玉桃軒酒家 (鱷魚恤中心)

营业中

休息中

^v^ 很感恩囡囡竟然肯上茶樓去飲茶！女兒由小到大都被婆婆揍去茶樓，當年婆婆天天都好開心。但自從上高小初中婆婆「等了又等」...漸漸已經不再強求今日，很驚訝女兒竟然願意再次去飲茶看看今日女兒的最愛點心：1. 必食的「蝦餃」2. 勢估唔到的「鳳爪」3. 裡面熱辣辣的「小籠包」4. 經典的「炸魷魚鬚」5. 後排的「炸豆腐」從營養的角度來看，多食煎炸和澱粉質固然會肥和增重。但，蛋白質其實對維持身體健康和減重尤其重要：蝦餃的「蝦」、小籠包的「餡肉」、炸豆腐的「豆腐」和炸魷魚鬚的「魷魚鬚」。剛剛合適女兒身體發育、長高的年齡。

觀塘鱷魚恤附近有數間茶樓（酒家）, 這裡的人都不少，等位的時間不算長，但入去就有點迫，坐位不太寬闊，要搭枱。食物的味道差不多，沒太大分別。侍應的服務都是一般般，勝在有杯熱茶飲下。點心款式不算多，價錢也是介乎中位數，不算是特別平或者貴。整體而言，是窄和沒有甚麼特別吸引之處。不過，這間的裝修比二樓光猛，比九樓平，如果侍應服務特別好，或價錢特別有優惠，又或者特別多款式，點心特別好味，甚至可以不搭枱的話，或許可以吸引更多客戶，或可在眾多茶樓（酒家）突圍而出。

今日有屋企人生日所以去左茶樓食晚飯見呢間有得食片皮鴨就好想食叫左隻片皮鴨 覺得D皮唔夠脆 肉有D柴所以有D失望但其他小菜都唔錯幾好食叫左個魚香茄子 通菜炒牛肉 長輩都幾滿意下下次大日子可以再食

平時會成日黎玉桃軒食飯原因因為覺得佢野食好新鮮 入口又熱辣辣 好食中秋節當日係到飲完早茶 都覺得幾好同平時一樣食得出係新鮮蒸起 所以都預約左當晚係到食飯叫左好耐落單 咁都冇人理咁可能中秋大家都忙 最後叫左20分鐘左右先有人落單我上年生日係到食片皮鴨 一黎覺得上枱個陣係熱 （附近有舖上枱係凍冰冰）二黎覺得抵食 但中秋個價錢double左 冇叫到 唔知好彩定咩 見到隔離枱叫侍應將碟冇食過既片皮鴨 原碟拎走 我擔心係咩事 但睇唔到然後自己叫左翅 我地5個人 所以佢分完每人一碗其實仲有剩 我地成枱都見到 諗住佢等等過黎分 點知下一秒個侍應倒左佢 係我地面前倒左佢 呆左個翅係$598+10% 個到目測保守估計都至少有一碗+ 但佢倒左中秋我明大家好忙 但唔係咁既態度呀 忙唔想再搞 咁我地自己處理 而唔係倒🥲望完成餐飯就無mood🥲

好耐無兩個人黎酒樓食個晚飯。見佢有個晚飯套餐都幾抵食，就來一試。鍾意這裡的環境沒有一般酒樓咁嘈吵。枱與枱之間，空間感十足。晚飯套餐有好幾個選擇，價錢由$288-$368，我選了$288 的灼海生蝦配秘製海山骨。 海蝦新鮮，肉質爽口無腥，清甜爽滑，一份有十多隻。海山骨就是蝦醬炸排骨，排骨炸得金黃色，乾身而不油膩，食落酥脆香口，肉厚，食到淡淡蝦醬的咸香味，很好送飯。每餐都需要食菜，所以另外再點了客蒜蓉炒菜心，幼嫩脆綠。溫馨提示，另加茶芥及加一服務費。

