王家沙．花樣年華 (K11 Musea)

营业中

休息中

呢間分店除左野食款式多好多之外 環境裝修都好靚💓個秘製XO醬龍蝦炒麵真係好有驚喜🦞估唔到係原隻龍蝦上 蝦肉鮮甜爽口彈牙🤤炒麵加左佢地自家製XO醬炒 超級惹味呀‼️

原本網上見OpenRice 食評訂座喫麵，見網上食評有show出至愛食既松子桂花魚菜牌，適逢K Dollars就快到期，就決定去呢間食。點知到店內座低打算order時，店員話兩間唔同，點王家沙既就唔可以點喫麵菜式及無優惠。目的為食松子魚，最後放棄優惠吧！🙈因為得兩人食，只點選一飯一魚松子桂花魚$248主菜確實唔錯，熱辣辣，食落魚肉唔會硬，汁唔會太酸，幾好食家鄉金腿炒飯$108因為太晏，肚餓，忘記相機食先😆呢個飯就真係一般，金腿應該指雞肉？啲雞肉好淡，無味，成碟飯無咩料，唔太值呢個價囉！店員對使用K dollars系統應用程式既知識低，使用k dollars卡時，竟然話要全數夠比單價先可以使用，攪到我地用唔到啲分，要再去行搵其他店舖用。其實事實係店員不懂使用方法，根本張卡就似credit card甘，係可以部分用k dollars card，餘額再用其他方法payment 囉

收工九點二入，原來因做大清潔要十點早收，系理解。但在 Call confirm booking 電話中冇提醒。吃得趕咗D之外……而整體Ok……系魚瘦咗D、松子多番小小、個汁不過太酸……合格冷盤個肉冇咩味外，個冷盤個豆腐同個醬好甲、醉雞做得好食但刀不夠鋒利、青瓜可切細小小加多小小味好點、個木耳個小盤0k…….個酶骨與外面吃差不多……汁不太酸但希望找到一間做到個效果而骨又可成到軟骨就完美。個芝麻豆餅不太酼……最尾食可吃得到……個蔥麵，麵質好、汁、蔥花可多兩茶匙最多十分，各人喜好。大至75分，用D度訂位有優惠，尖咀區計來也化算合理。

今次與朋友訂了這間上海菜《王家沙，花樣年華 》，在尖沙咀K11 Musea 咁有藝術氣息地方用膳，超出我們期待，原本以為地點和裝潢優雅的地方，價錢一定很貴，但沒有想到價錢可以和食物水準很好。我們點了蟹粉小龙包，海鮮墨魚飯，紅油炒手，豬扒上海粗炒，高力豆沙，各樣菜式味道很好，除了上海粗炒稍為油膩一點，其餘菜式很平均。在這優雅環境享受美食是絕對值得，還有，職員服務態度很好，很有禮貌解答客人的問題，因地點有些難找，職員很詳細說明講解。現今香港飲食業多些這類職員，自然提高服務水平和增加營業額。

星期日係k-11 睇戲前食個晚飯 book 左8點鐘 餐廳大 多位 裝修靚 可惜服務質素同價錢唔成正比 首先 入到去個位 已經唔乾淨 有d 食飯渣係個位到 餐廳已經唔係滿座但waiter 完全唔夠 基本上每樣野叫幾次先有 差不多等左半個鐘先有野食 本身叫左d珍珠奶茶 點知已經賣晒 得番豆漿同氣水咁第一樣野黎到既係鍋貼 但好可惜已經凍左 味道還可以 之後叫左d 小食併盤 炒鱔 炒烏冬 排骨菜飯 霸王雞 小龍包 等等 整體黎講 味道算唔錯 4個人食左大概千四蚊 但價錢反映唔到服務水平 比較失望

一入去感覺已經無人招呼都算 ，坐低左比左啲吾熱既茶我地都算 ，張凳黐立立。比張紙叫野食 ，等左半個鐘都無野食到，（我已經無咩時間，個日生日食完飯仲要去睇演唱會）就叫佢幫我追追。之後再過左十分鐘就無啦啦比張單我，我話你宜家先幫我落單？條肥仔就話［已經落左單好耐無比張單你姐］，我睇一睇張單既時間，就系2分鐘前，呢啲叫好耐，吾好意思都無講，仲要扮落左單好耐，揮手叫侍應過嚟，啲我侍應扮睇吾到，我真系火都黎埋 無咩真系吾洗幫襯。成肚氣

