玉桃軒酒家 (鱷魚恤中心)

营业中

休息中

疫情下困喺屋企一段時間，最近放緩左老友急不及待約我出來中午喺觀塘鱷魚卹中心六樓「玉桃軒」飲茶一聚，我當然即刻應約喇！真係太而冇見喇！ 來到「玉桃軒」雖然唔係坐窗邊但自成一角好舒服！最啱我地邊食邊傾。來觀都多數來哩度飲茶，食物過得去，每位茶位十二元價錢算合理。南翔小籠包 33.8元皮夠薄多肉汁，熱辣辣咁都唔錯！鵪鶉蛋燒賣 38.8元隻蛋好軟滑，味道幾鮮！瑤柱金菇炆伊麵 128元麵炆得有啲乾如果多些少汁濕潤啲就更好，但味道唔錯！好夠份量！

放工同爸爸在觀塘吃晚飯，老人家偏愛中菜，幸好有鱷魚恤中心這家玉桃軒，本身被門口片皮鴨推廣吸引，後來看過他們的菜單，就選擇了晚市推廣孖寶上湯波士頓龍蝦伊麵 和野菌雜菜煲。環境寬敞，樓頂是水晶燈，由於晚市時候工廠大廈入座率不高，所以空間好廣闊，招呼都十分周到，員工會自動前來為你換碟加茶。入座後首先奉上花生，鹹味適中，脆口。上湯焗龍蝦$368包一小菜，加$38加伊麵底。上湯調味適中，龍蝦份量合理，有唔少肉，肉身彈牙。上菜時員工亦會主動奉上鐵鉗。部份的關節位都已經敲碎了。整體來說，入口回香， 有龍蝦的鮮味。鮮菌雜菜粉絲煲，清淡得來又唔會太淡。粉絲軟硬度剛剛好，很多大蝦乾調味，有什菇，鮮雲耳，白菜仔，配搭龍蝦伊麵非常配！兩人承惠$499，中高價酒樓，人流少，服務周到，地方坐得舒服，食物質素不錯，值得再來。

鱷魚恤中心有好多酒樓，今日揀咗玉桃軒試吓。被安排坐窗邊位，感覺唔錯。椰汁馬豆糕$30.8甜品竟然最先上菜，下次會最後先點。胡麻醬蝦多士$68炸得好香口，蝦肉彈牙，又唔油膩美中不足係冇沙律醬金沙涼瓜$48嘩～呢個熱辣辣又香口如果鹹蛋黃多啲就好啦迷你珍珠雞$40.8珍珠雞size都幾大件，味道不過不失。山竹牛肉球$30.8呢個牛肉球嘅賣相唔係咁好睇，但味道唔錯嘅，同埋夠大粒。玉桃蝦餃皇$41.8蝦餃個皮有啲乾。櫻花蝦豉油王炒腸粉$48呢個腸粉一般啦。冇咩櫻花蝦味。茶樓環境舒適，服務態度唔錯，食物方面比較推介蝦多士，唔係好多酒樓有。

已經好一段時間無出去堂食，今天約了友人到觀塘玉桃軒午飯一聚。上去見到酒樓的裝修還算可以，可能時間尚早和疫情關係，今天的食客不多，但侍應尚算勤快，一叫即到。今天又是由我點菜，味菜蒸豬肚、點心拼盤、上湯鮮竹卷、鳳爪排骨飯、蟹籽燒賣。最早到的是點心拼盤只得五款，份量比其他酒樓就少了些，而且點心的味道一般不覺得特出。鳳爪排骨飯一般味道，飯覺得蒸得有點過久而變硬。上湯鮮竹卷我想亦是蒸得過久了，令鮮竹卷的腐皮有些過霖。最想要說的是那味菜蒸豬肚，是眾多點心中最差的一個，味菜又霖又無味道、豬肚的外面都已經發黑，賣相十分難看。而蟹籽燒賣皇就相對是今天點心中最好吃的一款點心了。總括今次的午飯，環境、坐位算是相當舒適;但食物的水準和味道就太過太過普通了。

Since we saw the long long line for the lift going up to the restaurants in the building and that’s so crazy and so that i walked upstairs to this cha liu and the nightmare started, for such a long time we don’t have to wait for a queue going yum cha, how come so crazy in kwun tong loll, we waited around 40mins and more finally got a seat so sad so tiring…The tea is rich even after drinking for several pots alreadySteamed Ribs Rice with Chicken feets is nice and tastes yummy, the rice texture is

