牛陣 (德福廣場1期)

营业中

休息中

無打邊爐一排 再次係呢到食番都覺得質素唔錯 最平既牛肉都可以 有牛味！揀左壽喜燒湯底 唔會好甜 醬汁都好多選擇 火鍋配料都有唔少選擇 最後當然要食雪糕 依家改左做杯裝雪糕 但都有4款味道可以揀 可惜上次無焦糖脆餅揀 整體來講係幾抵食既日式火鍋放題 員工都係有禮貌嘅

#午市放題套餐 $129+1 60分鐘任食 中間坐位的位置較迫夾#嚴選牛肉 冇乜脂肪，就算啱啱熟肉質都係粗糙鞋口😂不喜歡粗糙的肉。下次都係食返肥牛....#豚肉 薄切半肥瘦豬肉，反而不錯，幾入味👍🏻好快熟，而且肉嫩不會粗糙湯底 #壽喜燒 偏甜，但係幾好味😋煮拉麵🍜、金菇、娃娃菜、南瓜 時幾好吃。建議聽加湯的時候叫他加水，因為湯越小的時候就會太甜#豬骨湯 偏向清淡，煮拉麵也不錯～ᶘ ᵒᴥᵒᶅ個人口味評分：5/10

看見大家的評論後，我和家人一起去吃午餐。到了餐廳後,就開始點餐😊員工推介吃澳洲🦘牛肉，同挑選了番茄味🍅的鍋湯，吃的時候帶來小小酸甜的味度，好想去來吃 員工服務態度：Very Good🥴好快手收盤子的時候，不會叫我們快點，有禮貌👍🏻 🥺希望大家都來吃🥺

午餐價128蚊有豬有牛，仲要配菜任食，有哈根打雪糕，非酒精含量飲品任飲。不過，湯底加5蚊，仲要加一，甘一佰二十八蚊係落唔到樓既，所以門口價錢都係參考價，應該講清楚俾客人知，甘大家溝通咗先會感覺良好啲囉。 話晒都係美心集團旗下的食店，見佢入面都養左好多員工，入去幫襯都係希望入面的員工可保飯碗。其實配菜真係好新鮮，有咖哩牛同飯，絕對一定飽肚，但老實講只食火鍋都已經好飽，除非你想一餐當兩餐食。提提你記得攞醬汁喔。碟牛都幾靚，值得一去既。

上一兩個月差唔多一至兩星期食一次, 埋單大約142,  (有一派),單一帳單消費滿200蚊,櫃檯儲分，德福有 20 COUPON送，都幾怟食。始終一丁友加老人家, 屋企亂又唔乾淨,想打邊爐根本無可能,雪櫃又唔可以放食物。所以六日唯有以食減壓。我最鐘意係果度地方大少少, 可以坐得舒服D, 抬頭望上邊有圓位抽氣用。 感覺上打邊爐都安全啲, 為己為人 我會選擇一間好好少架。而且佰幾蚊我都接受到最平個任食套餐已經包三款牛肉, 任飲汽水,果汁, 出面仲有大把配料(蛋餃、丸類、豆腐、芋絲) 蔬菜(羽衣甘藍、芥蘭、菜芯、木耳、南瓜、冬瓜、) 仲有雪糕，不過要自己出面拎...睇你介唔介意啦!60分鐘一定夠,  所以我會話性價比高 我自己本身係想食多D菜，所以先會黎一人鍋 (><)不過如果同朋友一齊吹水食野>可能要90分鐘先得環境食物都可以不過有時D侍應俾位真係唔係好合理, 正常應該1,3,5 咁坐, 隔一隔, 大佬! 家下疫情,可唔可以醒少少呢仲有D 調味 要出面拎有少少危但咁架價錢  性價比算係咁

限聚令放寬，條街都多左好多人行，今次去到德福廣場嘅牛陣，一等就要半個鐘。等得咁辛苦，要食好d慰勞自己😆，我哋揀咗最貴嘅日本特選黑毛和牛套餐，每位$359，配壽喜燒湯底，包左任飲仲有少少海鮮。首先基本來左一份牛、豬、牛舌、海鮮，牛舌我哋唔鐘意用來淥，就叫佢收走左，之後就出去夾左d蔬菜，逐樣試下。海鮮都唔會好孤寒太細粒，不過就比較普通，食左一份都無再encore，豬肉都唔錯，不過略嫌”鞋”左少少，亦都無再encore，喪encore嘅係個牛🤩，個日本黑毛和牛真係超正，一擺低見到滿佈雪花已經好吸引，放落湯底，吸收壽喜燒嘅甜味，入口即溶，充滿牛香味，但又唔會太肥膩，一塊接一塊真係停唔到口😍😍😍就係咁，我哋食左唔知幾多碟牛，加埋d蔬菜，隊埋個半塊公仔麵埋齋，壽喜燒湯底真係無得輸👍🏼最最後食埋個Häagen-Dazs雪糕，為呢一餐牛陣畫上完美句號❤️

