玖零冰室

营业中

休息中

好鍾意去譚臣道搵食，皆因那裡小店林立，有齊日式、越式、港式等，甚至連供應菲律賓菜嘅餐廳都有，選擇眾多，而且價錢亦非常經濟。最近又畀我哋發掘到一間新開嘅舒適清新系食肆，店舖取名「玖零冰室」，估計係由一班 90 後嘅年輕人主理。餐廳門面好搶眼，以純白為主調，配以室內嘅霓虹燈裝飾，色彩繽紛，既時尚又有活力，令人耳目一新。先睇下餐牌，食物選擇都幾豐富，有全日早餐、撈麵、常餐，另外亦有芝士焗飯、日式咖喱蛋包飯等，而且最特別嘅就係餐牌標明使用日本米，足見餐廳選料非常講究。我哋點左玖零全日早餐 ($72) 同 一客意式蕃茄濃湯麵。全日早餐用料好豐富，有西冷牛扒、3.6 牛乳炒滑蛋、蜜糖炒菇、紐倫堡香腸、丹麥多士同沙律。薄切牛扒質素唔錯，入口柔軟；滑蛋炒得夠金黃。紐倫堡腸外皮卜卜脆、勁有咬感；丹麥多士鬆化且帶濃濃牛油香，同吃大滿足！至於另一客濃湯麵就揀左豬八戒 ($58)，麵底可以自選，有稻庭烏冬、米粉、通粉、意粉或公仔麵可供選擇。蕃茄湯底新鮮熬製，內有粒粒番茄，真材實料。另外仲有大量豚肉片同日式厚切叉燒，豚肉片肥瘦均稱、日式叉燒軟腍有脂香，配上滑溜又富彈性嘅稻庭烏冬，讓人一吃愛上。跟餐飲品點左黑牛

做完Facial已經到食晏時間，見到呢間應該係新開嘅冰室，裝修以白色為主帶點Cafe感覺，門口寫住日本🇯🇵產米使用，入去試吓先。午餐有日式蛋包飯、烏冬、意粉等不同選擇，我哋睇咗一陣，我就點咗：🐷🧀日式咖哩蛋包飯（吉列芝士豬扒）$60，飲熱奶茶+$6份量都好大，滑蛋整得幾靚幾滑，炸至金黃嘅豬扒，口感帶點鬆脆，中間夾住芝士，整個口感多元，甜甜地嘅日式咖喱，送飯真係一流。朋友就點咗：🍅🐖豬八戒蕃茄濃湯稻庭烏冬$58，飲熱奶茶+$6個名好有趣，其實係豚肉加日式叉燒，而且豚肉及叉燒份量都多，滑嘟嘟嘅烏冬配埋以新鮮蕃茄做嘅湯底，唔錯。奶茶都幾濃滑。

抱歉無影相因為食晏普普通通一餐茶記無諗過要寫食評但係見到佢裝橫同店名如此正路我驚好多人會同我一樣中大伏叫左是日午餐焗蜜桃豬扒飯配熱檸茶 $62杯茶正路個飯同個牌寫既一樣要等15-20分鐘我有時間無問題如是者個飯到了見到一個西餐既湯咁全兜都係汁可以咁形容個焗兜底層1/3係飯中層1/3係汁無表層1/3豬扒就唔使講啦正路早餐茶記咁罐頭薄蜜桃三小片一路食一路撥開d汁去揾番d白飯係無炒底既但係好努力都失敗湯飯咁食唔係得焗飯出事既隔離叫左個都係午餐西冷牛扒配薯蓉Hea都呢請想像早餐薄牛扒一小塊兩球薯蓉完同餐牌寫既一樣午餐黎講應該唔會飽另一邊隔離忌廉白汁三文魚蟹子意粉聽落好正個樣係一pat白汁係面有幾粒蟹子見唔到三文魚不過唔知好唔好食睇樣就好伏總括而言其實茶記呢差都可以接受不過唔係咁差係無期望既情況下都失望姐係預左0分點知負分個種感覺先令我咁樣上黎寫衰一間茶餐廳唔知你會唔會越做越好希望你見到會有改善

