牧羊少年咖啡館 (白楊街)

营业中

休息中

一向堂食我們的首選都是牧羊少年，所以現在外賣，我們都常常幫襯。雖然牧羊少年不是在我家附近，但是我們揸車過去都是15至20分鐘，所以我通常會先在OpenRice個app訂咗先，然之後先去攞。OpenRice個app入面有得選擇特飲，也不用加錢。好像這兩杯，一杯是抹茶鮮奶咖啡，另一杯是紅菜頭藍莓香蕉果汁，都是跟餐不用加錢的。就算星期一想食素，牧羊少年都可以有素薄餅和素意粉。最喜歡它有干蕃茄這種配搭，比新鮮蕃茄更加濃味和有口感。

意粉好食，但得兩粒帆立貝唔夠喉。但68有飲有食又嬲佢唔落。蕃薯條較幼身，都係配茄汁好食啲（酸忌廉冇味，起唔到化學作用）水果茶不過不失。用紙載食物，感覺環保啲。加油！

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5很多年前曾光顧牧羊少年，那時候就因為喜歡她的「旅遊gimmick」，無論裝潢、牆上裝飾、擺設、書架等，全部都與旅遊有關的，閑來一下，感覺愜意 🥰想不到多年後來到屹立不倒的牧羊少年，裝潢有點不同了，但整體感覺更舒適，空間感更大。而最愛的「漂書 (Book Crossing)」書架仍健在 😅 加上保持水準的食物，年青有活力的員工和不錯的服務態度，真心不錯👍🏻💋 草莓窩夫配雲呢拿雪糕 ($98)窩夫蛋味香濃，烘得外脆內軟，口感有彈性，配上她的all time好朋友士多啤梨🍓和雲呢拿雪糕🍦，還有等制士多啤梨果醬，味道豐富，幸福感滿滿 🥰💋 美式咖啡唧上滿滿忌廉和朱古力醬的凍美式咖啡，添了一陣香甜和牛奶味，滿分💯✨ 整體：水準依舊的退旅遊主題小店 ✨✅ 環境寫意，位置方便，食品有水準✅ 員工服務態度不錯❎ 餐廳頗受歡迎，有機會要輪候入座

牧者勤羊兒安心走少壯勤年邁樂悠行《 牧羊少年 》在太子區的分店可稱原祖，它在旺區的邊陲位置，造成了清閑寧靜感，文化青年的駐足地，但現在装修佈局有點狹窄。卡魯哇咖啡酒提拉米蘇(非傳統意式提拉米蘇) : terimisu的中文譯名有點不習慣呢卡魯哇咖啡酒，是墨西哥出產的以蘭姆酒，西班牙語名稱係Kahlúa，具有獨特的咖啡味道。酒精度通常為20%，顏色為深棕色。對酒類有要求的人就要試試吧 !芝麻開門 (凍) : 似芝麻奶凍飲，我就飲唔到咖啡味。甜度不高，女仕們可以一試。溫馨提示 : 地方狹窄，講嘢都要細聲啲 餐牌上的美食，下次再試吧 !

抗疫在家幫襯多啲外賣撐下唔同食店，今次㨂左牧羊少年咖啡館，呢間咖啡館以旅遊分享作賣點，由一間小店擴展到而家有好多間。疫情前太受歡迎，人流太多近年已少左幫襯，不過而家有唔同平台可以外賣送到，疫情下開店維持服務其實可能比休業會蝕更多錢，所以就支持一下啦。講番野食、試咗佢個蘋果蓉豬鞍，算煎得唔錯不過肉質一般；香草青醬蘆薈意大利粉，呢個好味個汁同意大利粉好夾；蒜蓉牛油鬼佬炒雜菜，可能外賣焗得太耐，太過稔少少唔新鮮嘅感覺；另外加多件朱古力蛋糕同橙汁，全部夾埋都係三百拎蚊真係好抵，疫市下居家都盡量支持下唔同食店，希望大家頂住唔好結業。

我係牧羊少年餐廳嘅粉絲，成為佢嘅粉絲係因為實在每一間我食親都會食沙律，而每一次都會食同一份沙律，食咗好多次水準都係保持高質量。另外今次同我個仔一齊食咁就叫咗少少甜品啦叫咗杯特飲啦！都係好開心嘅最重要係啲嘢新鮮，款式多好多，而且見到好多年青人好努力工作，值得嘉許！同大家推介是拉差雞翼！黃金蝦球！都係超好食㗎 ！唔怪得知有陣時真係排隊排到咩咁大家最緊要book位啊！同埋多多支持有心嘅食店啦！仲有每一次食唔晒我拎走攞返屋企，第二日都仲係好好食！呢啲真係真材實料呀嘛！係咪先？ ！

