牧羊少年咖啡館 (香港單車館) (已結業)

今日好開心香港拎到單車賽銅牌， 咁高興既日子就一於去位於將軍澳既單車館沾下光啦！ 單車館有間社企餐廳，就係牧羊少年咖啡館！😋紅酒燴牛肋條黎麥香米飯 $108呢個牛肋條好正！😚煮到好軟好林！加埋好香既紅酒汁，超夾！上面白色既係芝士，mix埋一齊食更加香！牛肋條既份量好多，起碼有4-5大條😍食落都幾飽嫁！黎麥飯既另上既，中意撈幾多汁一齊食都得，健康得黎又好味😆😋白酒香蒜蜆肉意大利粉 $108呢個係色香味俱全！😌唔止有白酒白，加埋辣椒既味，好惹味喎！蜆就唔算好大粒，但勝在粒粒都好飽滿！😄食落一啲都唔腥，仲有鮮甜味添！ 意粉就不過不失，呢個價錢都食得過呀！😙😋冰果茶呢個係跟餐唔洗加錢既，唔會太甜，又香果味！入面除左橙，仲有西柚，同埋有果肉！正嫁！🙂

住係將軍澳既街坊，對呢間咖啡館一定唔會陌生。幫襯左好多次，今次都係第一次去做返個小紀錄。食物質素同份量相較澳南一堆打卡餐廳好得多。唔講咁多，先等圖片自己講。英式早餐。麵包好特別，有果仁碎、杏脯乾，即時加分！為原本以為平平無奇既麵包增添幾分口感，同時亦為味蕾帶來驚喜。。煙三文魚，唔好以為得兩朵花好少咁，但其實有成四塊架！咸味適中，帶出三文魚既香同美味之處。。炒蛋配上我喜歡既黑松露，搭配非常好，如果再多d黑松露就更好。雜菇配上法邊豆，雜菇有誠意，有三款菇係當中。份量十足，食完成份其實都幾飽⋯是日搭配既餐湯應該係紫薯磨成蓉既忌廉湯？如果喜歡紫薯既朋友應該會好喜歡。但個人口味問題，我自己就覺得無乜特別。換個角度去諗，其實跟餐送既西湯，算係咁啦。友人叫既雞扒漢堡，如果成份餐可以再熱啲就好。味道係ok既。是日精神不足，飲齋啡提神🤣🤣🤣齋啡跟餐唔洗另外加錢👍🏻跟餐再另加$48既雞翼以為自己唔夠飽，點餐果時叫埋，結果飽到飯後要散步一個鐘LOL講返啲雞翼先，大大隻，炸得香脆可口，配搭個醬汁有小小微辣，唔錯！對得住個價錢👍🏻———————————最後講下環境，網上大把圖片，其實同真實都差唔多所以唔特別影低

上次同朋友喺呢度食過午餐，都覺得呢呢間餐廳既環境同食物都不錯！咁啱有朋友生日，就諗住今晚去試吓係呢間餐廳度食晚餐！我哋一早已經打電話嚟book咗位，所以一去到唔使等後就可以入餐廳坐低！原來夜晚同日頭嘅感覺又好唔同啦，可能日頭注重嘅就係欣賞出邊湖邊嘅景色，夜晚反而突顯出餐廳嘅優雅氣氛！跟住我哋就嗌嘢食啦，我哋嗌左日式大阪燒風味煙三文魚薄餅、美式窩夫配雪糕、明太子鮮蝦意大利粉、炸雞翼、牛柳粒、酸忌廉薯條，除咗酸忌廉薯條嘅忌廉醬有點淡，其他嘢食都好味，不得不推薦嘅就係日式大阪燒風味煙三文魚薄餅，真係覺得好好味，佢好似平時我哋食章魚小丸子嘅味道，但原來變成Pizza都係另一種好食既口味質感，食完一件，忍唔住都會再食多一件！

🌟千島海鮮薄餅 HKD 138一入到去咖啡館,已經聞到好香既Pizza味。呢款Pizza係薄底, 批邊似蘇打餅,非常脆口Pizza有3種配料: 鮮蝦,章魚仔,蟹柳。千島醬酸酸甜甜再加上鹹香既芝士,唔會好膩,值得一試！🌟鮮忌廉野菌帆立貝意粉 HKD 108好creamy, 野菌份量都幾多, 有3塊大塊帆立貝, 意粉軟硬度岩岩好, 口味偏淡。可能小編係鐘意食重口味既野,所以覺得呢款意粉麻麻,不過鐘意食清淡D既,呢款意粉就岩晒你啦！

今日同一班朋友去將軍澳行街，行行吓覺得好肚餓，就行到單車館附近搵餐廳食飯，跟住發現咗一間好似好休閒既cafe，但我哋行到餐廳門口嘅時候，發現有條好長嘅人龍，但真係好想去試吓呢間餐廳，於是我哋排左差唔多九個字先入到餐廳坐低，咁啱我哋坐近玻璃牆，望出去有個好大嘅湖，景色非常優美！當日仲見到有人喺度影婚紗相，成為一個影婚紗相嘅景點，景色實非一般😌我哋需要買咗嘢食先至可以坐低食啦，因為等咗九個字，我哋都已經好肚餓，所以我哋都快快脆買咗啲嘢食，食物不過不失，坐係咁休閑嘅地方食嘢，連心情都覺得好休閒！食物嘅份量都好大！都好啱一班人去聚餐！