行街行到九點幾極度肚餓今日決定來一個火鍋放題來得放題我就唔係要食飽係要食滯😏好彩九點幾唔需要等好多檯就可以入去入到去嘅時候我選取澳洲穀飼牛入去嘅時間見到佢門口度自動嘅切肉機感覺 好似即刻整畀你咁之後行出外面選取自己起碼嘅醬汁同埋攞菜自助櫃檯 好似仙境一樣不停噴出凍嘅煙霧打邊爐烚下烚下 冇乜特別好味同唔好味只係睇 材料新唔新鮮味道同埋新鮮程度就冇乜特別不過勝在就不停有嘢食食得飽又唔難食最後食埋雪糕就功德圓滿整體嚟計 鍾意食牛鍾意食肉嘅朋友可以食肉食飽嘅 地方

我同朋友睇完電影之後諗住打邊爐，見到牛陣無人排隊，於是就入去試吓啦我哋叫咗蕃茄湯底，味道偏酸，某程度上影響咗食物嘅味道新年套餐嘅牛肉喺嚟自澳洲，唔會太肥，容易入口，除咗豚肉同牛舌之外，仲有海鮮任叫。朋友認為牛舌口感幾好，不過我就唔敢試啦青口鮮甜多汁，size算大隻，而蟹柳同魷魚就正常發揮啦重頭戲就喺Haagen Dazs任食啦，有6種口味揀，特別推薦意大利芝士餅麻糬、士多啤梨同朱古力食完雪糕已經好飽，而90分鐘嘅用餐時間亦都啱啱好夠用，價錢方面可以接受，下次等普通日子再嚟試多一次

好多人排隊，等咗半個鐘先入到去。不過我呢啲不嬲都食唔多嘅人嚟講，嚟到呢啲自助餐地頭都係凳腳嘅啫。環境算企理，少少逼；因為嘢食地方有限，有時攞嘢食嗰陣撞正其他食客攞緊就要等等。大部分肉類就要靠餐廳職員幫手攞，不過都算快嘅。食材嚟計，我覺得幾新鮮，大部分蔬菜同輔食都應有盡有。湯底多選擇，梗有一款啱心水。甜品以haagen diaz雪糕為主，我去當晚有六款口味，當中以orange blossom最特別。我自己唔多嚟牛陣，感覺上好似點湯後第一輪牛肉同之後追加嗰啲有出入，色澤唔同，口感都唔一樣；又唔係唔好食嘅，唔知係咪關我哋點個餐事，係有啲奇怪啫。整體嚟講值得推薦。

黎牛陣食除左因為有Haagen-Dazs任食之外，重點係可以係食Haagen-Dazs之前，豪食一堆菜打打底先成蘿纖維係個肚度，再食雪糕就冇咁肥、罪惡感即刻少晒而家仲有紅豆麻糬同焦糖麻糬，特別推仲焦糖麻糬味，甜甜嘅雪糕偶爾又會食到帶點甘苦嘅焦糖，正不過呢間嘅Haagen-Dazs真係雪到超硬好難挖（應該係專登），要挖勁耐，所以淨係排雪糕都排10分鐘，而午市最多都係食90分鐘LOL P.S. 呢度竟然有SUPERFOOD羽衣甘藍，平時就咁買超貴，黎到呢度要食多D啊

。打邊爐Fans推介😆第一次冬蔭功湯打邊爐！🥘估唔到牛陣都有冬陰功湯底今次揀左澳洲上級榖飼牛🥩新鮮又好味！😍☀️夏天食冬蔭功酸酸甜甜好開胃，仲可以自己落手落腳DIY 湯底！好玩又好食仲可以飲埋泰式香茅茶添😋..牛肉好新鮮又可以狂叫好正仲有好多唔同嘅配料揀最特別係可以自己整湯底同埋冬陰功湯底原來配牛肉都幾夾牛陣新推出既夏の美鍋 冬蔭功鍋！推廣期間 ( 2019/07/29 – 2019/09/29) 凡惠顧主餐牌$219或以上之放題套餐，即可以享用架啦！💕仲可以參加埋泰Be Happy大抽獎，有機會贏取雙人來回曼谷商務艙機票連5星級酒店四日三夜！😍 真係好吸引啊😋同朋友兩個人一齊食食到好飽而且最後甜品仲有雪糕都唔錯嘅

牛肉是我至愛，任食更抵，每當放假有空就約三五知己任食火鍋自助餐，汽水飲料、新鮮蔬菜、丸類和飯、麵，一定滿足而歸食到飽飽。選冬陰功湯底微辣配牛肉不肥這價錢合理，肉質有肉味和牛香味，很好👍食。

