王朝潮順館 (得寶商場)

营业中

休息中

店面環境裝修舒服企理，亦方便容易找，惟食物大有進步空間，分享如下：1）鳳梨咕嚕肉：用半隻菠蘿承載令賣相加分，有驚喜。半隻菠蘿上有紫洋蔥、紅椒、黃椒、青椒及菠蘿均中規中矩，但咕嚕肉是粉團一舊，大打折扣，整體不合格2）豉油王鵝腸：味道不錯，有蔥、芽菜墊住，但內含大量類似肥膏/雞膶嘅東西墊底，大打折扣，鵝腸數量其實不多3）煎焗鴛鴦餅(蝦餅、蓮藕餅)：整體味道可以一試，蓮藕餅可以，蓮藕有咬口，但蝦餅就平庸一點

📍九龍灣牛頭角道3號得寶商場地下A7號舖💰人均 230 HKD (晚市)今晚就約埋一大班朋友一行十一人來到九龍灣得寶商場嘅《王朝潮順館》食潮州菜，之前身邊嘅人同埋自己都來過呢間食過幾次。《王朝潮順館》總共有兩間分店，均設於九龍區，第一間係大角咀店，到上年再擴設營業至九龍灣。《王朝潮順館》由開業至今一直都好評如潮，食過幾次質素一樣咁高。我地book左七點鐘枱，坐低左一陣餐廳都開始人山人海。店員人手略顯不足，但佢地服務態度依然友善快手。~~~~~~~~~~~~食物介紹~~~~~~~~~~~~🤩薑蔥桶蠔(HKD 238) 相片中係兩份份量呢個係朋友order嘅，店員有講到一份大慨只有6-8隻，所以我哋就叫左 2份。上到枱一打開煲蓋，色香味俱全，夾起手每隻蠔都有份咁上下大隻。師傅手勢好，並無煮到水汪汪，亦無overcook煮到啲蠔縮水。味道出色，食落無腥味，調味剛好，無掩蓋到豪蠔鮮味。🤩王朝特色鵝肝(酒香版)(HKD 228/ 1份) 呢到嘅其中一樣必食招牌作《酒香鵝肝》，我本人第一次食完亦回味無窮，鵝肝生熟程度恰好，非常粉嫩，咬落再食到有啖啖嘅酒香。推薦大家來到一定要叫份試下，佢地提供半/全

3月18日，靚媽生日大假，拉士哋 搵食肥華諗住畀個happy ending佢，就去呢處食，靚媽至愛之一，此店嘅，砂碢翅下午茶餐，今日一入此店，發覺全無相熟面口，由舖面負責人，到一般待應都喺，新面孔，而班新待應個個都好似係，新入行人仕，唔識主動去招呼顧客，連茶水亦要，客人自取，每樣對顧客嘅基本服務，和待應該企位置都要舖面負責人督促，提點，和之前一班勤快，主動嘅員工相比，喺天與地嘅分別。唔知喺唔喺此店連，厨房都換咗人，今日肥華在此店食到嘅，海鮮炒飯和砂碢翅，都喺洗腎級食品，重口味嘅肥華都頂，呢兩樣食品嘅咸味唔順，更何況食開清淡口味嘅靚媽，見佢為咗唔掃肥華興，而哽哂啲食物，肥華就覺得今餐唔係happy ending係爛尾收場🙅‍♂️🙅‍♀️

中學同學介紹食呢間，話食過幾次都唔錯👍🏻我哋一行八人包咗間房。首先，嗌咗個幾前菜👉1.(海蜇拼泡椒雞腳根)2.（凍豬手）3.（滷水拼盤）味道偏淡～所以我哋要狂點佢嘅辣椒油😂必食手工菜：江南百花雞🐓呢碟菜真係少啲心機都唔得，雞皮勁脆，雞皮下面嗰啲係蝦膠！另外🦞龍蝦煎米&豉油大蝦🍤都好好食🤤但我覺得全晚最好食嘅係小炒王！😍佢入邊係用咗炸芋頭，每一條都炸到好出色，同啲蝦干、同埋腰果、蘆筍炒埋一齊🤩真係好好味😋炸鮮奶都幾特別🥛

中午去九龍灣想攞回鄉證，見肚餓依左個肚先，周圍搵野食，地鐵站行出去見到德寶商場，大街有間潮館裝修唔錯，乾淨衛生，入面仲好多人，門口個價錢牌好吸引好鬼抵食👍行入去坐低，地方座位寬闊光猛，裝修都唔錯，服務員態度好好👍，餐牌上好多嘢都好吸引好想食，諗咗一陣🤔，卒之叫咗個陳村粉，因為唔係咁多地方有得食，試吓先😛嘩😍，熱騰騰賣相一流，雞又滑粉又好味😋，超正👍，五十幾蚊仲有杯飲品送，抵食夾大件🤩，讚👍👍👍

