王牌冰室 (彌敦道) (已結業)

😂是是旦旦叉燒蛋飯+熱飲$72蛋真係炒得好滑好食帶有小小蔥花微香入面都有叉燒同蝦仁份量都正常整體都好食奶茶亦好飲，比例好☺️===================

① 王牌特濃沙嗲牛肉公仔麵常餐 ($48)// 見到沙嗲牛關注組有唔少人都推薦依間店，果然一食便知龍與鳳🥳！雖然唔算好大碗，但係配常餐（奶油豬＋炒蛋) 都夠曬飽~ 沙嗲牛真係超級濃郁😆✨!!!!每一片牛肉都沾滿濃厚嘅沙嗲汁。雖然花生香唔算好出眾 但都食到🥜 食之前記得一定要撈匀先好食!!! 炒蛋都唔錯但係奶油豬就hea啲😂感覺上連烘都無烘過勁硬，不過沙嗲牛可encore~//𝙁𝙤𝙤𝙙：🌕🌕🌕🌕🌕🌖② 馬來星洲炒米 ($58)// 份量同樣唔算好多，咁嘅價錢性價比的確唔高，不過味道就係正常茶記水準🤞🏼✨。//𝙁𝙤𝙤𝙙：🌕🌕🌕🌕🌗🌑.👑王牌冰室 (彌敦道) (旺角)旺角彌敦道726號地下1-2號舖🍮 #aiiifoodie#aiiifoodie_mongkok #aiiifoodie_旺角

久唔久係要滿足一下自己的邪惡慾望😂雞扒、雞髀、薯條、西多🙈😈下午茶餐選擇好多好百搭 都算幾抵食既香煎雞扒+西多半份 $38呢個認真係邪惡組合但又真係好鬼正。雞扒就奀咗啲，好似發育不良喎咁細塊，一般般。相對之下，西多半份就足料很多(其實有半份西多呢個option好好，想食又唔使食咁多)，大大份炸得好靚仔，糖漿可開上係好事因為個糖漿好甜，自行加少少就啱啱好。瑞士雞髀 + 薯條 $38雞髀中等size，唔算特別肥美，味道主要係個皮度，裡面唔夠入味，但個瑞士汁係okay既，唔會偏甜幾balance。薯條都幾有誠意唔係hea貨，新鮮炸仲係熱辣辣，加分！自動俾埋茄汁要讚👍🏻咁的價錢仲包熱飲抵食呀！熱奶茶一般，偏重奶。

之前睇到關注組都有介紹佢既沙嗲牛麵，所以都幾對佢幾大期望！食左佢既經典常餐，王牌特濃沙嗲牛肉公仔麵，配牛乳炒蛋同多士。佢既沙嗲牛果然冇令我失望，牛肉好林身，而且個汁十分濃，食落有少少花生醬味，係偏甜既沙嗲汁。佢汁濃到係每條麵都可以做到掛湯！食到最後可能會有小小覺得太濃味，不過整得感覺都好好！係值得回味既沙嗲牛！而佢既牛乳炒蛋都十分滑，一啲都唔會蘇，不過就冇太大既驚喜🙈整體嚟講，覺得佢價錢合理，而且個沙嗲牛都真係做得幾出色，一定會再食🤤

之前我曾經光顧港式茶餐廳「王牌冰室」一次，我第一次光顧的「王牌冰室」分店位於「將軍澳南」，而且只是享用下午茶，所以當時在「將軍澳南」分店「王牌冰室」，只食下午茶「菠蘿油」配熱「奶茶」就算了。至於我第二次光顧「王牌冰室」的體驗，就要等到「平安夜」晚上，在「旺角」「彌敦道」旁邊的分店裡面享用晚餐，才能夠真真正正體驗「王牌冰室」晚餐的滋味。「旺角」分店「王牌冰室」樓面的設計，大致上跟「將軍澳南」分店樓面都是幾乎一模一樣，仍然還是掛着「是是旦旦叉燒蛋飯」八個字，但是「旺角」檯櫈座位實際上仍然很多，不難找到座位，也不用擔心有人「搭檯」。不過，我光顧「旺角」分店「王牌冰室」時，除了要享用主要晚餐食品「咖喱牛腩飯」之外，其實等還想在「旺角」「王牌冰室」晚餐裡面享用「雞肉」食品，例如「炸雞髀」或者「煎雞扒」。可惜我在「王牌冰室」價目表裡面翻查了很多次，始終還是找不到任何「雞肉」類型的小食食品，只有一些份量比較大的「雞肉飯」，或者「雞肉」粉麵食品而已。幸好「旺角」屬於雲集中外各大不同類型食肆的地方，想在「旺角」找到享用「雞肉」小食食品的食店一點也不困難。所以我最後在「王牌冰室」裡面，只選擇享用「咖喱牛腩

