牛角日本燒肉專門店 (屯門市廣場1期)

营业中

休息中

約一年前旺角分店重新供應放題套餐，由前菜、肉品、海鮮、小食、飲品一律任食，每晚人頭湧湧。期後奧海城、香港仔及屯門店均設放題。雖然肉品不至於頂級，但質素穩定，所以我都有興趣。難得另一半提議，即刻答應啦屯門市廣場店位於一期，面積十分大，部份為卡座，較舒適，不過當然啦，我地只有兩個人，就只能夠坐二人枱，都唔敢一次過點太多野。同其他分店一樣，枱面上有醬料、紙巾、澡紙巾、生熟鐵夾。平日晚上八成滿座，可能附近未有同類型選擇。燒肉放題套餐共5款，唔同套餐包括各款質素嘅肉品，定價$218/位起(冇牛肉)。以星期一至四為例，入門有牛肉嘅豪華放題套餐定價$278/位。包括牛舌、牛肋肉、肩脊肉、一口牛、前菜、沙律、豚肉、雞肉、內臟、野菜、魚柳、飯、湯等共52款食品，任食90分鐘。飲品有汽水、果汁，或追加$28享用啤酒放題。以平板點餐，上菜速度算快，不過收野非常慢唔知係咪人手不足啦，上菜嘅人又真係齋上菜。另外啲肉盤入面大部份都有「水」，唔知係咪啲肉溶雪造成，唔係好衛生。前菜點左泡菜、辣油豆腐、味噌青瓜、椰菜。沙律方面點左海蜇柚子醋沙律，幾清爽開胃。套餐包括每位一客美國和牛板腱肉、一口牛肋肉、肩脊肉、豚肉燒同雞

平時無咩機會食牛角Lunch ，難得端午節放假。所以同老婆食個燒肉Lunch 。點左一個$149，$199 餐，每個餐都會送一個小食，我地選了帆立貝和石斑魚柳。平日午餐要加錢但假日套餐就不用加錢。$149 餐：燒肉的肉質好味，牛肉紋理分明，而且好多汁。但厚燒牛舌好韌，咬極都咬唔開，係呢個餐入邊最差既肉。$199餐：每款肉都好好味，牛肉質素比$149餐的肉更加好，如果雞肉都轉埋牛肉就更加好，因為雞肉冇乜特別，而且又乾身。牛油帆立貝味道OK，反而石斑魚柳唔好食，下次我會點本菇。都係果句，如果送嘅食物可以轉做牛肉就更加好。原來假日套餐的牛角飯和牛角溫泉蛋飯唔可以任食（平日午餐是可以任飲食的）食完一碗想在要多碗嘅時候，佢話要加錢。有少少失望，因為啲牛角溫泉蛋飯真係好好食！不過我覺得午餐真係比晚餐抵好多，所以會等放假或者係中午嘅時候黎食多幾次。同埋市中心呢間牛角本身夜晚係做放題，所以呢間比較大，中午嘅時候完全唔使排隊。

超礦物海藻野菜沙律 – 清新!野菜亦好新鮮!  沙律仲加埋骨膠原, 食沙律有埋護膚功效!哈野菜盛合 – 普通蔬菜盤, 沒有什麼特別.牛角冷麵 – 冷麵唔夠凍, 可以再好D.牛角溫泉蛋飯 –整體唔係特別出色, 但珍珠米加上爽脆紫菜同滑溜既溫泉蛋, 得出來既化學作用咪就係滿足既感覺嘞!王樣豆腐 – 唔夠滑, 同無咩味但都過得去啦.牛肋肉 – 平平無奇, 只係知道自己食左...

落雨.....落雨.....心情自然梗係唔好㗎啦，咁就唯有約埋三五知己去食一餐好㗎啦，我哋知道屯門巿廣場有間牛角係食放題嘅，咁就去排隊食啦，排隊嘅時候就喺度望原來過咗九點半就會有宵夜時間，叫一個二人或者四人餐就可以單點一啲半價或者七折嘅食物，咁因為我哋三個人食，都食唔到好多嘢最後我哋都選擇咗單點，先叫咗一個二人餐，啲肉都好靚好好食，之後我哋再散叫左一啲半價七折嘅食物，其實都幾抵食，我哋每人都係大約食咗$200左右，所以下次去我哋都會再食返單點