今晚同這位朋友吃飯，朋友說很久没去酒家吃小菜，我就選了今晚這間，因之前中午吃過，味道不錯，環境光線柔和同比較寧靜，今次坐下看了一會餐牌，我們叫了沙巴龍自選組合沙巴龍配龍幾大條，上枱陣陣香鮮魚香，魚厚身，好彈口，入口好有口感同滑身，特別好有鮮魚味蝦米炒粉絲煲放上枱鍋入面聞到陣陣好香蝦米味，入口蝦米特別香同彈牙，粉絲幼細，炒得好乾爽同嫩滑，特别好有口感紅燒乳鴿乳鴿每部份都燒得好均匀，皮脆脆地，好有口感，乳鴿肉厚身，嫩滑同霖，好香乳鴿味

觀塘下午茶想飲茶，鱷魚卹大廈 好去處，有好嘢玉桃軒中菜館，朋友話啲灌湯餃非常好加正，就非常唔一般，一於嘆一嘆佢。兩個人坐低叫咗一個雞絲粉卷24個8，雞絲就包晒落份面，但係食入室都好扎實。南翔小籠包24個8，四個，想做後生一籠十個年代，食晒都唔夠喉，而家四粒啱啱好，留番位食第二味，早晨孖寶 42個8，北菇棉花雞，加咸魚肉餅飯，食飯用花鮫魚肚做餸都唔錯吖，好意頭嘛。跟住再叫花膠瑤柱灌湯餃兩隻 85，一人一隻自己慢慢食連湯都飲埋，有花膠瑤柱味道想起都正，重可以食在面前添。一個安蝦鹹水角29個8 ，皮略厚了一點，都算熱棘棘好味。一個頂級 玉桃蝦餃皇42個8，中蝦一粒有兩隻，口都放唔落咁。茶水每位12蚊總計300蚊落樓好味到回味灌湯餃真正，下次再食，

同同事team lunch嗌咗多款點心小食，但係質素認真麻麻地，一致覺得無下次滷水滑豆腐，$38👎🏻👎🏻👎🏻👎🏻食落完全無味，同部長反映，結果話呢度（玉桃軒）係咁煮法🤷🏻‍♀️🤷🏻‍♀️🤷🏻‍♀️絲毫無諗住同廚房反映海蜇芹香手撕雞，$42👎🏻👎🏻👎🏻手撕雞分量少到，個海蜇似粉皮多D，丁點兒爽脆嘅感覺都無，全碟擺係度無食椰汁流心球，優點第一次見炸物內餡係西米露，唔熱唔凍，好奇怪，性價比太低

場地夠大，座位寬闊，店員服務也不錯。好耐未試過食晚市小菜，原來現在不單選擇多，而且價錢也不貴。片皮鴨餐+一款小菜套餐  $338：套餐包括一隻片皮鴨(不是半隻喔)，再在指定菜單選一款小菜，可以選擇的小菜數量滿多的，而且也不是將貨就價的菜式。師傅將片皮鴨切片時特別分了兩種，一種是只有鴨皮，另一種是皮連肉，吃的時候可以比較兩種的分別。只有皮的油脂感較豐富，鴨皮香脆甘香，而帶肉的則多了一份鴨肉味和較不膩。食用時用薄皮包上鴨片配京蔥、青瓜和不可缺少的烤鴨醬，真的十分好味。小菜選擇了黃金蝦球，咸蛋黃起沙再包住蝦球，再炸到香脆可口，食落不單止啖啖鹹香咸蛋黃味，而且蝦肉大隻飽滿，食落多汁，上菜時熱辣辣，和友人對此菜式讚不絕口。另外片皮鴨加了$100叫了二食：薑蔥紋鴨件，味道十分惹味，所以忍不住叫了白飯。全部菜的份量也很大，所以可以叫上三五知己來食。

