牧羊少年咖啡館 (雅蘭中心)

营业中

休息中

牧羊少年真係出名咗好耐，但直到佢開咗9間分店我都未有機會試，咁啱呢日去開旺角又冇食早餐，就決定入去嘆個brunch😝作為正宗港女，緊係要叫返個all day breakfast，仲要有齊我鍾意嘅乳酪同煙三文魚，即刻加咗唔少分🙈以旺區cafe嚟講，$118都差唔多，基本嘅多士、炒蛋、炒菇、香腸都有齊，份量同食物種類合乎標準👍🏻不過多士偏薄又烘得唔夠，唔脆又唔軟熟🤔炒蛋幾綿滑，唔會覺得落咗好多cream，蔬菜部分可以落多少少調味，但好少餐廳會提供呢種西蘭花，所以都叫做有啲心思😆乳酪表面有好多燕麥同籽，不過真係太多，似食緊一堆nuts多過yoghurt bowl🤣我鍾意食好脆嘅香腸，所以呢兩條唔係太啱我口味😗本身冇諗住寫食評所以冇分別影餐湯，記得嗰日係薯仔忌廉湯，一入座職員都會講聲，口感味道都幾濃郁，不過未去到超creamy嗰種，個人覺得配brunch都唔錯👍🏻

呢間餐廳聽講都好多人去食今次去等咗兩張枱 算快仲安排咗個窗口位俾我哋睇佢個Menu原來先知係同之前去過尖沙咀文化中心嗰間lanma同一個集團叫咗杯玫瑰latte 手工啤酒香芒奶蓋厚切雞扒蕃茄沙律菜薯條漢堡包溫泉蛋卡邦尼長通粉照燒汁乾煎香蒜牛柳粒

☀️素食早午餐 $118法國核桃杏脯包 意大利黑松露醬炒滑蛋 Granola希臘乳酪 日本南瓜 澳洲西蘭花 雜菌 蕃茄 牛油果Mvp絕對係個炒蛋 滑捋捋有蛋香味 加上菇菌味香濃嘅黑松露醬可以話係經典完美配搭！麵包估計係sourdough 麵包皮烘到好脆 麵包體就微煙韌好有嚼勁加入核桃杏脯更加香甜而且口感更豐富日本南瓜同番茄都烤到軟綿香甜牛油果熟度啱啱好 質地細膩油滑唯獨係略顯配希臘乳酪嘅Granola太甜 就算撈埋都有啲甜膩。不過份量超足夠大胃王都嗌飽🤣而且平時嘅ADB好多時候都會偏油膩 呢度就更加少油同埋少罪惡感🍕日式大阪燒風味煙三文魚薄餅 $72見到呢款配搭幾創新就即刻嗌咗 果然好有驚喜～一上枱就聞到濃濃嘅木魚香餅底偏薄皮鬆脆可口得嚟帶啲煙韌大大片煙三文魚滲著煙燻味 配搭餅底嘅拉絲芝士同埋面頭滿滿嘅木魚碎同紫菜碎 味覺同視覺效果都拉滿😋尾尾會有芥末醬甜甜地微微刺鼻嘅味道跑出

餐廳一直都有不少的捧場客‼️❤️ 平時上班的用餐時間更會出現一條等候的人龍‼️🫣 使用THE GULU app預先線上取號，便可省下不少時間‼️🙌🏻▫️❥$𝟭𝟭𝟴 英式早午餐🍽️一整碟顏色配搭很吸睛，味道也很不錯‼️最喜歡加了堅果的Granola 希臘乳酪，酸酸地相當開胃‼️😗 豬肉腸皮脆肉汁飽滿，也很喜歡‼️👅👉🏻材料：意大利黑松露醬炒滑蛋、黑松露豬肉腸、挪威煙三文魚、法國核桃杏脯包、法邊豆、雜菌、番茄、希臘乳酪▫️❥$𝟭𝟬𝟴 厚切芝士豬扒番茄沙律菜漢堡包拼蜜糖芥末番薯條🍔朋友點的，厚厚的份量十足‼️朋友說每次來必點，可見其味道一定很不錯‼️❤️▫️午餐免費奉送餐湯及飲品(部份飲品需加$$升級喔)‼️☕️

