珍意泰國菜館 (已結業)

東大街出名多好嘢食，間間餐廳都咁出名，都唔知應該食邊間先啱，今次難得有地膽帶路，嚟咗食泰國菜🇹🇭一行四人搭叮叮🚋筲箕灣總站落車，由街頭行到街尾，過埋座廟就見到有間泰國餐廳出面好多人🥶即刻去拎飛，原來等兩張姐，出面好多人都係等外賣🥡等咗大約15分鐘就有枱，原來佢有2層，我哋坐下面嗰層，好大冷氣😶‍🌫️叫咗6樣嘢食：1. 泰式生蝦 $98本身都幾怕食生蝦🦐，因為腸胃好差，好易出事，但佢夠哂凍，同埋事實證明我返到屋企都無事😂2. 炭燒豬頸肉 $65食到一半後加的，好大碟，無蘸醬都好好食🐽3. 蒜蓉炒泰國椰苗 $70食菜真係好緊要🥬呢個椰苗雖然只係蒜蓉炒，但都已經好入味，唔會太油，好快就搶食哂😛4. 招牌海南雞🐔 $110一入到餐廳就見到好多人嗌咗，我哋又叫半隻試下先。唔太肥，夠嫩滑，啱晒我哋呢班女人👩🏻5. 菠蘿海鮮炒飯🍍 $70一向都鍾情菠蘿海鮮炒飯，雖然無個菠蘿殼裝住，但都好鮮甜，肉鬆特別多☺️6. 泰式香芒糯米飯🥭$55唔可以話唔好食，只係唔係太出色，中規中矩嘅一個芒果糯米飯☺️今晚埋單$599，4個女仔6樣嘢食4杯飲品，其實係好抵食👍🏻不過如果個冷氣唔好咁大風就更好啦🤪

放假好想行下食好西😛東大街不嬲都出名多好西食 雖然唔係港島人 但為左食過海冇難度😂😂go go go~~食之前有做過research 睇完YouTube 就鎖定佢就係今日既target😈😈珍意可能因為落小雨 加上平日even lunch hour 都唔洗點排隊有得入lucky 😙當其他人食lunch set 我地決定奢侈啲散叫 叫自己鐘意食既野仲開心😜🥳分別叫左冬蔭功湯🥘🦑🦐咖哩軟殼蟹🦀同pad Thai 🍝首先冬蔭功湯好足味 顏色賣相出色 濃厚新鮮香噴噴集於一身🤤好鬼正 最後比我ko 一滴不剩😆😝love it!!!咖哩軟殼蟹咖哩味做得好到位 微辣 軟殼蟹so脆 又多 最緊要有足夠份量既軟殼蟹啊!!! 2個人share都夠😋👍🏻Pad Thai 其實好食 👏🏼亦發揮正常水準 但相對冇特別出色 一點酸味突出點 可能另外2碟太正 食到忘我 令pad Thai 被比下去一點😅😅最後連咖哩都比我清碟 出色既泰菜館 一定過港島會再去食😙😙🥳🥳

聽講東大街呢間泰國嘢幾好食又抵食，所以星期日下午嚟試下，大概十二點半嚟到唔使等就有位，坐低咗一陣就開始有人喺門口等位，好彩早一步。午市套餐有十六款選擇，有飯有粉麵揀，由$52起。套餐包埋飲品，特飲例如青檸梳打就要加$10點咗濕炒牛肉片河同香葉辣椒豬扒飯。等咗幾分鐘濕炒肉片河就上枱，芡汁有好多款蔬菜，份量仲幾多，而且唔會太油膩。牛肉片幾滑唔韌，河粉比起港式嘅更闊更厚，食落有少少煙韌，最重要係有鑊氣香葉辣椒豬扒飯嘅豬扒係吉列豬扒，份量都幾多，但有汁浸住所以唔太脆。香葉辣椒汁偏甜有辣椒香味，好啱送飯。但一啲都唔辣，可能為咗遷就香港人口味，如果可以揀辣度會更好。午市套餐好抵食，質素唔錯而且份量夠大，一定食得飽。下次會再幫襯，試下其他菜式。

