王子廚房

营业中

休息中

食得外賣多，突然想食一些特式小店風味的餐廳，於是來了這間鋪。室內乾淨衛生，裝修新淨。入內未有滿坐，隨便找個位置坐下。餐廳不會太嘈，有部大電視正在播放風景片段及柔和音樂，份外舒適！拿起餐牌點菜，有套餐及散叫。店員先上了湯及切片麵包，湯應該是豆湯，麵包有少許蒜香味，非常脆口，可以浸湯食。天氣轉冷，飲湯後整個人都暖和一點。招牌沙律（美國牛肉）這個沙律非常大份，沙律來說，肉的份量頗多，入面有相當的切條牛油果，疏菜非常新鮮爽口，沙律汁味道不會太特出，食落清淡可口。印度土窰烤雞鐵板上，香口熱辣辣。有少許洋蔥及疏菜做配菜。有2個醬汁可以點，一個是甜酸雞醬，另一個應該是點羊架那種薄荷醬。兩個醬汁都好味，一個酸甜開胃，另一個小清新。雞件本身有調味，味道夠，鐵板煎香表面，味道不錯！👍咖哩羊配原味烤餅來這兒不得不叫他們的烤餅。烤得剛好，餅身有少許油，但又不會令手指很油膩，有些較薄位置比較脆口，可以夾咖哩及羊肉同食。咖哩不太辣，有咖哩味，羊肉只有很微的蘇味，味道都不錯。若喜歡食辣的，餐牌有些有幾條辣椒的也可以一試。最後這個Tiramisu甜點，由雪櫃拿出來，保持少許冰凍，口感滑又帶點蛋香，蛋糕的朱古力味，咖啡

雖然同大西北住得唔係好遠，但過一過去車費都好貴，奈何朋友住都住屯元，所以有時都入去搵下佢地，依間餐廳係連朋友都未食過，所以試下其實本身大家都唔太好印度野，不過見到係非本地人地開，應該幾正宗，所以試一次無妨兩個個口係叫左好多野，叫左個咖喱配薄餅？再加個烤卷，諗住咖夠飽再叫野食，不過最後都好飽咖喱牛望落幾細兜，不過佢啲牛塞滿晒個碗，所以唔好因為個兜細而覺得少牛肉幾淋唔韌，醬汁味道適中，唔會太重口味另外加左份原味烤餅，幾厚身，不過原味就真係…冇咩味下次會叫牛油或蔥油烤味，應該會香啲不過佢因為厚身，仲要有兩大塊，其實食完都飽…仲有個羊肉烤卷烤卷可能因為太多香料或者羊本身個味，所以聞落唔多吸引，但食落又幾正首先料多，每一啖都會伴隨唔同食材入口其次每款食物都好夠味，個羊肉食落又唔羶

今日一行人想去置樂搵好野食，一經過呢間餐廳，比佢既香味吸引左，見到喬寶寶張相就信佢入左去。果然唔令我失望，樣樣都好食。餐湯我地飲左好耐都唔知咩味，但好味Tandoori Chicken with Chennai Roti份量係少啲，雞唔夠燒味，但好滑。Chennai Roti雖然唔夠牛油香，但佢甜甜地，唔點醬都好好味，我先生唔鐘意食香料味所以唔點汁，但淨食餅佢都好鐘意Butter Chicken雞少左啲，汁就同普通印度店差不多，Naan Bread都係正常味，但重點係熱，係好熱，超正既感受。佢有幾條薯條，炸到又香又脆，好正。墨西哥雞餅我本身以為佢無啦啦有墨西哥野，係唔會好食，一切開竟然拉絲，個餅又香又脆，料夠熱，我地全部一致投票佢最好食。Four Cheese Pizza 我先生唔鐘意食印度野，所以佢自己叫左Pizza，我地起初都歧視佢。點個個餅又香又脆，芝士唔同普通Pizza店，總之勁好食。Masala Tea唔夠茶同香料味，唔駛加錢轉就當飲無味奶茶凍奶茶賣相好，但佢地話唔甜，但有薄荷味，幾特別芒果Lassi好artificial既芒果，仲要加18蚊，下次no no...

