珍一料理 (富榮大廈) (已結業)

😣無奈但都要接受禁晚上堂食的規例， 放工累了返到荃灣只想買份外賣回家同謙謙食。荃灣最易搵食的路德圍絕對幫到我， 今晚太累心情有點起伏想食返d 刺激野平衡下，所以來到珍一料理。呢到價錢合理， 我買左份套餐 小菜已經好足夠我和謙謙兩人食了 🔽🔽🔽🔽🔽🔽⚛ 東坡肉飯餐 ～ 東坡肉飯 內有9件炆得好入味的東坡肉，入口軟綿綿一d都唔會覺得油膩， 是日伴菜仲有新鮮腐竹，另可選一菜一肉， 我就選擇牛腱 屬於中麻辣有咬口， 蓮藕片則夠爽脆。 飲品加10蚊換了桂花烏龍， 因可以減輕油膩和解辣。⚛ 三拼一盒 ～ 辣滷金錢肚、麻辣豬肚條和爽脆豬耳絲 ， 呢盒超滿足到我想食辣的意欲。⚛ 四喜烤麩 ～ 烤麩甜甜地配已花生米雲耳配搭， 謙謙很喜歡。大家如果想食惹味或麻辣口味珍一都係一個外賣好選擇。

$38 每日特惠：1主菜+2配菜+白飯～今日係蕃茄牛腩🍅🐮、雞腎、高麗菜🥬～呢個優惠應該係每日會轉唔同嘅主菜同配菜～外賣器皿都幾貼心☺️上面有一層係放餸吧，下層分開放白飯～蕃茄牛腩係好入味，不過真係唔多夠～雞腎都入味，同有咬口嘅，一樣係唔多夠～高麗菜係熟嘅，唔會生到食落嗦嗦聲～所以都要好好分配每口飯同餸嘅比例，先會食得哂個飯，同埋比較肚餓或食量稍為大嘅話，應該就唔夠飽喇～不過唔叫呢個優惠餐嘅話，其實就冇問題，而且選擇都好多，好似冷麵櫃咁自己揀餸，都幾開心🤗

晚市冇堂食，凍冰冰🥶 • 偷懶唔煮飯😜所以......要買外賣🥡🥢有辣有唔辣，大人細路都岩食👨‍👩‍👧‍👦有成廿款選擇📝，加餸定正餐都得🍽~•~•~•~•~•~•~•~•~•~•~•~•~•~•~•~•~•~•~• 店舖料理🧆分左𝟑種口味(川麻 • 五香 • 王牌) 另外仲有涼拌系列🥣.▪紅燒豬手飯餐 ($60)讚讚位💕 餸🧆 ＆ 飯🍚係分開兩層放，飯🍚唔會比餸汁浸到淋𝐁𝐚𝐭 𝐁𝐚𝐭😎豬手🐷雖然細細舊🤏🏻，但有勁多舊😍炆得夠入味，八角香料味幾重，好香🤩層骨膠原皮𝐐𝐐🧏🏻‍♀️飯餐另包左是日配菜 (𝟏肉𝟏素)可以自己揀👀揀左萵筍絲 : 口感爽脆，清清地💚金錢肚 : 切到幼幼，細細條易咬😝旁邊仲搭多左幾條枝竹🤭仲包埋野飲，揀左可樂🥤.以下𝟐盒，面頭仲加左芫荽🌱 • 脆脆花生🥜。▪料理三拼 ($55)(或可單點𝟏款$35。 選擇困難症 ＆ 貪心既我， 梗係揀𝟑款💃🏻)牛腱🐃 : 唔痴牙🤓牛筋凍🐂 : 滑滑，啜落肚既骨膠原啫喱🧏🏻‍♀️辣鹵金錢肚🐃 : 辣汁好惹味，不過我可以再辣𝐝🌶(如果其中𝟏款揀素🌱可減$5).▪啜指雞翼尖 • 例 ($35)🐥如果用手食✋🏻，個汁真係要啜埋自己隻手指🤭例

