王牌冰室 (南豐紗廠) (已結業)

南豐紗廠做左活化後，難得來到荃灣逛街，順便去咗紗廠打卡，我地仲在一間兩點幾鐘門口都仲係大排長龍😱既冰室食左個Tea! 冰室design好懷舊feel, 好多特色懷舊佈置~..下午茶都好多選擇! 我地叫左:..傳統的王牌花生醬西多即炸即上，好靚仔、好好味！..吉列魚柳配薯條雞翼夠大隻，又入味; 薯條係波浪薯條呀，加左少少淮鹽，食完一條又想食多一條!..蒜香生炸雞翼撈麵炸雞翼外脆內juicy，麵底軟硬適中~..我地貪心仲加左個16蚊任食雞全翼！ 一碟來了3隻! 真係食唔哂!..餐飲可以加錢轉特飲，我們都試下~冰糖奶茶 / 東方美人: 唔會好甜，飲到茶底好正! 奶茶好滑口，我全部飲哂清底!桂花珍珠 / 龍井: 清甜，好有桂花味，如果稍為減甜會好好多~..冰室位隔離有個好靚既百子櫃設計，可以比大家打咭影相，又可企到飲野~食完TEA, 我地有朋友剛來到紗廠找我們，天氣禁熱，佢都立即向隔離的「王牌冰茶」買左2杯飲品~..焦糖奶蓋/ 觀音王奶蓋好濃芝士味，配茶剛好! 好邪惡，但又會繼續飲!冰糖洛神花烏梅主打「黃金奶蓋 ‧ 觀音王」，融入鹹蛋十分吸睛！仲有+$1多一杯優惠做緊!

昨晚和朋友逛荃灣的南豐紗廠，經過這間餐廳，覺得幾特別，便進去吃過晚飯😋餐廳裝修特別，有懷舊的感覺， 座位都很寬敞👍我們點了兩款小菜:沙嗲金菇粉絲肥牛煲和清炒白菜仔，配兩碗白飯和兩碗老火湯， 沙嗲金菇粉絲肥牛煲很入味， 沙嗲味很濃郁， 肥牛很嫩滑👍👍配飯一流。清炒白菜仔都好好味，白菜仔幾清甜😍 整體而言， 餸菜都色香味俱全👍👍👍 而且想不到白飯和湯都很大碗😆 食飽後很滿足我朋友點了椰汁紅豆冰，他說很有椰汁味，幾好飲👍 我則點了杯熱朱古力， 朱古力味道很濃郁😍😍另外， 店員都很友善，很有禮貌，我哋都幾滿意呢間餐廳👍

南豐開左咁耐，都未黎過，今次約埋兩個表妹，一齊行下！但天公不作美，大雨到爆燈，我地從地鐵站行去愉景新城，再搵天橋去福來村，再過對面行去咁樣先冇濕身 👍🏻我地決定食左野先慢慢行！見到呢間新式茶餐廳，決定試一試佢！今日間間都勁多人 😋好野，排左一陣就有位，雖然係門口位，但有卡位坐都好開心！再睇下有咩叫，原來今日最後一日點任食雞翼，問下有冇得叫！因為一隻都講緊單點$18/隻，冇理由唔叫！我地係門口睇人叫左咩，俾個肉絲炒麵吸引左，話一定要叫 🤣🤣 黎到都真係好吸引，麵炸到好脆，麵質帶咸味！唔錯 👍🏻 個醬汁反而太結身太多，豬肉絲同韮王都唔少，如果個醬汁少番就完美喇！之後叫左瑞士汁炒牛河，醬汁帶甜，都有豉油香，呢道幾好，炸麵又唔會多油，呢個牛河既油都唔算多！牛肉唔會鞋，都好淋身，亦唔會俾粉拿到冇哂牛味！唔錯 👍🏻雞扒蔥油撈丁，蔥油唔夠香，反而雞扒幾好食，個丁麵係我鍾意既麵質，但佢地話話淋 🤣🤣 一個麵4個人分唔多夠喉 🤣滑蛋叉燒飯，個蛋都真係好滑下，有蛋味都好吹料！多少少甜豉油就正喇！侍應妹妹話今日太妹生意，如果唔介意每人兩隻冇得再叫，計番我地 16蚊！梗係唔介意啦！正呀！雞翼唔算大隻，中siz