記得之前上網見到一個有關沙嗲牛肉麵嘅片，其中一間有介紹呢間王牌冰室，咁啱天氣又凍，最好食啲暖粒粒嘅公仔麵。叫咗特濃沙嗲牛肉麵套餐，跟炒滑蛋，仲有豬仔包，不過我轉左厚多士。滑蛋同多士黎先，滑蛋老實講唔算好滑，牛油或者奶味都唔係好覺，而厚多士都係普通多士焗左，唔算特別鬆軟好味。到主角特濃沙嗲牛肉公仔麵出場，個湯底真係好濃，好似日本沾麵嘅濃，頭幾啖真係好好食，不過之後真係會覺得有啲too much，個人口味，其實可以唔使做到咁濃會好啲。******************************👍🏻好食 | 👌🏻可以 | 😔 難食評分 : 6/10簡評 : 特濃沙嗲有啲too much

行過附近唔知食咩好，決定入去試下呢間早餐，一直想試但未有機會作為沙嗲牛肉麵嘅愛好者，早餐當年叫咗個沙嗲牛肉麵試吓，結果都唔會太失望.個沙爹牛肉 麵湯底濃郁，但係唔算好咸👍🏻不過少少油就在所難免🙈牛肉唔老嘅，都唔算肥，感覺似係高質少少嘅肥牛，唔算👍🏻.個汁嘅沙嗲味呢係好出呀，咁面底呢就用上咗大光麵，所以有啲咬口😉少蛋正常無咩特別，都夠軟滑，脆豬一般般，可以再脆口少少熱奶茶，茶味濃但就下次都係試茶走開心D🤣

想食常餐同丹麥多士一個禮拜了😂今日見到呢間有呢兩樣想食既野 就食咗呢間！🤪🤪▪️蝦仁拼叉燒滑蛋飯比我想像中好食：0特別是配料方面！叉燒多塊又入味😳🤤蝦仁不太像蝦仁，更像蝦🦐！不會過份彈口、像冰凍蝦仁，而且又有蝦味又飽滿😳😳😳 滑蛋方面也是不會老，甜豉油也不會太多！😋😋😋只是有點過油😂不過整體幾好味～▪️番茄鮮牛肉通粉·常餐 $48配嫩滑蛋、丹麥多士番茄湯底好濃郁，除咗茄蓉仲有番茄本人🍅🧐🥸通粉好好好多，牛肉都好多！😚但牛肉好韌 難咬開😕丹麥多士烤得太酥脆😂冇丹麥多士嗰種手撕麵包的口感🙁 蛋都好嫩、煮得比較水～

本來想試沙爹牛面，不過設備壞咗無得供應。凍檸茶無茶味？非常好奇點解之前的食記無人提及過。雪菜肉絲炆米中規中矩，肥牛金針菇炒牛河賣相好差，總體覺得不值得60+一個餐。

平日二人晚餐1-環境-唯一好處：坐位寬落2-環境-冷氣不足，就算店內已有四大把掛牆風扇，完全沒有涼意。3-環境 - 抽氣系統極度不足/根本沒有抽氣系統。全場煙霧彌漫，無諗過食茶記會食到一身油煙味，同去食韓燒差不多。4-食物-茶餐蕃茄湯鮮牛通 - 除咗極濃茄膏味無食到其他任何味道。5-食物-茶餐多士 - 細到同餐匙差唔多大細，而且是（林）。6-食物-凍檸茶 - 無要求小甜或走甜，完全唔甜同無茶味。7-食物-焗咖哩牛利飯 - 沒有咖哩味，牛利無味，飯是蛋絲加飯，不覺得是炒底，面層咖哩完全沒有被飯吸收到，唯獨是芝士夠多有拉絲效果。8-服務-就是一般茶餐廳，沒有特別差沒有特別好。結論：試過一次，就算免費都唔會再去。