疫情下，又開始冇得堂食。我都多咗留意做外賣嘅鋪頭，放工搭巴士必經嘅路德圍，係掃街嘅首選，其中見到呢間係食涼拌。位於荃灣路德圍嘅珍一料理，主打川味冷盤，一講到冷盤，一定聯想到手撕雞、酸辣粉、雞腳、豬耳等等。珍一料理嘅冷盤涼拌選擇都好多，有腐竹、土豆絲、豆干、金錢肚、牛柏葉、牛筋凍、牛肚、豬耳、牛腱、雞翼尖等等，款款都想試呀❤️我今次就試咗：鎮江排骨飯（餐）配藕片、牛腱$60外賣番到屋企個飯仲係熱辣辣，鎮江排骨飯，超香鎮江醋味，排骨肥瘦適中，非常入味。辣鹵金錢肚（例）$58金錢肚細切，爽口入味，食落有小小辣愈食就愈辣。秘制泡椒鳳爪（例）$35有咬口，咀嚼時清脆爽口，酸酸辣辣非常開胃。

又係完美嘅一餐飯🥰👍🏻珍一係外賣店，包裝好靚而且設計夠密實，啲醬汁唔會漏出嚟（見圖五）。佢嘅包裝真係好有台味😹平、靚、正一直係blue cat所追求嘅，今次堅係好嘢。圖中咁豐盛嘅一餐都係合共136蚊咋！😃東坡肉飯一人餐（$58）東坡肉肥瘦相間，非常平均，唔會一舊係全瘦硬肉、亦唔會有舊係全肥膏，肥嘅部分入口即融，瘦嘅部分入夠味👍🏻😃紅燒豬手飯一人餐（$58）紅燒豬手啲皮清得乾淨，亦都入味，幾彈牙，好下飯～另外一提係個飯底，店員本身會落少少滷水，撈完好好味。🥗一人飯餐有配菜，配菜可選一葷一素今餐有：豬耳絲、四喜烤麩；豬爽肉、藕片因為有選擇困難症，豬耳絲、豬爽肉、藕片都係店員揀畀我，口感麻辣，都幾上癮，冇介紹錯。我都幾鍾意食豆製品，烤麩不過不失，若鹹味少多啲啲就完美啦💖🍵支裝珍一冷泡茶（+$10）冷泡茶出面都幾貴，珍一加十蚊就可以飲到，今次叫咗「桂花烏龍」、「葡萄烏龍」，茶香十足，值得一試（單買要廿蚊㗎🤫）。今次食嘅分店係地鐵站，就腳。荃灣唔近你都唔洗驚，佢仲有其他分店，大家都去試下啦！＊為咗呈現食物最真實嘅狀態，呢個post嘅圖片都冇加effects、調色，只會加上文字及一點點插圖。

好開心呀，今日約咗朋友去荃灣行街食飯！真係好耐好耐都冇去過荃灣啦，仲記得以前細個嘅時候真係成日都去荃灣行街！特別係路德圍🤣出晒名多地道小食，今次亦都去咗呢度逛下！一去到嘅時候估唔到已經面目全非，好多唔同嘅餐廳小店亦都已經轉晒！見到呢一間珍一料理嘅賣相好好，所以就走咗入去叫咗一個外賣試吓！重點嘅王牌小菜就係呢個東坡肉同埋奇味豬手❤️❤️呢個東坡肉真係好好食，嗰度東坡肉，本身自己都係一個東坡肉嘅愛好者！真係好香，而且呢個肥膏同埋肉嘅比例啱啱好！而且加埋呢個醬汁一齊食真係好滿足！擺入口嘅時候油脂嘅分泌同埋肉質嘅鮮甜味道啱啱好！所以真係非常喜歡！整體來講，呢間餐廳嘅性價比好高！價錢同埋味道都好好！非常值得推介