之前見有人post話抵食的酒樓...今天 18/12/2021 星期六 午市 12.30至2.00 , 3人去食. 兩個大點(點心)、兩個特點(點心)、一碟炒飯, 3位茶, 加一, 共421元小點23, 中33, 大39, 特46, 頂49, 茶15 炒粉麵飯, 每碟150元以上食物水準standard, 我個人覺得午市係貴咗些！

公眾假期叫了八個點心都係$280蚊，好抵🥰🐟蜆芥炸鯪魚球 must eat！ 彈牙唔腥，好似炸魚蛋咁。🥟潮州蒸粉果 皮薄多餡🍤鮮蝦菠菜餃 啲菜唔係老10分新鮮🥩蒸牛肉腸粉 同樣係皮薄，唔會覺得淨係識皮🐮山竹牛肉球 🐥豪皇香芋鴨腳扎 足料🐷鳳爪排骨飯 大碗抵食🥚鵪鶉蛋燒賣 而家呢個年代竟然仲有呢種燒賣簡直係童年回憶，不過年紀大就要注意膽固醇了多懷舊點心選擇嘅酒樓。中上酒樓水準，未去到嘩好好食呀，起碼唔會嘩好難食呀。

現今飲食業競爭激烈 鱷魚 大廈 都有數間中菜館 如果要揀 一間有質素同服務保證嘅 我會揀玉桃軒 特別係依次經歷 本來幾次惠顧 都見到你哋一位好年輕嘅經理 好實在 不停執枱 就喺我喺後行去完厠所出嚟 都見到佢喺後巷 一個人 不停 搬運啲好重嘅一盤盤大餐具 本來平時 我都比較少說話 但係 我單據唔明白收費 初初我詢問啲收銀 佢哋係咁意答下我 又話好忙 然後 我要搵經理 用電話回覆得好詳細 佢都好樂意好細心咁同我解釋 仲叫我下次繼續幫襯 呢種咁嘅服務真係好難得 咁樣先至會令佢哋公司有回頭客 玉桃軒嘅老闆可以注意下 請到啲咁優質嘅顧客服務經理返嚟 應該畀佢專注喺顧客服務方面啦 但係你哋嘅人手就好不足 連佢都要不停 執枱搬啲 好重 件 我以前都做過顧客服務 知道呢啲人才好難得 如果再唔珍惜呢啲人才 香港係以服務業為主 物有所值嘅點心周圍都食到 唯有要喺服務嗰度競爭 總括而言 觀塘食過咁多間 依家嘅蔡經理 真係令人印象深刻 我見啲熟客 不斷咁同佢想搭訕幾句 但係佢都太忙 要一路做嘢 一路招呼 經理級 除咗用把口招呼下 仲要不停用對手咁樣做法 請到呢啲真係物超所值

今日今日試咗觀塘鱷魚恤中心玉桃軒，下午茶，可以網上book位，我哋大約等咗五分鐘就可以入座。環境境光猛，座位闊落。 一碟蜆蚧鯪魚球，煎炸唔油膩，魚肉無腥味， 可能有蔥讓入魚肉。卜卜脆脆腸：原來係炸兩，油炸鬼香脆，腸粉薄滑。迷你鹹魚雞粒炒飯，雖然見唔到鹹魚粒，但係有鹹香嘅味道，炒得夠乾身。可惜細碟咗少少。香芋燒腩卷，好有懷舊嘅感覺，燒腩肥瘦適中，包包軟淋淋。 蟹子燒賣，包住粒新鮮大蝦，熱辣辣味道不錯。麻辣豬耳仔，豬耳仔爽脆，好夠麻辣味，可惜我唔食得太辣，只食咗少少。貴妃雞湯米線，味道一般，而且雞應該用另外一隻碟仔上枱。

放假又是平日，約友人一起茶聚。之前未去過呢間，咪試下 lor見d 職員人手超唔夠，但都好勤力，仲無脾氣，真係敬業樂業，入單，沖水，傳菜，執枱，少 d 氣力都唔惦 ！！食物方面，又好滿意，炸點唔太油，熱騰騰的。蒸點又骨子，唔會太咸，也是熱辣辣，一個字 "正"習馬拉糕甜度 ok 咸水角皮脆內暖鮮竹卷 腐皮好味腸粉唔夠滑，厚皮左d 鳳爪夠入味炸鯪魚球就小小失色下次一定要去下午茶，會仲抵d , 希望保持質數啦  

