牛角日本燒肉專門店 (ac4)

营业中

休息中

忠告各位，嚟到呢度食，一定要揀任食！因為如果你散叫嘅價錢，真係唔扺！要就住咁食。嚟得呢度，就算帶埋小朋友，小朋友一個人食十塊，八塊，已經係到價。如果可以任食，仲可以吸引佢哋食多啲添！以前嚟，超鐘意食呢度個牛角飯。不過今次嚟，明顯地個質素差咗。紫菜冇乜味，啲飯都好似唔係日本米。唔會好似以前咁，食落又香，又軟。不過唔緊要，任食嘅，乜都抵晒！如果係第一次嚟，又或者唔係會員，要比$200入會。入會之後，除咗所有嘢食有會員價，仲可以即刻用$100 coupon添！所以入會抵啲。

食牛角午餐比起晚餐真係抵食好多我嗌左個牛肋肉加牛肩肉嘅午餐set +$11就可以任食牛角溫泉蛋飯 $140就可以落樓～平時食牛角最鍾意都係食佢個飯 溫泉蛋加紫菜加日本米真係絕配！因為我係差唔多兩點先去 所以都唔使點等位我哋六個人就可以入座 下次有機會都想2:30後先去 見到佢2:30後有下午茶優惠 午市仲有七折 強烈建議大家可以嘅話2:30後先去 或者如果有人喺牛角會員都會有九折 更加抵食～午市牛肉質素不過不失 絕對對得住個價錢有餘 同行友人嗌嘅雞肉同豬頸肉都唔錯 有個朋友仲加咗佢哋嘅甜品 牛角雪糕真係好好食 好重牛奶味 都係加$10咋 值得一試～

燒肉放題泥講，牛角喺香港都算係高水準。當然未去到任食 A乜A物果啲咁勁。但400蚊果隻plan 已經好夠我有重番左日本嘅感覺😁加多幾十位仲任飲subtory draft☺️, 邊有得輸呀必須推介一定係特上牛肋肉🤤(即係日文 karubi). 油香 豐富, 肉質 接近入口即溶. 原味, 鹽味, 味曾味 三隻都要食！牛舌要 蔥味/原味, 另外兩個有啲咸。海鮮必叫大蝦, 都彈牙, 可能有驚喜😮.不過呢間叫佢地做野要比啲耐性，人手太少，會出現唔記得你杯水/酒嘅程況😂

我為了這食評開openrice account!!!!真的不吐不快一家人去食lunch,散叫，有位待應小姐是專門clean up,但我們不知道，找她落order同refill茶,她口裏説＂好呀＂，連續幾次，但不落單不斟茶，最後嬲到cut單走人，我唔知我們一家做錯吔嘢要咁受氣！！若我找錯人，告訴我找別的就可以，應了好但不做仲唔只一次擺明玩，完全不能接受。其他待應都可以，也有say sorry, 但這第一次將是最後一次去。

有五款放題,今次我揀c餐：啲嘢食好新鮮,亦都好好味！！可惜,就算食貴啲嘅,都係得90分鐘：所以,如果唔係袋住幾千蚊/有三兩富貴知己大吃大喝（最貴最貴嗰兩款可以食120分鐘）,其實揀最平嗰個只可以食豬或雞,或者貴少少可以食到牛肉嘅已經非常好！！我一個人埋單成四百幾蚊,因就算我係會員在特價時段冇得免加一,又唔夠時間食埋最後嗰份order😭😭😭😭今次啲錢真係用嚟放火燒咗！！！冇足夠嘅時間食令今次嘅經驗係極之唔抵！！

平時多數食lvC 一向都幾好食 好多選擇 每種肉都有分唔同味道 有辣有唔辣 滿足到唔同口味嘅朋友 牛角比起出嘅燒肉放題都算抵食 雖然唔係話超高質 但一個月總可以食一兩次。佢嘅放題一向質素都保持到 但可能今次食嘅係lvB 肉嘅質地明顯冇咁靚 好快就食厭冇咁好胃口 相對地冇咁好食 牛肉有啲”鞋” 要咬耐d 比起lvC嘅上等牛肋肉都差幾遠~如果大家想久唔久慰勞下自己嘅話 可以選擇lvC以上 其實價錢都唔差得遠 但質素就好好多環境方面 我認為呢間牛角坐得算舒服 坐位唔算多 但闊落幾舒服 放題都要坐幾耐 所以坐得舒服都好緊要