餐廳環境舒服，員工有善，食物質素一流，特別推介抹茶沙冰，唔太喜歡抹茶嘅我，都覺得好飲👍，由於今次約會即興，餐廳都願意幫我向甜品寫字，值得稱讚👍👍👍但美足不足係用餐時間只有1小時45分鐘😅

朋友話午餐抵食👍我們早到、所以有窗口位坐！蘑菇濃湯：濃濃蘑菇香味、好好飲！紅菜頭香芒葡萄藜麥沙律：份量大大碟、非常之清新配搭👍素食朋友話好滿足！英式全日早餐：一般般！法式油鴨腿：個人覺得油鴨腿乾身咗、唔夠 juicy。

星期六下午約4:30到餐廳不用等位，還安排了窗口位，坐得好闊落，正。用餐時間為一小時45分鐘。因為未到晚餐時段，所以有些主菜未供應。QR code 落單。左:午夜(凍)$58可選甜度及冰量。紅菜頭、香蕉、藍苺蔬菜汁。朋友選了無冰、少甜。味道教得好好，即使無冰也不會好悶的味道。右:伯爵茶咖啡(凍)$68。因為這杯是由台灣第一屆咖啡大賽冠軍林東源先生創作，所以為尊重原創口味不能更改。這杯真的很贊，茶和咖啡味好配合，也不會甜。推介。推介。推介。2款早午餐都好豐富，食得好飽。英式早午餐$128意大利黑松露醬炒滑蛋、Granola希臘乳酪、法國核桃杏脯包、澳洲西蘭花、雜菌、蕃茄、挪威三文魚、德國香草腸(豬肉及牛肉)。黑松露醬炒滑蛋好滑，黑松露醬夠香。Granola希臘乳酪好足料，但我覺得乳酪上面略為多了nuts和提子乾。法國核桃杏脯包脆口。澳洲西蘭花麻麻地，唔脆，略硬。雜菌炒得不錯，小點油更好。蕃茄、挪威三文魚、德國香草腸都正常發揮。素食早午餐$128意大利黑松露醬炒滑蛋、Granola希臘乳酪、法國核桃杏脯包、日本南瓜、澳洲西蘭花、雜菌、蕃茄、牛油果。日本南瓜甜。牛油果軟滑。食物唔錯。店員有善

🍀🍀Green Day 🍀🍀今日Sunday Lunch 同老公出去食，牧羊少年咖啡館係其他分店食過幾次，旺角雅蘭中心呢間分店就第一次去。12:00 已經來到，唔洗點等可以直入，店員安排左個4 人梳化位比我地坐，所以坐得好舒服。今日weekend 冇set 得Holiday menu,飲品散叫，我哋叫左：🌱牛肝菌大啡菇黑松露醬薄餅🌱🌱忌廉黑松露醬雜菌長通粉🌱🌱燕麥奶拿鐵☕️🌱Pizza好香好好味，特別係個大啡菇，D菇味特濃，除咗大啡菇裏面仲有好多唔同種類嘅雜菌配合埋個芝士醬好好味😋pasta個汁有啲驚喜，原來落埋洋蔥小小蒜係會咁香👍🏻不過就略嫌份量少咗啲如果可以大份啲就好啦