今天晚上早了下班，和朋友一直在思考在哪裏吃晚飯。突然想起，位於單車館附近的牧羊少年餐廳平日晚上都很多人，難得今天早收工，決定去碰碰運氣，看看是否能不用等候就入座，果然，店員很快就能為我們安排一個舒適的卡位。未知是否是疫情的關係，餐廳的座位夾得很開，即使和朋友聊天，都感覺很有私人空間。我和朋友分別點了一個意粉，以及一隻燒春雞當晚餐，並加上小食八爪魚丸，所有美食到騰騰地送上，完全是新鮮即製的，誠意十足。不得不提這一隻燒春雞，味道非常足夠之餘，亦有很多蔬菜在旁邊，令人感覺不會太油膩。牧羊少年最出名的就是他的咖啡，於是點了一杯抹茶牛奶咖啡，除了抹茶味十足，即使加上忌廉也不會覺得很肥，因為忌廉沒有非常濃的甜味，非常適合伴餐飲用和朋友聊天聊得很盡興，大概last order的時候，再點了一份心太軟甜品，想不到甜品也非常有水準，朱古力味濃郁之處，裏面的巧克力也非常流心，伴隨朱古力雪糕，為完美的晚餐畫上句號

牧羊少年一直都係我喜愛嘅咖啡店但係就未嚟過單車館入面嘅呢一間今日嚟完之後呢間一定係我最愛因為呢度充斥一片綠油油，書卷味同咖啡香我諗我應該可以起呢度坐一個下午呢一間分店係喺坑口單車館入面其實都少少難搵但入到黎真係不得了！！採光好好木色嘅裝修極舒適而且座位好寬敞！真係好好坐，好適合傾偈聚會我諗甚至乎一個人嚟都會覺得時間好似過得慢咗咁真係好鍾意呢度嘅環境呢度仲有一排可以免費借閱嘅書籍📚入面咩種類都有仲會花地方擺書而唔係擺商品真係好難得欣賞食物選擇都好多啊！我哋都揀咗好耐Tea set 仲抵添先嚟既係餐湯南瓜湯🎃評分：8.5/10佢個南瓜湯好足料每一啖都食到南瓜蓉淡淡既南瓜味好正！我諗煮過南瓜嘅人都會知道南瓜到底係有幾難處理呢度嘅免費跟餐嘅南瓜湯好高質絕對唔會hea兩杯餐飲我哋都係叫咗熱嘅Americano咖啡好香濃雖然同精品咖啡店冇得比不過佢絕對係唔係差嘅咖啡我叫咗拿破崙蕃茄鮮菌本菇長通粉（$62）評分：10/10係滿分啊💯！首先嘅係長通粉有咬口唔會過淋仲有佢好足料差唔多每一啖都會有菇或者係番茄仔最重要係個調味！！真係唔姑寒 好香好香每一條長通粉都會掛滿汁直至最後一啖！！嗰陣蕃茄味甜甜地真係

得假日先有既早餐，冇理由唔黎試~ 今日叫左個早餐set A，香蕉麥皮配炒滑蛋，火腿，牛角包($38)，餐飲叫左水果茶。正常既早餐份量，牛角包未算話好香脆，但都唔差。相比起茶記早餐，感覺上健康啲。仲有水果茶好好味，絕冇假甜，生果都好新鮮👍🏻

疫情後朋友都減少見面，今晚約咗一個認識多年，但一直都無約過飯既朋友見面，疫情後大家更珍惜見面既機會，我哋㨂咗牧羊少年咖啡館，朋友話呢度假期非常爆場，平日夜晚又有另一份優靜，好適合我哋坐低慢慢交流。地方寛濶，唔會有壓逼感。小食拼盤，上枱時我哋兩個都都嘩咁誇張，我心諗我哋兩個人食唔食得晒呀！不過味道真係唔錯架！呢個分量最好4個人一齊share，幸好朋友既食量都令我刮目相看，一邊傾佢一邊慢慢地食，最後除咗薯角外全部掃清😄牛油果香芒雞肉沙律，份量一樣嘩嘩聲，配埋芝麻醬剛剛好，水果新鮮，芒果出奇甜，再加煎雞扒，配合的非常完美。朋友呢杯應該係牛奶咖啡，遇到我哋夜麻麻都想飲咖啡既人，一定會問咁你今晚唔使瞓啦！我就㨂黑糖牛奶咖啡，黑糖又是另一番風味，推介畀愛甜食既人。個人覺得呢度好適合二人世界，談下心。

