珍意泰國菜館 (已結業)

1️⃣⭐️雜會泰式湯粉⭐️ $42 (8/10)要咗冬蔭公湯底 (+$8)，簡直令成個麵昇華😍 冬蔭公味好出，辣得黎有微微嘅酸味😋 雜會魚蛋、扎肉、魚皮、豬紅、蝦卷同豆卜🥳 每款都有幾舊，超足料😱 哩個價錢哩個質素哩個份量，真係好抵👍🏻 一定要encore哩個💕

今日同老公一齊過黎東大街食泰國菜係OR見到呢間食評唔錯 就過黎試下唔試唔知 一試嚇一跳🤨一份泰式豬頸肉$65一份青咖哩雞炒飯$50一份泰式牛丸河粉$42價錢黎講算平平哋但係食物質素真系跟唔上🙅‍♂️豬頸肉好大份 但係食過咁多間泰國菜呢間肉質都算鞋 而且個汁唔惹味青咖哩雞炒飯真系刷新我對青咖哩嘅認知又辣又鹹又濕 完全食唔到咖哩味 辣到一邊流鼻水一邊勉強食曬入面嘅雞肉 個飯完全難入口泰式牛丸河都係好一般 個湯係完全無味唯一好味嘅嘢竟然係➕三蚊嘅泰式奶茶😑感覺呢間舖勝在服務態度ok 食物有待提高

由於限聚令再加堂食6時後禁止嘅關係。。。真係改變咗唔少人嘅生活😪😪 本來唔食外賣嘅我，都變到唔想煮晚餐，叫Foodpanda/Deliveroo今次就揀咗東大街嘅泰菜💛 之前就已經聽過個大名，但係食都係第一次！以上係3個人嘅份量，仲有啲剩嘅，所以甜品芒果糯米飯就夜啲再食！送到嘅時候仲係熱，而家好味😍 希望快啲開返堂食可以係店度享受！

Weekend都有Lunch set, 但係要等一陣位,+💰10 可以轉珍多冰 / 洛神花茶🥰✨泰式鮮蝦炒金邊粉 💰58💫評分: 7.5/10📝酸酸地幾開胃, 個青檸細到唔識點squeeze🤣, 大份抵食🤩✨秘製海南雞飯💰50💫評分: 7.3/10📝 半隻海南雞夠送哂碗飯, 雞肉嫩滑, 醬料如果好似平時有3個醬會更加好, 碟飯配搭埋豬紅有少少九五搭八🤣所以唔會唔記得呢個飯🤣ℂ𝕙𝕦𝕟 𝕐𝕖𝕖 𝕋𝕙𝕒𝕚 ℝ𝕖𝕤𝕥𝕒𝕦𝕣𝕒𝕟𝕥 珍意泰國菜館📍筲箕灣筲箕灣東大街39號地下(筲箕灣🚇B2 出口行2分鐘就到)💫評分: 7.4/10💬落單到有得食唔使5分鐘, 平靚正!#hoisumeat筲箕灣 #hoisumeat黃店 #hoisumeat筲箕灣黃店#珍意泰國菜館 #泰國菜 #泰菜黃店 #珍意 #筲箕灣美食 #蘇豪美食 #香港美食 #筲箕灣黃店 #筲箕灣美食 #黃色經濟圈 #黃店 #黃店地圖 #香港人加油 #懲罰黃店 #香港美食 #followforfollow #foodieblog #instadaily #foodporn #hkfoodblog #discoverhk #tagsforlik

雙拼粉麵價錢極不合理 +8蚊得兩粒丸問咗餐廳，覆咗話係冇俾漏出去單買一串一定多過兩粒lol叫車仔麵加餸都唔駛8蚊同埋會多過兩粒如果一早知得兩粒邊會有人加丸之前叫雞絲+滷水鴨麵雙拼個份量都平均同正常唔係想話間餐廳呃秤，但比多幾粒又唔會令成本大升，而家嘅做法就令客人覺得自己做咗傻仔希望間餐廳會諗下啦，大家記得千祈唔好雙拼加丸

工作關係最近經常響SKW出沒,自己一個唔知食o羊好,朋友話呢間都幾適合lunch快食平時食泰國野我真係好少叫呢款豬手飯,多數係湯粉類,不過呢個豬手飯真係食過一次之後你會不斷想再食!滷水醬汁好夠味又入曬豬手度,撈飯真係一流!豬手份量都幾多而且唔會全部得肥膏,整體食落去都幾有口感,配多杯檸茶就完美了

呢間舖頭裝修簡單，有茶餐廳感覺，門口貼有好多泰國旅遊資料。殊不知入到去原來舖位又深又大，有大枱細枱適合唔同組合嘅客人。今日點咗個午市套餐：秘製海南雞飯 $50份量充夠，差不多有半隻海南雞，足夠送哂碗飯有餘。雞肉肉嫩鮮甜有雞味，經過冷熱交替，雞皮變得好爽口，而且皮肉分明。海南雞的醬料係帶有薑蓉的甜豉油，可以點雞或淘飯，甜甜地又帶點薑的微辣，十分惹味。冬瓜湯清甜可口。最特別係碟飯配搭了豬紅，豬紅爽口爆汁，非常好味！

