牛角Buffet (雅蘭中心)

营业中

休息中

上年疫情前基本一個月會去牛角食2次左右，自己都好鍾意食燒肉，一直都對牛角情有獨鍾，每次燒肉都首選牛角，平時app取票，來到都要等半個鐘左右、但係我都係回頭客，因為質素唔錯。但係每去一次服務態度就變得越來越差，一開始多人都勉強接受，覺得都辛苦客人多員工要不斷走來走去工作，少少的不耐煩都忍受了，睇在食物唔錯的份上。後來疫情期間停了幾個月無去幫襯，心思思，放寬了限制之後就即刻再去，但係服務態度真係差，以前係用ipad落單，後期轉了用自己電話，我話信號差，詢問可唔可以用返ipad落？一個員工話唔可以，我再追問我電話又快無電，好難落單窩。跟住另外一個先俾左部ipad我點嘢食。中途好幾次漏單，發現太耐無上嘅嘢我請員工幫我跟一跟，然後都係無上到，再之後揮手想問問員工係咪唔記得幫我跟跟，竟然掉頭走，當睇唔到🙄️食得實在無奈！！！戈一餐之後本來打算以後放棄牛角啦，點知食完有銀票派，加埋都有幾百蚊，而且只要超過五十蚊就可以使用，無限制，於是就再去左一次啦。結果都係服務態度不佳，疫情本來生意慘，要限制人數，應該飲食業都沒有之前咁辛苦至啱，而且服務嘅客人相對應少左，點解d態度都係咁差的呢？？有時候送來用錫紙裝嘅

牛角係香港好出名嘅烤肉連鎖店相信對好多香港人黎講都唔陌生以前一直食牛角都係單點今次係第一次試佢嘅buffet估唔到質素都唔錯😆肉嘅質素唔會因為係buffet而差左而且職員換網都換得快服務質素幾好下次可以再去食

幾樣野要慶祝又好，因為冇得去旅行又好，街都少出所以食飯budget多左又好，總之就黎左牛角放題食Lv4。平時死慳死抵既人，Lv4已經係最高級，Lv5諗都冇諗過。不過lv5既牛就算物有所值，咁多雪花既牛，唔係好拆得又唔怕滯既人又食得落幾多舊？我地Book左枱，接近唔洗等。如果係拎飛要預時間，住得遠既人唔早d出門口，要食到係有難度。Lv4一坐低就俾左碟咩肉都有d既併盤，然後之後我地都係叫lv4先有既肉。A4 A5雖然少食，但都有食過，果個油脂既比例高到入口就成口油。呢度Lv4既肉，叫做係肥瘦適中再偏肥多d，燒肉黎講，我覺得呢隻肉燒出黎，完全係我expect既口感，而且牛味都幾夠。王樣既肉睇落好似幾正，日本牛角既menu都有，所以都叫左兩塊黎試下。口感當然不及上面果隻肉，但調味確實唔錯。下面張相，後面果兩塊就係。叫左三四round，食左少少牛角飯同埋其他野。飽完就開始滯，一餐頂左成日，八點都未覺餓。計番兩餐飯既價錢，其實都抵食丫？

牛角Buffet可算是我最常光顧的餐廳之一，能夠大快朵頤之餘肉類質素實在比坊間大部分燒肉放題高得多，所以人氣有增無減亦無可厚非，但感覺上水準似乎有所下降，不及以前稱心如意。晚市時段大約下午五時半才開始派籌，但一早已經不少人在門外等候，即使準時到達亦大概等到六時才獲安排入座；另外感覺上餐廳內的油煙好像亦比以前更大。放題分為五個等級，正價價錢由$248至$838不等，當然等級愈高肉類質素就更高，而食物選擇亦會更多。我每次都會點第四級的澳洲和牛放題，星期一至四每位$388，而星期五、六、日、公眾假期及其前夕則每位$428，物超所值，美中不足的是100分鐘對我而言實在並不足夠。自助區更有沙律、汽水、甜品等任均選擇，而且疫情期間每份都裏上保鮮紙確保衛生，食客外出拿取食物時亦要戴上口罩。入座後不久便會送上包括豬牛雞的燒肉拼盤，之後可以自行再用平板電腦加單。肉類當中個人最喜歡澳洲和牛牛胸腹，油花分布平均，燒過後油脂豐腴又不失肉味，質感肥美軟嫩，每次都能夠吃上逾十盤肉，但大多數到後期送來的肉類會因解凍時間不足而保持冰硬則略為扣分。主食方面豬軟骨拉麵或飯水準比較飄忽不定，有時豬軟骨熬煮得軟腍入味但有時卻

