牛雜佬 (已結業)

It seems that this joint no longer has a fixed stall so they have a temporary mobile one.Anyway, I am not really an offal fan but the smell was captivating so I went to have a look and saw some pomelo peel so I got that.I got a takeaway because it was difficult to stand there and eat as the place was too hot.Shockingly, the pomelo was put straight into the plastic bag which I hope is food grade because hot food shouldn’t be placed directly in contact with plastic bags but that is the mentality h

去開西灣河，周圍沒有可逛街的地方，於是走入太安樓看看，其中牛雜小食檔頗吸引，價錢亦唔貴，我跟住前面的食客，照樣買了一份$15牛雜，女檔主很友善，她問我要不要柚皮和牛脆骨，之前沒有吃過，當然也想試一試。$15一碟牛雜，份量是比想像中多，柚皮和牛脆骨各有兩塊，足夠試真味道，柚皮很鬆軟，亦入味，之前的預備功夫很多。白色的牛骨一點也不硬，很有脆。一碟牛雜有一半是牛肚，還有一些牛肺，白蘿蔔等，但是沒有牛腩。牛雜全都很入味，始終帶一絲絲肉類的腥味，所以吃牛雜總離不開那三種醬汁，我愛加芥醬和甜醬，別人還會加辣醬。原以為餐廳搜尋裡不會有這小檔，所以今次沒有拍照。寫此食評的同時，在網上搜尋有關牛雜的資訊，發現一篇爽報的報導，內容指出小檔儲存牛雜的地方衛生欠佳，真的很影響再去幫襯的念頭。不過報導是去年十一月發出，今天仍然有很多街坊捧場，等候時看見有人帶微波爐盒去買，牛雜之外，又要加豬皮，加蘿蔔，好似買返屋企做餸咁。

去完太安樓間泰軒,順便過嚟試下呢間OPENRICE話全港味道最好的牛雜去到唔係好肯定係牛雜佬,但行勻全場,只有呢間牛雜,而且見D碟同呢度D相一樣,所以相信應該就是牛雜佬了.間店上面招牌叫"小太陽".唔係果區的人要注意下了買左$20外賣,即時食返幾舊,果然唔錯,味道比第二名的油麻地廟街牛雜要清,同樣價錢下,份量亦稍多,果然不負香港第一的美譽

就像上篇食評所說，這店未結業啊。只是之前無端被擺上頭版後沒做生意一排，現在搬入了一點，但好味依舊。$20一碟甚麼都齊，最開心是吃到脆骨，黃昏後來總是賣光的。柚皮和各類牛雜都很入味，雖然我最愛的還是牛膀。滷汁很香，也不會吃得人很膩的感覺。太安樓那許多檔口食店，牛雜佬永遠是我的no.1，鴻記雞蛋仔也不敵他。一邊聽著老細「雜雜雜」的剪刀聲一邊吃這檔牛雜，總是很滿足的經驗。

呢間牛雜開左好多年雖然早排好似俾人投訴衛生欠佳不過食左咁多年都唔見有d咩事食咁多年都屹立不倒~應該差極都有個譜ge~仲有牛雜即叫即剪~超級快手~呢間牛雜的味道好好味~而且唔貴~~如果只買一串就$8~通常我會買一盒$20 再同2,3個frd share~咁樣好似多款d~~呢d牛雜, 牛味重、口感爽有時會有牛脆骨~~脆脆的~好過癮~記住試埋佢d蘿白同柚皮~炆得好入味ga!!

其實太安樓的食店真的好特別, 不需要什麼的宣傳技倆, 只要有特色不論是炒粉麵或是煎炸多寶甚至乎晚間才出動的沙嗲串燒都會客似雲來。這間水電舖旁的木頭車在此處賣牛雜好幾年了, 是我小食排行榜的首選。當同行都將物價通脹都反映在售價的同時, 這店的牛雜多年來維持不變而水準亦沒有下降, 仍然是五蚊串廿蚊盒豐儉由人, 心裡不得不佩服亦帶點震驚。這店最特別的是牛脆骨,亦是店主推介食品之一而且供應有限售完即止。牛脆骨據說是牛肩胛骨的脆骨口感爽脆,有別於一般啖啖都是肉的肥膩之感, 坊間出售此物的地方不多。這裡五蚊一串真的合乎經濟效益。相對牛脆骨這裡的柚皮相對不是什麼稀有之物, 但如加上香甜的牛雜肉汁真的是欲罷不能。建議大家不妨買一盒廿蚊牛雜指定要牛脆骨加柚板回家分享。當然這裡的衛生程度不及十三座牛雜般整潔, 但街頭小食都應該不太計較吧!

這晚專程和太座來掃街,下車後過對面便見到牛雜檔。習習習的鉄剪聲令我有無限回憶,彷彿回到十零歳。只要了一串雜及一串蘿蔔,因為要留肚吃其他野!牛雜炆得好腍,件肺和草肚都唔難咬,蘿蔔更加可以用竹籤切開,但反而欠了咬口。個汁可以濃d就更好嘞。

前排因為同事想食介紹過既雞蛋仔, 而去到太安樓, 食完雞蛋仔無咩特別, 反而見到有檔牛雜幾多人幫親, 所以就八掛行去試下.離遠就聽到牛雜佬既鐵剪聲, 就知有牛雜賣~除左牛雜, 仲會有羅白. 有仲有3種醬俾你自己揀~我就中意點甜醬.10$, 15$ 都有碟, 我就叫左碟10$既~羅白, 牛肚, 牛腸, .....咩都齊晒, D腸洗得幾乾淨, 冇咩膏, 牛肚亦都唔韌, 牛肺都好好食~羅白索晒D湯..正~下次黎開都要試過~

