牧羊少年咖啡館 (香港文化博物館)

营业中

休息中

為左方便泊車，揀左文化博物館嘅牧羊少年，好正😍淨係個環境都贏咗，木系裝修好舒適，啲位置好闊落，又靜！啱晒傾吓計，慢慢食嘢！叫左個小食拼盤，咩都有，仲要每樣4舊，唔多又唔少🥰兩款腸，一款香草腸，一款辣味，辣味好好食🤤炸雞翼上到嚟都係熱辣辣😎炸雞好好食，佢嘅薯條超級邪惡，但係都好正😙仲有墨魚丸叫左個龍蝦汁大蝦意大利粉🦞🤩個汁好好食，唔係cream base 啱怕漏嘅我😝意粉冇over cook 😚爽口又掛到汁最後叫埋pizza , 好耐冇食過咁高質嘅pizza ，多料得黎又唔會厚皮同乾！個千島醬mix cheese 啱啱好🥰係超滿意嘅一餐！

第一次叫外賣，130元沙律，連一個紙盒都戴唔滿，極度失望。好似俾人食過咁。整個位人兄會唔會諗一諗，做好少少，真係影衰左間餐廳。奉勸各位不要叫外賣。真心感到失望。

踏正10點入場，男同事黑口黑面，好似唔想做。女同事態度更差，咖啡送來冇糖冇奶，問佢拎，都是黑口黑面。早餐時段來，都係得Lunch set, 裡面得1個all day breakfast, 其他都是意粉，飯，沙律，既然係咁，不如唔好做早餐時段。杯咖啡可以用難飲來形容，飲咗3啖，完全飲唔落，即沖咖啡好飲過佢。如果收費是$70-80per set, 以上種種可以接受，但如果$130一個早餐，呢啲服務真係有待改善。

食物不過不失，可以有進步。呢間走文青書生氣息嘅餐廳，位於文化博物館隔離，環境舒適，適合鍾意打卡嘅人🤩唯一可惜嘅地方係員工服務一般，當日用餐嘅時候要三催四請先搵到人幫手🥹

我最近去了牧羊少年咖啡店，點了他們的waffles餅。不錯哦這個華夫餅非常蓬鬆和鬆軟，口感非常好。他們還在上面放了一些新鮮的水果和怡人的糖漿，讓整個華夫餅的味道更加豐富。華夫餅上的配料非常新鮮，水果也很甜美可口，加上糖漿的甜味，讓我感到非常滿足。除此之外，牧羊少年咖啡店的氣氛非常好，環境舒適，讓人感到放鬆。環境氣氛好放鬆。總而言之，如果你正在尋找一個舒適的地方，享受美味的華夫餅和愉悅的氛圍，可以去食

自從文化中心開左牧羊之後，沙田分店已經有好多年無去過，去開沙田又想搵d清靜地方食晏，於是決定黎呢度2點過後黎到，人唔算多，叫左呢個鰻魚炒蛋漢堡，出乎意外好食 漢堡包仲有微溫而且軟熟，仲有牛油香加沙律醬，非常好！鰻魚俾得非常大方，有一條大既 再加埋第一次食既蕃薯條，好甜，整體非常唔錯。跟餐既水果茶都算唔錯，係淡左少少，如果下次再飲，應該要叫少冰。總體黎講非常唔錯，侍應都好有禮貌，會再黎幫襯。評分：4／5分

行完展館，同朋友去坐一坐，除了主食外，必要吃甜品，叫了一個"京都春日"，甜品黎講都幾大份，大大份的窩夫焗酥脆焦啡色澤內層軟綿口感，配上香噴噴士多啤梨莓🍓雪糕🍦，食完超滿足

間中都會來呢間食吓，因為呢度鄰居文化博物館，環境清幽舒服，而且啲食物都好味。今次叫咗蒲燒鰻魚炒蛋漢堡包🍔配蜜糖芥末蕃薯條另外叫咗英式早午餐，食材豐富，真心推介！😋

聽過牧羊少年餐廳好耐，但係一次都未去過，咁啱我女今日要去學童保健，泊好車係文化博物館，經過呢間餐廳，於是入咗去食lunch 😅入到去環境都唔錯，木系餐廳，樓底又高，有一幅牆掛滿晒畫🎨（當然要打下卡），之後我哋2個人都可以坐卡位☺️睇個menu📋，原來Lunch set 都好多選擇，有我最愛嘅 English Brunch、我女最鍾意嘅意粉、漢堡包薯條，仲可以跟個餐湯同埋餐飲😝今次我同我女調轉，佢竟然食English Brunch（All day breadfast )，咁我就好想試吓🍔鰻魚漢堡包配🍠番薯薯條（超級巨型鰻魚🍔好正，🍠薯條好好食）