同屋企人gathering 今晚大家都好想食燒肉所以揀咗嚟呢一度食一直都好欣賞呢度啲牛肉多款款式而且價錢都算抵食夜晚九點後入座都係600幾蚊一位任食其實一個月一次都算ok👍🏻👍🏻

今次同朋友突然想食日式燒肉，但係屯門既日式燒肉店寥寥可數，所以選擇左「牛角」，皆因「牛角」做日燒已經一段日子，亦都無乜負面評論，相信質數有一定保証。開車到屯門市廣場店開餐，唔止泊車方便，而且有電子消費仲可以免費泊車，而且係新店，裝修同環境潔淨會比較好。入座後我先知原來係「放題式燒肉」，而唔係「單點式」，一共3種放題，大多數圍繞「豬牛雞」既種類，最貴果種放題仲有蝦，帶子等等既海鮮。選擇左要邊種放題後，未剔紙落單，店員已經將一盤又一盤既雜錦肉類放上餐枱，都係比較大路會點既肉類，所以節省左不小時間，唔似一般日式放題果種故意流單，遲出單，另我覺得好有「放題吃到飽」既滿足感。一直燒唔同既肉另如五花腩，牛舌，雞翼，⋯⋯肉類方面基本上無挑剔既地方，而且有D肉類，同一個部位，有唔同腌肉方法，令每次落單都好有新鮮感，只係D蝦係好似冰條一樣放上枱，其實用水沖一沖面果層雪氣上枱又好睇D，我又會覺得有洗過係衛生小小。一路食一路落單，之後問題就出現，就係無人店員收盤，可能店員覺得忙，所以我睇諒下自行堆疊起盤子🥏，令枱面騰出空間放新到既肉盤，直到桌面再無空間放更多肉盤，店員終於將一棟空盤子取走⋯⋯可惜佢取走空盤，

訂左6:30牛角食buffet 揀左$308 b 套餐buffet 話有51款食品呢個價錢有肩背肉、牛助肉、一口牛肉粒、牛舌 又有豬、雞揀 仲可以食埋菇類、魚、腸、菜、沙律、飲品任飲其實係幾抵的不過限左90分鐘 落單一轉只可落十樣 有限制 而且一坐低就送你兩客豬雞牛拼盆 好像迫你食 唔食唔得咁 感覺不良好另外，雖然食物上枱速度算快 但不斷燒都係叫左4輪野食。臨走前20分鐘已不理我們是不是燒晒野就上雪糕（雪糕是豆腐味 我不覺好味）等我燒埋d野雪糕都熔熔地 好像逼住快點完成食晒 最後15分鐘就俾單埋單 所以下次都係食單點或套餐 不用俾人催的好 😂

日式燒肉試過喺日本食其實抵好多，不過無得去日本，唯有食屯門呢間頂住先。午餐好抵食，所以我點了一個最貴嘅燒肉午市套餐。套餐包一碗沙律🥗、一個牛角飯、一碗湯、一盤肉同埋飲品。燒肉質素不錯👍🏻，不過最抵嘅都係個飯係可以任食㗎，我選咗牛角溫泉蛋飯。紫菜溫泉蛋加埋燒肉嘅汁非常好味，所以最後咪叫咗兩碗。

等一次同4個朋食燒肉放題，所以就試下呢間牛角燒肉放題，我都喺第一次食燒肉放題，一去到有幾個唔同嘅級別，我同朋友選擇左一個B餐(豪華食)，因為呢個喺最平($298)90分鐘，而且喺有牛肉食嘅仲有51一款食物選擇，飲品都喺任叫(無酒精)，想飲酒嘅可以加$30就有啤酒任飲因爲我同朋友都好鐘意食牛，我地喺星期日夜晚去，人都幾多，攞左票要等30分鐘到，可以接受嘅。而且食物都上算新鮮，上食物嘅速度都好快，唔洗等好耐，同埋啲員工都好有禮貌，我換左幾次燒烤網都無黑臉😂😂😂😂而呢入去會有張紅卡，叫你食得晒先至好嗌，如果埋單枱上無淨食物，佢仲會比張綠卡你，下次可以有優惠

牛角最近出左放題 咁我地就緊係黎試一試啦其實早少少已經打黎BOOK 但係就話BOOK 曬咁我地唯有WALKIN 黎拎啦就算5點鐘拎都要等到5點三四先有得入就算無放題都好個質素都係無差到既~其實90分鐘真係食唔曬咖~ 一到時間 佢就會即刻上埋甜品比你要交枱咖啦~