約咗人喺觀塘交收，由於時間尚早，決定先去鱷魚恤中心嘆個早茶，揀咗位於 6 樓嘅「玉桃軒酒家」。我哋大約 11am 到達，平日好少會咁早過嚟呢度飲茶，原來星期六、日及公眾假期都有醒神優惠點心供應，不過就要 12n 點前結帳離座，即刻入單。鮮蝦菠菜餃 ($29.8)：餃皮晶瑩通透，可以清楚見到內裡翠綠嘅菠菜同新鮮嘅蝦肉，菠菜清甜多汁，蝦肉爽口彈牙，食落好有口感。蒜茸鮮蝦春卷 ($32.8)：春卷炸得好香口，入面有大大粒爽滑嘅鮮蝦，而且上檯時仲係熱辣辣，咬下脆口不油，一碟四條，點喼汁吃，美味！藥膳雞腳 ($28.8)：雞腳大大隻，用藥材湯浸住，內有杞子同桂圓，好足料，食落軟腍又夠入味，入口仲散發住濃濃嘅藥材香。蜆芥炸鯪魚球 ($26.8)：鯪魚球炸到脹卜卜，入口外脆內軟，魚肉香脆彈牙，一點也不腥，配搭鹹香嘅蜆芥醬，風味十足。燒味雙拼飯 ($58)：燒味揀咗腩仔同叉燒，腩仔肥瘦適中，肉質細嫩，脆皮得嚟又唔會太肥。叉燒半肥瘦，肉質好鬆化，蜜味亦啱啱好，最正就係仲有少少燶邊，咬落去好甘香，用嚟送飯一流。薑汁千層糕 ($26.8)：千層糕煙韌有嚼勁，入口帶陣陣薑辛，開胃解膩，用嚟做飯後甜品就最適合不

周末與 honey 一齊嚟「玉桃軒」飲早茶，睇嚟市面上又回復番昔日嘅熱鬧，因係酒家門口已見到好多人取票等位，幸好呢間酒家地方寬敞、座位夠多，所以等咗一陣就有位喇！除了一般精美點心選擇外，周末仍可享用到 “醒晨優惠” 內嘅早晨孖寶及特價點心，但每款就較平日需多付$3。既然有優惠，梗係叫多幾款試下啦…有北菇棉花雞、銀魚仔肉餅蒸飯、豉汁煎釀茄子、潮州蒸粉果、雞絲蒸粉卷、香芋燒腩卷、鵪鶉蛋燒賣、玉桃蝦餃皇、椰汁馬豆糕。款款點心都唔錯，尤其👇🏻：# 北菇棉花雞，魚肚夠軟綿綿、雞肉嫩滑、冬菇冧甜# 銀魚仔肉餅好惹味、餸飯一流# 潮州粉果皮薄餡靚# 蝦餃皇皮夠薄、🦐肉大粒兼彈牙# 椰汁馬豆糕啲椰汁味夠香濃、馬豆夠冧甜

中菜方便這間我很喜歡場地夠大，座位間距離亦很寬闊，衛生舒服，感覺婚宴很適合。見到有些特別套餐選中了$338 片皮鴨餐+小菜1款師傅原隻烤好片皮鴨熱辣辣出來，親身在客人面前切片，表演一樣北京片皮鴨 鴨皮沒有太多脂肪,香脆甘香，最怕好多肥脂的鴨用薄皮包上鴨片配上小辣京蔥和清新青瓜，不單可以減少肥膩感，還帶出鴨肉多層次口感味道。今日片皮鴨好厚肉，不過我們沒有選擇一鴨二食，因為一次過食多款鴨肉吃不下，如果人多我會推介涼瓜炒鴨件。小菜我們選了黃金蝦球咸蛋黃起沙而鋪滿蝦球橙黃色賣相非常驚艷，師傅完全令蝦球360度滿滿咸蛋黃，廚藝了得！喜歡沒有蝦殼，流沙口感咸蛋王，可以直接入口！蝦肉超大件厚身，外層薄脆好薄，鋪滿蛋王碎，惹味咸香，蝦肉肉質非常爽口彈牙！蝦球大細有些像大蝦碌，粗過手指公8件已經很滿足！4件已經過足口癮！餐內配小菜很多款：野菌雜菜煲；豉味涼瓜炒牛肉；燒汁珍菌豬頸肉；欖菜肉鬆四季豆；魚香茄子煲；黃金七味豆腐；台式三杯雞；秘制海山骨；秘制蝦米粉絲煲；菠蘿咕嚕肉；秋葵淮山炒雲耳；玉桃軒小炒王另外有個花膠燉湯餐，上湯焗菠士頓龍蝦餐都好吸引，也是3百多元，其實4人吃加多個散叫小菜就剛剛好，我們2人