又返到屯門搵食😋住屯門嘅朋友講開印度菜，就一定諗起屯門咖喱屋但其實附近都有一間好地道正宗嘅印度地中海餐廳餐廳員工都喺印度人，個個都好有禮貌，服務好周到，仲要唔收加一! 點餐後送上餐湯同見蒜蓉包唔好以為免費就好求其蘑菇忌廉湯🥣 蘑菇味好出，唔算好濃，所以唔會太Heavy 蒜蓉包烘得好脆 好味烤雞串燒 🍗 穿燒烤特色中，唔會太乾太柴 香料配合得好好 另外配上兩個醬汁 一個類似沙律醬一個類似青醬咁，各有風味!香草馬鈴薯燴椰菜花配烤餅 🍛 🫓 咖喱好惹味，少少辣，亦都幾creamy烤餅熱辣辣送上，dip落咖喱吸收，食到停唔到口🤤鷹嘴豆Kebab🥙雖然係一個蔬菜kebab，但用鷹嘴豆整成一個餅，口感好似肉餅，成個Kebab層次好豐富，完全唔會覺得好單調! 大家想食得健康啲都可以一試! 小總結🦁好地道嘅印度餐廳，餐廳裝修簡潔乾淨，呢間小店服務好食物質素亦都唔錯，值得多啲人關注!!大家去開屯門，不妨試吓!😘

前排諗住係屯市食野，但實在要等好耐，所以同朋友周圍行，諗住去遠少少行下再搵野食，見到依間餐廳望落唔錯仲有位所以試下烤羊肉卷唔係成日食羊，因為自己唔識煮，身邊嘅朋友又唔多食羊，變左出街食都係豬牛雞，不過印度野就要試下羊成個羊肉卷好重香料味，唔係人人都愛到，食第一啖覺得少少怪，不過後尾都ok，羊肉份量都多，去到底部都仲有，仲有好多配料，一條兩個人分剛剛好墨魚汁意粉一向都唔好墨魚汁的東西，一來樣子唔討好，二樣驚會腥，不過朋友最後叫左，所以都一齊試下有8隻蝦，食落比較淡味，不過墨魚汁味可以補償番，墨魚汁幾creamy，但食多幾啖開始覺得愈尼愈重口味，要飲多幾啖水……意粉軟硬適中，仲帶有少少口感，值得一讚

屯門置樂呢間隱世印度餐廳，係由印度人主理，可以用英文同老闆店員點菜，佢哋都好友善架🇮🇳😍首先佢哋送咗碗餐湯俾我，原來係洋蔥南瓜湯，好味道🎃😋我叫咗個土耳其烤羊肉卷，menu寫係用黎巴嫩皮嚟卷，材料有烤羊肉、配生菜、蕃茄、洋蔥，羊肉厚身但嫩滑，非常足料又大卷，我食完都夠哂飽做晚餐呀。仲有四款自選醬汁可以揀，有薄荷醬、乳酪醬、蛋黃醬同BBQ醬。我就揀咗乳酪醬，食落好惹味🇹🇷🫔飲品我就叫咗杯菠蘿椰子奶昔，即叫即整，味道清新又消暑，店員仲好幽默咁喺上面畫咗個哈哈笑🍍🥥😁呢間印度餐廳仲有唔少好味嘅菜式可以揀，例如印度咖哩角、印度烤雞同埋印度烤餅等等。如果你鍾意印度菜，咁就要試下喇🇮🇳😋

❤️屯門搵食記，身為大西北既我，雖然d人成日講大西北都係美食既沙漠，但其實只係好多好食既店，唔係集中同一個位置，只要用心d去搵，一樣搵到好野食架☀今次呢間「王子廚房」的確唔係位於市中心地帶，但其實呢個area除左呢間鋪，都有好多唔同既小店架啦~而「王子廚房」係主打fushion既菜式，簡單黎講姐係幾樣菜式mix埋係同一個menu 到今次黎到，我就同 食左個二人餐( $238)，咁就包左2個餐湯，+1個小食+2個主食+2個甜品+2杯飲品▶餐湯方面，今次我地就揀左蘑菇湯，跟湯會送2塊蒜蓉包。餐湯就真係好普通啦，唔係我認知中比較稠身個中，直頭係比較水個隻。但味道黎講，又唔係無味既，只係就真係水左d，反而蒜蓉包就脆口好食啦ʕ◉ᴥ◉ʔ▶小食方面，我地就揀左魷魚圈，黎到既時候，望到就覺得應該係普普通通咁，點知食落有驚喜!個炸粉唔會太厚，食落真係啖啖肉架٩(^ᴗ^)۶▶主食我地就揀左咖喱雞同咖喱牛，每份有大約4-5塊既雞/牛，份量都算大，唔係雞粒/牛粒黎架~個咖喱就真係好好食，唔係辣既! 咖喱既味都比較濃郁。本身個餐就包nann bread/rice，由於我想食Chennai Roti，咁就加左$10