週末決定當一天的文青，來到南豐紗廠看看本地手作品牌，參觀一下當日的展覽。走累了，就在紗廠裏面的王牌冰室醫肚。乘搭電梯到3樓，往右手邊走便是王牌冰室，靠電梯的那幅牆做了百子櫃的設計，經過時不少人靠近拍照打卡。午飯時間都有一條小人龍排隊等候。大概10分鐘內就有位入座。特濃滑蛋叉燒蝦仁飯，雞蛋非常滑溜；雖說是蝦仁，但其實是大蝦，而且蝦肉肉質爽口。肉餅蛋飯賣相更吸引！肉餅厚身多料，改用煎肉餅而非蒸的方法，另肉餅更香口和口感更佳，但缺點就是會讓整個飯食落偏乾。為了令整體口感濕潤一點，就可以把煎蛋的蛋黃戳破，讓蛋汁流落飯粒之間，稍稍與醬油拌勻便可。兩個飯相比，我更推薦肉餅蛋飯，原因是王牌的的肉餅蛋飯比一般食到的更有特色和驚喜！王牌多士流心芝士餡簡直是邪惡至極！把滿滿的芝士和鹹蛋夾在兩塊多士中間落油炸，面頭再大方地鋪上牛油，職員最後更會給你一支糖漿，想要甜一點的話可自行添加！切開一半是芝士和鹹蛋已經慢慢爆出來，流心效果不會太誇張，但已經看得我觸目驚心。每一口夾雜著牛油，極度濃郁的鹹蛋酥和芝士鹹香，但三者的味道都是非常夾，邪惡至極但超級好食，一時間脂肪與卡路里的概念都拋諸腦後了！差不多食完之際，留意到

是日繼續係南豐紗廠開工，行左上三樓食呢間王牌冰室，因為呢邊附近無咩餐廳，呢幾日日日都落雨又熱，又唔想行咁遠，唯有係南豐紗廠入面搵野食。12點去到已經坐滿哂要等位，好彩都唔算等得耐，等左一陣就有位。食晏時間太多人，要搭枱同堆啲侍應都好忙，等左一陣先有人黎落單。之前食過一次呢間既咖喱飯，無驚喜，唔算難食但好一般。今次試佢個白汁芝士海鮮焗飯，繼續都係無特別無驚喜，汁好少，味道一般，海鮮唔算多。五十幾蚊黎講，佢個份量係夠既，都大份既，但味道就差咁啲。

入到餐廳見到呢句-是是旦旦义燒蛋飯，我就一於試下佢有幾是旦😆上枱睇到佢個叉燒飯都幾好味熱辣辣，見到啲滑蛋個生熟程度都好好而配果個鼓油亦都好香，食落一啖一啖都幾好味。佢又唔係好貴，佢有幾個選擇，我就揀配埋蝦仁，價錢大概都係五十幾至六十蚊左右。想食小菜既呢度都幫到你，我地忍唔住叫多碟西檸雞雞肉皮脆肉嫩，配埋清新既檸檬味，酸得黎但帶一點點甜最可惜就係佢星期六晚會加一服務費佢隔離其實係有賣台式飲品天氣實在太熱，我地一共叫左三杯飲品因爲我地好夜先到餐廳，飲品好多都賣哂

