牛角日本燒肉專門店 (已結業)

今日朋友請客去試牛角既燒肉我地叫單點，冇試到放題大部分肉類都唔錯係價錢高左少少 有興趣既朋友可以去食佢個放題試試先！我特別推介佐賀特上和牛😍😍😍依款牛味重而且好有油香入口即化阿！甜品仲有個燒雪糕好出色！可惜冇影相

噚晚滿心歡喜同老公二人走去試牛角，初諗住係日本franchise應該都唔會差得去邊，而我哋食嘅係豪華食放題。食得放題就預咗唔會俾啲好靚嘅食材，但估唔到係⋯⋯差！⋯啲雞其實都唔錯，凍辣豆腐都幾好食，但主打-----牛，就韌到咬到口都軟，牛脷咬極都唔爛，整體啲肉偏鹹，送嗰碟和牛叫做好少少但都唔係特別好食，全晚最好食係溫泉蛋凱薩沙律，但無奈地食完番到屋企我同老公竟然肚痾⋯=_=⋯有感中伏，一定唔會再去！

試過幾間燒肉放題質素都麻麻雖然網上對個宵夜放題有幾個負評，但牛角不嬲質素吾錯，於是黎試試佢8半拎飛9點05分入到我地點左b餐坐低就有兩碟肉，全晚最好食係個2碟Order返黎d牛咬到牙都甩放題都係無好野，下次再食會揀返單點未夠鐘已經想閃~~

事源生日同事同我慶祝，食宵野放題！入座時閒22:23,一座低，服務員吾係先服務，係強調你入座到離座時間，已經感覺並不良好！好似未招呼就趕你走甘！食到一個鐘話last call. 食物last call都無問題連加錢啤酒任飲都要last call.甘同事想嗌定兩三杯又話吾得要一杯換一杯，都算！隔左兩三分鐘服務員黎收点菜机，豪無禮貌話收机，係咪應該問吓如果無野再嗌我想收反部机，嗰時已經滿肚都係火！到左離坐時間吾到三分鐘，又吹你地要交枱，使吾使甘準時？跟本不停吹你走趕收工，甘學乜人搞宵野放題？食到成肚氣，就算d野幾好食都一定吾會再幫襯

牛角。無論環境及食物質素都keep得住。咁岩而家同DBS做緊優惠，低至7折或半價，即刻抵左。叫左2人餐，有魚仔紫菜凍豆腐-原來豆腐配上紫菜係咁好食溫泉凱撒沙律-好多芝士粒，生菜很脆很甜二人餐豬、牛、雞拼盤-上面中間牛胸腹係最好食，入口即溶的感覺。厚牛舌即是，不會很硬再加2杯飲品（不高於$49）我叫左蘋果啤酒及沖繩波蘿啤。蘋果酒是市面果隻綠色樹，所以好安全。沖繩波蘿啤酒就比一般台灣波蘿啤濃味及酒精較高。我地另外叫左2個牛角飯，埋單2人$420左右。唔算平但比散叫抵臨走前我望到優惠做到6月尾。會再用呢個優惠

以前牛角俾我感覺中級，家陣有放題，攪新意思，吾係間間牛角有放題，去之前自己上網chevk清楚，價錢分3級，我選左中間價，低價無牛，岩哂吾食牛的朋友。好好彩我今晚wake in都吾駛等好耐就入得，都幾多野選擇，所有野食都ok,不過燒大腸就一般，我主要食牛，甜點送了豆沙包，以為吾好食啦，點知有驚喜，入面有雪糕

講真我覺得牛角都偏貴，所以好耐之前食過一次之後就冇再食過啦，不過最近先知原來旺角分店九點後有放題，仲要唔貴，大概二百幾蚊一位，所以一定要試下。8:00左右上到來，侍應話可以排隊攞飛先，8:45可以上返嚟等叫飛入坐。環境舒適，四人座幾寬敞。放題分3款價錢，中價個款有牛肉，牛肉雖然唔係最靚嗰款，不過我覺得都已經幾好食。飲品款式都好多，其中最中意凍柚子蜜，其他仲有梳打汽水等等。最後送上每位一個甜品，係豆腐雪糕，味道淡淡地加埋oreo粉，都幾好食。

每次草根妹妹同男友出街，最頭痛係要諗去邊到食飯，因為平日呢d事都係交俾草根姐姐做，但如果係同男朋友出去就冇計要自己做番啦~出開旺角，原本諗住去食BBQ Chicken，點知撞正食飯時間好多人排緊隊，所以都係轉去同一橦嘅牛角食番餐燒肉算啦今次燒肉叫左好少，只叫左2款王樣！腹胸肉（蒜茸味噌）$82 Premium Harami（Garlic Miso） 肉！肉！蒜茸味好出肉嘅質感幾厚，燒咗d牛脂出嚟，反而令肉肉更香牛味仲可以燒到塊肉肉嘅表面有少少脆身添，不過只有2片，一人一塊轉眼就冇了~ 牛肉上級牛肋肉（燒肉汁）6片 ($85) Short Rib 6pcs 唔多講啦！肉肉無得輸！要趕快燒肉先！草根妹妹要快過男朋友食哂佢叫得唔多燒肉，所以都要叫番d主食....辣油牛肉温泉玉子飯 （$72） Rice with half boiled egg & beef in garlic chill oil 草根妹妹最近愛上了用辣送飯好滋味呢。所以今日都特登叫個辣嘅飯食下，牛肉片其實好似吉野家嗰d，吸滿晒調味料嘅味，又軟又薄，而且肥瘦適中。最後再加上一隻好流心嘅溫泉蛋，好開胃，用嚟送飯真係一 流啊! 食

