王朝潮順館 (得寶商場)

营业中

休息中

係牛頭角見到呢間王朝潮順館 @dynastycateringgroup 好似好多人都話OK , 我咁鍾意小菜打冷就緊係試下佢啦, 入面有好多野食, 樣樣都好吸引, 最後就叫左呢幾款…頭盤先黎 #麻香蓮藕, 食起黎都幾特別, 原來係麻醬配凍蓮藕, 因為蓮藕清爽配起麻醬一啲都唔賺膩 食起黎仲有好輕微既辣味, 令到成個味道更香, 愈食愈想食, 正 🌻🌻🌻🌻🌻潮洲舖一定要食滷水豆腐, 入曬味, 好好味 🌻🌻🌻主菜就叫左其中一款 #大良炒鮮奶, 呢隻做法都幾特別, 食起黎好滑, 都幾好味, 上面就有好多魚片同蝦舖面, 非常豐富, 不過應該分開煮, 味道同”鮮奶”就有啲唔分開🌻🌻另一個主菜就係 ＃金沙涼瓜四季豆 , 呢個即叫即煮, 真係超正, 苦瓜切到同四季豆一樣SIZE，啲黃金醬全部薄薄一層包住每一條，食起黎外脆內軟， 鹹度又啱啱好， 超級正🌻🌻🌻🌻🌻仲有另一個主打既主菜係 ＃冰鎮咕嚕肉， 一黎個賣相已經好吸引，因為擺盤都色彩紛， 好吸引， 食慾大增， 咕嚕肉食起都夠脆，食落肥瘦都適中， 咕嚕汁份量剛好無浸淋曬肉， 正🌻🌻🌻🌻————王朝潮順館 （九龍灣） (九龍灣)九龍灣牛頭角道3號得寶商

5月25日揾食肥華，一家大細到此店，食晚飯，此行目的係帶大仔仔來此店，食魚翅撈飯，估唔此店晚市場面，係熱鬧非常，客似雲來，與早兩次，肥華唻食下午茶，得小貓三四隻嘅冷清，場面比較真係天與地，雖然此店晚飯時間嘅煲仔翅，售價比下午茶時段貴咗，三份一價錢，但用料上係比較豐富，肥華亦覺抵食，而今個晚餐所點的食物，除咗個砂鍋雞煲翅，味道偏咸外，其他都係美食，食物平圽都有B+至A級評分，不過今晚此店坐在肥華隔離枱之顧客，非常嘈吵，令到肥華為所點之食物，拍照存檔嘅興趣亦没有，忽忽食完此餐便埋單走人

今日同同事來試吓呢間打冷，因為之前兩個同事食過都話好食🤩今日叫咗個醉鵝肝，係有入口即溶嘅感覺，酒味都好重。另外叫咗一碟鵝片拼豬腸同墨魚，啲墨魚係多到有3層，好誇張🤣最後蠔餅都好有驚喜，胡椒粉味好重，個炸漿又做得啱啱好。

九龍灣地鐵站附近有一間新開食潮州菜的地方，聽說下午茶有雞煲翅食，而且價錢不貴，今天特意來試試。午市套餐都係幾十蚊，價錢還算可以。聽聞三寶飯好好食，但今次專程來食魚翅，飯下次再試。下午茶不收加一，而且包一杯熱飲。紅燒砂鍋翅， $68砂鍋入邊的魚翅雖然細細塊，但份量都幾多，而且湯有淡淡元貝及火腿的味道。濃湯雞煲翅，$68雞湯清甜，有兩件雞，魚翅也不少。每煲$68 ，說真的味道還可以，當然不能要求太多，但係魚翅的份量也不少，魚翅也很有質感，這個價錢能夠食得到，也算不錯了。

真係好嘢係要返尋味，4月11日揾食肥華又同靚媽到此店，食佢哋個平靚正，煲仔翅下午茶餐，今次照4月4日一樣，肥華和靚媽各點咗，紅燒砂鍋煲仔翅及鷄煲翅各一客，再加一個馬拉盞炒通菜爽肉下午茶飯餐，另有三杯跟餐熱飲，正如上次食法，肥華又將煲紅燒砂鍋翅内嘅翅，撈飯食，今餐有肉，有菜，仲有魚翅撈飯和一杯，飯後熱飲，兩人消費合共都係佰零蚊，真係點計都物超所值，但肥華在此温馨提示各位，粉絲，此店嘅特價下午茶時間，係平日星期一至星期五，下午二時三十分到五時正，其餘時間則以正價收費！