檸檬水正常，唔會有檸檬皮嘅苦澀味早餐包左份多士同炒蛋，最近有優惠可以將多士免費轉2件薯餅，薯餅好脆即使放左陣凍左薑絲牛肉通粉好多牛肉，好淋無咩筋， 湯底係雞湯，唔油整體感覺好飽同埋唔油膩，健康服務有進步嘅空間，人手唔多得3-4個做樓面，又要做埋網上外賣平台,所以叫人落餐or 拿茄汁都要等5分鐘到。 J

四周圍都係風扇，不如認真改善下冷氣，否則好食都難有第二次。門口招牌大大個寫住特濃沙嗲牛肉，所以點了個沙嗲牛肉潛艇，上桌份量十足，牛肉不韌，沙嗲香濃汁多，麵包吸飽沙嗲汁後好好食。另外叫了椒鹽雞髀，唔算好大隻，不過外皮炸得香脆，雞肉醃得夠味，也好滿意。雞髀可再選半份西多 / 奄列 / 薯條 / 蘋果沙律。點了奄列，雞蛋包住好多火腿絲，又係夠晒份量，味道也不錯。這兩份下午茶價錢實惠，夠飽，好味，奶茶好飲不過細杯咗啲。會有下次的如果冷氣夠凍的話。

今日去完旺角配眼鏡，帶住小朋友想搵間餐廳食個tea。 行過見到依間王牌冰室，睇落都幾乾淨，座位空間都夠寬敞，行到入去揀咗個卡位坐。茶餐選擇都幾多，但係都係常餐吸引咗我。常餐11點後全日供應⏰蕃茄濃湯牛肉通粉配丹麥多士同炒蛋 $48跟熱飲凍飲+$3,特飲+ $6。個🍅蕃茄湯底🍲真係好蕃茄，夠晒濃郁，正。丹麥多士🍞搽咗牛油喺面，可惜唔係好夠熱同酥脆。個炒蛋幾好味😋🥚推介🌟🌟🌟🌟之後仲嗌咗個茶餐☕️炸雞髀拼西多士半份🍗$42加炸髀好夠味揸得亦都非常酥脆好正，肉好Juice，半個西多士比我想像中大份，好厚身，搽咗好多花生醬喺入面，同埋糖漿喺面，好味👍🏻👍🏻推介🌟🌟🌟🌟 🌟我哋一大兩細食到超飽，份量好足夠👍🏻職員都好有禮貌，可惜只收現金🙈，差啲冇錢俾😂😂😂

今日同朋友係旺角經過呢間茶餐廳好似好乾淨企理，就入去食個下午茶。叫左個下茶餐乾炒牛河同星洲炒米，因為本人唔食牛肉，問侍應可否牛肉轉豬肉絲，他說要先問問廚房，見佢問完又冇過黎同我地講得唔得，我諗應該冇問題。點知黎到變左乾炒牛肉米粉，叫佢幫我換過，佢就話我自己講要轉米粉，我同朋友都o左嘴，你自己聽錯仲屈番我地，但佢最後都話幫我換過。原來換過既意思係：將原本個米粉拎番啲牛肉出嚟，加啲肉絲兜兩兜，乾炒肉絲米粉！！！我只想食河粉，而唔係米粉。其實真係咁難明？最後都冇再換，啲米粉咁炒兩次真係超難食！！！

行過俾個招牌吸引住, "特濃沙嗲牛". 咁就叫咗個沙嗲牛餐 $38。但令人失望, 只有少少沙嗲味, 濃的是顏色同味道. 蒜茸多士要加 $2 ,  都係冇咩特別. 著住便服的伙記招呼有點奇怪,   坐低咗先話張枱滴水, 又起番身轉去第二張枱。點解又唔封咗個位呢?總括來講 冇咩特別.