Lunch setSoup - 甘筍湯Main - 伊雲士雞藜麥香米飯配炒鬼佬雜菜 / 82雞肉嫩滑得嚟非常入味伊雲士忌廉汁滑以不膩 調味適中餸飯一流仲要係藜麥飯 感覺好健康炒雜菜煮得軟硬適中 唔鍾意食甘筍嘅小編我都覺得幾好食Lunch set有埋湯同飲品 性價比幾高——————————————————推介度: 8/10——————————————————深水埗白楊街 27-29 號嘉安大廈地下1號舖——————————————————

牧羊少年咖啡館 (白楊街) (太子)💛💛💛有多間分店尖沙咀、銅鑼灣、太子、將軍澳、屯門、沙田同旺角。午市套餐會抵食啲，價錢平啲仲包飲品，晚市並冇dinner set 。用餐時間係105分鐘入座起計。7:30左右接近滿座。。🌟冬蔭公海鮮長通粉🍢🍝 $98我食既話都幾辣，長通粉可以淋多少少，不過味道唔錯。.🌟千島香芒牛油果雞肉pizza🥭🥑🐔🍕 $110材料配搭都幾新鮮，芒果好甜，醬汁同雞肉就咸既。 偏向厚批，食落批邊唔脆，都幾好食。.🌟慢煮BBQ醬美國豬仔骨配酸忌廉蕃薯條🐷🍠🍟 $142個蕃薯條好香脆，帶甜味仲可以點酸忌廉。豬仔骨唔會好鞋，個醬汁好重黑椒味，少少辣。不過份量唔多.🌟抺茶可可朱古力🍫🍵 $50有少少太甜，朱古力味都幾濃.📍太子白楊街27-29號嘉安大廈地下1號舖

🏡屋企附近有牧羊少年🐑☺️每個月總會食一兩次🍽佢既薄餅🍕同沙律🥗幾好食😋今次嗌左晚市二人套餐（外賣自取8折$294），拎返屋企慢慢食🐷🐽千島香芒牛油果雞肉pizza🍕好fresh，牛油果同芒果好正，餅底厚度岩岩好，唔會太厚但又唔係餅乾果種，唔會好油膩，兩個人都食得曬成個pizza🙈🐽俄式牛仔柳意大利粉🍝個名係俄式，但食落好中式既意粉😆意粉屬乾身，呢款意粉味道偏淡既。🐽飲品方面，藍莓奶酪清清地，感覺無落太多糖🫐玫瑰可可朱古力既玫瑰味🌹好出，都幾特別😌🐽是日蛋糕係朱古力底既海棉蛋糕，食埋甜品🍰好滿足❤️

食過2次牧羊cafe既我 對哩間餐廳滿意程度都幾好( ˶˙ᵕ˙˶ ) 遲啲會出番一個post講佢地既野食😗今日就講下佢地個蘋果批! 首先黎到我已經哇一聲🤤焗得好靚啊! 面層鋪滿蘋果片 佢地既蘋果片都幾薄 我自己都幾鐘意 係另一種口感🤤個餅底脆脆的 熱辣辣既蘋果批加埋凍冰冰既雪糕一齊食 好滿足啊✨

同朋友約咗喺葵芳行街就喺附近劇院嘅牧羊少年Cafe食個午餐先餐廳外邊有戶外座位但係由於天氣太熱我哋都係等一等入面嘅座位今日係星期六都唔算等咗好耐 大概15分鐘到入邊都比想像中多位但係由於佢地後門開左門 有對流嘅影響我哋坐嗰個位就比較大風好彩應該係經理嘅男士就幫我哋換咗個近門口嘅位咁樣就可以坐得舒服啲我哋叫咗一個紅酒燴牛肋條藜麥飯同埋一個三文魚蘑菇忌廉長通粉紅酒燴牛肋條藜麥飯：賣相幾好，有唔少雜菜都有三四舊牛肋條同少少紅蘿蔔🥕個蕃茄紅酒燉汁都幾開胃藜麥飯就其實得幾粒藜麥😂真心少三文魚蘑菇忌廉長通粉睇落去好似好少汁但係其實食落去係好足夠嘅忌廉味～掛晒喺個通粉到 通粉都煮得好好，比較有咬口係我鍾意食嘅口感配料蘑菇同埋三文魚就正正常常啦整體黎講食物OK嘢飲OK都坐得幾舒服埋單嘅時候仲有超級大驚喜我哋兩個人只不過係食咗兩個午餐大概二百零蚊找錢嘅時候竟然送咗兩個月餅俾我哋仲要係望月招牌月餅 一個抹茶一個奶黃究竟佢會唔會蝕錢😂唯有下次再嚟幫襯過啦Happy Mid Autumn Festival 🥰