清明時節雨紛紛，路上行人欲斷魂。借問鹵鵝何處有，得寶商場有一間。清明假期 突然有一股 食鹵水鵝嘅癮上openrice見到有一間新開潮州嘢食鹵水鵝好似唔錯一於就試下午市店舖內唔係好多人一入到去 大把位坐 坐得都幾舒服佢個menu都冇睇 直接就叫咗鹵水鵝片飯套餐鹵水鵝片飯 $68 +$3 凍飲第一時間就 試下一塊鵝片 食落 好新鮮附送有一碟 醋 點鵝肉 都好match不過 略嫌佢個飯 冇乜汁 比較乾爭爭於是呼叫 服務員 攞多一碟鹵水汁加埋落去食就比較perfect

揾食肥華在FB飲食羣組，知道此店在下午茶時段，有平價煲仔翅供應，4月4日肥華聯同靚媽及細仔仔，一行三人便到此店嘆番個，魚翅下午茶餐，呢餐點咗兩款都係$58元一煲嘅砂鍋紅燒翅及濃湯鷄煲翅，兩款翅份量及味道都非常對辦，堪稱物有所值，而其他食物三寶飯内嘅，鵝腸爽脆，鵝肝粉嫩，剩食呢兩寶都值回碗飯價，而其他食品，除咗個香辣魚皮和個煎蠔餅，因唔係下午茶時段特價食品，相比其他食物，算屬於偏貴但味道仍算OK，加上此店侍應，待客態度良好，座位濶落坐得舒服，茶水又供應充足，呢餐魚翅下午茶，係超值之選👍👍👍

呢間中菜館新開張2個月左右，九龍灣地鐵站行過嚟好方便，住附近又多一間中菜選擇，啱晒唔鍾意連鎖集團嘅我！菜館主打潮州菜同埋順德菜，平日容易啲訂房坐，今次叫咗幾味比較特別嘅菜式：💥 醉鵝肝 - 同平時食嘅潮式鹵水鵝肝唔同，入口非常滑溜，帶有少少酒味，我唔飲酒嘅都覺得好順喉，推介！👍👍💥咸菜炒豬雜 - 潮州咸菜味道唔會過咸，豬雜炒得好入味，一啲都唔腥，連個配菜蒜頭都好好食😋💥蔥油淋雞 - 雖然係冰鮮雞，炸得皮脆肉嫰，加埋炸蔥油一齊食，出色👍👍💥麻醬蓮藕條 - 開胃小食，蓮藕好爽😋💥煎蠔餅 - 粉漿夠薄，半煎炸夠脆口但又唔乾身，蠔仔都幾大隻，就算唔沾魚露都好食，又係推介！👍👍仲有佢哋標榜唔落味精，就算鹵水菜式都係無味精，下次要叫返碟鵝片先😏

今日夜晚興致勃勃邀請屋企人到附近新開潮州餐廳食晚飯😩😩😩🤨🤨諗住盡下孝，點知而家好似帶佢哋嚟中伏咁🥲見佢新開張都算多人，仲話食飯一定要book位，叫我地等，點知淨係等咗2分鐘🤣以為一定無伏！點知🫠係大伏！！！！蠔餅多粉唔新鮮乳鴿又乾又冇肉，一隻已經$128😤唯一可以介紹嘅係佢嘅鹽香雞，好滑易咬原來有好多分店，唔知係咪呢間特別難食只可以講一次夠啦🤯之後真係不了不了晚飯未食完已經開始要打食評，唔強烈建議大家不要中伏！！！！！

話說早前係九龍灣得寶食過潮州菜.覺得佢哋個午市套餐及下午茶幾低食.今日行開淘大商場同埋啲朋友午膳聚會.大家都無見好耐.見面難免互訢心聲.虛塞問暖.大家都顧住傾偈.無嘜點食嘢.聚會過後.已經下午三點多.肚子有點鵝.突然之間想起得寳《潮順館》嘅午市套餐及下午茶餐.佢哋下午茶時間有九折.淘大商場行過去都唔使10分鐘.便決定試吓佢哋潮食！到咗睇吓佢哋嘅下午茶餐牌.結果點了三個午市套餐（外帶）回家與家人分享.點餐如下：1. 王潮滷水鵝片飯 X1 $68元 跟餐凍奶茶X1 加$3元2. 鹽香沙薑雞飯 X1 $48元 跟餐熱鴛鴦X1 免費3. 五香牛展飯 X1 $50元 跟餐熱鴛鴦 X1 免費🚶🏻‍♂️👉📌王朝潮順館 （九龍灣） (九龍灣)九龍灣牛頭角道3號得寶商場地下A7號舖📍😍備忘提點：下午茶時間.單據總結有九折優惠.👍

二人去晚飯，叫了蠔餅 、烏頭、芥蘭煲。逐樣評價，☕️ 蠔餅唔掂粉漿太「傑」，烏頭好味😋⋯⋯好多黃油 👍🏾👍🏾👍🏾👍🏾芥蘭煲我鈡意食芥蘭啊！環境衛生🆗！入座時明明好多吉枱 ，東一枱有客坐，西一枱有坐客，但係有一位女侍應示意叫我兩個坐，其中一枱的長枱 搭枱坐，有冇搞錯 ，依家疫情唔壓重也不想同啲陌生人坐咁近啦，仲要就咁痴住坐隔籬加塊板， 真係好多吉位個喎，全間餐廳得3張枱有人坐喺度食緊嘢咋，餐廳有十幾二十張枱以上我哋兩個梗係唔坐埋去啦，自己坐去第二度唔理佢啊！總括嚟講冇諗過再次幫襯🤪🤪埋單$4xx

