牧羊少年咖啡館 (香港單車館) (裝修中)

星期五下午到將軍澳租單車， 踩完之後已經十分疲倦不想走太遠 ，去了單車館的牧羊少年咖啡館喝下午茶， 不知是否附近只有一間咖啡店門外排隊人數眾多， 等了大概20分鐘才有位置。裝修有文青圖書館咖啡廳特色，因為人數太多，環境十分嘈雜， 一點休閒的感覺也沒有 可以欣賞窗外的人工湖，景觀不錯。英式窩夫拼 雲呢拿味雪糕（$68）賣相漂亮， 窩夫結實大件，唔太脆，雪糕好快溶。一口小食拼盤（$48）：辣肉腸/八爪魚丸/春卷/薯角拼盤應有盡有，適合選擇困難症的朋友。春卷咸，薯角更咸 ，其他口味重，全部都好咸。日式大阪燒煙三文魚薄餅（$48）賣相精緻， 煙三文魚大大塊，調味不錯。餅底脆，芝士香，紫菜令色香味更濃。下午茶均送餐飲。價錢配搭景觀合理， 可惜環境實在太嘈雜。

到將軍澳單車公園看樱花，想必挑選牧羊少年作停頓點。但是次需趕回家趕日程，不能堂食感受它一輕鬆親切的店舖氣氛誰說外賣水準有差別？一定不是此店！一人餐: 黃金鹹蛋忌廉鳳尾蝦意粉拼冷果茶忌廉细滑，濃厚度剛剛好，加上香草細碎，黃金鹹蛋，那有不好吃的理由？意粉彈牙，醬汁掛麵，非常好而冷果茶一風味，清新怡人，實屬咖啡以外之選

建議：飲前搞一搞先好飲，如果有粗飲管更好😂腦板萬歲，大家揀左牧羊💛既10人餐 特飲係 蘋果蜜桃鮮打紅茶🍎🍑本身以為只係普普通通既紅茶，一飲估唔到有勁多水果渣，好有咬口😌👍 雖然茶底唔係好濃，但係 好多 🍎🍑肉。飲到底都仲有，推薦用粗飲管🥤(睇下左邊個杯枝管，真係飲到差不多到底都仲有好多果肉🤩)

自從donki進駐將軍澳，區內人流越來越多，想靜靜地食個lunch? 單車館的牧羊少年咖啡館絕對係好選擇望住單車公園人工湖，享受一頓寧靜午餐😌 weekday lunch set性價比高，$6-70已經有餐湯、主菜和餐飲。今次叫了意粉、魚塊拚豬扒飯，一次滿足多個願望。餐廳用上珍珠米，粒粒分明而且份量十足，細食d都食唔曬

位於將軍澳單車公園嘅一間咖啡店，餐廳內已落地大玻璃嘅裝修可以望到單車公園嘅草地同埋噴水池，環境十分之適合打卡！👍🏻👍🏻其中lunch set有一個苦瓜鹹蛋黃意粉非常之好食，苦瓜同鹹蛋黃係非常之夾！一定要試下！🤤🤤🤤

牧羊少年咖啡館算係將軍澳區內元老cafe，當附近cafe漸漸林立，一個意粉動輒過百，呢間都算非常抵食，lunch set一客意粉最平只要$62，仲要有餐湯同13款野飲比你揀。🍴是日餐湯- 野菌湯正常發揮，將野菌blend爛型，無加太多cream 🍴鮮忌廉鮮菌煙三文魚意大利粉 $68煙三文魚份量多，由頭食到尾都夠，但略嫌咸咗啲同煮得太熟，質地較鞋；意粉口感好好，做到al dente；調味調中，食曬全碟都唔膩。份量有驚喜，個碟都頗深，呢個價錢好抵。🍴Ice latte +$12跟餐餐飲有13款選擇，而cappuccino/flat white/latte/blueberry yogurt要加$12。Ice latte以Cafe出品黎講普通，下次會飲返唔洗加錢嘅野飲。💭值得一讚店員態度好好，知道我需要插頭而幫手安排轉位。呢個價錢十分對得住佢啲野食同環境。推

星期日相約朋友黎呢度食早餐。一早0845 就到，到既時候都只有一兩枱客。地方好寬敞，我地坐卡位，卡位基本上坐四個人都唔會逼。枱同枱之間相隔甚遠。而且有書可以借閱，比大型連鎖咖啡店更舒服（除左無沙發之外）單車館無開，都有擔心過佢唔開。好彩行半個圈就揾到喇。好耐無食過公仔麵，又想食腸仔，所以就叫左呢個漢堡蛋腸仔火腿麵喇！全部都正常，唔會話爛爛的或者有怪味。野飲方面叫左蘋果玉桂茶。朋友叫左夾餅，香脆再上蜜糖，我後悔無叫到。我地傾下講下，不知不覺竟然坐左差唔多兩個鐘。其間並無趕客現像。唔知道午市係咪都係咁呢？

早於六七年前已經開始幫襯牧羊少年咖啡館，當時咖啡文化喺香港都未發展。雖然近年Cafe嘅選擇多咗，但間中都會去返呢間Cafe始早店。Lunch set：白咖喱豬扒飯配炒鬼佬雜菜🥕$88 有餐湯、加$12轉Flat White。👉豬扒沾上薄薄粉漿半煎炸，肉質鬆軟，保留肉汁。👉白咖喱汁無咖喱般辣，卻又不失咖喱香，帶點甜甜嘅椰奶香味，用來淘飯極之一流。可惜白飯唔夠熱，否則更錦上添花。👉蔬菜份量算多，瓜類為主。餐湯係南瓜湯，攪拌機打出嚟嘅湯，濃稠度適中，味道較淡，鍾意濃味嘅人就可以加胡椒粉。咖啡味道香醇平衡，佢嘅拉花每次都唔同款式，應該係咖啡師隨心而行。