近年冰室越開越多，質素整體提升～呢間冰室由年輕人主理，環境佈置甚有玩味xpp重點係呢度寫明用上日本米，令我同朋友對食物更有所期待！！好彩都無令我地失望：）不論係我既鮮茄芝士牛舌焗飯定係朋友嘅咖哩芝士漢堡蛋包飯都好食～我既焗飯係炒飯底，米飯粒粒分明牛舌厚切，更有三大塊，食落香嫩，正！！朋友亦大讚佢既芝士漢堡係有軟心芝士係漢堡入面，同日式咖哩特別夾～飲品都唔差啵！！兩款紅豆冰都在水準之上絕對可以encore

一見到個餐牌有芝士豬扒，對於我依個芝士狂迷，就決左試一試佢。💙一上到枱，就見到塊芝士豬扒個邊有啲芝士滲咗出嚟。一切開，啲芝士即刻流晒出嚟一食落口，塊豬扒好軟熟、juicy，一啲都唔鞋，仲有濃濃嘅芝士香。🤤🤤個咖喱啲色都幾深，味道都唔錯，但係啲薯仔對於一個勁鐘意食冧到爛薯仔嘅我嚟講，就唔係好夠冧。不過睇得出啲薯仔同咖喱一齊住左一段時間，因為啲咖喱汁入面都有見到薯仔蓉。🙊蛋包飯其實就係漩渦蛋擺上面，唔係好似日本嗰隻。🙈總括而言，芝士豬扒十分推介👍🏻，平時好少係岀面食到芝士夾心豬扒。

今朝一早連早餐都未食，就同阿仔趕去灣仔修頓球場交文件，比預期中快攪掂，時間11:15左右，仲趕得切食番個靚早餐。即刻行快啲兩步周圍揾下。然後見到呢間門面幾sharp 醒嘅冰室，白色主打，餐廳内有不同顏色的霓虹光管，裝修企理，一於就試吓。呢排特别想食沙爹牛麵，吾通係傳說中嘅報復式食沙爹牛麵？哈哈～ 見呢間冰室仲要係《特濃沙爹牛麵》（$38），配「3.6牛乳滑蛋併丹麥酥」吾使諗一定要試。果然沙爹牛汁特別濃郁，牛肉係爽口又唔靭嘅，而且分量頗多。沙爹牛迷嘅你一定要嚟試下。除了港式中餐，尚有歐陸式早餐，仲有全日早餐，阿仔就點了呢個。《玖零全日早餐》（$72）有西冷牛扒、炒滑蛋、紐倫堡香腸、蜜糖炒什菇、沙律、丹麥酥多士。西冷牛扒都大塊，味道不錯軟硬適中、沙律菜夠新鮮、紐倫堡腸好好味。除了早餐，午餐亦有很多選擇。阿仔青少年發育期，特別好胃口，所以忍唔住叫多個蕃茄湯底烏冬，順便當食埋午餐。呢個《牛魔皇蕃茄濃湯烏冬》（$58），有厚切牛舌三片，加好多鮮牛，稻庭烏冬，超多牛超滿足。試咗啖蕃茄湯，濃郁超多蕃茄肉，配埋烏冬，推介一試。

灣仔食lunch都算貴，見到有間新開嘅冰餐做緊優惠、裝修又幾靚就試下，叫咗個芝士漢堡日式咖哩蛋包飯。佢地標榜用日本米，所以啲白飯都幾好食，幾香。但所謂嘅蛋包飯就只係飯上面有滑蛋咁解😕 咖哩係好明顯開磚嗰種，但係個色幾透明，唔知係代表佢幾稀定點🙁 咖哩入面有啲薯仔、紅蘿蔔同茜芹。全部都仲係好生，勁爽脆😂 紅蘿蔔老到不得了，完全咬唔到，睇圖都見到有幾老🙂 芝士漢堡根本就係笑話，完全冇芝士，只係細塊啲嘅M記豬柳🫠 我只可以話$50以下喺灣仔有更好嘅選擇。呢個飯原價賣$60真係完全唔值得。