早起的鳥兒有蟲吃，晏起的懶人乜都無得吃，懶人起身嗌肚餓，但笫一時間係上網覓食，難得牛角早割5點就有得燒，最多咬塊餅乾等啦，三餐夾埋一餐食抵到爛啦😆放題有A-E餐揀，A-C餐 $500有找食90分鐘，而D-E餐 over $800食120分鐘，我哋呢d餓鬼狼吞虎嚥咁一定揀90分鐘，B餐或以上已經有指定牛供應，同埋食90分鐘好快就過，吸取上次經驗，我哋覺得無需要叫貴餐。食物：牛肋肉👍🏻👍🏻－叫咗幾次，但肉完全未解凍，導致燒耐咗肉變韌肩脊肉👍🏻👍🏻－同牛肋肉一樣雪到硬堀堀，食唔到牛應有味道大腸👍🏻👍🏻👍🏻－煙韌膏口，薄身大腸較容易掌握熟成度一口牛👍🏻👍🏻👍🏻－牛味較牛肋肉同肩脊肉重，燒耐咗都唔會太韌鮮山藥👍🏻👍🏻👍🏻－即淮山，無乜味但非常爽口，食口感雞肝👍🏻👍🏻👍🏻👍🏻－外脆內粉，肝味濃郁，愛內藏人仕必食牛油本茹👍🏻👍🏻👍🏻👍🏻－本菇泥味比較重，加牛油燒之後泥味減淡咗dd，口感爽脆牛油金菇👍🏻👍🏻👍🏻－牛油＋味噌幾特別，但金菇吸收晒之後就變得好咸，應該要少返dd味噌豬頸肉👍🏻👍🏻👍🏻－基本上唔會唔好味，燒好耐都ok多春魚👍🏻👍🏻👍🏻👍🏻－算肥大又容易燒，香口多春薄牛舌👍🏻👍🏻👍🏻－有牛味但易

牛角既牛市定食真係好掋食丫😚今次去食左牛角特選牛五品燒肉盛合 牛五品包括牛肋肉、肩脊肉、厚燒牛舌、腹胸肉、牛舌 揀左塩醬之後咩都唔駛點已經夠哂味 最好食既係厚燒牛舌同牛肋肉 肩脊肉就比較韌 不過都好有牛味😋牛市套餐仲包左昆布湯、迷你沙律同牛角飯架 正👅

遲了點12點45分才去到這間長期滿客的燒肉店 幸運地有大枱 可以容下9個人 點了98蚊的牛頸 牛柳餐 有任添的白飯 友人指 叫貴一點會有紫菜飯 一開始不以為然 吃過後上癮 不停加添 吃了3個滿碗的紫菜飯 而燒肉也不俗 値得再試

即興想食燒肉，呢晚嚟到都等咗幾個字，不過無所謂外面有椅子坐，就睇下餐牌啦，一睇先醒起佢轉咗仼食，之前聽朋友講過但轉咗之後無食過，有好幾個價錢選擇，二百幾到三百幾，限時90分鐘。個人嚟講幾百蚊/位仲要得個半鐘，成餐飯好趕，咁算啦都嚟到等就食啦，到我哋入去，職員問仼食定散叫，我即刻問散叫係咪無限時，佢話唔係都係90分鐘，心諗點解會咁，之前無仼食個陣好好，慢慢燒慢慢食好享受！宜家限時食，燒得嚟無可能慢慢食到，係要同時左手燒右手食，食物質素好都無用，成餐飯食風咁快！想慢用都唔得！2個人埋單$80X！晚餐一定唔會再揀佢！所以建議大家食就食午餐，有套餐選擇，抵食得嚟又無限時！