【爆場咖啡店☕️ 40分鐘先上菜😮‍💨 賣相麻麻、勁趕客💨】推薦程度：●●◐○○抵食程度：●●●◐○———環境舒服，店員服務態度幾好，但burger嘅上菜速度真係好慢😮‍💨 等咗20分鐘催咗一次單：第1次店員話好快，第2次店員主動嚟跟進話2分鐘，第3次又話要等多5分鐘，結果再等多一陣先到🤏🏻 前後等咗40分鐘先上菜💥 雖然唔係趕時間，但坐喺到咁耐都有少少唔耐煩🥲 明顯太爆場，廚房做唔住，令體驗帶來不快，希望佢哋可以加配一下人手🥲 想食嘅話建議要預咗等40+分鐘🙌🏻🥗 牛油果香芒烤雞沙律 配日式胡麻醬｜$118沙律好快就嚟到，見到係有心思想擺盤，但下陷嘅牛油果真係好唔靚，烤雞亦打風咁亂，反映出廚房真係好忙好趕時間😂 雞肉唔乾唔鞋，稱唔上juicy但OK的👌🏻 香芒唔太甜，味道同口感都係僅僅熟🤏🏻 整體冇特別，個人認為上次介紹嗰間HOW良心咖啡店嘅雞沙律更出色更有誠意🥴🍔 澳洲100日榖飼牛肉漢堡包 拼海鹽薯條｜$128上得咗40分鐘嘅漢堡，一嚟到血染嘅薯條真係少少趕客😨 雖然向另一面諗，牛肉唔係well done咁應該唔會出事😂 但覺得賣相可以控制好少少🤏🏻 麵包外脆內軟夠soft，牛肉夠

黎到旺角想做下文青，打下卡，食個午飯坐下Cafe, 呢度係唔錯的選擇。可能正直假期好多人出外旅遊，人數唔算多，基本上好快已經有位。點左幾樣野食，味道都唔錯首先呢碟香菜青醬雞肉蘆筍意大利粉，午餐精選，唯二嘅意粉之一。味道清新，充滿田園風味，兩條蘆筍粗大爽口，鐘意清淡嘅好選擇。再黎呢碟日式大阪燒風味煙三文魚薄餅，好味，比某連鎖Pizza屋的Pizza更加鬆脆可口，大阪燒味道比某道堀嘅大阪燒更具風味。跟住就到我嘅至愛bbq醬手撕豬肉菠蘿漢堡包，呢個配搭確實係幾好味，加上新鮮熱辣，肉嫩皮脆，真係好鐘意。再附上飲品照，牧羊少年身為咖啡店，特色飲品唔少，可以去發掘下。食完覺得呢度值得本太子再去。

同朋友收工之後就約咗去旺角個頭行街，由於係雅蘭商場附近，就順便去咗牧羊少年咖啡館。當我踏入咖啡館時，就感覺到一種小清新嘅氛圍，係一個舒適嘅環境，令人感覺好放鬆。我就喜歡呢種風格嘅咖啡館，好啱啱啱嚟傾計、讀書或者打下機。而且，呢度嘅食物真係好好味。我試咗佢哋嘅卡邦尼，佢哋會撈埋啲蛋醬一齊，令到味道更加濃郁同埋creamy。我覺得呢個組合好啱口，又唔會太濃，食落去好掛汁。另外，佢哋嘅咖啡同埋蛋糕都好好味，係一個好適合喺下晝或者晚上去嘅咖啡館。除咗食物之外，呢度嘅裝修同埋設計都好有feel。佢哋嘅裝修風格偏向小清新，用咗淺色調同埋木質嘅家具，好啱啱啱嚟拍照同埋放鬆。而且，佢哋嘅服務都好好，員工好友善同埋有禮貌。

假日約左朋友一齊去驗眼，去之前同佢一齊去食一間餐廳叫牧羊少年叫左 🥑素食all day breakfast & 🐙蒜香墨魚汁小八爪魚三文魚子意粉📝 素食all day breakfast🥑入面有希臘乳酪、黑松露滑蛋、法邊豆、蕃薯條、雜菇及牛油果 希臘乳酪🧀️上加入咗燕麥片及少許焦糖增加了不少味道～較平時係超市買嘅更易入口又健康👍🏻牛油果🥑味道足夠唔膩口又軟滑😋蕃薯條🍟看似味道一流但其實味道唔重 應該以健康為考慮並無加入調味料📝 蒜香墨魚汁小八爪魚三文魚子意粉 小八爪魚爽口 隻數足夠 墨魚汁非常鮮美 為成個意粉增加不少分數 而意粉亦都爽口