南豐紗廠經保育後，傳媒經常有介紹，現已成為一個新熱點。碰巧屋苑舉辦了一個南豐紗廠導賞團，一於支持下，今天中午便跟團來了一遊勝景，到處都是打卡位。自由活動時間到了，街坊團友各自搵食，我便和Honey去了三樓的王牌冰室吃下午茶。這裡有復古裝修，可以打卡。好多客，要排隊，不過等一陣就有位，搭檯都無所謂。驚喜發現係，點任何套餐再加 $16就可以任食瑞士雞全翼。如果唔係跟咗個團，要按時集合，真係好想挑戰一下呢個任食瑞士雞翼。好! 搵日得閒再來。時間關係，唔諗咁多，於是叫咗呢度嘅王牌: 常D 沙嗲牛麵，跟油多、炒蛋，配熱鴛鴦；茶17吉列魚柳配薯條，跟熱奶茶；再加多兩隻瑞士雞全翼。沙嗲牛麵夠大碗，牛肉多，食落幾腍，湯底略為甜少少。多士充滿牛油香，炒蛋炒得嫩滑，最緊要係好夠熱。瑞士全雞翼好入味，煮得好腍，輕輕咬就可以將啲肉和骨分開。炸薯條夠熱夠脆。炸魚柳外脆內軟，點沙律醬食一流。奶茶、鴛鴦味道唔錯。各樣飲品食品都好有水準，好快我哋就將檯上的食物、飲品掃晒。趁尚有時間，我哋仲行去隔籬舖位的茶檔 (其實都是屬於呢間冰室的) 買了兩杯養生冰茶，冰燉蘋果觀音王和桑寄生赤棗普洱，一路行一路飲。兩杯冰茶飲落好舒服

今日去咗荃灣 一間，南豐紗廠大廈，王牌冰室，入邊啲環境很優雅，裏邊的侍應全部都係後生仔後生女做侍應，我叫咗一個肉絲炒麵，我見到肉絲炒麵來到了，很特別😍肉絲炒麵的味道很香， 味道不太濃烈很好味👍👍， 叫咗一個香蔥雞扒撈麵， 很香蔥油味，雞扒肉質很滑 ，麵仲很爽口， 流心芝士西多， 一啖咬落有很多芝士流出來， 很重芝士味，味道超正 ，紅豆冰來到了，很重椰汁香味，還有粒粒紅豆😍😍， 還有一個龍鳳檸樂， 很清甜超級好飲。

放假同老公去南豐紗廠扮下偽文青 行到攰想坐底醫肚原來三樓有間冰室 啱晒咩都想食嘅我地 冰室以懷舊為主 不論食物定裝修都有老香港氣息 依家點任何套餐每人(+$16)仲可以任食瑞士雞全翼香甜瑞士汁入色又入味 雞皮充滿彈性 雞肉嫩滑而且每次上碟都會有兩隻大大隻 保證夠食主食我揀王牌經典菜式 叉燒蝦仁炒滑蛋飯($58)黃色嫩滑炒蛋加入半肥瘦叉燒片以及爽彈蝦肉炒蛋仍然保留濕潤蛋漿 豐富咗口感 叉燒有嚼勁配合埋飯底食 都唔會覺得乾身 老公就食蒜香生炸雞翼撈麵($40) 雞翼炸得香口而且蒜香味濃郁 麵底以甜豉油及蔥油作醬汁撈埋食非常惹味 而且汁夠多 唔驚食到一半就要啃乾麵 以上兩個主食都有跟餐飲 我地就揀特色手搖杯冰糖檸檬雪梨茶(+$13) 入口潤喉帶甜 檸檬味道清新另一杯桂花珍珠觀音王(+$15) 茶底醇香 桂花珍珠綿彈有咬口食物及飲品種類繁多 難怪長期全院滿座

讚：環境幾過癮，野食雖然係啲冰室野，但做得幾有心機噃，西多士係即叫即炸，好香脆，奶茶都唔錯，同埋叫左通粉餐，啲野都上得好快彈：超多人！奶茶超重奶味！同埋伙計好似唔太清楚啲野食咁，問極都唔知啲菜係乜咁

服務：侍應偏後生，無笑容都唔緊要。無禮貌又木口木面，舉手叫佢，又無俾反應，到底點呢？真係要改善衛生：打開櫃桶，叉都無隻，要叫先有。櫃桶入面d餐具都有污跡。食物：賣相ok. 味道真心一般，唔係難食，但唔算好食，有一大段距離。瑞士雞脾唔入味，鞋口overcook, 無分碟上較為失敗。炒蛋係生生地唔係滑嫩，廚房完全理解錯滑蛋定義。飲品：凍檸茶，落單前已經叫左少甜，但黎到第一啖真係甜到糖尿病，要换一次先正常d. 不過都係一般總結，以咁既食物質數同服務態度，唔會再幫襯。