鐘意呢啲清靜遠離繁囂嘅地方。🍔BBQ 醬手撕豬肉菠蘿漢堡包配蜜糖芥末蕃薯條 $118味道配搭係好出色菠蘿酸味中和了油膩感，BBQ 醬味香濃手撕豬肉唔驚好似豬扒好嚡又難切，但有痴牙情況。蕃薯條都唔使介紹，基本上唔會伏。🍝牛肝菌素南瓜長通粉$98素食之選👍🏻長通粉 vs 意大利粉偏嗜長通粉多啲，南瓜新鮮煮得剛好唔會太淋一Pat Pat 。☕️冰伯爵茶咖啡❤️如果你本身係茶控，推薦你試下。好似香水嘅前調後調，前調係非常香濃伯爵茶味，後調係咖啡嘅微苦澀味。🍹蘋果蜜桃鮮打紅茶呢杯就夠Fresh ，佢係鮮打唔係就咁係紅茶擺兩塊生果🍎🧁抹茶心太軟配雲呢拿雪糕 $78抹茶味🍵pass都濃，但無流心可以算係軟心，味道都好味。平時星期五 Happy Friday 我都會去葵芳 #葵青劇院 分店食個慢活Lunch，之前係牧羊少年社交平台 見到葵青要結業真係好傷心，好彩最後15/2 /2023係原址從開返啦！

呢間又係有信心保證餐廳，食咗好幾次，服務、環境、出品👍炸物拼盤小朋友至愛，炸得不油或者過火👍芝士蝦意粉🍝意粉輕輕帶有卡邦芝士味、後放下濃芝士在意粉頂，草莓奶昔都可以，牛肉粒貨源同煮得都好靚：入口有牛味、沒有過火、咬落去有口感、內柔軟、有汁，羊安肉質夠鬆化，味道調得不濃，令你舒服及不會太油膩的感覺，Pizza都算ok，不會太乾、硬，足料，

Happy Friday同朋友黎晚餐，大約7點到，以為有好多人排隊點知唔洗等位餐廳內環境舒適，燈光較暗，氣氛好適合傾計。食物有好多選擇，例如：小食，薄餅，甜品，咖啡等飲品…。日落巴黎（$108）佢係香蕉配朱古力雪糕窩夫，窩夫表面好脆，內裡係蛋糕口感，中間既朱古力醬超濃厚而唔會太甜，成個組合好好食。小食拼盤（$138）呢個價錢份量都幾多，基本上每種食品都有4件，但係雞翼只得3隻炸物夠香脆又唔油膩，最中意係蕃薯條，外脆內軟又香甜。黃金鹹蛋忌廉鳳尾蝦意大利粉（$118）蝦有4隻，每隻都好大隻，口感爽脆彈牙！可惜整體味道好淡，完全食唔到有鹹蛋香味總結：由沙田站行黎大約10分鐘，食物質素合理，用餐環境唔錯，入座計限時90分鐘。

今天下午在牧羊少年沙田店，點了熱牛奶咖啡及凍梳打濃縮咖啡。兩杯咖啡都只有六分滿，如圖所示。不明白是不是因為有外賣自取折扣所以咖啡變少？但應該要先說明，失望失望失望

今天下午在沙田牧羊少年點了兩杯咖啡，自取外賣，熱牛奶咖啡及凍美式，都只有六分滿。溫度都沒有調整，不明白為什麼那麼少。在店內喝都不會那麼少，難道是因為有折扣？那應該需要有說明。

餐廳入口開揚，以落地玻璃設計，好透光！ 如果有陽光時，感覺溫暖！室內佈置以淺色木材配搭雲石為主，有一個大型木櫃，上面放滿世界各地旅遊書及名信片，好有文青感覺，坐得好悠閑舒適！食物方面，我哋lunch時間食，叫咗一份沙律及一份all day breakfast ，lunch set及已包餐湯及飲品，分量充足，而且沙律食材新鮮，味道不錯！而且服務員態度有禮！整體感覺良好！如果想享受慢活時光，悠閑自在過一天，可以租單車踩，食完lunch，行下博物館，遊下沙田河畔，relax過一天！