同朋友收工約好黎旺角個頭行街，係雅蘭商場附近就上去順便睇埋啦，睇左好耐食咩，最後揀左呢間望落都幾有feel既cafe，價錢相對商場樓上樓下既所有餐廳都合理。我同朋友各人都點左一碟意粉，分別係香草青醬雞肉蘆筍意大利麵同黑椒香蒜煙鴨胸意大利麵，兩個意粉都落左好足既olive oil, 由其係黑椒煙鴨胸意粉廚師明顯先炒過後落olive oil，黑椒味亦相當出，唔食得辣既朋友要留意番，朋友仔食唔到辣都食到中途停左，淨係食香草青醬個款意粉。不過個人都對香草青醬情有獨鍾，所以對呢個青醬意粉都有番啲要求，呢間餐廳都煮得唔錯，食得出唔hea，每條意粉都沾到足夠既青醬同olive oil，仲有經炒過既松子配搭番，雞肉亦有預先炒香，肉質不鞋係旺角咁多打手cafe既地方黎講，佢2個意粉都分別係$108，味道同份量都對得住價錢，服務亦ok，侍應有主動加水同問我哋需唔需要收走啲碟，自己覺得都算不過不失啦，始終紅日都多客都有顧及客人留意番，餐廳另需加一服務費。

早幾個星期六要一早出旺角整啲野，整完經過呢間牧羊，難得唔洗等位就入去食個豐富的brunch啦~1️⃣ 🥗 英式早午餐 ($118)好耐無食all day breakfast，食brunch梗係要叫番個黎食下啦😍呢個早午餐都好豐富，有煙三文魚、炒菇菇、黑松露炒滑蛋、煎蕃茄、雞肉腸同杏脯包，仲有乳酪添!夠晒營養唔會太heavy~2️⃣ 🧇 京都春日($108)對上一次食牧羊既窩夫已經係好耐之前啦，今次再食發現水準仲keep到，值一讚👍🏻!窩夫夠蛋香味，唔會烤得太乾身，我地揀左朱古力雪糕，配埋新鮮士多啤梨🍓一齊食都好夾啊~3️⃣ 🍹 抹茶可可朱古力（$52）朱古力除左同士多啤梨夾之外，同朱古力都好夾呢~呢杯朱古力屬於比較濃郁既口感🥰唔會好稀好似水咁，抹茶同朱古力既比例都調得好好，推介!4️⃣ ☕ 玫瑰牛奶咖啡（$44）玫瑰牛奶咖啡味道香濃，我地揀左少甜都飲到好出既玫瑰味😋而且可以選擇加熱，適合鐘意飲熱辣辣飲品既朋友🤪

兩年幾無卑過負評，激到我晒啲咁嘅時間上來打。吃四次3次都要受氣，雅蘭呢間嘅侍應認真不得了🙂明明已經係掃code 落單，有幾何麻煩到人！？水我又無叫你卑杯，紙巾又無叫你卑多張🤷🏿‍♀️事緣咁嘅，叫咗個pizza 上到嚟又凍又硬。啲芝士都係凝固狀態！咬咗啖覺得唔係嘛，唔係外賣都要凍食呱，於是我就伸手嗌，唔該，可唔可以幫我加一加熱？！（我係絕對無話要整過/或者換）因為我自己都唔鍾意浪費嘢食！個女侍應就秒答我：我哋無咁嘅服務！如果枱枱都好似小姐你咁，我哋都幾難做（外加一個反上天花板嘅白眼）我當場，係唔識反應嘅😂，我點估到一間餐廳連加熱都算係難做？？？咁難做，我又點好意思為難人呢，結果咪埋單走人囉😅實屬無奈呢間耶，我但凡踏足多一次，都係我有病。