牛油金菇 $22牛油好香，煮完d 金菇仲有牛油剩，可以用來煎一口牛好正王樣！腹胸肉（蒜茸味噌）$82好厚切，成塊燒到差唔多嘅時候就自己剪開，淋之中帶點𡁻口。醃得好濃味有d 咸，蓋過左d 牛味。今晚食三種肉之中肉質最正係哩個。極上一囗和牛 原價$128 恆生咭八折$102.4一口和牛粒粒係肉眼部位，平時喜歡五成熟，但係哩個一口牛如果五成熟就會好韌咬唔開。有幾粒好肥。特上和牛牛肋肉原味6片原價 $118 恆生咭八折$94.4油脂分佈好平均，好滑，入口溶化。牛角飯$28真係好鐘意食哩個飯，紫菜撈飯食極都唔厭。沖繩菠蘿酒 $38唔會太甜，好開胃

這次吃牛角放題，再加啤酒放題，爽啊！食物質素談不想很好，但這個價錢還是很抵。上菜很快，位置尚算寬敞，抽風系統還好，整體不錯喔。啤酒飲飲飲：0），爽啊，非常配合燒肉。肉的質素一般，豚腩肉脂肪不夠均勻。以前很抗拒吃牛舌，自從去了仙台後，漸漸喜燒這種食物。放題的牛舌薄薄的，燒得乾脆就好吃。這跟日本牛舌店厚燒，保留肉汁的作法，完全是兩種風味，另一種好吃。燒肉的樣子，第一回合上的和牛比較好吃，之後任吃的，質素就是一般啦。

去日本旅行，食燒肉是常識吧！因為就算你求其入一間，味道都唔會太差不過係香港就唔同講法啦，通街都係地雷，就算比得起錢，都未必真係食到好嘢。而牛角都算係香港燒肉界黎講，長期保持穩定水準，性價比又唔錯嘅燒肉店由於我地幾個懶人唔想諗嘢，見恆生做緊Set 餐優惠，就求其叫咗兩個二人餐！因為其實每次食燒肉都遇到個問題，就係唔知自己食緊邊款肉，基本上都係有乜就燒乜！所以我地覺得只要價錢唔太貴，求其就可以啦沙侓菜新鮮，而且可以減輕燒肉嘅油膩感，我地幾個女仔都鍾意!總體黎講，各款肉嘅味道都唔差，好有肉味，而且都叫新鮮，唔錯！另外，我自己好鍾意食佢地個銅鑼燒，入面夾咗綠茶雪糕，食前輕輕烤一烤表面，烤到外面熱熱地，脆脆地，再配埋入面凍冰冰嘅雪糕一齊食，食落好過癮

今日同朋友係旺角行街，行到成10點先去食野，朋友話記得之前我去食果陣有send過d相比區，搞到區好想食，於是我地就上去博下。好彩有位，立刻入座。我地揀左b餐，豪華食之放題，呢個餐有曬雞，牛同豬，已經夠曬食啦。朋友好興奮，所以差唔多樣樣肉都叫一份食，所以好難分到d肉個名。但其實牛角噶品質一向都又翻甘上下，即使係任食，但d肉都係好噶。不過，今次d雞就麻麻。雪味都幾重，我地都無再encore。牛肉水準依然keep到阿，正。豬肉都唔錯，不過今次d豬腩肉略嫌肥左d，油份重左。區個豆腐好好味，食左甘多肉，食翻個凍豆腐，可以解膩，所以我地都叫左幾份。燒番薯係我地噶最愛，雖然好濟，但我地都食左兩份。個番茄沙律，個醬好難食，同個番茄味道完全唔夾噶。不過總體都係唔錯噶，朋友都好滿意，話下次會再離食噶。

果日好夜 又好想暴食既情況下搵到牛角既深夜放題！諗住食餐勁既 限時90分鐘 188蚊未加一其實佢d款有d小 黎黎去去都係果幾款佢會有部iPad 比你去揀下食咩因為188果包吾包牛所以得豬 雞 一d沙津 飯 面 同野飲咁但係估吾到佢既肉可以咁難食肉好吾入味！ 燒起試黎都好易燒焦個menu設計得好好 好似好正咁但其實好小野食 😂😂😂上菜既速度都算快但食物質素真係太差好難會再encore 完全逼我地哂野 因為真係好難放入口😭😭難得做宵夜放題 應該整得好味d

入面有燒肉食有沾麵食~ 價錢有d貴~要散叫我叫左沾麵一試 麵份量算高~ 湯由蛋黃+7味粉+日本湯組成湯味道很好很特別~蛋是生的 不喜歡吃生的人要注意!都身爽口 主要好味係湯好味燒肉方面都係各式各種既燒肉~ 普通其他店見到的都會有但份量不多~所以一碟份量少黎講~所以算貴... 肉質偏高~因為價錢都貴..腸仔係德國腸, 正常小食~無話特別好既肉質~服務好好~因為我地食個陣服務員有好詳細既解說~不知道是否每台都有...但真的很詳細~花了很多時間 所以服務分打很高!

今日同朋友食聖誕飯，朋友話想試下牛角噶燒肉放題，於是就去左最近噶旺角店啦。有3種價位噶放題，我地揀左中價位噶，因為有牛肉。牛角噶質素一向唔錯，原來放題噶品質都幾好架，我地差唔多每樣都叫d試下，最好食梗係牛肉同牛舌啦。叫到成檯都係野食，見到都開心。番薯好好味，好甜，冬天食就最適合啦，有encore到架，魚肉就麻麻地啦，個人麻麻地雞肉，但朋友話唔錯，食得出唔係差噶雞肉。個面都幾好食，可以一試。最後食個雪糕做甜品，好滿足啊。