較早前，同太太食完但馬屋，我地都意猶未盡，晚上經過荃灣荃新天地，發現應該係同一集既餐廳，叫牛陣，二話不說，就和太太入去開餐。以木為主要材料既裝修，顯得份外有日本風味，90分鐘任食，分別有4個不同既價錢，我地叫咗日本產黑毛和牛餐，冬陰公鍋，可以任飲啤酒、氣水等飲品同無限追加海鮮👍。任食火鍋有兩個自助吧，一邊有一般火鍋醬料、炸薯條、炸蝦片等等，還有泰式紅咖喱可配白飯或者健康紅米飯。另一邊就係大量唔同種類既火鍋蔬菜、各種丸類，一定有合適你既口味👍。與一般火鍋不同，侍應會先用原塊牛油搽晒整個鍋，增添風味，再炒香海鮮，最後落埋冬陰公湯就大功告成，待湯滾起就可以食啦😋。和牛切成薄薄一片，放落滾湯來回拖行數次已經食得，日本黑毛和牛名不虛傳，油脂在口中溶化，美味陣陣回甘，完全係好牛者既天堂。 海鮮料雖然選擇唔多，用料一點都唔馬虎，魷魚仔、海蝦鮮味唔腥，廣島蠔和帆立貝亦都美味。飽食火鍋後，還有4款美味既Haagen Dazs及乳酪雪糕。90分鐘進食時間感覺係少了一點，太多美食，太少時間，不得不提既係餐廳服務非常好，店員會主動問有什麼須要，還經常一起講「Be Happy」！ 令人感覺親切。

今晚放工即興約火鍋控朋友食飯，我地照舊選擇去牛陣。 鍾意佢任飲任食價錢又唔貴。六點九黎到，都有條小人龍。等左大約20分鐘左右，終於入座啦 🙆🏻‍♀️。餐廳環境很企理又一應俱全，眼見出面自助食物飲品，整整齊齊各式各樣分門別類。我地選擇左泰式惹味冬蔭功湯底。任添牛肉和豚肉，限時90分鐘。-🌟湯底先用和牛脂肪落鑊炒香蝦及魷魚，然後再注入冬蔭湯底。 湯底酸酸辣辣夠濃郁。還有用藤籃盛載著泰國蔬菜盤、泰式子彈椒、木瓜及青檸。-🌟套餐食物澳州穀飼牛肉、豚肉片片薄切色澤新鮮，而且油花分佈平均；牛舌相當煙韌富嚼勁，且牛味十分濃郁此外還有海鮮盤（生蠔、魷魚及帆立貝）最愛生蠔蠔味軟濃，滲著冬蔭功味很味美。-🌟任食自助火鍋配料火鍋配料約20多款，還有最愛的super food 羽衣甘藍。其營養價值極高，口感亦極清爽，拎左好幾round 😆 其他既蔬菜類都很新鮮，有生菜、娃娃菜、南瓜、金菇🍄、萵筍等等。其他配料也不錯，例如：貢丸、魚蛋十分彈牙！ 還有魚塊！白滑鮮嫩！-還有炸雞件及蝦片！！炸雞夠熱皮脆肉嫩，配上泰式辣醬，正！確實有驚喜。-🌟飲品有多款罐裝汽水果汁、象啤、泰式香茅茶-🌟甜品有最愛既Haagen-da

今日同朋友去行街， 行行下都肚餓， 都想打邊爐， 去到德福廣場見到有牛陣， 順便坐低兼醫肚。 我哋見到牛陣有期間限定推出嘅冬陰功湯底，當然要嗌啦。呢個湯底嘅材料都幾豐富，呢個泰式蔬菜拼盤入面有唔少嘅香草同蔬菜， 有通菜同埋青木瓜，仲可以按自己需要添加青檸同芫茜，調教酸度同埋香味。不過幾特別嘅係，平時一般都會先煮湯底，但係今次就要先煎和牛油脂，同埋大蝦，再加入湯底，令到成件事更加好味。至於呢個澳洲穀飼牛味道都唔錯，唔會太肥， 而且都幾嫩。豚肉結實有彈性又有肉味， 加埋冬陰功酸酸辣辣， 好味。除左有平時食牛陣都有嘅火鍋配料之外，仲可以喺自取區到拎咖哩牛肉，同泰國小食， 炸雞同埋蝦片都係必食。尤其係個炸雞，炸得好脆之餘，仲一啲都唔油 ，仲有淡淡嘅香茅味， 正呀。同埋仲有得任飲泰國嘅象啤， 淡淡嘅小麥香清新爽口，同呢個酸酸辣辣嘅泰式火鍋真係絕配。食到飽飽哋，仲可以食埋哈根大師嘅雪糕，滿足埋個甜品胃，今餐每人都係二百零蚊，但係就食得咁豐富，都真係幾開心。