相信大家都知道荃灣嘅路德圍真係有好多唔同嘅小食👍🏻至於我自己亦都以前細個嘅時候成日都喺荃灣食嘢，不過自從搬咗出去住之後都好少會喺荃灣啦！今日難得返去同屋企人食飯，喺食飯之前就梗係要去路德圍掃下街😎去返以前細個嘅風味啦！見到一間好新開嘅餐廳叫做珍一料理❤️❤️就咁一見到就已經好期待！呢間餐廳嘅款式好多，而且全部都感覺上好乾淨！同埋擺切得好整齊，所以我哋都可以好清晰咁揀到自己想食嘅嘢！今次我就揀咗一份自己冇食過嘅香麻牛蹄筯！呢個真係好特別，食落去嘅時候口感好有啫喱嘅感覺，但係又有充滿牛肉嘅香味！而且重點嘅係加埋呢度嘅特色川辣嘅味道！令到食落去成個口感同埋味道都好豐富！個人來講自己都幾喜歡，值得推介👍🏻

太開心啦，忍唔住要打食評，今日去咗一間好滿意嘅餐廳！呢間餐廳真係好正！之前喺社交平台見到有啲人介紹過呢間餐廳！本來都一直想食，但係都冇乜搵到機會，今日終於都可以搵到時間可以同朋友過嚟試吓！一去到呢間餐廳真係好surprise，因為呢間餐廳有好多唔同嘅菜式，重點嘅係有好多唔同嘅部位都可以俾我哋揀！真係啱晒我心水！今次我就叫咗一份麻辣嘅牛肚，本身自己都好鍾意食牛肚，估唔到呢度都可以食得到！出面好少街頭小食可以食得到呢樣嘢！而且重點嘅係，呢個份量十足，而且價錢一啲都唔貴，算係性價比好高嘅外賣小店！重點嘅係，呢個係麻辣嘅香味好香濃，而且牛肚非常爽口彈牙！充滿牛肉嘅味道！而且加埋呢個醬汁真係冇得輸👍🏻

本身第一次食佢麻辣野，佢啲三併幾抵食，唔貴，選擇又好多，有素食揀，味道好，特別個牛蹄筋，口感好正，辣度又適中，而且佢門面好乾淨企理，又有中央工廠調味處理。見到佢有款椒麻手撕雞，望落去好似相當吸引咁，所以第二次再去幫襯佢，點知今次體驗非常失望😕一打開，我唔確定情況，係咪食剩得返啲骨畀我？全兜雞骨只附三四塊肉？畀$68買左堆雞骨同皮😟老實講，佢味道係優秀，好有椒麻既香，麻味足，但係一人分到兩片肉仔，真係好失望，太名貴了。我見其他人正常份量肉，可能係我今次太黑仔了😔

諗到吸引嘅食物，香港地真係算係種類繁多嘅好地方！基本上想食唔同國家嘅菜式都可以試得到！今日我就專誠去咗荃灣試吓呢一間珍一料理既川滬菜❤️首先呢間餐廳喺路德圍，對於荃灣嘅食街來講，呢度絕對係非常方便！而且呢間餐廳都好乾淨！而且店員服務好好👍🏻雖然係外賣小店，不過睇得出都係好用心製作！叫咗外賣返屋企食，其中一個覺得好好食嘅就係呢一款奇味豬手！可以話係呢度嘅王牌菜式！呢個豬手非常入味，用咗好獨特嘅醬汁烹調而成！而且呢個豬手好林！一擺入口就已經知道係好好食！另外仲叫咗一份牛筯凍，好特別嘅口感，好似啫喱咁！好滑！食得好過癮，加埋呢個少少秘製辣汁！

今日返工做咗好多嘢，超級攰，做到都已經過晒lunch time嘅時間！反正都係自己一個食，諗住落街買外賣，簡簡單單咁食個lunch就可以！所以就上咗OpenRice睇吓，睇吓有邊啲好嘅推介食物可以俾我試吓！點知比我搵咗一間正嘢！！呢一間珍一料理主打嘅都係川滬菜式 👍🏻👍🏻真係啱晒我嘅胃口！呢個嘅款式好多，而且價錢非常合理！好貼地嘅價錢！今日想食素，所以都係林林總總唔同嘅食物裏面，揀咗一款四喜烤麩🤤就咁望落去就已經非常吸引，顏色就已經望得出好入味！果然不出我所料，真係好香嘅味道！呢個醬汁撈飯真係冇得輸😆😆相信我下一次都會試吓佢哋其他嘅麻辣菜式！就咁睇都好吸引！

