮是新鮮的，不過不失~牛角沙律，拌得很精美，味道也不錯~當然還有仔仔最愛的雜菌~這套餐沒有跟上飯或麵，所以最後另外點了2碗豚肉湯麵及一碗牛角飯~還有這個海鮮燒餅，才能有飽肚感!卡卡一家2大1小1b~已經不是4個大人，相信4個大人吃這個套餐份量，是絕對不夠的!至於跟餐附上的飲品是不錯的，但老公明明點的是白桃燒酌特飲...最後送上的是提子味~不過算了，這也沒有退回~總括來說，新場好正，夠大，冷氣夠，抽氣很好，油煙味更是沒有的一樣~位子寬敞好坐~絕對滿分~食物也新鮮，調味屬中規中矩~但落單時有2次錯失及最後他們沒有

屯市牛角新開張，申請會員有半價優惠，淨係$100就有得做會員，新會員送超過$200既牛角coupon，仲有其他株式會社旗下既餐廳都有優惠，真係超抵做呀🤑🤑實不相瞞，牛角真係令我一試愛上！😍😍😍😍😍食過一次之後就經常幫襯，不過都係食lunch，基層市民食唔起昂貴既晚餐☠️☠️食過咁多款牛，我向大家推薦腹胸肉，肉質比較淋，牛味好濃郁，配埋燒肉汁同鹽醬，鹽醬將塊肉既味道再昇華一個層次🤤🤤肩脊肉肉質比較實淨，都係好好食！牛舌淋得黎彈口，出色！雞腿肉出乎預料的好吃，很滑！牛肚可能我地唔識燒，比較un，會寧願要多碟腹胸肉午餐set有清甜海帶湯，清新麻醬沙律，任添白飯，加$18可轉牛角飯，係好食既，不過有啲貴。可以加$12加牛角雪糕，雪糕確實出色，綠茶味香濃，碗也冰的，雪糕冰凍而幼滑，加上黑蜜同豆粉，不能言喻的高質雪糕！仲有杯野飲，柚子蜜健康美味👍🏻👍🏻👍🏻