🔯烤特嫩豬肋骨🐽🔸wow上枱就見到心型碟🔸豬肋骨唔會鞋口，味道同醬汁都啱啱好👍🔸薯角外脆內軟，十分好味🔸日式芝蔴醬沙律菜夠新鮮🥗🔯特色奶油雞🐓🔸雞🐓冇骨，啖啖肉🔸醬汁雖然寫 mild curry，但食唔出到辣味，係重蕃茄味🍅同香草味🌱，啱我🤗🔯香蒜烤餅🔸好多蒜蓉🧄，足料，沾奶油雞嘅醬汁食🔯Mushroom Soup 配蒜蓉包🥖（免費）🔸湯伴有香草味，味道幾特別，唔錯😌🔸蒜蓉包🥖好脆，夠蒜蓉味🧄🔯Iced Masala Tea☕（少冰）🔸本身似馬來西亞拉茶，後面有d香草味🌱滲出嚟，幾鍾意 😌環境：可以坐在窗邊，唔錯😊職員：十分有禮

🍽烤特嫩豬肋骨🐽▪️算幾嫩，肉質唔會鞋十十，味道夠，咬落肉同骨易分離😊▪️薯角十分香口，外脆內軟▪️沙律菜新鮮，配日式芝蔴醬開胃▪️心❤型碟，有d surprised🍽特色奶油雞🐓▪️真係唔辣，重蕃茄味🍅同香草味🌱Order 左後，會送上免費……🍽Mushroom Soup▪️入口似洋蔥湯🧅，問職員其實係 mushroom Soup🍄😆。Anyway，味道都👌🏼，伴有香草味同黑糊椒味，唔錯😌🍽蒜蓉包🥖▪️咬落索索聲，好脆，蒜蓉味🧄都夠😋🍽Iced Masala Tea☕▪️入口似馬來西亞拉茶，after taste 係香草味🌱，唔錯，幾得意 🥰

真心抵食，全部係熱辣辣上枱！pizza係手拉的，超多料，咖喱烤餅都好食，烤餅即整，超抵廿幾蚊，我個女超鍾意食！老闆係好好人，幾次主動問食物o唔ok,同了解食物啱啱小朋友！呢個價格真係喜出望外！

今日屋企人出曬街冇煮飯, 唯有自己一個喺附近食晚飯, 自己住屯門三聖邨附近有時都會落去置樂揾嘢食今日都唔例外, 行到去彩華花園地舖揾食見有間叫王子餐廳之前都轉過幾間餐廳都想試下新嘢, 廚窗貼上幾張餐牌紙有二人及四人印度咖喱晚餐, 意粉薄餅配特色小食及有散餐叫, 餓餓地一於入去開餐先.今日係平日夜晚唔算多人所以好快揾到位, 老闆及侍應唔係本地人要用英文溝通, 幸好餐牌有中英對照. 自己一個當然散餐啦, 先來一個餐湯粟米忌廉湯配餐包, 一碟烟三文魚白汁意粉（120元）, 白汁夠creamy意粉軟硬度適中烟三文魚好味,  一杯芒果沙冰（38元） 沙冰上面有個士多啤利味嘅公仔微笑圖案, 第一次見沙冰上面有得意圖案好有心意, 芒果唔係我食開嘅呂宋芒但味道都算ok

來到餐廳發現東南亞菜式，咩國家菜都有感覺開頭我以前餐廳印度王子意思，主要食咖哩，原來我錯晒我們4人分別選了8吋細薄餅、芒果咖哩雞、沙嗲雞、蔥油餅、千層餅、三文魚意大利粉，蝦仁茄醬薄脆夾餅。然後當我想點西湯時，服務員話免費送餐湯和蒜蓉包。感覺有煮家菜feel幾好服務。最好食最驚喜是芒果咖哩雞，要（小辣）的。但份量細細碗，我們搶著吃雞肉啖啖肉好滑配有1個白色奶酪醬和1個紅色辣椒蓉醬。我比較喜歡奶酷醬帶微酸。咖哩醬好香甜帶辛辣味道，配千層酥餅非常好味！ 蔥油餅都點咖哩食，個咖哩醬4人都讚賞忘記影相，太好食三文魚菠菜意大利麵比想像中大碟，我們4個都有食過完全不像1人份量，意大利麵疊到好高。牛肉青椒辣肉腸薄餅等得最耐，食完上面食物先來餅底脆身，上面材料好多好充足。沙嗲雞比較奇怪，不是心目中串燒沙嗲，烤雞件感覺件數就不少不過雞肉比較乾身，一定要點醬先比較可口。有2個醬選擇，分別像沙律醬和一個橄欖味青醬。後期來食物比較普通。不過總體價錢很經濟