😋好食呀我應該幫襯左幾次，味道水準係唔錯，如果裝修多啲風味更正😅同埋店員態度可以進步啲，安排彈性啲就更好而家都3x度炎炎夏日，我有8個人到左3個，店員話人齊先可以入座， 但係上層8成空位，坐低叫住先唔得咩？ 🌞海南雞飯嘅份量都唔少，油飯都入味同香，仲有幾粒濃味嘅豬紅點綴，有啲驚喜👍iced 泰式奶茶好正😂 夠冰夠甜

💛黃店🔱今次要介紹嘅食物就係位於筲箕灣！📜” 珍意泰國菜館 (筲箕灣)📌 地址:筲箕灣筲箕灣東大街39號地舖🕐營業時間:11:00-01:00📍分店地區: 筲箕灣📝評價💬📢 東大街多嘢食個個都知💛有得食泰國嘢又黃店👍🏻真係要讚店員都好搞笑又好好態度😋😋🙈金邊粉同埋芒果糯米飯真係超正💛💛芒果夠舊都係肉同埋好大舊💛💛🍋🍋金邊粉都炒得好有鑊氣而且好多配料👍🏻👍🏻蝦餅同炒飯都吾錯🌟 午餐去仲可以轉做套餐 有埋飲品🤩🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️歡迎餐廳合作/試食🥰 可DM聯絡📩#美食推介 #筲箕灣美食 #筲箕灣黃店 #黃色經濟圈 #黃店推介 #黃店 #黃店系列#instafood #美食分享 #hkfood #食好西 #吃貨 #hkfoodig #懲罰黃店 #foodiehk #良心小店 #foodieshk #hkfoodies #Yellowfood #852food #相機食先 #香港美食指南 #hkfoodblog #一路食一路post #美食地圖 #foodieksk黃店 #yellow 筲箕灣 #foodieksk 筲

尋日去開筲萁灣做野，突然落大雨，所以求其在東大街搵左間餐廳就衝入去，只不過誤打誤撞又比我搵到好西食。一入到去由於下層已經坐滿人，所以要行上二樓，條樓梯都有些少斜。上到去一坐低就事不宜遲叫左個豬扒炒飯。豬扒炒飯+凍檸茶 ($55)個飯一上枱就聞到好香，豬扒望落有啲粉紅色，食落都好鮮嫩。至於個炒飯底就用左蛋碎同埋菜粒黎炒，炒到粒粒分明，唔會好「笠」。另外豬扒嘅炸粉唔會太厚，只有面頭薄薄一層，好正。最後杯凍檸茶就是普通茶餐廳果種凍檸茶啦，沒咩特別，所以唔多介紹了。

朋友介紹筲箕灣東大街有間唔錯嘅泰國餐廳，仲話海南雞飯幾好食，於是lunch就去左試試。.平日午市時間都幾多打工仔幫襯，唔想等位的話就記得要早啲過嚟。坐低左之後就叫左一份海南雞飯，落單無耐好快就送到，非常有效率。油飯食落有油香，份量都幾多所以最後食剩大半，下次可以叫少飯減少浪費。雞肉份量都同樣足料，仲要喺啖啖肉的部位，肉質嫩滑，調味好入味，朋友果然無介紹錯。跟餐仲有碗消暑解渴嘅冬瓜湯，味到清甜唔覺有味精，十分解渴。海南雞飯價錢唔貴，份量又多，真喺幾抵食！下次有機會再試埋其他泰式小菜。

今日唔到筲箕灣食飯，因為時間比較晏，今次要買外賣返屋企，心思思想食泰國嘢，就比我搵到呢間珍意泰國菜今次一共叫咗三樣嘢：蒜蓉炒椰菜苗、泰式鮮蝦炒金邊粉同招牌鹹豬肉炒飯蒜蓉炒椰菜苗：炒椰菜苗唔係度度都食到，有時就算食到都會比較苦，但呢度嘅椰菜苗好新鮮，唔會太苦，蒜蓉味都好夠，好食泰式鮮蝦炒金邊粉：高質👍🏻，炒得夠乾身，又入味，鮮蝦同其他配料都好足💪🏻💪🏻招牌鹹豬肉炒飯：呢個炒飯就強烈建議大家食，炒飯夠乾身，又夠鑊氣，香豬肉就係類似平時食嘅燒肉，鹹鹹地，外皮夠香脆爽口，好好食👍🏻👍🏻👍🏻👍🏻👍🏻