上星期六想食燒肉放題，諗咗好耐都唔知食邊間嘅時候，朋友話唔好食放題，不如食牛角啦。咁我咪上openrice睇吓附近有冇牛角，但比我搵到一間牛角buffet係旺角，咁我就打電話去問下有冇位，原來係要walk-in。星期六3:00去到門口都仲有好多人等緊位，我等咗大約半個鐘先到我，喺門口等入座嘅時候已經要揀定食邊款buffet，我同朋友都一致決定要食得好啲所以揀咗LV4澳洲和牛放題，每位$388。LV4澳洲和牛有入口即溶嘅感覺，相當好食，但係就好油，唔會食得太多。 我哋亦都有order LV3嘅美國S R F極上和牛，其實質素都唔差，但係同LV4澳洲和牛比較，確實LV4係好食好多。牛角平時食一個普普通通嘅牛和定食得幾片和牛都要百幾，高質素少少嘅燒肉盛合都要五百幾，所以$388嘅和牛放題我覺得可以接受。食過唔少和牛放題，我覺得牛角buffet係有水準嘅保證，如果我再食燒肉放題，我一定首選牛角buffet。

其實我冇喺香港食過牛角，之前食係喺日本食覺得超美味！而家冇得去日本，喺香港食下過下癮先。專登揀咗中午時間過嚟食，因為我貪平，見佢晚市好貴。中午有套餐，我揀咗最平嘅兩款肉$118/100分鐘，初頭我以為100分鐘係嗰兩款肉類任食，原來唔係，係只係有1.5 倍份量嘅肉，同埋自助小食甜品飲品區。肉類份量來講呢，1.5倍咗其實都係得幾片好少，一啲都唔過癮⋯⋯唯有去自助區拎多啲蔬菜頂下肚。自助區有冷熱飲品，有幾款果汁汽水，熱朱古力咖啡等等，小食有泡菜、玉子（好難食）、沙律（自己落場嗰隻好食d)，仲有幾款甜品，同埋自己整嘅雪糕機，雪糕有西瓜同埋牛奶兩隻味，千祈唔好食西瓜味，一個字伏！仲有牛角飯係可以自己任食嘅，呢個算係最好食。埋單平均每人一百二十幾蚊，性價比一般。如果係咁我情願食嗰啲漢陽苑或者校長燒肉放題。仲有，雖然服務員態度非常好，尤其門口帶位嘅同埋收碟嘅員工，佢哋有收碟專員又真係幾好，但係衛生情況一般，我張枱有螞蟻喺爐邊行嚟行去。

星期日5點拎飛係Haagen Dazs食完雪糕上返去就啱啱好入座😝(等左20分鐘左右😚)牛角放題分Lv1-Lv5🌟我地簡左Level4澳洲極上和牛🐂假期早割計埋加一$426一位入座後先會送上2份拼盤，有雞肉、牛舌、豬腩肉、牛腹胸🤎呢到用QR code落單，上菜速度快！而且亦冇漏單情況👍🏻店員服務態度都好好有禮貌😝環境都乾淨企理坐得舒服🥰🌟澳洲和牛牛腹胸 呢130分鐘最主力食呢個😋從賣相都睇得出質素唔錯，肉質軟淋 油脂分布均勻 唔會太膩同時充滿油香，牛味香濃突出越嚼越香最推介原味/燒汁🤤🙌🏻而澳洲和牛一口牛同上級牛肋肉就正常質素冇牛腹胸咁正不過都可以嗌少少試下😛 另外仲嗌咗少少Lv3既美國SRF極上和牛板腱肉)睇下有咩分別🤨Lv3亦係比較多人揀既🧚🏻‍♀️果然肉質太過瘦 食落比較韌 ⋯食完Lv4再食Lv3都有幾明顯既對比反而薄切唔錯 口感軟嫩 牛味重😋食得過！牛油粟米同金菇兩樣都好香好好味！蒜蓉帶子就超鹹！！😣赤蝦大大隻 但肉質唔夠結實彈牙 蝦味亦唔突出🦐炸物(墨魚餅、魷魚圈)更係一個伏..凍曬又硬..食牛角點少得牛角飯 🤩呢到自製形式可以任加大量紫菜、醬汁、蔥花🍚仲可以加埋隻溫泉蛋就咁食