如果要去筲箕灣搵食，一定係去東大街，想食咩國菜都有！今日就揀咗食泰國嘢，同事之前食過海南雞飯話好好食。坐低睇佢lunch Menu，有幾多嘢食喎，不過既然同事推介就梗係跟佢啦落單落單到嘢食送到上枱唔使5分鐘，勁有效率。但最有驚喜係海南雞飯佢配菜竟然有豬紅，仲要超級好食添！係好打冷食到嘅豬紅嘅味道。至於海南雞飯份量就好多，已經叫咗少飯仍然係食唔晒，而且我同同事嘅海南雞都有雞翼，好正。跟餐佢就送咗個冬瓜湯，都幾好飲。

呢一年食得最多嘅黃店之一💛你問有冇嘢唔好食？我哋試咗咁多次又真係好似冇🤪.<孖寶：金不換辣炒大蜆+半隻海南雞 $188>推薦❗️大蜆份量幾多 厚肉冇沙，個汁唔太辣但勁香😍 海南雞係呢度招牌菜，雞好～滑～～嗰幾粒豬紅雖然係配菜，但係好似黑暗中嘅螢火蟲咁出眾🤪，唔係出面好散嗰種豬紅～<椰香青咖哩雞 $70>青咖喱都幾香，但係唔係呢間嘅必點菜式。<蒜蓉法包 4件 $28>包上面充滿蒜蓉粒，即叫即焗脆卜卜，用嚟蘸汁一流！<泰式炸蝦餅 $60>推薦❗️嘴刁仔最愛嘅蝦餅，$60有6件抵到爛！呢度嘅蝦餅係通粉咁嘅形狀🤪 每次都即炸，熱辣辣又彈牙🤤<炭燒豬頸肉 $65>推薦❗️又大碟又好味，豬頸肉fans要叫😋蘸埋醬💯<泰式鐵板蠔仔蛋 $88>蠔仔蛋比想像中多蠔，仲有大量芽菜喺底，不過兩個人真係食唔晒，人多都可以試吓～<泰式生蝦 $92>推薦❗️食泰菜頭盤叫生蝦是常識吧～份量都幾多，連埋蒜片一齊蘸汁食，正！（我哋會整走辣椒🌶️🤪）<芒果糯米飯 $52>推薦❗️每次必點，記得留肚食呢個！芒

👦🏻🧒🏻人均消費:150環境舒適度:👣👣👣👣👣食物賣相:😍😍😍😍食物味道:👅👅👅👅食物價格: 💰💰💰💰💰店員服務:👩🏻‍🍳👩🏻‍🍳👩🏻‍🍳👩🏻‍🍳👩🏻‍🍳性價比:🤙🏻🤙🏻🤙🏻🤙🏻🤙🏻再次光顧:👀👀👀👀👀途經筲箕灣，突然想食泰菜。係OpenRice search 到人氣泰菜。去到店鋪，等左大概40mins有位🤣中間都見到好多人叫外賣走，到我地既時侯，🤙🏻店員推介吃二人餐，有湯有飯有菜有野飲，另外我地點左個無骨鳳爪👩🏻‍🍳整體泥講 味道都幾好，不體帶啲港式泰菜，性價比都可以，但如果再食一定要訂位同搵多兩個朋友食。因為啲野食份量好大，最扺讚係店員服務態度非常好👍

黎左幾次東大街都食佢，今晚黎試試。開胃菜之選：比起平時出面食份量多好好，食極都仲有。平時只會夾哂啲鳳爪淨番之配菜。連埋紅蘿白同洋蔥一齊食有另一重風味。呢個辣度十足，只有少許甜味同酸味。鳳爪勝在夠凍，好耐之前喺第二間試過暖嘅（陰影面積極大）蒜蓉包鬆脆，係即叫即造。咖哩軟殼蟹。望落一啲蟹嘅踪影都見唔到，失望左一陣，食下食下，發現有至少兩隻軟殼蟹，好似食左好多咁。重點你隻軟殼蟹好厚肉，所以更加滿足。咖哩唔係辣個種，係帶甜嘅，所以唔食得辣嘅絕對要試一試。正正因為佢嘅甜，令蒜蓉包同佢非常夾，直情當醬咁搽上去食，好好味。食咁多間泰國菜從未叫過鹹肉炒菜類，今次就試炒椰菜苗。椰菜苗係新鮮嘅，如果再嫩啲就更好。至於鹹肉可能食唔慣，唔知正宗嘅鹹肉係咪都比較硬同柴，不過放入口仍帶油香，最後只可以遺棄。值得一提嘅係店員好有活力同笑容（戴住口罩都感受到）。每次上菜都會令人覺得好開心。好似上菜個時，先上蒜蓉包再上咖喱軟殼蟹個陣會話咖喱到左啦，呢個配蒜蓉包好味架（當時舖好多人，出面仲有客等緊位）！落單個陣亦無hard sell。仲要無加一。