喺九龍灣得寶開咗間潮州菜館.菜館喺大角嘴都有間分店.九龍灣店是剛剛開業無耐.家人及本人亦喜歡潮州滷水鵝及大腸這類食物.我都喺度介紹好多滷水食店.有啲食家話呢度大件夾抵食.唯有等我嚟試吓.今日我哋兩公婆一齊嚟到.依度嚟地鐵站站都有段距離.我哋嚟到都已經下午兩點前後.下午茶要兩點半才有.唔無理.今日我哋嚟係試佢地正常午餐.無等下午茶時間已經入咗去坐低咗.地方都算寬敞闊大.坐位亦算舒服.無得點茶.阿姐無問你哋飲嘜茶.已經送到一壺熱茶.我哋飲落應該係菊普.飲落都覺得幾好！點餐如下：1. 鵝片雙拼雞 X1 $208元2.滷水豬大腸飯 X1 $48元 跟餐：凍鴛鴦X1 $3元🚶🏻‍♂️👉📌王朝潮順館 （九龍灣） (九龍灣)九龍灣牛頭角道3號得寶商場地下A7號舖📍備註：原來下午茶兩點半起有九折優惠.記唔下次睇👀時間🕰！

自從得寶間茶記執咗一直希望有間好食嘅餐廳開，果然無失望！新開咗呢間【王朝潮順館】係得寶商場個邊，老實講位置唔近地鐵站唔算方便，但都值得去試，加上街坊要去支持下！佢係打冷潮洲菜，唔會話係茶記咁頹，lunch set都唔算貴，算係抵食！🔸王朝招牌三寶飯（鵝肉，鵝肝，鵝腸）$78鵝肉好香好鮮甜又嫩滑，肥瘦適中，唔會話有好多肥膏鵝肝雖然薄薄有3片，但好香好滑，食完會想追住食😋鵝腸係好爽脆，清潔得好乾淨，而且份量都算多飯入面仲有菜同滷水蛋🥚相當豐富！🔸海蜇燻蹄貴妃雞飯 $60估唔到個海蜇可以咁好食，好香麻油+辣椒味道，已經好味，加上個海蜇好爽脆，令整體上更上一層樓燻蹄都爽口，係凍食嘅，一定要點個醋食貴妃雞正常，份量適中，一定夠食！🔸油菜（跟餐+$18）是日油菜係菜心，好清甜，唔算太貴，叫返碟健康一下🔸滷水豆腐 $28豆腐有3大舊，採用咗滑豆腐，外表煎香咗，唔會咁易散開，又可以滷水入味🔸滷水雞蛋 $20係2粒雞蛋，滷水相當入味，雞蛋好香！🔸午餐跟飲品，叫左奶茶同鴛鴦，幾好飲，唔會太澀👍🏻總括來說，呢個價錢係抵食，$50-80就有個lunch set，可以一試！

點了四個菜，食之前冇影相，愈食愈谷氣，蠔餅$128 全世界最細，好似個8吋pizza, 五香牛展$68師傅刀工一流，每片都係超薄，用埋的大大舊類似丫燒嘅物體墊底（第一次見），餓片$198細細碟，除咗面頭六七片大片之外，下面全是碎濕濕,肥餓皮都有一大塊，最正常及好味是金薯牛柳粒$128，份量偏少但勉強可以接受，本來沒有打算寫食評，但最後希望大家不要中伏，從未食過這樣的打冷，極度不知所謂，最後一個好消息，埋單有9折，$470😭😭😭

#跟住我食唔中伏 新年約 #bestfriend 去食個lunch🥰屋企附近開咗新餐廳「王朝潮順館」就去試下～Lunch set 由 $48-80都有，選擇好多😍見到［ 白鱔黃鱔煲仔飯 ］勁吸引🤩即刻決定嗌呢個！白鱔黃鱔嘅件數都多，肉質好爽彈，好新鮮！加埋甜醬油好正😋［ 北菇雲耳滑雞蒸陳村粉 ］都好好食🤤陳村粉好滑身，唔易斷開，心心同朋友仔都好中意食😊滑雞皮香肉嫩，掋食又好味👍另外仲嗌咗個燉湯飯，嗰日嘅湯係五指毛桃💕好養生飲落好順喉，冇味精，心心都追住飲😆燉湯飯配埋菜，唔錯～環境乾淨幾舒服，另外仲有得包房聚餐😁以後同朋友/屋企人食飯，又多個好選擇👍#牛頭角美食