呢間泰國餐廳係藍田經營多年，宜家搬左黎筲箕灣東大街，係呢條美食雲集既街繼續大展拳腳，本身朋友係藍田已經成日幫襯，搬左黎筲箕灣當然要繼續捧場啦生蝦刺身生蝦新鮮爽甜，蘸埋泰式辣汁食更有泰國的味道蝦餅蝦餅外層炸到金黃色，咬落彈牙，蘸泰式辣醬更加惹味冬蔭公我鍾意冬蔭公既味道係酸辣得黎帶少少甜，呢度既冬蔭公就好岩我口味，仲會越飲越辣，好刺激🥵香草粉絲肉蟹煲我地專登訂定個粉絲蟹煲，同話要加勁多粉絲，因為粉絲絕對係呢個煲既靈魂，完全索晒爆過香蔥既香味同蟹既鮮味，真係好好味呀泰式鹽燒鰂魚條魚燒得岩岩好，鹽燒味蓋過左鰂魚本身既泥味，又大條又香又嫩，非常出色泰式香芒糯米飯每次必叫的甜品，呢度既芒果真係又大又清甜，軟熟煙韌既糯米飯再加埋椰漿，永遠都係咁好食呢度食物高質，價錢又親民，所以每次都會叫到放題咁，每次都會食到抱住個肚咁走🤭

✨點樣食推介✨@dimyeung.eat⭐️良心泰國菜⭐️⭐️筲箕灣黃店⭐️珍意泰國菜館地址：筲箕灣東大街39號地下🍖泰式生蝦 $92 (9/10) 🌟好好食🌟話說細個食完d日式放題後就對生蝦留下左劣食嘅印象，自此都唔敢再食🤣今次黎到珍意見到生蝦幾抵食就嗌左碟黎試，我開頭唔知死，點左勁多醬仲夾埋面頭嘅辣椒食，食完就當然辣到我飛起喇😂😂但真係好惹味，醬汁甜甜酸酸辣辣蒜味極重，大大隻蝦肉咬落結實食落漿口，食得出好新鮮，新鮮蝦先會有依種膠質🤤好正！推薦大家要試！🍖冬陰公大頭蝦湯(小) $75 (8.5/10)大大碗勁抵飲！！！平時飲冬蔭公成舊水都冇佢咁大碗咁足料，裏面d秀珍菇食極都仲有，調味夠曬重口，夠甜夠酸夠辣夠香檸檬葉味！就算後期食到好飽都格硬飲多碗湯🤣🍖金不換辣椒肉碎炒茄子 $70 (8/10)本身係想食生菜包，但又比menu依樣菜吸引，心諗都係炒肉碎姐，多d茄子咋嘛，咪試下新野lor🤭點知黎到滿滿都係菜😨唯有安慰自己，都好嘅，食多d菜排毒💩好彩食落口都覺得好食，唐芹同d金不換嘅香味都幾夾，茄子本身油炸過好香口，調味略鹹啱曬我依d重口味人士👍🏻🍖泰式香芒糯米飯 $52 (7.5/10)講真芒果

行完港島徑5號， 順道到鰂魚涌搭港鐵嚟筲箕灣東大街食好西 ， 梗係要搵啲良心店啦！皇天不負有心人， 搵到一間泰國廚師主理超過十年嘅泰菜館。 年輕店員和藹可親、風趣幽默,，佢嘅推介梗係要試一試啦！ 首先活蝦刺身，鮮嫩脆口。 再嚟泰式拼盤， 媲美泰國曼谷 sukhumvit 63 Sabaijai, 魚餅尤其出色。 泰式鹵水豬手， 相比泰國地道水準 絕無分別， 疫情期間可作為思念止咳之用！