最近天氣又濕又熱，搞到個人冇乜胃口，聽北方朋友話，四川、重慶呢啲熱到40度嘅地方，香料辣反而可以去濕個人冇咁攰，自問唔係幾食得辣，但今次朋友介紹王沙家．花樣年華又真係幾有驚喜！王家沙．花樣年華主打係上海傳統美食之餘，六月先新開嘅K11 Musea仲fusion左店內特定熱辣鍋特色系列，可以試哂上海、四川菜！新餐廳裝修得好靚，本身K11 Musea已經好grand，一係店已經比粉紅櫻花吸引打卡位吸引到，枱同枱之間好寬趟坐得舒服。點左上海凍肉，好有咸香味，層凍啫喱又爽又脆。必食王家沙嘅招牌正宗上海菜式，皮薄多汁蘇式鮮肉小籠包，熱辣辣一啖一個。今次專登去K11 Musea嘅王家沙．花樣年華因為呢間至有嘅熱辣鍋特色系列，點左好出名嘅老壇酸菜魚，一上菜已經哇一聲，上菜嘅碗碟好有特色，而且估唔到咁大份，聞到陣陣酸辣，立即胃口大開。先飲一啖金黃色高湯，味道酸酸辣辣仲帶點麻舌，飲一啖已經想追住試埋塊鱸魚，超鮮爽滑又冇骨，配料有酸菜、芽菜、寬粉，加上秘制老壇風味，同行嘅國內朋友話呢度嘅老壇酸菜鱸魚甚有水準，值得再三回味！最後叫左份上海甜品高力豆沙，呢款甜品係我至愛，其實係紅豆蓉炸蛋白，師傅要用靚油如果唔

色香味俱全位置很好 都算容易搵到當日防疫放寬 可以8人同枱店員原先安排長枱位置，然後再比我哋轉大圓枱 等我哋傾計舒服啲 好耐無見 老人家都好開心可以同大家見面食飯，當日都無太多人 而且店員好好，無趕我哋走。服務很好，只係食物份量偏少，稍微有點失望😊 總括泥講 食物質素好 服務態度好 只係份量太少😁

座位寬敞，同隔離枱有一定嘅距離，有唔少枱都係一家大細少黎食。廚房係半開放式，成日都有剁肉嘅dok dok聲傳出嚟，其實好擾人，呢點好需要改善吓。*侍應落單好混亂，落兩次單錯兩次，上菜都錯左兩次，連最後張單都係有啲問題，不過好彩侍應好努力咁解決問題。*蘇式鮮肉小籠包 $625件小籠包，皺摺手工一般般，外皮夠薄，但肉餡鬆散，唔太新鮮，唔推薦。鮮肉生煎包 $55史上最難食嘅生煎包！大小不一嘅包型以及油腍腍嘅外表已經出賣咗佢，點知肉餡更加可怕，豬肉非常非常腥，唔新鮮，無可奈何要退咗生煎包。鮮菜肉餛飩 $68餛飩有5粒，浸住紫菜上湯，外皮薄而且完整，菜肉餡紮實，肉多菜少，肉餡比生煎包好好多，但都係差啲。奶黃小麻球 $42嘩~意外嘅驚喜！外皮包住白芝麻，炸到脆卜卜，入面係軟糯嘅湯圓包住流沙奶黃餡，煙韌糯米+濃郁嘅奶黃，好正、好邪惡！上海擔擔麵 $88湯底花生味香濃而唔膩，帶淡淡嘅芝麻香，唔會太辣。面頭有肉臊、榨菜粒、花生碎，但麵條質素奇差，一咬就會化開，質地好散好腍好粉好奇怪。家鄉炒年糕 $108上海炒年糕係食佢嘅醬油香鹹香，以椰菜絲、肉絲、冬菇絲配搭煙韌年糕，但始終炒年糕係油啲。