以前去觀塘總覺得好遠，搭車又唔方便，但依家完成唔同左，屯馬線開通之後，真係令我心感興奮仲拉近左好多，好快就到左上星期同好友去左樓上酒樓聚聚，佢推介呢間點心都唔錯，今日就帶屋企人去行下APM，順便帶佢去食至愛既一盅幾件玉桃軒酒家都幾寬敞，樓底又好高，又有落地玻璃，相對好光猛望完點心紙，太多選擇，而且價錢超抵食，咁就每人揀幾款，點知都幾多下點心即叫即蒸所以送到來好燙咀，呢個虎皮煎釀尖椒好香口，少少辣好惹味😍安蝦咸水角: 外皮脆爽，內皮彈牙，餡料好足，鹹鹹甜甜燒肉飯: 見點心紙$48😍非常抵食😋燒肉皮卜卜脆肉質又嫩，最緊要唔太咸，非常好食除左呢幾樣之外，仲點左其他熱辣辣點心，質素都幾高，令人大滿足

疫情下困喺屋企一段時間，最近放緩左老友急不及待約我出來中午喺觀塘鱷魚卹中心六樓「玉桃軒」飲茶一聚，我當然即刻應約喇！真係太而冇見喇！ 來到「玉桃軒」雖然唔係坐窗邊但自成一角好舒服！最啱我地邊食邊傾。來觀都多數來哩度飲茶，食物過得去，每位茶位十二元價錢算合理。南翔小籠包 33.8元皮夠薄多肉汁，熱辣辣咁都唔錯！鵪鶉蛋燒賣 38.8元隻蛋好軟滑，味道幾鮮！瑤柱金菇炆伊麵 128元麵炆得有啲乾如果多些少汁濕潤啲就更好，但味道唔錯！好夠份量！

放工同爸爸在觀塘吃晚飯，老人家偏愛中菜，幸好有鱷魚恤中心這家玉桃軒，本身被門口片皮鴨推廣吸引，後來看過他們的菜單，就選擇了晚市推廣孖寶上湯波士頓龍蝦伊麵 和野菌雜菜煲。環境寬敞，樓頂是水晶燈，由於晚市時候工廠大廈入座率不高，所以空間好廣闊，招呼都十分周到，員工會自動前來為你換碟加茶。入座後首先奉上花生，鹹味適中，脆口。上湯焗龍蝦$368包一小菜，加$38加伊麵底。上湯調味適中，龍蝦份量合理，有唔少肉，肉身彈牙。上菜時員工亦會主動奉上鐵鉗。部份的關節位都已經敲碎了。整體來說，入口回香， 有龍蝦的鮮味。鮮菌雜菜粉絲煲，清淡得來又唔會太淡。粉絲軟硬度剛剛好，很多大蝦乾調味，有什菇，鮮雲耳，白菜仔，配搭龍蝦伊麵非常配！兩人承惠$499，中高價酒樓，人流少，服務周到，地方坐得舒服，食物質素不錯，值得再來。