平時仔仔返學放學都搭校車 難得中秋節夜晚要去親戚屋企食飯 所以自己去接佢放學 順便係學校附近食個tea 知道牧羊少年咖啡館係有好多分店 但我未食過 我地叫左個三文魚凱撒沙律(Lunch set有湯同飲品)同Tiramisu(Tea set有飲品) 再另加左個薯角 個沙律同湯就無乜特別 都係正常既味道而個薯角好有驚喜 佢係咬落去好脆 佢個脆係有幾個層次 好好味Tiramisu呢 我就覺得層蛋糕可以再濕小小 但都幾好味

雖然身處不顯眼的舊區窄巷，但是餐廳的環境符合舒適嘆下午茶的資格，但不要與海邊餐廳或高級酒店餐廳相比。下午餐套餐點了提拉米蘇，算中上級數，在我的提拉米蘇排行榜中排名中游。送一杯餐飲，點了橙汁，普通正常操作。另外，點了Brunch餐牌的煙三文魚沙律，味道不錯，有小弟最愛吃的煙肉粒。本想加番薯條，缺貨原因換成薯角，炸薯角十分出色，外脆內軟。餐飲點了茶包沖的茶，沒有特別，不推介。味道：環境：服務：特色：泊車：（睇你好彩唔好彩，錶位响隔離街，巷仔違泊就幾方便，停門口👌🏼）評語：經常在附近遊走的我會再次光顧

久聞牧羊少年的始祖店在太子，只去過沙田而無幫襯過。今日剛好在太子，特意來試吓。如果識路，從花墟嚟其實好方便。因門口搭了棚架，要小心看才見到招牌。店舖裝修有特色，悠和燈光，很有情調。所用的餐具精緻，餐牌設計有特色。以前在文化博物館沒有套餐，這裡有很多選擇，由漢堡包到意大利飯或麵都有，而且價錢合理。今日餐湯是磨菇湯，上枱見佢賣相靚，面上加了少少忌廉。湯的濃稠度啱啱好，飲落滑溜兼好香菇味。👍🏻👍🏻👍🏻厚切芝士豬扒蕃茄沙律菜漢堡包（$88）上枱同樣吸引，大大個，芝士及豬扒在旁邊爆出，它伴有脆薯角及酸忌廉。先試薯角，新鮮炸起，熱辣辣兼脆卜卜，又香又惹味，點埋酸忌廉就更好味，食到唔停得口。😋😋😋厚切豬扒漢堡包完全真材實料，豬扒又厚又多肉汁，咬落肉質鬆軟，好有豬味。加埋芝士，變得更香，而沙律菜及蕃茄則平衡其油膩感，配搭完美。👍🏻👍🏻👍🏻黃金蕎麥茶清清地，帶有蕎麥香，亦唔錯。相比以前在沙田文化博物館內的分店，這間太子始祖店更好味同超值，值得繼續幫襯。

𝚃𝚑𝚎 𝙰𝚕𝚌𝚑𝚎𝚖𝚒𝚜𝚝 𝙲𝚊𝚏𝚎 🍕好多朋友都推介牧羊少年咖啡館，我之前都去過K11嗰間，不過座位比較少啲，所以要排隊。今次決定試吓佢哋間老店喺太子嗰度，座位都好多同埋坐得比較舒服啲👍👍 以大家上網book位，佢哋book位佔20%日式大阪燒風味煙三文魚薄餅 ($138)佢哋啲薄餅全部都係薄批🍕，可以分6塊。如果鍾意日本風味嘅一定要揀呢個薄餅，因為上邊係有啲Wasabi醬汁，再加上煙三文魚，配搭唔錯 🍣三文魚籽和風蜆肉意大利粉 ($108)佢哋個Pasta Menu有六款，呢個就比較creamy啲，都有好多蜆肉同埋蘑菇🍝金沙鹹蛋黃鳳尾蝦 ($98)因為比較肚餓所以決定揀一個小食，呢個超級推介，啲蝦係比鹹蛋黃包住，好好食🍤芝麻開門 ($68)飲品方面我就揀咗呢個特別啲嘅飲品，佢個名超特別叫做「芝麻開門」，其實就係芝麻同咖啡一齊，賣相好特別🧉自家調製鳳梨Lemonade ($48)Lemonade平時就係檸檬嘅飲品，但係唔知你有冇試過鳳梨加檸檬一齊呢？飲落好refreshing，啱晒而家天氣咁熱飲🍹呢間Cafe啲食物份量超大，開頭諗住叫個甜品，不過食完已經超飽😂😂😂 食唔落甜品😆 留返