一生中初次接觸上海菜，是四十年前，在人生第二個的僱主公司裡。當時我的僱主是寧波人，每天給高級員工的福食，就是每天中午由包伙食商帶進公司裡的上海菜。我當時只是低級僱員，當然沒份兒埋位吃飯，香噴噴的上海菜，每天準時放在會議室中。因我工作的位置就是在會議室附近，每天只得用鼻聞著就當自己也有份吃了，也因比認識到上海菜的味道原來是如此。王家沙．花樣年華，是一間吃上海菜的店，這十年八載我一直間中也有去光顧，也時刻在當中嘗試尋找回四十年前的味道香氣。今天晚上相約了一個也是上海人的知己，算是遷就他的口味，也是解解自己回憶的心癮，又來到了位於尖沙咀K11 Musea 的王家沙．花樣年華。吃得上海菜，朋友說一些招牌餸一定要點，例如鎮江肴肉、蟹粉小籠包、炸饅頭。這三款的前菜，由凍的肴肉，一直吃到燙口的小籠包，就將今晚的味蕾慢慢地地打開了。乾煸四季豆也做得香口，足夠的配料加猛火帶來的鑊氣，令整碟四季豆提昇了地位。蜜汁脆皮海中蝦雖然是絕配，蝦殼炸得香脆，但如何令蝦肉也不至於太老呢，我認為這店的廚師還需要努力，不要因為菜名的緣故，而硬著炸到中蝦香脆而令蝦肉太老太硬，這點令我有些少失望，但總體這味脆皮海中蝦也是值上

上海菜對我黎講應該都係我既comfort good之一！今日lunch time就拉左朋友黎同我食呢間經典上海菜食我最鍾意既上海麵食.今次佢地既k11 Musea分店仲同喫麵Cross over 「王家沙花樣年華 x 喫麵」將四川同粵菜合併.店內有限定熱辣鍋特色系列！夜有YumMee(喫麵)特色小食,甜品等等,可以同一時間品嘗到2種傳統風味招牌蟹粉小籠包小籠包皮薄得黎口感煙韌,夾起小籠包唔會好易穿.內裏既湯汁充滿肉香！再配搭蟹粉除左肉香亦多添左一份鮮味.上海擔擔麵擔擔麵上充滿肉碎及花生碎,擔擔湯底既花生香同辣味平衡得啱啱好,用上幼白既上海麵,麵條滑溜得黎又掛湯！嫩雞煨麵平時係上海菜中我最鍾意就係嫩雞煨麵！奶白又充滿雞肉鮮香既同時亦帶有小棠菜既甜味.嫩香雞肉加上爽脆既小棠菜配搭温熱滑溜既上海麵,口感尤其豐富.溫泉蛋賽螃蟹賽螃蟹上加上一隻搖搖欲墜既溫泉蛋,輕輕將溫泉蛋拮穿後,奶白既賽螃蟹立即被染上鮮艷既橙黃色.加上蛋黃後既賽螃蟹入口更香滑而且濃厚,面上既瑶柱亦增添一陣鹹香感,最後沾上少少醋後令味道更多變化.黑熊珍珠奶茶相當可愛既飲品！將茶底雪成小熊樣既冰再架入奶茶上保持茶香！珍珠入口Q煙彈

在K11 musea muse edition開了王家沙花樣年華 x 喫麵二合一概念店！此二合一概念店提供一系列四川及粵式佳餚，環境 寬闊，店員幾 nice, menu多選擇，價錢公道！招牌蟹粉小籠包，皮幾薄， 內藏肉汁而且帶有蟹粉既鮮味，又夠熱幾好食，一啖一隻啖啖肉好開心！原盅雲吞雞翅，翅既份量都算幾多，幾高性價比！雲吞堅係食出甜味感，而且雞食出酒香味道，整體幾潤幾好味！蜜汁脆皮海中蝦，好濃郁既味道，雖然見到紅卜卜又辣椒，但唔會太辣，好有惹味既感覺，味道帶點甜酸，令到隻蝦好吸味！，蝦半煎炸，什至蝦殼都食得！幾香脆。招牌海鮮蟹肉炒飯， 草菇，青口，魷魚，蝦仁，蟹肉絲，飯底溝上墨魚汁變黑，幾得意有綽頭，配料夠多夠豐盈，幾有層次感幾好食。溫泉蛋賽螃蟹，蛋白滑滑嫩嫩，用黎 mix粉飯更勝一籌。