去過好多次牧羊少年 不過咁多間分店 文化博物館呢間係最靚～ 樓底高 疫情之前仲有live brand!! 影相打卡真係一流！而且有時都會轉menu 就可以試吓唔同嘅嘢食黃金鹹蛋忌廉鳳尾蝦意大利粉 $98見到個名就想試下 不過可能有少少期望之下 反而有啲失望 煮到出來個意粉有啲乾身 偏硬 個鹹蛋黃味唔係好夠出 灸燒荷蘭汁豬肉排 $78熱辣辣出爐！ 豬肉排都煮到好淋！！ 荷蘭汁食落有啲似沙律醬味 上網搵下先知原來荷蘭汁係Egg Benedict嘅靈魂醬汁～卡魯哇咖啡酒提拉米蘇 $68普普通通 蛋糕咖啡味唔係好出～ 食落都唔係好幼滑

去咗單車館食午餐，因為係星期六日，下晝1:45去到，都要等到兩點幾先有得入去食，大排長龍。入到去有午餐Menu，我叫咗個香辣大蝦意大利粉，配個餐飲係薑片檸檬茶。上餐速度好快，個香辣大蝦意粉好好味，啲辣味係酸酸甜甜唔算好辣，個意粉煮得好入味，特別要大贊嘅係個大蝦，因為好大粒好新鮮，好少喺出邊食到咁有鮮味嘅蝦，仲要有成五隻，所以覺得都算抵食。但係杯嘢飲就令我好失望，我叫咗薑片檸檬茶，諗住會係好有薑味好暖粒粒，點知只係普通茶包，上枱嘅時候仲要係未夠濃，飲咗一啖同清水冇分別😔

朋友介紹呢間餐廳已有一段時間, 但係因為佢個位置距離公司有啲遠所以一直都冇機會去visit。去到呢間餐廳有種世外桃源嘅感覺, 亦都比我重新認識將軍澳呢個地方餐廳位置在將軍澳香港單車館入面所以對住公園食飯好有空間感。午餐點了黑椒香蒜煙鴨胸意粉, 分量係足夠一個人食, 意粉本身夠 al dente , 好味餐後配美式咖啡,就係我圓滿嘅午餐。餐廳裝修都好有文青feel, 見到好多人都會喺入面飲住咖啡溫習或者上網, 餐廳服務很好, 值得幫襯嘅文青cafe。

做完運動去咗附近依間餐廳食晚飯，佢有幾款set dinner，我點咗個個大蝦意粉，醬汁creamy好好食，飲品叫咗蘋果茶，小茶壼加杯子好別置，茶包仲可以加水沖多轉仲有味🙈

曾經好紅既一間食店，個陣專登去葵芳個間仲要排好耐隊🤣但始終都唔太近，就好耐無食過-同以前一樣好味😋而且佢每間店既裝修都各有特色呢間係係單車館入面，所以都配合番單車既主題lunch黎都會有lunchset簡，每個餐都包野飲但加$12就可以轉飲靚靚咖啡咖啡又係非常不錯  !-「厚切雞扒意大利包拼芝士薯角」$82其舊雞扒煎得好香口，好juicy又厚身Ciabatta 加熱左，軟軟地，成個包好好味薯條係粗身個款，好香脆！配咪佢個芝士醬jeng😻!-「三文魚子蘑菇意粉」$78好重既忌廉香味，見朋友超快速食哂而且話好好味我諗味道真係唔差haha-佢d甜品都好似好正，下次要夜晚再黎食埋佢d甜品先😋!

想靜靜地咁食個下午茶， 唯有遠離大商場，去到單車館隔離嘅牧羊少年咖啡館到食。今日係平日嘅下午，人不算多，不過靠窗邊的座位已經全部有人坐著， 所以我揀咗正中心嘅大長枱。兩個人最後叫咗一份雪糕窩夫餐同埋一個雞扒包餐。食物質素正正常常，沒有太出色但也不錯吃。反而杯咖啡則不錯， 香濃而不苦，有個小小的心形拉花。餐點份量適中， 不會太大造成浪費，也不會太少唔夠飽。不過一邊飲住咖啡一邊望住窗外大人們和小朋友在池邊玩耍， 輕輕鬆鬆過一個下午也不錯～

呢日夜晚要上親戚屋企開餐 , 親戚住坑口站附近 , 我之前幫襯過沙田既牧羊少年咖啡館 , 今次搵野食先知原來坑口站附近就有間喺單車館內既牧羊系列餐廳 , 所以同老公去食 , 之前諗住參觀博物館既同時順道食個餐 , 而家疫情下當然無得參觀啦 , 所以都係純粹食午餐 , 餐廳內面對面坐既window seat都坐滿晒 , 只得單向落地玻璃窗坐位 , 唯有坐其他走廊位既window seat啦 , 明太子鮮蝦.....蝦係夠鮮味 , 明太子都幾爆汁.....仲要加埋櫻花蝦添 ,  我要all day breakfast 薯角比較乾 , 間餐廳都好闊落 , 樓底高顯得開揚....加上落地大玻璃窗仲要前面有個湖 , 個景無得輸