好鍾意打冷，同朋友黎過一次，覺得佢個醉鵝干好食，所以今日朋友又黎我屋企，決定encore朋友們都係眼濶肚窄，3女人1小叫到全台都係，所以好快我哋張枱就擺滿晒，要擺到去隔離張枱。我地其實見情況都有拿拿聲食左啲前菜，不過枱唔大又餸多情況下，唯有繼續佔據住。不過由於間舖都真心多啲人幫襯，好快隔離枱都有人坐了，員工無諗點解決，反而好似埋怨返我地轉頭俾說話我地聽，真心有啲嬲左，其實佢唔係完全唔可以幫我地放住先，唔明點解態度咁食物方面，平心而論係唔差既，所以咁多人，價錢亦合理，係今次叫卜卜蜆明顯少左好多蜆，用左大量菜底，明明上次黎好多好抵食，另外醉鵝肝當然係唔錯，非常入味，我仲繼幾鍾意個粥，美中不足條凍烏頭生左d

是咁的，這一則不該說是食評，話說噚日訂好位提前同屋企人食團年飯及有成員要出國讀書，我哋一行18人早成個月預訂好餐廳是常識吧，而且早兩日佢哋仲whatsapp嚟問要唔要訂定d乜菜，結果……去到一句話攪錯booking無預位俾我哋，之後就求其用d兩位/4位枱砌提18位俾我哋，又近後門位及實在好迫，嘈兩嘈就話俾翻個八折我。大佬呀！食餐團年飯仲俾你分開兩排位。唉！最後唯有走人，去咗隔離商場食稻香。 滿心期待最後搞成咁真係呢…

中秋正日冇book到枱見呢間餐廳仲有得入座就入左黎食👍🏻就算用餐時間係90分鐘都正常嘅😂首先我個人覺得呢到嘅服務冇其他人講到咁差🤫我問下佢地有咩小菜推薦佢地都好熱情咁介紹😝同埋我覺得都算ok有禮貌😬冰鎮咕嚕肉：呢個咕嚕肉同佢嘅鳯梨咕嚕肉係唔同嘅🤫我覺得佢呢個咕嚕肉脆皮做得幾好😋豬肉都唔算醃得太勁🤏至於周圍嘅生果伴碟最後食曬😂整體黎講都唔錯👍🏻炸蠔餅：呢個炸蠔餅炸得都香脆😋粉唔算落左好多加上蠔仔都足料嘅🤩食到蠔本身嘅味🤤卜卜蜆煲：呢個煲就相對比較失望喇🥲蜆有1/4都唔開😅有d蜆入面仲有d黑色嘅膽汁係到😳湯都算合格但整體黎講係唔合格❌金銀蛋浸小白菜：呢個菜就正正常常啦都冇咩特別😂但如果有少少肉碎係上面就更好了🥰Overall 黎講間餐廳都算合格😉價錢方面會貴過大排檔少少但如果冇咩選擇都可以將就下😂味道：7/10價錢：7/10環境：7/10服務：7.5/10

第一次黎到咁足料嘅潮州小菜館👍🏻👍🏻👍🏻小炒皇係最推薦嘅菜式之一，炒得好乾身，最特色係用左露荀黎代表左韮菜！！好出色！！！同埋有埋炸得好香嘅芋頭絲，好香口，好好食！送酒一流嘅小菜👍🏻👍🏻其次推薦嘅係炸蠔餅🥰好厚身但又唔厚粉，每一啖都食到蠔仔！都係好鮮甜，口感不得了！有驚喜嘅係江南百花雞，係雞皮先真係雞嘅部分🤣雞肉蝦蝦滑代替左～好特別嘅特色菜👍🏻👍🏻值得一讚💛冰鎮咕嚕肉個擺盤設計好用心，驚會食到滯，所以側邊圍住個盤擺滿哂車厘茄同香印提子！好細心，香印提子好香甜！真係可以消滯！而經理都周不時走埋黎一齊飲番杯，吹下水，問下我哋岩唔岩食，好唔好食，最後仲送埋甜品俾我哋食！宜家呢啲人情味賣少見少，出面啲餐廳都係佢哋有佢哋做野，我哋有我哋食，希望食客盡快食飽好快啲走，盡量做多啲生意，但呢到唔會有被趕嘅感覺！慢慢食，同屋企人朋友聚餐首選嘅地方👍🏻👍🏻👍🏻

與友人相約這間潮州菜館，見新開張一陣子都未幫襯過。餐廳需要預先book位，因為平日晚上都比較多人。在OpenRice book左八位，去到嘅時候見到前面有啲空圓枱，所以就問侍應可否轉過去，不過侍應說已經俾人book咗。餐廳的食物都偏貴，本身想嗌多啲潮州海鮮但都$300-400 以上。最後叫咗薑蔥桶蠔，卜卜蜆，芥菜煲，烏頭，蠔餅，蠔仔粥，小炒王，薯仔牛柳粒。食物的質素都高，材料新鮮。特別喜歡個卜卜蜆，都幾大兜，桶蠔大大粒好肥美。差唔多食完嘅時候店員都係咁問我哋使唔使加餸，同嗌糖水，又問使唔使收嘢，收左兩三轉野。來來回回左幾次，似想趕我哋走，但出面冇人等位，仲有空枱。最後我哋食左個幾鐘八點幾就走左。