💛𝙏𝙨𝙚𝙪𝙣𝙜 𝙆𝙬𝙖𝙣 𝙊 / 𝙏𝙝𝙚 𝘼𝙡𝙘𝙝𝙚𝙢𝙞𝙨𝙩 𝘾𝙖𝙛𝙚牧羊少年咖啡館係間文青風x單車主題嘅Cafe🍴全部甜品賣相都好靚 好Instagramable📸 有啲仲即叫即整😍好似心太軟咁 就要等約15分鐘 而蘋果撻就30分鐘⏱.$68 心太軟配朱古力雪糕 🍫熱辣辣嘅心太軟好香 好重朱古力味😍 加埋凍冰冰 甜度啱啱好嘅朱古力雪糕 好match好出色😌小編一家都好鍾意😚.$78 法式蘋果撻配雲呢拿雪糕 🥧蘋果撻皮好脆 味道酸酸甜甜 幾清新🍎 同樣地 配埋雪糕 冰火交融咁🤤 但可能小編食完心太軟 所以覺得Apple Tart偏甜🤪 另外睇相好似份量好大咁 但其實佢係mini版 大約男士手掌咁大😂.(小編提提你: Cafe喺openrice嘅訂座服務暫停咗 所以想去食嘅朋友要去官網訂座喔)

有work from home開始就經常嚟到將軍澳單車公園呢一間牧羊少年咖啡館🤪主要原因係佢真係好寬敞坐得好舒服 人同人有返啲距離🤣另外就係佢啲嘢食都幾抵食😋😆先介紹前菜我每次去都一定嗌！1. 煙三文魚凱撒沙律 $88主要原因係佢真係好大份好抵食🤣🤣而家已經冇乜餐廳或者Cafe可以食菜食到飽🥲而依家牧羊人就做到啦！！感動🥲2. 甜品必選！真心真心大推介因為真係好好食🤭夠蘋果撻唔會太甜 而且佢即刻焗所以個蘋果他仲係好熱辣辣😍而家雲呢拿雪糕就凍冰冰總之成個感覺就好正🥰如果大家想搵一間Cafe坐好耐舒舒服服又可以食下靚靚甜品就不妨考慮吓呢間啦🙂🥰

餐廳位於單車館，空間很充足。兩個人叫了個煎豬鞍配薯蓉、黃金蝦意粉，以及炸薯角。薯角首先送到，吃得出是新鮮即炸，外脆內嫩，不像是翻炸/急凍薯角硬邦邦的感覺。不論是配黑松露沙律醬或蛋黃醬都同樣好吃。主菜的賣相很吸引，味道方面，先說煎豬鞍，煎得有點過熟，肉汁已流失，咬起來有點「鞋」，較為失分。反而配菜的薯蓉又滑又有牛油香，較為好吃。黃金蝦意粉則充滿咸蛋香，加上新鮮爽口、煎香了的大蝦，整個意粉味道很好亦夠creamy。

ғᴏᴏᴅɪᴇ ᴛɪᴍᴇ 今次食咗牧羊少年咖啡館佢除咗主食仲有甜品架！不過今次就淨係試咗佢哋嘅主食！食咗明太子鳳卷鮮蝦意大利粉呢個意粉真係好正，佢明太子味好足🥳仲有五隻蝦，好多櫻花蝦同三文魚籽🍤忌廉汁都幾濃，份量都好夠😍食咗黃金鹹蛋苦瓜忌廉雞肉意大利粉呢個意粉既份少啲，但係就有好多苦瓜😆不過食落都唔太苦，仲有少少鹹蛋黃粉，都夠溝哂成個意粉🤪叫外賣嘅話都唔會好凍，幾好！不過講咗唔使餐具都照俾咗🥺諗住環保啲😣

位於單車館旁，環境像文青小店，店內環境很寬倘，也有幾部單車掛起位作裝飾，配合單車館的主題。外面是水池，景色不錯，在熱鬧城市中也找到郊外寧靜的片刻，舒適一樂也。▧ 厚切雞扒蕃茄沙律菜意大利包第一次嘗試意大利包，比起漢堡包煙韌，但唔乾，有點像台灣的刈包，口感非常不錯。要讚既係入面塊雞扒好JUICY ！▧ 香炒泰國蝦意大利粉甜甜酸酸，好開胃 。▧ 整體來說，環境舒適，但因為疫情關係，單車館跟餐廳分離了，要上廁所就要繞一大個圈，亦要登記個人資料。

因為以前屋企對面有間牧羊少年成日食，個餐牌又唔轉，所以都食到厭晒。今次去到將軍澳香港單車館呢間分店，有啲特別啲嘅菜式，食得幾開心，我今次叫咗素肉醬意粉，有毛豆、素豬肉，車厘茄，香草，整成嘅肉醬，都幾香，意粉好爽口，不過呢個都係牧羊少年唔同分店嘅優點，而且呢間牧羊少年嘅裝修都幾好幾舒服，仲有漂書角。下午茶入去食都食得幾舒服，而且我今日坐個位有落地玻璃望住出邊公園個景，都幾靚有一個好正嘅下晝。如果經過下次都會再試下