王牌冰室 (南豐紗廠) (已結業)

荃灣新一地點打卡好地方《南豐紗廠》 得知佢嗰度開咗一間新餐廳，就係呢間"王牌冰室"早排仲做咗新開大優惠，開張第一日一折，第二日有2折，第三日三折，第四日四折，如此類推早一星期優惠! 我同兩位朋友喺佢開張嘅第二日食咗個早餐， 原價三十幾蚊兩折後只需要大約六蚊，仲要包埋熱飲雖然佢係做到咁平，但係一啲都唔"媽呼"!!我哋叫齊三個早餐包括: 五香肉丁米粉， 雞湯火腿通粉，雪菜肉絲米粉 ，每碗嘅份量冇因為話做二折特價而畀得好少你， 佢同出面餐廳 一樣份量夠大😱😱 我哋三人一致認為五香肉丁米粉最好味雪菜肉絲略嫌肉絲比較小，一碗大約兩三條肉，雞湯火腿通個湯底一啲都覺有強烈味精味十分好! 我好欣賞佢哋嘅裝修設計，門外都有啲打卡位，餐廳入面都有好大個牌霓虹光管!🤩🤩🤩

平日breakfast：環境：人不多，約二、三枱客．環境ok.但卡位寫明多人要搭枱--------------服務：幾好．落單有反應．例如會答：「係，好，ok....」最怕平時落單D人冇反應，都吾知佢听吾听到．沙嗲牛包：普普通通．牛份量可接受．牛冇乜沙嗲味．也太喜歡個包勁多芝麻．伴沙津菜，硬係覺得同個包好吾夾．好怪．熱奶茶:茶不夠香濃特濃沙嗲牛麵: 相和現實非常大既出入．都比一般特濃左．跟歺既炒蛋好細，好少蛋．

一早知道呢間位於南豐紗廠的冰室開張，經過見到一折，雖然好想去食但每次上到都排晒長龍，講真有折真係好抵，但真心lunch唔想浪費時間排隊。所以plan左今日早餐尾段時間去，果然唔洗排隊，正，雖然今日冇1折，但都有6折，而且重坐到卡位因為我地夾正早/午餐時間中間所以叫左一份早餐雪菜肉絲米，一份咖喱雞皇飯雖然有折，但份量唔算小，可以接受，對於我呢個米粉控黎講，佢的米粉底唔算係好好食，但都唔差。咖哩雞皇飯，雞的分量都好多，可能尋日食左另一間好弱的，今次呢份我覺得唔錯。不過奶茶就有d失色，以一間冰室黎講奶茶係相對重點的飲品，茶底比較濃而且帶點苦澀，奶的比例小左d. 整體而言都品錯，賣單兩份餐加埋都係$47，去邊搵？

1折午餐，這餐廳新開業所以有不同優惠，這個星期一至下星期五也是每天不同折扣，今日星期一有1折。同事話好多人，所以早d去，估唔到12點已經咁多人食緊每天三款特價餐，滑蛋，蒸飯，咖喱，一個飯+一杯飲品HK$5.5叫了叉燒滑蛋飯。賣相好靚，半生熟的蛋，叉燒都有四五件。我叫了熟d的蛋，蛋也幾香有d葱，叉燒都幾淋同大舊，不是好肥的。味道OK，不過d飯有d生米，可能唔夠時間煮熱飲叫了熱檸茶，好濃好苦啊走的時候門口好多人排隊！！原來隔離有間賣飲品的，也是一折，一人買一杯，有四款桂花茶選擇，我叫了桂花珍珠+觀音王少甜少冰，HK$3元一杯，等了接近半小時，太慢了……杯茶好大杯，少甜都冇甜味，觀音濃了些，桂花珠珠好淋身夠彈牙，幾特別的！！同事之後又去，滑蛋蝦仁飯，賣相幾好。

南豐紗廠近來真的人氣十足，無疑是文青最愛蒲的熱點之一。裡面有不少新開的Café和餐廳。而王牌冰室則是其中之一，餐廳更推出新店開張優惠，用來吸客。主打香港Local風，門口有舊式建築的鐵閘，大有玩味，更大玩霓虹燈，高高的掛在顯眼的水吧位上方：是是旦旦叉燒蛋飯。話說新店優惠真的幾抵食，如指定餐買一送一，食客付貴價那款就會送平價個款。是日我們叫了下午茶指定套餐，餐肉腸煎蛋飯（＄40）送瑞士汁牛柳絲炒公仔麵（＄40），因為是同價，所以除返開廿蚊食碗飯，廿蚊食碗麵。但味道上真的要不能期待太多，一開始我還想著新店開張，加上落重本買一送一優惠，本應食物質素好吃點，吸引回頭客，誰知真的令人感到失望，餐肉腸仔煎蛋就不多說，沒有任何技巧，俗白點說：「掩著眼也煮得好吃。」但問題就出自也是簡單得很的瑞士汁牛柳絲炒公仔麵，上枱時不夠熱，麵餅仍未散開，有種乾啃的難受感，味道還算濃味，但牛柳少得可憐。因為是廿蚊，所以不能要求更多？可能是下午茶的關係？還是新店開張，煮食工夫還未到家？但說實在，若為果腹，都算便宜同抵食。

發現呢間冰室做緊試業優惠，加上未去過南豐紗廠，咁就拿拿聲帶埋飯團出動啦入面都算幾多卡位，由於太多人冇影到，唔算太迫，不過好可惜冇BB凳去食當日套餐做緊3折優惠，超抵食剛好係下午茶時段，我同飯團爸爸就叫晒2款share啦！雖則話做緊3折，但都足料架雞唔會話好「鞋」，切到剛好一口一粒，不過飯就偏硬面夠乾身，豬扒唔係果啲醃到冇晒豬味果啲，有咬口如果蔥油可以多啲或另上就好今次終於記得影下個餐牌啦！下次可以試其他嘢兩個人，一個字，好抵！味道唔差，希望服務有待進步，侍應比較唔知做乜咁，帶位又就咁指個客人入去果到坐，又冇清楚坐邊到，出單又會出左之後果啲先，但試業期間還可接受！

去南豐紗廠除左打卡之餘 唔好唔記得去新開嘅王牌冰室食平西！總共8日優惠 由20/5嘅一折至30/5嘅九折（除左25、26號）！❤️「王牌叉燒特濃牛乳炒滑蛋飯」(午餐$54；晚餐$60)叉燒大件 多汁 但略鹹 蛋幾滑 推薦！平到咁 仲等？🐶 rush la🤪👍🏻🔖注意⚠️：等候時間約15分鐘/上菜時間約15分鐘/google map未有地址-If you are planning to visit the Mills in the coming days, I recommend you to have a meal in Wong Pai Bing Sutt which has just inaugurated. The discounts last for 8 days, from 90% off on 20/5 to 10% off on 30/5 (except 25th丶26th）!❤️The rice with honey grilled pork and scrambled eggs ($54 for lunch ; $60 for dinner) is scrumptious.