今日同朋友去咗行街周圍去吓唔同地方，要去行街就梗係去旺角啦🤣都好耐冇去旺角周圍行吓街，好多地方都已經唔同咗好多！同埋多咗好多新嘅餐廳，所以就周圍搵吓唔同嘅餐廳試吓👍🏻👍🏻其中一間見到幾靚幾新淨嘅餐廳就係呢一間珍一料理❤️見到有好多唔同嘅菜式擺咗出嚟，好似幾吸引咁，所以就試咗！其中一個幾特別嘅就係呢一款香麻牛蹄筯！好有果凍嘅感覺，好Q彈！而且呢個麻辣味道好香，相信送飯一流！另外仲叫咗呢一度嘅王牌料理奇味豬手！呢個豬手果然好好食，好林！而且非常入味！同埋用咗呢度獨特嘅烹調方式，所以呢個醬汁加埋呢個豬手真係好好食！同埋份量好多！非常抵食👍🏻👍🏻

喺香港食嘢真係好多唔同國家嘅菜式都可以試得到，一般出面食嘢都係食港式或者日式嘅食物比較多，今次想特別一啲，所以就去咗試吓呢一間係珍一料理嘅川菜其中一個一見到就已經好想叫嘅菜式就係牛筯凍！一般係出面都好少可以食到，呢度嘅餐廳選擇好多，全部都擺晒出嚟，重點係非常乾淨企理，所以食得都好放心！一般平時食呢啲食物都好擔心會唔乾淨，不過呢度完全冇呢個問題！講返呢個牛筯凍！入口嘅時候有少少辣辣地，有少少麻嘅感覺！而且重點係呢個好有彈性，而且好似啫喱咁嘅口感！但係又好香嘅牛肉味道所以好特別好有特色！性價比好高嘅一間川菜！

《珍一料理》Lunch 放飯諗緊食乜好～ 行過見到呢間都幾多人幫襯～ 原來係賣川菜小食！分左五香/川麻/素菜等可以雙拼或三拼！仲有啲飯同麵類！🍭藕片($25)藕片偏硬，但因為切到薄一薄所以好易咬同好爽口！加埋佢啲調味辣辣地幾正，佢既辣係唔太食得辣既人都食到！🍭秘製泡椒鳳爪($35)鳳爪整到又係好爽，好有口感！整體唔太辣但有啲鹹～ 🍭香麻牛蹄筋($45)完全未聽過同未食過，喺筋應該係好多骨膠原(?)既迷思下叫左佢🤣 結果係好硬⋯🤣 要有牙力先得！鍾意𡁻嘢就岩晒😆🍭椒麻雞飯($45)見好多人推就叫下，叫個飯平啲😂 淨椒麻雞就$60～ 雞既肉質唔算好滑，份量正常～ 反而土豆絲幾好食！

仲記得之前喺食嘢，周街都係嘢食！有好多唔同嘅茶餐廳，小菜館，糖水店，好多嘢都有得食！今次比我搵咗一間好經濟嘅菜式嘅餐廳！真係抵食之餘仲要份量十足😎‼️叫咗一份四喜烤麩，成個味道果然好香口，而且係好濃烈嘅醬汁味道！全部都好入味！我比較鍾意嘅係呢個辣鹵金錢肚！本身都已經好鍾意食金錢肚，而且呢個辣味十足，而且仲要用埋滷水先烹調咗，最有一個小小嘅辣！所以食落口嘅時候非常惹味香口！整體來講，呢間小店都係好高水準，對於鍾意食辣同埋食小食嘅人來講簡直係一個可以經常去食嘢嘅飯堂！