星期三我從「坑口」乘坐港鐵前往「筲箕灣」，本來想光顧位於「筲箕灣東大街」的新泰國菜餐廳「珍意泰國菜館」，滿心以為「珍意泰國菜館」作為泰國菜餐廳，應該也有推出「泰式咖喱牛腩飯」。可惜我來到「珍意泰國菜館」之後才知道餐廳廚房沒有製作「牛腩」，只有「牛仔粒」或者「牛肉」片可以選擇，所以我最後只能夠享用「秘製海南雞飯」，然後儘快趕回「彩虹」或者「新蒲崗」食「牛腩河」補數。「珍意泰國菜館」的「秘製海南雞飯」，「秘製海南雞飯」始終不是「泰式海南雞飯」，所，「珍意泰國菜館」「珍意泰國菜館」裡面的調味醬汁不是一般泰式酸辣橙紅色「豆瓣醬」，醬汁實際顏色是黑色的。「珍意泰國菜館」裡面的「泰式海南雞飯」，「泰式海南雞飯」配備的黑色醬汁實際味道其實偏向比較甜，是容易令人感覺開胃的甜味，是在泰國菜裡面很少遇過的甜味，反而沒有明顯的辣味。至於「泰式海南雞飯」裡面的雞肉，雞肉總算是成功造到已經去骨，無骨啖啖肉的「雞絲」。不過始終還是覺得「珍意泰國菜館」「泰式海南雞飯」裡面的「雞絲」切得不夠幼細。而且「泰式海南雞飯」「雞絲」的實際口感，始終還未算是我食過各式「海南雞飯」，包括非泰式海南雞飯食品裡面口感最幼嫩的一款，這

不嬲都幾鍾意食泰國嘢，東大門嘅珍意泰國菜館都食過幾次，有陣時仲會買外賣返屋企食添！😋😋佢啲炒飯呀，青咖喱雞肉飯，炒金邊粉都好夠味，又足料，食完真係幾爽㗎，不過青咖喱就可能會有d辣，大家食嘅時候可以小心啲。之前就有試過兩人$268個套餐，有湯有飯有啲小菜，仲有飲品，覺得兩個人真係食唔晒 ，份量超足又好好味，尤其是好鍾意飲佢嗰個雞湯，真係好入味啊！🥰🥰如果大家想食泰國嘢就唔好走寶啦，價錢適宜，味道又好，又多選擇，坐得都算舒服，一試無妨啊！仲要係黃到金添💛💛💛

〰️〰️〰️〰️〰️〰️〰️〰️〰️〰️〰️〰️〰️〰️🍜雜燴粉 $40🍧珍多冰+$10🍜泰式香茅炸豬扒粉 $45 轉河粉轉冬蔭功湯底+$8〰️〰️〰️〰️〰️〰️〰️〰️〰️〰️〰️〰️〰️〰️本身去到筲箕灣想試下食壹碗壹碟，但係原來佢全日都禁堂食，咁只好再睇下有冇其他黃店啦，之後就搵到珍意依間泰菜，咁啱又撞正下午茶時間就試下😌🍜雜燴粉 $40粉係金邊粉嚟，依個雜燴粉望落完全唔似下午茶，勁多料，有魚蛋、扎肉、魚皮、豬紅、蝦卷、豆卜，我自己唔係咁鍾意食魚皮，其他都好好食，但個湯我覺得唔係好夠味，落左枱面上嘅調味料就好好多🍧珍多冰+$10椰奶就正常水準啦，但我有少少嚇親、除左啫喱，佢有加椰子肉喺裡面，依個叫左少甜味道啱啱好，我個人好鍾意🍜泰式香茅炸豬扒粉 $45 轉河粉轉冬蔭功湯底+$8個冬蔭功湯底可以係話完全唔辣，有少少酸甜咁，炸豬扒係甜嘅麻麻地，河粉都係一般🤔我見佢啲海南雞飯同炒金邊粉都好多人食，但好似碟碟野都有加豬紅咁，佢啲豬紅的確係好好食嘅☺️☺️☺️，下次再嚟嘅話想試依兩樣#sorriso_港島 #sorriso_筲箕灣〰️〰️〰️〰️〰️〰️〰️〰️〰️〰️〰️〰️〰️〰️

同事介紹話抵食咪試吓囉。二人同行緊係叫個二人set費事諗啦。椰汁雞湯。比較咸。有酸酸的冬蔭公味。雞肉唔太嫩。麻麻哋。馬介休炒菜。辣辣哋。幾惹味。份量超多。食極都有。可以。炒金邊粉。必叫啦。係正正常常味道金邊粉。算大碟。炒得都乾身。炸蝦餅。都是不能錯過的。這碟估唔到佢咁多。通常都係一舊起兩舊止懶珍貴。依度比夠六舊你仲要大大舊。炸到金黃外脆入面彈牙。點埋個酸甜醬。正。泰國嘢嚟講算抵食。跟餐仲有兩杯特飲。仲要唔使加一。可以一試。