從一開張光顧，當時有位女士服務超級好，我堂食滷水豆腐剩下外賣打包，還特登為我重新添加滷水汁，說番到去好食啲，令我留下深刻印象。其後每次經得寶都會來光顧，當中鹽香雞十分不錯雞滑美味，紅燒砂煲翅是每次必點。但昨天再次光顧，當時諮詢藍色衣服男士店員說要等位。我們便默默在門口等待，等待半小時期間不停有客人入座，仍沒有安排我們入內，我念可能不太想招待有老人家輪椅客人。但因為已約了其他家人，所以只能選擇在該餐廳用餐。直至找另一位男侍應幫手，才可入內就坐，感謝該男侍應幫忙拉門及安排近門口位置🙏🏻我其後入到餐廳發現吉台還有3-4張。但真是一次不好的體驗，應該沒有下次。

熱浪來襲，聽到友人提議去「打冷」，頓感惶感。腦海只想到：「有沒有冷氣？」果然，冷氣是大家的命。 (1)滷水拼盤：鵝件、大彩、墨魚滷水尚算渾厚帶香氣，其刀功令擺盤更為精美，錦上添花。 (2)生啫白鱔 用蒜粒、紫洋蔥等香料爆香，於砂鍋中慢慢燜熟。 (3) 順德卜卜蜆 全場最為引人注目的菜式之一。 (4)南乳粗齋煲 除了粗齋煲，都有多款清炒小菜自由配搭。 (5)蠔餅 每隻蠔仔飽滿有口感，但粉漿太過厚實，亦未做到鬆脆。 用膳期間，發生一段小插曲。幸得友人與店員鼎力相助，才得以解決。久違感受到店員的熱情，服務富有人情味。

來到九龍灣的「王朝潮順」的菜式經典豐富，讓我口感大開，回味無窮。首先，涼拌蓮藕芯是必點之選。清脆的蓮藕芯搭配微辣的醬汁，口感十分爽脆，開胃解膩，讓人胃口大開。接著，滷水鵝頸讓我驚艷不已。鵝頸肉質細嫩多汁，入口即化，滷製的香味融入肉中，令人垂涎欲滴，讓人忍不住一口接著一口。順德鯪魚球也是值得一試的招牌菜。嫩滑鯪魚肉搭配綿密的魚漿，外脆內嫩，每一口都散發著鯪魚的鮮甜。最後，冰鎮鳳梨生炒骨是道別緻的菜。酸甜的鳳梨調和了生炒骨的香脆，絕妙的味覺碰撞，讓我大呼過癮。不論是家庭聚餐還是朋友聚會，這裡都是個理想的選擇。#王朝潮順 #傳統美食 #涼拌蓮藕芯 #滷水鵝頸 #順德鯪魚球 #冰鎮鳳梨生炒骨 #正宗潮州美食 #九龍灣美食

6月3O日揾食肥華又約咗靚媽收工後，到此店食魚翅撈飯，因政府派消費券嘅後遺症，市面好多食店都趁勢將食品加價，此間食店亦跟隨大勢，將呢個原本$58蚊嘅，砂窩翅下午茶時段餐，加價$10蚊，變咗而家要$68蚊至可以，食到呢個砂窩魚翅餐， 還好呢個餐雖然加咗$10蚊價，但味道及用料仍然保持水準，依然屬於平，靚，正嘅食品，今日肥華點咗兩個紅燒翅餐外，再加兩個下午茶特價，小菜跟白飯，餐茶套餐，咁就肥華，又可以用超值價錢，食到魚翅撈飯，嘞😋👍👍👍

王朝潮順館 📍牛頭角道3號得寶商場地下A7號舖食物出色，份量慷慨，環境舒服，企理乾淨！ 仲打聽到係免開瓶費🍷岩曬帶屋企人或一大班朋友齊齊享受美酒佳餚👨‍👩‍👦‍👦👅8.88/10王朝滷水鵝片✨必食！外皮焦糖色帶光澤，鮮嫩鵝肉&豆腐都吸收滿滿滷水精華，入味得黎一D都唔膩滷水鵝腸鮮爽Q彈，略韌有嚼勁!!漁村脆米泡飯天氣熱冇乜胃口食泡飯就最岩喇！鮮甜湯底加捚爽彈蝦肉,鮮甜魚片，啖啖鮮味！添上脆米令整個口感層次更為豐富！豬油渣炒菜芯超邪惡勁惹味！！c fu就係勁到菜芯都煮到咁好食！#jengfoodguide_九龍灣