老字號... 幫襯左好多年, 都係咁好食, 有時仲有脆骨 兩公婆好好人.. 想要咩多 d 又得走咩又得.. 買多又得.. 買少又得...個人鍾意食脆骨, 牛肚多 d

另一篇食評講到，我地每人買１－２樣野去開ｐａｒｔｙ，我買左壽司外，仲買左太安樓牛雜佬的牛雜。牛雜佬兩公婆，十年如一日，記得差不多１０年前搬到筲箕灣時，已經係夫剪婆收錢，味道真係十年不變！車仔麵都入左舖，牛雜佬仍然堅守水電舖前，除左牛雜同蘿蔔之外，依家仲加入豬皮同柚皮，兩者都入味非常，都係１０蚊２０蚊咁賣。去到將軍澳，除左臭豆腐較為搶鏡，牛雜都算最受歡迎啦，最早清盒，無他，友人當中不少在西灣河長大，食左幾十年牛雜了。

常說太安樓是香港地道小吃集中之地。小弟身為一個饞嘴者，今次竟然是初次登門造訪，實是汗顏不已....在地下各款各類的熟食檔不斷地遊走，光是站在一旁看看小販們的叫賣，已是一樁樂事....一場來到，當然要挑選一兩檔心儀的，吃它一兩串東西才是正道。這裡的雞蛋仔及車仔麵相信亦不用多介紹了，不過自從吃到牛下及大坑的炭爐出品後，其他用電爐製的總是不太對口味的；本欲試一下門外有條小人龍的車仔麵，但顧慮到之後與太太的飯局，所以還是留待下次有機會再嘗吧....在小巷不斷轉啊轉，在近門口附近看見一個賣牛什的車仔外也有不少人聚集。心想已久有一陣子沒吃過推車仔牛什(北角十三座的固然不算數)，故也來湊湊熱鬧，跟着大隊排一排...五大洋一串如此價錢相亷的牛什，印象好像已很久沒有遇過了。看上去色水頗淡，應是屬於像白鹵水的一派。牛肺、牛肚及牛腸甚至連帶爽脆的沙瓜皆齊全，但卻沒有了小弟最愛的牛膀，大失望。吃落各樣配料不覺有甚麼異味，入口亦也很腍身，但就覺偏淡味了點，要猛加多點甜醬才見心息。就個人口味而言，自己還是偏好如十三座般的色深味濃的鹵水.....邊吃牛什邊看着旁邊小檔賣的炒粉麵，又猛吞口水再站多一會就真的忍不住了還

記得以前在西灣河呢間流動鋪不是成日開"檔"的要吃次次都是有緣的情況下先可以品嘗到現在不同了~~~~應該是11點AM 打後就有啦~~~而今天因為想買比老公仔吃有個驚喜而且又可以原汁原味又可以保持溫度我自己帶了個400ml 的膠盒去購買ok喎~~~~我買了$10蚊 (走腸)什麼基本都有而且仲有柚子皮 + 豬皮 + 蘿蔔再+上3色醬~~~~想起都想再吃~~~~老闆仲比多d汁我 + (醬~~~唔夠可以再自己+)good idea下次再去買我都會咁做(p.s. 因為3張都差不多不知放邊張好~~~最後只好3張都post 上來=^.^=)

今次要了$20, 都係同好朋友share專登叫佢俾柚皮, 但份量似係同10蚊差唔多..可能叫10蚊抵d終於試下柚皮, 淋淋地入曬味, 口感同牛肚差唔多其他如牛腸(今次都係揀無咩脂肪俾我地)、牛肺、蘿蔔都一貫水準加埋芥辣既攻鼻真係過隱

開完openrice做完功課之後, 今日決定同仔仔去西灣河食野, 目的地係太安樓, 目標係雞蛋仔, 車仔麵同牛雜 終於搵到喇, 十蚊指定要蘿白, 牛肚同牛肺, 每樣都俾到七至八舊我, 都幾大兜, 第一時間梗係揤芥辣同甜醬食啦 仔仔好鍾意食牛肺, 佢唔食得辣, 但係芥辣都唔算好辣, 仔仔都仲接受到 我覺得蘿白好入味, 好甜同埋唔多渣, 而牛肚都煲到軟哂, 好易趙了! 我覺得十蚊一兜感覺上會抵過用牙簽拮! 食完又要到下一站喇

食完嗱喳麵，即使肚仔滿滿，仍然心急尋找「習習」聲。走了大半個太安樓，遙遠見到有兩個車仔檔排左幾個人，邊行邊聽哪個車仔發生「習習」聲。點知差唔多行到都聽唔到 可能車仔檔唔係牛雜佬揸fit，換左女人，較為生手掛……要了$10 share只俾蘿蔔豬皮牛肚牛肺牛腸牛爽喉，人地想試柚皮呀 ><淡淡鹵水香之中，蘿蔔放入口中只用舌尖頂幾頂就開始融去；豬皮牛肚牛肺牛爽喉爽口；唔知女人係咪見我女仔就專俾腸壁薄薄既牛腸，本想叫佢肥D都無所謂既時候，原來根本丁點肥膏都無，可惜……再蘸上三色醬，很快就清光。吃完仲想叫多碟，不過朋友仔飽到上心口，唯有等下次…難得仲有牛什車仔檔，大家真係要好好珍惜。