母親大人不太能吃辣但特喜歡吃Naan，就專程去太子廚房試試，週日1:45pm大約有一半枱有客，環境乾淨坐得幾舒服，餐牌有午市套餐，選擇甚多：有不同嘅咖喱可選配烤餅/飯/煎餅、沙律、pizza、意大利飯或意粉、甚至有燒排骨或牛扒，各食品都好吸引。最後我哋選咗咖喱羊配Naan及泰式魚柳沙律，套餐送蘑菇湯及飲品，飲品我哋選了印度奶茶及凍檸水。蘑菇湯雖沒有忌廉但菇味濃郁，感覺比較清爽好味！咖喱羊同Naan用心形碟裝住，配有薯仔同椰菜，見到已經好想食，烤餅熱辣辣咖喱味濃郁，辣度可能未夠正宗但感覺好啱香港人口味！之後泰式魚柳沙律上枱，旁邊食客馬上話好靚，好適合打卡喎！當然我已經做咗，之後食落去真係好清新，酸酸辣辣好啱我口味！估唔到嘅係啲魚柳又幾滑喎！阿媽都話好食仲食咗唔少！檸檬水就正正常常，印度奶茶都算中上但感覺不及旁邊另一家印度菜香滑。整體上非常滿意畢竟佢係fusion菜有較多嘅選擇而且味道好啱我哋，下次我哋一定會試佢嘅Pizza，因為好多款式同好吸引。

又係喺屯門搵食嘅時候，今次揀咗間近近哋位於彩華花園嘅「王子廚房」食午餐，提供印度菜、土耳其卡巴、墨西哥饀餅等，價錢由$5️⃣0️⃣起已包餐湯及冷熱飲品，非常抵食簡約木系配合中東風的裝修，感覺企理；更設有酒吧位置==========🔹是日餐湯粟米湯粟米份量不少，清清地幾健康==========🔹 土耳其羊肉卡巴 $62 (Lunch Menu)配料非常豐富，有羊肉、椰菜、紫洋蔥、番茄再加入醬汁配料新鮮，層次豐富；羊肉帶筋膜，份量多；卡巴微甜軟熟，配合酸酸哋醬汁夠開胃，食一份都好夠飽肚推介指數：7.5/10==========🔹咖喱牛肉 $55 (Lunch Menu)配烤餅/白餅/煎餅揀咗煎餅 (Chennai Roti)牛腩份量適中，配以薯仔咖喱為較濃稠的一種，咖喱味濃郁突出感覺足料；牛腩肥瘦適中，煮至軟腍帶點腩衣，牛味不錯；薯仔夠香夠粉同時有適當調味煎餅用手撕開時帶拉扯感，食落酥脆而不油膩，調味不多，感覺健康；配合咖喱汁一齊食非常滋味推介指數：8.5/10==========🔹印度香料奶茶 (凍)香料味道突出，奶及茶比例恰好，飲落夠滑🔹熱檸水==========免加一服務費整體用餐體驗滿意，

我們三人都屬於「細胃」一族（食力相當有限），幸好這裡每碟嘅碟頭唔算好大，令我們可以試多幾款，滿足口腹之慾。星期三晚上7點嚟到，餐廳人唔算多，睇吓餐牌 其實「套餐」係抵食嘅，但係我哋又想試心水之選，同埋少肉少澱粉，最後還是選擇散點。點了：蒜蓉烤餅、香草馬鈴薯燴椰菜花、特色奶油雞、印度烤鱈魚。餐廳另外赠送風味小食同忌廉雞湯。最後飽到飲品也叫唔到（本來想點芒果拉西）以上食物首推：特色奶油雞，次推：蒜蓉烤餅，之後才是：印度烤鱈魚 及 香草馬鈴薯燴椰菜花。雖然餐廳前台人手少（接待、落單、傳菜、收銀也是同一位印藉男士（聽得懂廣東話）），但服務態度良好、勤快，而且細心（會主動加水），店舖食物免加一，性價比高👍🏻👍🏻👍🏻，可以 encore* 用餐期間有使用洗手間，乾淨整潔