前排見某信用卡做優惠，折扣後個餐幾抵，就約朋友去食，去到有兩個餐簡，我地簡左海鮮燒肉盛合，套餐包每人兩杯飲品，沙律，兩前菜，兩海鮮，肉類同埋甜品，先黎沙律，好大盤，裏面有煙肉粒，芝士粒，生菜，溫泉蛋，兩個人要每人兩碗有多先食得哂，另外芝士粒大粒左少少，所以有d咸，前菜分別係辣油青瓜同埋麻醬秋葵，反而秋葵有驚喜，暖暖地幾好食，海鮮有蠔同埋帆立貝，中規中矩，帆立貝味道比較好，肉有牛小排，牛舌，丹麥豬扒，同埋雞肉，牛小排最好味，我地另外加左個牛角飯share,所以食到呢度已經好飽，飲品我地叫左乳酸，其實佢好多選擇，而且大杯，每人兩杯其實多左d,最後上埋甜品，每人都係兩件分別係吉士同埋紅豆，紅豆好好食，建議先食吉士再食紅豆，因為紅豆比較甜，如果唔係就食唔到吉士味。食完好飽，個餐份量算多，而個人認為都算抵食，推介。

趁住月尾會籍到期，仲有張$50 coupon 未用，約埋幾個朋友去食lunch, 要用到coupon, 要係加一前夠$200，所以我點咗最貴嘅泡菜海鮮石鍋，而其他二位都係點石鍋系列。我一向喜歡食韓國石鍋上嘅食物，我自己貪佢夠熱。其實午餐都有燒烤set好抵食, 但中午就唔想咁heavy所以冇點。個set 包沙律同埋飲品，我最鍾意餐飲有柚子蜜選，食完辣嘅泡菜再一杯甜嘅柚子蜜中和番👍🏻個海鮮泡菜鍋啲豆腐好滑，d海鮮雖然只係普通嘅帶子仔同硯，不過都有好多只，個泡菜味精唔算太勁，食完熱辣辣泡菜泡加埋凍冰冰甜蜜蜜嘅柚子蜜剛好。其實會員有九折再可以用電子coupon好抵，可惜今年食唔夠分，冇得續會。

牛角的套餐好底食，朋友住香港仔，提議去香港仔中心食野，最後搵左間好坐卡位既牛角開餐一個餐有得燒肉、沙律、飯、仲有加$可以換埋特飲，我叫左西柚燒酒🍻朋友都叫左特飲其實都幾夠飽放題下次再試先！

朋友放工收9點等埋一齊食飯就最好選擇去食宵夜餐! 近近哋就揀咗屋企附近的牛角! 我哋揀咗$268 豪華放題餐有51款食品選擇! 而每人亦有一客U.S和牛板腱肉&四品盛合 (美國和牛板腱肉,牛角上級牛肋肉,肩脊肉, 日本豚肉,雞腿肉) 因為我唔食牛, 所以我就主攻雞同豬 , 而朋輩愛吃牛的就主攻牛! 牛肉有幾款, 但就分唔到係咩位置, 朋友說比以前好食咗！ 豬類我就覺得豬頸肉(味噌) 同大腸(味噌)雞類就冇乜特別, 不過不失前菜嘅海蜇柚子醋沙律, 覺得唔錯, 幾爽口幾開胃牛油金菇係最穩陣, 好難唔好食甜品有愛喜愛嘅朱古力雪糕波

今天去了香港仔的朋友家聚會 只有兩個人 不想自己煮 所以決定出外用膳聽朋友說 香港仔的牛角有放題選擇 決定一試放題有幾款價錢選擇 我們選了二百多元的反正只有90分鐘 也沒有太多時間吃想不到 放題肉類的質素也不差 牛肉都是牛味濃 脂肪均勻 油脂味香口的另外雞肉也令人有驚喜雞肉燒過後依嫰滑 比很多燒肉放題高質牛舌也是令人停不了口 薄薄的一片非常爽口 一點也不油膩還有牛角溫泉蛋飯 也不錯飲品有可樂或其他特別飲品 例如柚子汽水都非常解渴 如果想吃點菜 也有沙律可以選擇整體來說 以這個價錢配這個質素 非常合理😋