食過晚飯知道唔錯，今次經過試下食晏先。原來set lunch都幾多選擇，而且幾抵，試左：雜會 - 即係雜錦麵啦有魚蛋，豬紅，魚皮，豆卜，蝦餅等等，配料幾充足，好似車仔麵，而且份量十足，男仔食都夠飽！麻辣金邊粉配炸豬扒未試過佢個麻辣，都幾香幾辣。配料包埋幾舊豬紅，驚喜既係個豬扒，係香茅豬扒再酥炸，幾正幾特別！另外就係個泰式奶茶啦，大大杯又好飲，雖然唔係好識，但感覺幾正宗跟餐好似唔駛加錢，淨飲都係$20，正

位於東大街天后廟附近，店舖大，有兩層。午餐去差不多滿座，晚餐佢要排隊等一陣。價錢相宜，味道不過不失，小編多次回頭。今次食物介紹係由幾次惠顧後，夾埋一齊寫。.🔸雜會湯金邊粉($42)(午餐)⭐️分數: (7/10)份量夠飽，好多餸，好足料，豬紅冇腥臭味。有魚蛋，扎肉，魚皮，豬紅，蝦卷，豆卜。金邊粉煮得啱啱好，湯底鹹得黎有微微既甜味。.🔸泰式肉碎生菜包($68)⭐️分數: (7.2/10)可以選擇辣唔辣，味道濃味，個人覺得偏鹹，提供好多塊生菜夾肉碎，生菜新鮮，咬落爽脆。.🔸馬拉盞炒通菜($62)分數: (6.5/10)雖然餐牌寫辣，但食落唔太feel到有辣味。如果菜再炒得冧啲入味啲，會更好食。.🔸椰香青咖喱雞($70)分數: (6/10)青咖喱味道較淡，較稀，唔夠惹味，雞肉唔入味，食落有陣雪味，麻麻地。.🔸泰式Suki炒粉絲($70)分數: (6.2/10)用海鮮，肉片，旺菜，去炒粉絲，味道正正常常鹹鹹地，冇咩特別。.🔸珍多冰 ($25)分數: (6.6/10)椰香，入面有啲清爽似啫喱既料，甜度正常。

東大街真係好多嘢食呀​，今次又係嚟到東大街，即刻睇吓有咩食啦！🤤.🦐泰式生蝦（$92）​生蝦幾滑，爽口彈牙又大隻，幾有蝦嘅鮮味，唔會有黐立立嘅感覺，酸辣汁調配得唔錯，連埋粒蒜頭再舔酸辣汁啱啱好。​好食程度：🌕🌕🌕🌕🌕​.🍛青咖喱雞肉炒飯（午市套餐$50，包野飲，凍飲加$3）​幾香口，好似冬陰功咁嘅味，唔會太辣，越食會越香，但太多香草，唔小心食到香草嘅話陣味有啲難頂，同埋個飯炒得有啲濕。​好食程度：🌕🌕🌕🌑🌑​.🍍菠蘿雞粒炒飯 （午市套餐$50，包野飲，凍飲加$3）​有炒底，但都係炒得唔夠乾，好普通嘅菠蘿炒飯，冇咩特別，唔夠入味，仲冇加肉鬆！​不過$50大大兜，算係咁啦~好食程度：🌕🌕🌗🌑🌑.​午市套餐感覺冇咩特別，建議夜晚先去食，想試吓佢哋條燒魚🐟​，不過夜晚好多人等位㗎！.​📍珍意泰國菜館​筲箕灣東大街39號地下​

港島東大街搵食🤩🤩💁🏻‍♀️冬陰功鳳尾蝦湯酸酸辣辣味道十分正宗，幾開胃，肉眼都見到湯料好豐富，當然唔少得泰式香料同一啲蔬菜，鳳尾蝦嘅數量都唔少👍🏼👍🏼💁🏻‍♀️泰式炸蝦餅香脆可口，蝦餅好有彈性有咬口，蘸泰式辣醬一流💁🏻‍♀️馬拉盞炒通菜味道比較重口濃郁，建議配白飯一齊食💁🏻‍♀️泰式鮮蝦炒金邊粉食泰國菜點少得必叫嘅金邊粉，個人就覺得過粉濕咗啲比較淋，冇咩咬口😅😅💁🏻‍♀️半打串燒沙嗲（雞肉/豬肉）串燒燒得幾出色，好香炭燒味，易咬唔鞋，但係個串燒醬正先係個主角🤣🤣同以往食過嘅好唔同，比較杰身，仲食到有一粒粒花生，值得一試💁🏻‍♀️炭燒豬頸肉煙韌彈牙，肉質鮮嫩，份量唔少💁🏻‍♀️蟹肉炒飯乾身有鑊氣，但蟹肉份量比較少，味道一般，似普通炒飯💁🏻‍♀️蒜蓉炒菜油膩感偏重，呢個可以pass💁🏻‍♀️半隻招牌海南雞寫住去骨，懶人必叫🤣🤣雞肉肉質幾幼滑，海南雞嘅愛好者可以黎試吓