星期六放假同男朋友荃灣新蒲頭南豐紗廠玩同打卡, 發現多左好多餐廳, 今日好想食常餐類既野, 發現D間王牌冰室真係好感動呀!!!我去到係茶餐時間, 好多人排隊, 令我更有期望!終於入到去啦, 入面裝修好有老香港味道, 幾有特色, 切合南豐紗廠既主題!常F-茄湯餐肉粒福麵-$48餐肉切到細細粒咁, 咁令到可煎既表面大大增加, 令餐肉更香, 配上濃濃既茄湯, 微酸大大增加食慾, 普通食物見不平凡!跟餐既多士係蒜蓉多黎, 好香口, 好好味, 而炒旦係好滑, 好有蛋味, 完全滿足我想食常餐既慾望!乾炒牛河-$52男友就食左個乾牛河, 上枱已經好香, 我廿四孝女友梗係要幫男朋友試下味先啦, 食落好有鑊氣, 入面既牛肉都幾多, 而且有牛味唔會腌到死實實咁, 見廚師既功架!炸脾+奄列-$38因為我冇食早餐, 食完正餐好似唔夠喉咁, 咁就同男友SHARE多個SET, 炸脾炸得好香脆, 而入面仲保留返唔少肉汁, 食完係有超滿足既感覺!SET加凍檸樂同紅豆冰都係五蚊, 實在太抵了!食完我都係唔夠喉, 我地D偽文青點可以唔飲返杯珍奶呢?D度既珍奶茶味好香, 唔會好似出面某D既珍奶完全得奶味冇茶味, 加珍珠係有

開張既時候好多gimmick野但都無時間去終於喺一個weekday晚上試左又真係幾有驚喜～先嚟個鮮油占多多士脆 唔係空氣麵包 仲有好香既jam+鮮油跟住就係絕對可以encore ge肉絲炒麵完全明白點解佢只限堂食好脆好好味～ 但唔會太硬食到停唔到友人叫左特濃沙嗲牛肉麵佢話個湯底超濃好好味！好似有啲花生醬喺湯底既感覺食完會好飽～多士同滑蛋都好ok總括嚟講 樣樣野都真係幾好食飲品都ok!果既場內既職員唔多 有啲忙但個個都好好禮貌 加分～

呢幾年興番叫冰室 真高興以前的東西沒有被人遺忘 一個地方沒過去 就好像掏空了一樣 只有軀殼.....呢間野地方幾好坐 座位不會很貼 有空間感裝修睇得出都花過下心思 食物方面選擇大路 茶餐廳緊係要試下個常餐啦 多士面的牛油比得慷慨 炒蛋份量亦大方 麵食方面可以選蕃茄湯底配公仔麵 蕃茄湯底好多料 有雜菜粒 而且好杰身 唔係水汪汪個隻 野食係幾好 茶底唔會好澀唯服務真係麻麻地 是晚八時多去到可能重有一小時左右就收工我感覺到店員已經係行走的肉體我見水bar已經出好了個麵 放了兩分幾鐘都冇店員去送餐 兩分幾鐘 煮多隻麵都重得啦 嘗試叫店員們幫幫手 點知睇到你叫佢 但唔理你.....再搞了分幾兩分鐘隻麵先到手明白收工時間大家都累了 但我來食野架姐 我唔用你星級服務但你都要比野我食麼 我個下真係想自己出去拎個面的......

趁假日去南豐紗廠逛一逛，南豐紗廠內有好多食肆可以選擇，睇過好幾間之後，俾依間加入中式茶嘅飲品吸引到，所以就算排隊都決定試一試。套餐選擇多，以中式炒粉麵飯為主。炒麵同汁分開碟上，炒麵炸得通透，每個都非常香脆。汁有冬菇、韮黃及肉絲味道不錯。叉燒偏瘦，牛乳炒蛋嫩滑，加上少許蔥花夠香口。炒得均勻每條河粉都掛上瑞士汁，河粉煙韌唔會糊口。瑞士汁濃，雞全翼嫩滑夠入味。飲品款式創新，以中式茶為主，仲有養生系列。（左）東方美人茶味香濃，奶味夠，半糖甜度剛剛好。（右）觀音茶味濃，無糖都唔會苦澀，桂花珍珠口感煙韌外帶有啖啖桂花清香。觀音茶味濃，冰燉雙柚甜度適中。