K11 Musea 開左間二合一概念店，係「王家沙花樣年華 x 喫麵」，食晏又多個選擇.招牌蟹粉小籠包 $78一籠5隻，咬一啖d蟹膏湯湧出來，咸鮮甜味濃，小籠包皮又薄.老壇酸菜鱸魚片 $228好大盤酸菜魚！鱸魚片肉嫩冇骨，湯底酸度剛好，而薯粉吸收左湯既精華，亦都出色.杭式蔥油拌麵 $58唔好睇小簡簡單單一碗拌麵，麵條彈牙、蔥油好香.蒜泥白肉 $78用五花肉薄片包住青瓜絲，一口一舊，肉鬆軟青瓜爽脆富層次感，加埋惹味蒜泥辣醬油.皮蛋豆腐 $52蒜泥白肉重口味，呢款小食就剛好相反，嫩豆腐清香、加上脆脆肉鬆同皮蛋幼粒，入口係舒服感覺

原來「王家沙花樣年華 x 喫麵」二合一概念店剛剛 K11 Musea Edition （即係MoMA Design Store 隔離)登陸！最開心莫過於二合一唔只係一，而係仲會有一系列四川同粵式主菜供應- 王家沙有限定的熱辣鍋特色系列, 有 水煮、酸菜、喇沙同埋冬陰功，又有 魚、牛、大蝦可以選擇。至於YumMee喫麵，亦都有城市著名地道小吃、飯食同dessert, 一次過食上海傳統美食同東南亞美食，超方便又有特色！-鮮肉生煎包大愛王家沙的生煎包，生煎包煎得底脆皮薄，食落肉嫩仲要爆湯，等主菜時食佢就最開胃。-熱辣鍋老壇酸菜鱸魚片超推薦 呢個酸菜魚，細鍋都好大鍋，入面材料多， 泡酸菜配起骨切片的鱸魚，仲有無數的花椒、辣椒乾同埋泡椒，底下亦都有放入大豆芽、雲耳、金菇同薯粉等墊底，鱸魚片夠嫩滑，亦都唔怕魚骨多，魚味配湯底的辣和酸味好溫和而濃香，入口舒服好食。-上海咸粢飯 一份有兩條， 裏面有炸菜有肉鬆，也有卜卜脆的油炸鬼 ，幾喜歡呢種size 的 粢飯，唔會食到成口都係肉鬆 跌曬出嚟。-排骨菜飯排骨即叫即炸，炸得金黃，外皮鬆脆咬落豬扒也不會硬柴柴， 鹹香適中。菜飯也好吃啊～-黑熊珍珠奶茶用奶茶

放假行經K11 Musea 來到MUSE Edition ，地方很大，人流唔算好多，唔會有迫迫夾夾嘅感覺，休閒度十足!🍽😎連帶附近嘅餐廳都唔係一般連鎖食店。今日發掘到這間「王家沙．花樣年華」，取名好有年代感，睇真啲是聯乘「喫麵」攜手合作，主打一系列京滬菜，粵菜和特色東南亞獨家熱辣鍋！蘇式鮮肉小籠包即叫即蒸，手工精細，皮薄得透徹，包着滿滿的湯汁，肉餡肥瘦比例均勻，非常美味！😋👍🏻酸辣湯麵每次食上海菜都必點嘅酸辣麵，唔同餐廳都會做出唔同嘅口味。這裏各方面都表現平均，用料講究而傳統，有豬肚，蝦仁，東菇絲…湯底較稠，酸度和辣度比例平均，個人覺得可以加強一點辣度會更吸引。上海麵入口超滑而且吸滿湯汁，由於味道勁醒神，吃畢也不會覺得滯嘅一款麵食！熊貓流沙包（3隻）🐼🐼🐼造型實在太趣緻可愛，大人都俾佢迷倒！即叫即蒸，奶黃餡料也真的極度流心，而且也散發出很濃的蛋香，絕對係招牌甜品仲可以打卡。韭黄炒鱔糊能夠炒出濃香的味道，黃鱔肉很多，結實彈牙，唔腥，下飯之選！👍🏻奶油津白很久沒有吃奶油津白，師傅做得唔錯，奶油醬汁令津白又甜又香，功不可沒嘅係鋪上金華火腿蓉，鹹香味道中和返帶點點甜嘅奶油醬汁，味道簡單得來令人