之前食過牛角散點..對上一次食已經2年幾前1直對牛角飯同佢d肉念念不忘見到牛角有放題上星期五終於同bf夾到時間去食差唔多7點去到,好好彩2位唔洗等即刻入得我地揀左c餐,因為限時90分鐘..仲要30分鐘前就last order,我又食得慢一坐底當然即刻點野食啦~係我未傳送之前就黎左2盤肉..原來係頭盤肉..燒肉我唔太喜愛雞肉,怕佢無味..開頭佢送埋黎既頭盤有雞肉我仲以為佢送錯枱tim頭盤有種牛入口即溶好好味ar~男友趁我點緊野食就擺左頭盤肉落爐影唔切相入坐前本身仲怕無熱飲得水飲..原來有熱柚子蜜..飲落唔會太甜岩岩好自己一個前後飲左5杯ar~點左1杯活乳酸梳打,不過無汽同無乳酸味根本係1杯白色ge凍水後來點既肉淨係賣相已經同頭盤有d出入本來無諗住打食評..所以影ge相唔多~我地仲點左個"壼漬味噌大腸"不過上枱時係大腸就咁放係盤入面同我想像ge有出入..於是我就問下待應有無出錯待應小姐拎走左成盤野,回來時解釋係因為我今次落單仲有其他食物,所以就擺係盤入面但我對於呢個答案真係唔多接受,因為A餐入面都有1款係味噌大腸,我都唔知兩者分別係邊原來燒大腸都幾好食,脆脆地,又無炸大腸咁乾佢ge厚切牛脷

星期六突然想食放題，仲要係燒肉其實真係好搏，見有食評話等幾個鐘雖然即刻出門口，但都要諗下等唔到的話去邊食今晚好好彩！！等咗半個鐘左右就有位都無乜人等上次一家人去Vcity，去到先發現呢間有放題好似好多野揀咁最貴個餐千幾蚊，係咪真係有人食？！呢間都推行環保不過放曬啲飲筒出嚟任人拎，有咩分別？？頭round，應該係送嘅，自動送到一開始就每人一個牛角飯……可惜個飯煮得太淋上次係Vcity果個好好味架，兩人一碗完全唔夠喉早知今次點一個試下水溫先睇返相，原來食得真係好少野，就係呢幾碟但已經飽到頂住，但我地只係食咗一個鐘🕣之後醒起有個🍠番薯🍠未到就點返諗住當甜品食又真係幾好喎！嚟到時係冰住架，燒返熱之後係脆脆的但encore時就無咁脆了$298加一對我地嚟講唔太值，個胃太細！！總括嚟講都唔差落完單食物好快送到，無乜漏單情況

朋友約我去牛角事前唔知原來而家牛角有放題原來而家牛角有90分鐘放題勁開心質素仍然好好揀左中餐...一開始有個拼盤比你先之後...掛住食痛咩點影相性價比一流而家知道牛角有放題一定會成日黎呀

尋日一家幾口諗住過下口癮食牛角，不嬲我地都去開v city個間，尋日就腳去左屯門市廣場分店，服務態度差！埋單時又話系統故障做唔到折，你一早就知做唔到折但到埋單先講淨係話只可以入績分但最後到而家一分都無入比我！不會再去

放工一齊黎食燒肉放題！都好多人下，坐滿哂！我地五個人，比左六人位我地，位置舒服，兩個爐，唔會逼住逼住。我地揀左C，$398/位(因為係星期五去食，會貴d)，最後埋單每人四百幾！不過都值依個價既~平d就更好😂用ipad點餐，野食黎既速度勁快，超級大讚，有d點完唔洗十秒送到，好勁！ 而且點幾多真係會黎幾多，所以好容易點過頭，要小心！佢比左張卡我地，如果食哂d食物，可以叫員工黎check一check，下次會有優惠卡。好多野食，肉既種類最多，不過黎到都唔識分邊個打邊個😂 而味道方面，水準好高👍🏻，就咁燒唔點醬已經好入味，有d肉仲咸過頭tim，所以試下先，唔好嘥醬料。連蔬菜都覺得好好食，我地總共點左3次凱薩沙律tim！！海鮮夠新鮮，必點蠔、帶子。總之食物味道方面無得彈，但我地點左橙汁勁難飲，藥水味！最後會送雪糕，好硬，放勁耐都唔溶！朱古力味道好濃郁，唔會太甜，好似係高級雪糕(?)