就黎中秋，同屋企人做節食飯，揀左位於觀塘既玉桃軒開餐～菜單上標明要提前落訂，咁我就早啲落訂hold左個半席圍餐黎食～到食飯當日，大約7點左右到達，全場大約只有一半再少啲既客，唔算旺場之後開始食飯，但係就越食越失望😔第一道菜係龍蝦伊麵，唔係熱辣辣既，個汁太杰，漿實哂咁，龍蝦數量唔算好多，份量較少第2道菜係西蘭花珊瑚蚌，哇頂西蘭花有虫🤮(讚佢冇農藥啦), 啲蚌好似橡根咁，帶子得2片🥲第3道乳豬，微暖，不過都算脆口，合格啦第4，5道菜係竹笙蟹肉翅同炸蟹鉗，個翅入面有啲硬硬地既翅咁，食得唔開心，蟹鉗正常第6，7道菜係魚同冬菇鮑魚，都算正常，熟既同微暖第8道係脆皮雞，啲雞肉都幾鞋口同好乾，啲皮都脆既，但唔熱既😔第9樣係荷葉飯，唔好食既，飯好林，同埋有陣唔香既荷葉味...最後既蟠桃包，終於係熱架啦！仲好大個，但係個黃係有陣怪味既，唔新鮮❌全個過程都冇乜服務可言，換過一次碟only總括： 唔值咁既價錢，食物質素同屋邨樓下啲酒樓咁上下，屋邨可能仲好服務過佢地。野食只係微暖，同埋真係冇服務，冇人執枱，啲餸上到放唔到先收走一隻碟，等緊蟠桃包既時候就催埋單。👎👎👎

今日星期日，11:30去咗觀塘APM隔離嘅鱷魚恤大廈飲茶連食午飯，玉桃軒位於鱷魚恤大廈6樓，地理位置喺觀塘來講都算方便。我們5個人，今日終於唔使再分枱坐，可以一齊坐。出發前查過香港衛生署網頁，玉桃軒屬於C類飲食處所。可能是星期日的緣故啦，樓下升降機大堂大排長龍，今日去玉桃軒都需要等位10至20分鐘。第一輪食物，我們主要叫了點心，一菜一炒年糕。仲有馬拉糕，點心味道正正常常、一般啦。第二輪叫了所謂特價孖寶（全單最貴，都唔係抵食的）：一個燒汁蝦仁炒烏冬、一個特色燒味拼盤，$198。 味道真心普通😂最後叫了兩個甜品。薑汁燉鮮奶真係偏甜，椰汁馬豆糕味道OK總體黎講食物質素一般，價錢略貴。5個人食左$700蚊，人均$140，唔算平。

兩年前都幾鍾意幫襯，當時質素高。今次非常失望，冬瓜盅未熟，蓮子、紅蘿蔔等湯料都好生硬，長者更加食唔到，已同侍應反映咗兩次，都冇理會，唯獨片皮鴨比較好食。侍應只會對客人有禮貌，但遇上食物問題不會通知廚房，送贈的贈券唔再用啦！

父親節去食飯叫左片皮鴨、菜螃蟹、黑松露炒蝦球、薯仔牛柳粒等等服務差已經算…原來野食仲差…首先個片皮鴨個醬係酸既，之後問佢拎返個殼，話要$100，真係第一次聽菜螃蟹炒出黎係鞋口既，同烚蛋白冇分別炒蝦球係冇松露味，亦都冇其他味最勁係個薯仔牛柳粒…收$188，個份量同快餐店個客飯一樣，幾粒牛同幾粒薯仔，完全係劏客仲要個牛係鞋口冇醃過…懷疑個大廚係樓下大x活倒咖哩汁果個廚工過黎part time 做野現附上圖片一黎到夾左一粒，忍唔住要影相…$188一碟，大家評下理

突如其來的飲茶節目，平日下午茶時段前往無需等候。首先，餐具整潔程度麻麻，需要自己再次清洗。另外，員工不足，未能服務妥當，其次，食物亦好一般，但亦不至於難食。總結，過於普通。