完全明白疫情之下堂食有困難，中午12點拎完飛，前面有40張飛，諗住點都會食到啦，等到3:30前面都仲有23張飛，問佢仲有無機會食，6點後無堂食，佢都仲話答唔到，3:45先話得3張枱4:10會埋單。叫人自己決定等唔等，真係未見過咁差安排，今日都唔係第一日禁堂食，你可以做幾多張枱生意唔會唔知呀，去得咁遲先話應該無得入，完全浪費人地時，管理勁差！！！

整體肉類質素普通牛肉都唔鞋口 豬軟骨都幾淋 不過叫咗個豬頸肉就乾身啲 硬小小 仲加咗好多紫菜但係加咗日式醬汁味道都唔錯外賣自取40幾蚊咁大碗係好抵食落咗單都好快攞得 如果住得近都可以一戰

去食個燒肉梗係想慢慢食，食真啲個味啦，90分鐘，加埋28蚊任飲啤酒，根本係俾300蚊去罪自己，要吞先攪得掂。如果大家覺得佢啲肉好食，係因為燈光問題，啲肉頭果輪都係靚既，第二輪已經走樣，第三輪就算啦。任飲2十8蚊係抵，但邊食邊飲又要燒又要去攞沙律吧，90分鐘仲忙過返工呀牛舌都算係唔錯既，叫做好味，質素叫做保持水準，以日本人為名既店，但就食大陸人既野，所以先覺得貴。不過佢地係頭輪啲肉質素係高既，最好下次都係散叫。完

原來唔係間間牛角嘅質素都係一樣嘅，旺角呢間就真係垃圾，我食咗個放題，真係差到離晒譜，我曾經食過屯門嗰間都有放題，但係質素就好過呢間，以後都不會再去旺角呢間牛角。

我有2次經驗1. 明天就全日禁堂食，今日特別多人，門口位接待小姐話已經冇晒枱，半個鐘後會有人埋單，叫我半個鐘後返去再睇下有冇，咁我行下街，之後過左半個鐘上去返去問，跟住佢見到我好似莫名奇妙咁，然後我問佢係咪有人埋單，然後佢話，個客加左時喎，咁我本身係冇野嘅，冇枱咪去第度食囉，點知佢趁我轉身走既時候，佢同個唔知經理定同事講：我都話左唔一定有枱啦，佢仲問，佢既語氣比較差，仲要以為我聽唔到，今時今日有咁多人失業，你態度好少少唔會死既。2. 另外一次我去之前有打過去問幾點last order, 佢答我4:15, 咁我見時間都就到就去啦。點知我去到，佢話只可食到3:30,我真係比佢吹漲，我第一次咁趕食放題，同埋好多肉都比較韌，呢間野，真係麻麻地。

今日又去食Level 4, 今日又再吃，我們去到也不用等太久，大約10分鐘可以進入，肉質也是保持水準，可能是午飯時間，全場坐滿人，今次覺得抽風系統不理想，銀票已經派完！

已經吃了5，6次牛角buffet，本身也是喜愛烤肉，周圍吃，旺角，佐敦的也有但都不及牛角的牛肉味道好，最喜歡也是牛角，每次都是Level 4，抵擋不住澳洲和牛牛胸腹，油脂香，肉滑軟熟，澳洲和牛一口牛，也是口感比較好的，今次再試雞腎和豬大腸，雞腎沒有1點兒腥味，很好吃😋，大腸也過得去！而Level 3的SRF和牛牛板腱，相對比較瘦，不算很淋滑，有點韌！Level 2如果你對牛肉很有要求，就真的不要試了！包你吃過也會即刻轉Level 😓見島特選和牛肩脊肉，比較瘦，亦都比較韌，癡牙，吃5，6件左右根本沒法吃下去，小朋友是沒法吃的！Level 2的牛胸腹, 即是普通肥牛，比較肥，整塊肉裏面一半都是肥膏！現在吃滿＄200送$50 ，可以累積使用，非常之抵食！

«611»初試牛角飯 原來真係幾好食🤡﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷LV2 美國見島特選和牛放題正價$288 | 6PM前/9PM後 $258揀第2個餐基本上都有齊晒肉類同海鮮款，但講真，不嬲食放題都唔係好留意自己食緊邊舊肉邊個部位，有肉就燒，燒完就食😂整體黎講都唔錯，薄切牛舌好食，有隻燒烤醬厚切牛舌都好食！同埋我初嘗牛角飯，睇落好簡單都係紫菜芝士加蛋加燒汁，但個特製燒汁冇平時食嘅咁鹹，夾埋肉食真係幾正，又係飽飽地都扒咗幾啖飯🤪值得一讚嘅係自助區嘅食物都用保鮮紙好好晒，同埋店員都會不斷提食客要戴好口罩先出去拎野食，衛生把關做到足～